Morgunblaðið - 19.08.1993, Side 11

MORGUNBLAÐIÐ FIMMTUDAGUR 19. ÁGÚST 1993
11
Samsýning
í Nýlistasafni
Myndlist
Eiríkur Þorláksson
Nýlistasafnið við Vatnsstíg
heitir upp á ensku „The Living
Art Museum“ — safn hinnar lif-
andi listar. Það felst ákveðin
djörfung í slíku nafni, og getur
verið erfitt að standa undir því
í hinu árlega sýningarstarfi; en
það verður sífellt að reyna, og
síðan geta menn deilt um árang-
urinn. Einn þáttur í starfi safns-
ins hlýtur því að vera að bregða
ljósi á það sem ungt listafólk er
að fást við, og sú sýning, sem
nú stendur yfir í Nýlistasafninu,
er einmitt til þess ætluð.
Hér er á ferðinni samsýning
ellefu ungra listamanna, sem
eiga það sammerkt að hafa út-
skrifast úr Myndlista- og hand-
íðaskóla íslands 1990-92 (flest
árið 1991). Einnig er athyglis-
vert að flest þeirra stunduðu nám
við fjöltæknideild skólans, þann-
ig að þau byggja að umtalsverðu
leyti á sameiginlegum bak-
grunni, þótt frekara nám og per-
sónuleg einkenni hafi auðvitað
mótað þau til þeirrar ólíku listar,
sem ber fyrir augu.
Þeir listamenn sem fylla sali
Nýlistasafnsins (auk þess að eiga
verk utandyra) eru Finnur Arn-
ar, G.R. Lúðvíksson, Jóhann
Valdimarsson, Jón Garðar Henr-
ýsson, Katrín Askja Guðmunds-
dóttir, Lilja Björk Egilsdóttir,
Lind Völundardóttir, Magnús
Sigurðsson, Sigurður Vilhjálms-
son, Þórarinn Blöndal og Ragn-
heiður Ragnarsdóttir.
Auk þessa fylltu verk eftir
þýska listamanninn Ralf Samens
setustofu safnsins fyrri sýn-
ingarvikuna. Þessi listamaður
býr í Sviss og var staddur hér á
vegum Bern-borgar í yfirreið til
sex borga í Evrópu til að kynna
sér myndlist á ólíkum menn-
ingarsvæðum. Sýning hans, sem
var í boði Nýlistasafnsins, hefur
nú verið tekin niður, og er lítill
söknuður að því, enda borin uppi
af ómarkvissum og lítt spenn-
andi tækifærisverkum, sem voru
varla samboðin staðnum.
í verkum hinna éllefu ungu
listamanna kennir hins vegar
ýmissa grasa, og er fróðlegt að
sjá hve margt unga fólkið er að
takast á við. Mikið af því sem
ber fyrir augu byggist á hug-
myndalist af einu eða öðru tagi,
og naumhyggjan á hér sína full-
trúa, eins og vænta má. Einnig
er hér athyglisvert og vel skipu-
lagt umhverfisverk, og loks skip-
ar málaralistin hér meiri sess en
hún hefði gert meðal ungs lista-
fólks fyrir nokkrum árum.
Það er óhægt um vik að fjalla
ítarlega um framlag hvers og
eins á sýningu sem þessari, en
þó er vert að nefna nokkur at-
riði. Af listmálurunum sýnir Sig-
urður Vilhjálmsson að það er sí-
fellt hægt að finna persónuleg
tök á landslagsmálverkinu, en
það gerir hann með annarlegum
litum og allt að þvi geómetrísku
myndefni; Jón Garðar Henrýsson
heldur upp á kímnina í listinni,
og Jóhann Valdimarsson vísar í
málverkum sínum á persónuleg-
an hátt til hins súrrealíska arfs
manna eins og Chirico.
Umhverfisverk G.R. Lúðvíks-
sonar er skemmtilega uppbyggt,
og ljóst að listamaðurinn hefur
lagt mikla vinnu og hugsun í það
samhengi og framhald sem hann
vildi byggja upp í verkinu; einnig
er til fyrirmyndar á hvern hátt
hann leggur áhorfandanum lið í
að nálgast verkið.
Hugmyndalistin og naum-
hyggjan kemur einna best fram
í verkum þeirra Ragnheiðar
Ragnarsdóttur og Lindar Völ-
undardóttur, sem gerir heilan
vegg að forvitnilegu lesverki fýr-
ir þá sem gefa sér góðan tíma.
Vaxmyndir Magnúsar Sigurðs-
sonar eru skemmtilegur viðauki
höggmyndalistarinnar, einkum
vegna þeirra tilvísana í varanleik
tímans, sem óneitanlega fylgir
þessu efni.
Þó ekki sé ástæða til að benda
sérstaklega á fleiri atriði sýning-
arinnar, er rétt að taka fram að
hér er á ferðinni áhugaverð og
fjölbreytt sýning lifandi listar,
sem kann að koma ýmsum með-
al eldri sýningargesta skemmti-
lega á óvart.
Samsýningin á verkum hinna
ellefu ungu listamanna í Nýlista-
safninu við Vatnsstíg stendur til
sunnudagsins 22. ágúst.
Kjarvalsstaðir
Sýning á Ijóðum eftir
Þorstein frá Hamri
Á Kjarvalsstöðum opnar sýning
á ljóðum eftir Þorstein frá Hamri
laugardaginn 21. ágúst kl. 14.
Fyrsta Ijóðabók Þorsteins kom
úr þegar hann var tvítugur og síðan
hafa ellefu í viðbót komið frá hans
hendi auk þriggja skáldsagna og
annarra ritverka.
Tilvistarvandi nútímamannsins
er sífellt yrkisefni Þorsteins. Þótt
mörg Ijóða hans séu innhverf þá
ijalla þau jafnan um mannlífið í
kring, um mannleg samskipti og
samábyrgð mannsins í heimi þar
sem mörg dýrmæt gildi fara for-
görðum. Vandamál og efahyggju
nútímans skyggnir hann gjarnan
skuggsjá sögunnar og landsins,
náttúru og veðurfars, oft með vís-
unum til fyrri tíðar og margskonar
bókmennta. Hann deilir á strlðs-
rekstur og valdníðslu og beinir at-
hyglinni að óheilindum og sinnu-
leysi í fari manna og leitar að frum-
hvötunum að baki breytni þeirra.
Vandamál skáldskapar og orðabú-
skapar eru einnig eftirminnileg yrk-
isefni Þorsteins.
í fréttatilkynningu segir: Ljóð-
stíll Þorsteins frá Hamri er margvís-
legur. Hann yrkir bæði háttbundið
og óbundið og ljóðform hans er oft
frjálslegt með ýmsum eigindum
Þorsteinn frá Hamri
hefðbundins kveðskapar. Orðfærið
er vandað og hnitmiðað og hug-
blærinn mótar lágværan hljóm máls
en hiti og alvara í tilfinningum ljóð-
anna. Kaldhæðni er eitt af stílein-
kennum Þorsteins og síðast en ekki
síst kröftugar og markvissar ljóð-
myndir.
Reykjavík undir
berum himm, en
munið að ef rignir
færast sýningar yfír
ánæsta dag.
W Nánari upplýsing;
fást í Biólínunni í
f síma 99-1000,
I (kr. 39.90.- mín)
' og á bíósíðum
FM 88.6 Morgunblaðsins.
UK - 17
mexMimir fá
150- kr.
afslátt
Fararheill
fifCTU HfiBQl UH QL\
STUR OG SÍMI
meirihdttar gott!
YNDA
JHovðimbXfibiíi
málningfy