Morgunblaðið - 29.07.1993, Side 16
16
MORGUNBLAÐIÐ FIMMTUDAGUR 29. JÚLÍ 1993
Starfsmenn Stíg’amóta verða á þremur útihátíðum um verslunarmannahelgina
Mikil þörf fyrir
ráðgjöf á hátíðum
STlGAMÓT, samtök kvenna gegn kynferðislegu ofbeldi, ætla að
senda ráðgjafa um verslunarmannahelgina á þjóðhátíð í Vest-
mannaeyjum, á útihátíð á Eiðum og í Þórsmörk. Að sögn aðstand-
enda Stígamóta er nauðsynlegt að vera til staðar fyrir fólk, sem
lendi í kynferðislegu ofbeldi á þessum hátíðum, en í fyrra hafi
alls um 20 manns leitað til starfsmanna Stígamóta á þremur útihá-
tíðum um verslunarmannahelgina. Þetta er þriðja árið sem Stíga-
mót senda ráðgjafa á slíkar hátíðir um verslunarmannahelgina.
Þrír ráðgjafar verða á þjóðhátíð fyrir kynferðislegu ofbeldi á þess-
í Eyjum og tveir bæði á Eiðum og
í Þórsmörk. Dómsmálaráðuneytið
hefur veitt Stígamótum 500 þús-
und króna styrk til þessa. Þá ætla
starfsmenn Stígamóta að selja
húfur með slagorðinu Nei þýðir
nei Nauðgun er glæpur og rennur
ágóðinn til að standa undir kostn-
aði vegna útihátíðanna.
Starfsmenn Stígamóta segja að
aðeins lítill hluti þeirra, sem verði
um útihátíðum, leiti til þeirra en
það sé mjög nauðsynlegt að hafa
fólk á staðnum ef fólk vilji leita
sér hjálpar. Þá segja þær að sam-
starf við lögreglu á þessum hátíð-
um hafi verið gott og einnig beini
þeir fólki til Stígamóta ef nauðsyn
þyki.
Heiðveig Ragnarsdóttir, starfs-
maður Stígamóta, segir að fyrsta
hjálpin eftir kynferðisiegt ofbeldi
Morgunblaðið/Sverrir
Ráðgjafar á útihátíðir
STARFSMENN Stígamóta, þær Theódóra Þórarinsdóttir, Hólm-
fríður Guðmundsdóttir, Bergrún Sigurðardóttir og Heiðveig Ragn-
arsdóttir, sem heldur á húfunni, en slíkar húfur verða seldar á
þeim útihátíðum þar sem starfsmenn Stígamóta verða um verslun-
armannahelgina.
sé mikilvægust því best sé að tala
um málið sem fyrst. „Það er mik-
il þörf fyrir okkur á svona útihátíð-
um. Með veru okkar á útihátíðum
er fólk farið að gera sér grein
fyrir því hvað í rauninni er að
gerast þar og svona hlutir koma
okkur öllum við,“ segir Heiðveig.
Oft leitað aftur til Stígamóta
Hún segir að í flestum tilfellum,
þar sem um nauðgun sé að ræða
á útihátíðum, sé um unglings-
stúlkur að ræða en einnig komi
það fyrir að unglingsdrengir verði
fyrir kynferðislegu ofbeldi, þó þeir
leiti síður hjálpar. Unglingar leiti
oft og tíðum aftur til Stígamóta
eftir hátíðimar til að leita sér frek-
ari hjálpar. „Unglingar, sem verða
fyrir svona hræðilegri reynslu,
vilja gleyma því sem gerðist og
vilja oft ekki tala um það fyrr en
þó nokkru seinna. Unglingum
finnst það oft vera þeim sjálfum
að kenna ef eitthvað slíkt kemur
fyrir, sérstaklega ef þeir hafa dáið
áfengisdauða eða eitthvað slíkt,“
segir hún.
Lögreglan, Umferðarráð og Bifreiðaskoðun íslands hvetí’a ferðafólk til að sýna öryggi í akstri
Hagnýtar upplýsingar fyrir
ökumenn í Ferðafélaganum
ÍÞRÓTTASAMBAND lögreglumanna hefur í samstarfi við Umferð-
arráð gefið út upplýsingabæklinginn Ferðafélagann tíunda árið í
röð en að sögn útgefenda er að finna í honum ýmsar hagnýtar
upplýsingar fyrir ökumenn, sem eru á ferð um landið. Lögreglu-
þjónar munu dreifa ritinu í bifreiðar, sem stöðvaðar verða við
helstu þjóðvegi landsins í dag og á morgun föstudag. Lögreglan
mun verðlauna þá, sem sýna gott fordæmi í umferðinni. Bifreiða-
skoðun íslands mun einnig taka þátt í þessu átaki með því að
dreifa sérhönnuðum Opal-pökkum með ábendingum tengdum
umferðinni. Umferðarráð mun starfrækja upplýsingamiðstöð alla
næstu helgi.
Morgunblaðið/Sverrir
Ferðafélaginn kynntur
KARL Ragnars, framkvæmdasljóri Bifreiðaskoðunar íslands,
Ragnheiður Daviðsdóttir frá íþróttasambandi lögreglumanna og
Sigurður Helgason, Umferðarráði, kynntu í gær Ferðafélagann.
Ragnheiður Davíðsdóttir hjá
íþróttasambandi lögreglumanna
segir að lögreglan muni gera sitt
til að bæta umferðaröryggið þessa
mestu umferðarhelgi ársins. „Við
í lögreglunni ætlum að venju að
fylgjast vel með umferðinni á land-
inu en markmiðið með dreifingu
Ferðafélagans er að sinna mikil-
vægu forvamastarfi og sýna
landsmönnum betri hlið lögregl-
unnar,“ sagði Ragnheiður.
„Við munum ennfremur verð-
launa ökumenn, sem sýna gott
fordæmi í umferðinni og aka bif-
reiðum þar sem öll öryggistæki
eru í notkun og í fullkomnu lagi
og þeir hinir sömu geta átt von á
óvæntum glaðningi.“ Að sögn
Ragnheiðar verður upplagi tíma-
ritsins, um 7.500 eintökum, dreift
á nær allar lögreglustöðvar á land-
inu.
Hagnýtar upplýsingar
Útgefendur segja að efni tíma-
ritsins sé _ á margan hátt mjög
gagnlegt. í því megi finna upplýs-
ingar um allt, sem við kemur skoð-
un og skráningu bíla. Einnig eru
kynntar nýjungar í starfi lögregl-
unnar og leiðbeiningar má finna
um skyndihjálp og akstur yfir ár
og vötn. Sýnt er fram á áhrifa-
mátt bílbelta og loks má finna
leiðbeiningar Náttúruverndarráðs
hvernig ganga skuli um viðkvæma
íslenska náttúru. Tímaritið er
hannað fyrir alla fjölskylduna og
í því má finna skemmtiefni bæði
fyrir börn og unglinga.
Varast ber framúrakstur
Umferðarráð mun um verslun-
armannahelgina starfrækja upp-
lýsingamiðstöð, sem mun starfa i
nánu samstarfí við lögreglu um
allt land. Starfsmenn ráðsins munu
aukinheldur koma inn í dagskrá
útvarpsstöðvanna og segja frá
umferð í einstökum landshlutum
og benda á ýmislegt, sem betur
megi fara í akstri. Sigurður Helga-
son hjá Umferðarráði segir að
markmiðið sé fyrst og fremst að
leiðbeina ökumönnum. „Við vörum
sérstaklega við framúrakstri, sem
valdið getur mjög alvarlegum slys-
um. Við verðum vinna að því að
bæta umferðina og það gerum við
aðeins með samstilltu átaki,“ sagði
hann.
Sorgarslagur Sinfóníu-
hljómsveitar æskunnar
eftir Erlend
Sveinsson
í kjölfar fréttar Morgunblaðsins
í gær, þar sem segir frá samskiptum
stjórnar Sinfóníuhljómsveitar æsk-
unnar og Pauls Zukofskys, sem
verið hefur stjórnandi hljómsveitar-
innar frá upphafi, óska ég eftir að
Morgunblaðið komi eftirfarandi at-
hugasemd á framfæri. I frétt blaðs-
ins er ég einn nafngreindur af með-
limum stjórnar Sinfóníuhljómsveit-
ar æskunnar. Af fréttinni má því
ráða að ég hafi átt hlutdeild að
því, ásamt öðrum stjórnarmönnum,
að segja Paul Zukofsky upp störf-
um. Þessu er ekki þannig farið.
Ég sagði mig úr stjórn Sinfóníu-
hljómsveitar æskunnar, þegar ekki
tókust samningar um ráðningu
hans til næstu 5 ára á stjórnar-
fundi hinn 16. júní sl. Ég hafði
áður tilkynnt bæði Paul Zukofsky
og stjórn Sinfóníuhljómsveitar æsk-
unnar að ég hygðist standa og falla
með þeirri samningagerð, sem mér
hafði tekist að koma í kring á sama
tíma og samskipti stjórnarinnar og
Paul Zukofskys voru orðin svo stirð
að aðilar gátu ekki talast lengur
við. Of langt mál yrði að rekja að
svo stöddu ástæður þessa sorglega
ástands. En að gefnu tilefni er rétt
að fram komi nú, að mér og Paul
tókst á endanum að koma saman
texta bæði að samningi og bréfi,
sem var til þess fallið að leysa þann
hnút, sem samskipti stjórnar og
Pauls voru komin í. Vegna þess sem
á undan var gengið og þeirrar miklu
vinnu, sem lögð var í gerð þessa
samningstexta, var um það að ræða
að samþykkja skjölin, eins og þau
lágu fyrir án breytinga. Áður en
að ákvörðunartöku kom kynnti ég
hveijum stjórnarmanni fyrir sig
samningsniðurstöðuna og studdi
samningsgerðina skriflegum rök-
um. Ég gerði einnig nokkrum
mönnum, sem Paul treystir og
'stjórnin virðir, grein fyrir þessari
þróun mála. Jákvæð viðhorf þeirra
hefðu átt að gera stjórninni auð-
veldara fyrir að samþykkja samn-
inginn. En þegar á hólminn kom
varð niðurstaðan önnur. En því fór
fjarri að stjórnarmenn væru sam-
mála á hinum örlagaríka fundi. Það
athyglisverða er, að það voru full-
trúar tónlistarskólanna í landinu,
sem sögðust ekki geta skrifað und-
ir þau skjöl, sem fyrir lágu, Halldór
Haraldsson, skólastjóri Tónlistar-
skólans í Reykjavík, og Gunnar
Gunnarsson, skólastjóri, Tónlistar-
skóla Hafnarfjarðar. Töldu sig ekki
geta varið það fyrir þeim hópi, sem
þeir væru fulltrúar fýrir. Fulltrúi
Sinfóníuhljómsveitar Islands, Run-
ólfur Birgir Leifsson, hefði setið hjá
en ég sem fulltrúi foreldra og
Hrafnkell Orri Egilsson, fulltrúi
nemenda í Sinfóníuhljómsveit æsk-
unnar, vildum að skrifað yrði und-
ir. Þegar það náði ekki fram að
ganga sagði ég mig umsvifalaust
úr stjórninni á umræddum fundi.
Tveir úr hópi fimm réðu úrslitum í
málinu. Ástæðan fyrir því að ég
gerði ekki grein fyrir úrsögn minni
opinberlega í kjölfar niðurstöðu
fundarins var sú veika von mín að
samningsaðilar myndu sjá að sér
næstu daga og því, sem á milli
bæri, yrði ýtt til hliðar, annaðhvort
fyrir frumkvæði Pauls sjálfs eða
eftirsitjandi stjórnarmeðlima. En til
þess kom ekki. Síðan munu það
hafa verið Halldór, Gunnar og Run-
ólfur sem tóku endanlega ákvörðun
á „stjórnarfundi" hinn 2. júlí sl.,
eins og segir í frétt Morgunblaðs-
ins, að senda Paul Zukofsky orð-
sendingu þess efnis að ekki gæti
orðið af frekara samstarfi milli hans
og Sinfóníuhljómsveitar æskunnar.
Fulltrúi nemenda Sinfóníuhljóm-
sveitar æskunnar, Hrafnkell Orri
var ekki á þeim fundi. Nemendur
hljómsveitarinnar hafa engin áhrif
Erlendur Svelnsson
„Nemendur hljómsveit-
arinnar hafa engin
áhrif haft á þessa
ákvörðun.“
haft á þessa ákvörðun' og munu
flestir ef ekki allir hafa haft fyrstu
spurnir af henni við lestur fréttar
Morgunblaðsins í gær.
Dóttir mín, sem tekið hefur þátt
í flestum námskeiðum Sinfóníu-
hljómsveitar æskunnar frá upphafi
og er nú á sumarnámskeiði í Áust-
urríki, hringdi í mig á dögunum og
sagði mér frá því að virtur kennari
hennar á námskeiðinu suður þar
kannaðist mæta vel við Bandaríkja-
manninn Paul Zukofsky. Lýsti hann
því í hrifningu fyrir henni, hversu
Islendingar væru lánsöm þjóð að
fá notið starfskrafta hans. Ólán
okkar lá þá ekki fyrir. Við þurfum
ekki útlendinga til að segja okkur
þetta og sú spurning vaknar hvort
við þurfum að láta þetta yfir okkur
ganga? Ég læt það ógert nú að
kveða upp dóma, en ég tel að í
þessu sorglega máli hafa ekki að-
eins nokkrir einstaklingar orðið fyr-
ir þeirri ógæfu að fara óvarlega
með vald sitt og misstíga sig í
mannlegum samskiptum, heldur
hefur mikil ógæfa hent tónlistarlegt
uppeldi íslensks æskufólks, íslenskt
tónlistarlíf og menningu. Við höfum
hrint frá okkur einum af helstu
velgjörðarmönnum þjóðarinnar.
Ævintýrið, sem hann skapaði og
líkt hefur verið við kraftaverk, hef-
ur veirð eyðilagt. Hvað við fáum í
staðinn vitum við ekki hvað verður
en það sem við höfðum þekkjum
við og það mun lifa — í minning-
unni. Með hag nemenda Sinfóníu-
hljómsveitar æskunnar í huga vona
ég að nú sannist ekki hið forn-
kveðna að enginn veit hvað átt
hefur fyrr en misst hefur. En vegna
þeirrar sérstöðu, sem Paul Zukof-
sky hafði sem kennari, skapmikill
leiðtogi nemenda og samkennara,
frumlegur listamaður og síðast en
ekki síst íslandsvinur óttast ég að
svo muni fara og að framtíð Sinfón-
íuhljómsveitar æskunnar sé hér með
teflt í tvísýnu.
Höfundur er kvikmynda-
gerðarmaður og fyrrverandi
stjórnarmaður í Sinfóníu-
hijómsveit æskunnar.