Morgunblaðið - 19.04.1994, Blaðsíða 59

MORGUNBLAÐIÐ ÞRIÐJUDAGUR 19. APRÍL 1994
59
Mannbjörg er Trausti II. KE 79 sökk út af Reykjanesi
Gafst ekki tími til að
senda út neyðarkall
Jveflavík. ^
„ÉG HAFÐI lagt mig frammí og var í sjógallanum. Allt í einu
hrökk ég upp og fann um leið að hreyfingar bátsins voru ekki
eðlilegar. Ég rauk upp og út og sá þá að báturinn var orðinn
mjög siginn að aftan, svo siginn að mín fyrstu viðbrögð voru að
fara frammá og koma björgunarbátnum í sjóinn. Það gekk vel
og þegar því var lokið ætlaði ég að fara afturí stýrishús til að
senda út neyðarkall en þá var Trausti orðinn það siginn að ég
hætti við og kom mér frá borði hið snarasta," sagði Guðni Rúnar
Pálsson sjómaður i Sandgerði. 11 tonna trébátur hans, Trausti II.
KE 79, sökk skyndilega um 40 sjómílur suðvestur af Reykjanesi
snemma á sunnudagsmorgun. Guðna Rúnari var bjargað um borð
í TF-SIF, þyrlu Gæslunnar, eftir að boð bárust frá neyðarsendi
úr gúmmíbátnum.
Guðni Rúnar sagðist hafa lagt
úr höfn í Sandgerði á laugardags-
morgun. „Ég hélt út að svokölluð-
um Boða sem er um 50 sjómílur
suðvestur af Sandgerði og þangað
var ég kominn um sexleytið. Þegar
ég renndi færunum var ekkert að
hafa þannig að ég ákvað að leggja
mig og bíða morguns. Mér tókst
ekki að kveikja upp í kabyssunni
og ákvað að leggjast í öllum gallan-
um. Ekki vissi ég hvað klukkan
var þegar ég hrökk upp en ég fann
um leið að hreyfingar bátsins voru
ekki eðlilegar.
Mestu erfiðleikarnir hófust þeg-
ar ég var kominn um borð í gúmmí-
bátinn og ætlaði að komast frá
Trausta. Það var sama hvemig ég
reyndi, alltaf var báturinn við síð-
una. Þá fór ég að athuga málið
og sá að lína var föst í Trausta.
Ég skar á línuna og ýtti síðan
bátnum fram með stefninu og
reyndi aftur að róa frá, en það
gekk ekki heldur sama hvernig ég
hamaðist. Þá athugaði ég aftur
aðstæður og fann aðra línu með
árinni sem lá í sjónum í áttina að
Trausta og eftir á að hyggja held
ég að þetta hafi verið rekankerið.
Ég skar á þá línu líka og þá komst
ég loksins frá. Það mátti heldur
ekki tæpara standa, því í þann
mund lagðist Trausti á hliðina og
sökk - og ef ég hefði ekki verið
kominn frá hefði hann lagst á
gúmmíbátinn."
Guðni Rúnar sagðist strax hafa
skotið upp rakettu og kveikt á blysi
þar sem hann hefði séð ljós á bát-
um ekki langt frá. Veður hefði
verið ágætt, gola, þokusuddi og
smá undiralda. Hann hefði einnig
kveikt á neyðarsendinum og geng-
ið hálfbrösulega þar sem gleraug-
un hefðu orðið eftir í Trausta.
Stuttu seinna hefði hann heyrt
vélarhljóð stutt frá og þá skotið
upp öðrum og síðasta flugeldinum,
en hann hefði greinilega ekki sést
heldur. Þá hefði lítið verið hægt
að gera annað en að bíða og hann
hefði verið farinn að búa sig undir
langa vist í bátnum, þegar hann
heyrði hljóðið í þyrlunni. Flogið var
með Guðna Rúnar til Reykjavíkur-
flugvallar þar sem hann var fluttur
með sjúkrabifreið í Borgarspítal-
ann og þaðan fékk hann fljótlega
að fara eftir rannsókn. Guðni Rún-
ar var í svokölluðum vinnuflotgalla
sem hann sagði að hefði bjargað
miklu. Einnig vildu hann og fjöl-
skylda hans koma á framfæri
þakklæti til björgunarmanna sinna
á þyrlunni.
Morgunblaðið/Björn Blöndal
Guðni Rúnar Pálsson ásamt eiginkonu sinni, Herdís Hallgrímsdótt-
ir og dætrunum Þóru Tinnu og Hrefnu Kolbrúnu.
-BB
Póstur og sími vísar atriðum í kvörtun Radiómiðunar á bug
Aðrir söluaðilar gátu borið
sig eftír nafnalista hjá P&S
PÓST- og símamálastjóri, aðstoðar póst- og símamálastjóri og blaða-
fulltrúi fyrirtækisins vildu ekki tjá sig um einstök atriði kvörtunar
eiganda Radíómiðunar til Samkeppnisstofnunar sem greint var frá
í Morgunblaðinu síðastliðinn sunnudag. Sendu yfirmenn Pósts og
síma frá sér athugasemd sem fer hér á eftir. Þar segir meðal ann-
ars að öðrum söluaðilum hafi verið frjálst að bera sig eftir lista
með heimilisföngum og símanúmerum farsímaeigenda hjá fyrirtæk-
inu á sínum tíma. Samkeppnisstofnun mun leita eftir greinargerð
frá Pósti og síma vegna kvörtunarinnar.
Guðmundur Sigurðsson yfírvið-
skiptafræðingur hjá Samkeppnis-
stofnun segir að Pósti og síma verði
sent erindi í kjölfar kvörtunarinnar.
Sjónarmið og skýringar Pósts og
síma verði kannaðar og muni stofn-
unin þvínæst skila áliti sínu. Kvart-
anir vegna viðskiptahátta P&S hafa
einnig borist umboðsmanni Alþingis
og Verslunarráði á þessu ári. I febr-
úar sl. var afnumin heimild fyrir-
tækisins til að beita lokunum á síma
vegna vanskila á greiðslum af sím-
tæki. í mars skilaði umboðsmaður
Alþingis einnig því áliti að stofnun-
in hafi ekki heimiid í lögum til þess
að firra sig bótaábyrgð vegna mis-
taka við afgreiðslu símtala og
skeyta.
Athugasemd Pósts og síma
Yfirmenn og blaðafulltrúi Pósts
og síma vildu ekki svara einstökum
efnisatriðum í kvörtun Radíómiðun-
ar í samtali við Morgunblaðið og
kusu að senda frá sér eftirfarandi
athugasemd: „Þegar ákveðið var
að leggja niður handvirka bílasíma-
kerfið um áramótin 1993-94 var
jafnframt tekin ákvörðun um að
notendur þess þyrftu ekki að greiða
nýtt stofngjald fyrir þjónustu ef
þeir vildu flytja sig yfir í NMT-far-
símakerfið eða GSM-kerfið sem
verður tekið í notkun í haust. Póst-
ur og sími kynnti öllum notendum
kerfisins þessa ákvörðun bréflega.
Jafnframt var öllum sem málið var
skylt tilkynnt um það með stórri
auglýsingu í Morgunblaðinu 12.
janúar 1993. Hálfu ári áður en
kerfinu var lokað fór ítarleg frétta-
tilkynning frá Pósti og síma um
farsímakerfin til allra fjölmiðla og
þar var minnt á að handvirkir not-
endur ættu rétt á þessari niðurfell-
ingu stofngjalda. Það atriði kom
m.a. skýrt fram í frétt Morgun-
blaðsins 2. júní 1993.
Þeir aðilar sem selja farsíma hér
á landi gátu því með árs fyrirvara
búið sig undir að notendur hand-
virkra farsíma hefðu hug á því að
kaupa sér síma í nýja kerfinu.
Söluaðilarnir eru misjafnlega
vakandi yfir markaðinum og er
Pósti og síma ekki kunnugt um
hvort eða hvernig þeir reyndu að
höfða til þess hóps með auglýsing-
um eða tilboðum á notendabúnaði.
Hins vegar sendi söludeild Pósts
og síma handvirkum bílasímanot-
endum bréf fyrir áramót þar sem
þeim var boðinn tímabundinn 15%
afsláttur af ákveðinni tegund far-
síma. Skrá yfír þessa tæplega 300
rétthafa var fengin frá reikninga-
gerð en með lítilli fyrirhöfn hefði
mátt senda bréfið eftir skrá yfír
handvirka farsímanotendur sem
birt er í símaskránni. Öðrúm söluað-
ilum sem báru sig eftir því stóð
þessi sami nafnalisti til boða og
fékk a.m.k. einn söluaðili til viðbót-
ar þennan lista. Það getur hins
vegar ekki verið í verkahring Pósts
og síma að benda einum söluaðila
á hvað einhver annar hafi látið sér
hugkvæmast.
Kristján Gíslason gerir einnig
athugasemdir við það í Morgun-
blaðinu.að Póstur og sími selji gjald-
tökubúnað sem ekki hafi verið próf-
aður af Fjarskiptaeftirlitinu. Sá
búnaður er íslensk hönnun og fram-
leiðsla og þeirrar gerðar að hann
tengist ekki beint inn í íjarskipta-
kerfið. Hann skráir einungis far-
símanotkunina og farsímarnir hafa
verið prófaðir hjá Fjarskiptaeftirlit-
inu. Því var ekki talin ástæða til
þess að óska eftir prófun á gjald-
mælinum sjálfum. Kristjáni var
kunnugt um þessa afstöðu þegar
hann tók þennan sama búnað til
sölu hjá sínu fyrirtæki.
Farsímafréttir er blað sem Póstur
og sími gefur út sem lið í þjónustu
við farsímanotendur. Ekki reyndist
áhugi fyrir því hjá seljendum not-
endabúnaðar að fá birtar auglýsing-
ar í blaðinu en liins vegar var ekki
orðið við beiðni Kristjáns Gíslasonar
um að fá að auglýsa búnað eins og
um ritstjórnarefni væri að ræða.“
Morgunblaðið/Þorkell
Ármann Kr. Einarsson afhendir Guðrúnu H. Eiríksdóttur Barnabóka-
verðlaunin 1994.
íslensku barnabókaverðlaunin 1994
Nýr höfundur kom*
fram á sjónarsviðið
ÍSLENSKU barnabókaverðlaunin árið 1994 voru afhent í Norræna
húsinu á föstudag. Verðlaunin hlaut Guðrún H. Eiríksdóttir, meinatækn-
ir á Akranesi, fyrir söguna Röndóttir spóar. Sagan er frumraun Guðrún-
ar og kom út hjá bókaforlaginu Vöku-Helgafelli sama dag og verðlaun-
in voru afhent. Að þeim stendur Verðlaunasjóður íslenskra barnabóka.
Á fjórða tug handrita bárust í keppnina.
Hjá Kristni Amarsyni, útgáfu-
stjóra hjá Vöku-Helgafelli, kom fram
að fjórir aðilar stæðu að verðlauna-
sjóðnum: Vaka-Helgafell, Barnabók-
aráðið-íslandsdeild IBBY-samtak-
anna, Barnavinafélagið Sumargjöf
og fjölskylda Ármanns Kr. Einars-
sonar rithöfundar. Stofnað hefði ver-
ið til verðlaunanna í tilefni af 70 ára
afmælis Ármanns árið 1985 og væra
þau nú afhent í níunda sinn.
Ólafur Ragnarsson, framkvæmda-
stjóri Vöku-Helgafells, minnti á að
tilgangur verðlaunanna væri að örva
fólk til að skrifa bækur fyrir böm
og unglinga. Hann tilkynnti val verð-
launasögunnar og vitnaði í umsögn
dómnefndar. Þar segir að sagan sé
vel samin og leiftri af frásagnar-
gleði. „Atburðarásin er hröð og
spennandi en um leið er fjallað á
nærfærinn hátt um vináttu nokkurra
krakka, bæði á gleðistundum og þeg-
ar vanda ber að höndum."
Ólafur afhenti Guðrúnu viður-
kenningarskjal og Ármann afhenti
henni verðlaunaféð, 200.000 krónur.
Hann vék að verðlaunasögunni.
„Röndóttir spóar er sterk og litrík
saga sem hrífur lesendur sína og er
ekki auðvelt að leggja frá sér bókina
fyrr en að loknum lestri. Það er spá
mín að þessi viðburðaríka og ævin-
týralega saga eigi eftir að gleðja
marga,“ sagði Ármann.
Samin í Portúgal
Því næst fékk Guðrún orðið og
þakkaði hún aðstandendum verð-
launasjóðsins viðurkenninguna og
fjölskyldu sinni þolinmæðina á með-
an á samningu bókarinnar hefði stað-
ið.
Guðrún sagði í samtali við Morg-
unblaðið að sagan væri samin í árs-
leyfi fjölskyldunnar í Portúgal. „Vj^
keyptum okkur tölvu og fóram með
hana í ársleyfi til Portúgals sumarið
1992. Ég byijaði á að skrifa fyrir
sön minn. Hann hafði tekið með sér
kassa af bókum en var fljótur með
þær og vildi meira lesefni. Ég fór
því að skrifa fyrir hann á daginn og
las kaflana hvern af öðram fyrir
hann á kvöldin. Þess vegna er bókin
eins og hún er. Alltaf eitthvað spenn-
andi í hverjum kafla," Sagði Guðrún
og gat þess að eftir því sem liðið
hefði á dvölina í Portúgal hefðu fleiri
og fleiri úr fjölskyldunni farið að
skrifa þar til allir hefðu verið skrif-
andi. Guðrún og eiginmaður hennar
eiga tvö böm. Sextán ára stúlku og
tíu ára dreng.
Hún sagði að sonur hennar hefði
hvatt hana til að senda söguna í
keppnina. „Ég hringdi reyndar fyrst
í forlagið fyrir jólin og var þá orðin
alltof sein, en mér var bent á keppn-
ina og ákvað að láta slag standa,"
sagði Guðrún og bætti við að verð-
launin hefðu vægast sagt komið
henni á óvart. „Ég er ekki viss um
að ég hefði getað haldið mér upp-
réttri hefði ég staðið þegar mér vora
tilkynnt úrslitin en sem betur fer sat
ég,“ sagði hún.
Guðrún sagði að verðlaunin væru
vissulega mikill stuðningur fyrir
hana. Hins vegar vildi hún engu lofa
um fleiri bækur í bráð.
7
15. leikvika , 16-17. aprfl 1994
Nr. Leikur: Röðin:
1. Atalanta - Napoli - X -
2. Cremonese - Torino - X -
3. Foggia - Genoa 1 - -
4. Juvcntus - Lado 1 - -
5. Lecce - Reggiana - - 2
6. Milan - Udinese - X -
7. Parma - Cagliari 1 - -
8. Roma - Piacenza 1 - -
9. Sampdoria - Inter 1 - -
10. Bari - Cesena - - 2
11. Bresda - Padova 1 - -
12. Lucchcse - Vcrona - X -
13. Pescara - Venezla 1 - -
Heildarvinningsupphœðin:
10,8 milljón krónur~|
13 réttir: 857.920 J kr-
12 réttin 12.630 J kr.
11 réttin 860 ]
10 réttin 0 J kr.
OLTINN
15. leikvika, 16-17. aprfl 1994
Nr. Leikur: Röðin:
1. Hackcn - Göteborg - - 2
2. Landskrona - Malmö - X -
3. Norrköping - Hammarfa 1 - -
4. Trelleborg - Örebro - X -
5. Öster- Halmstad 1 - -
6. Arsenal - Chelsea 1 - -
7. Coventry - ShefT. Wed - X -
8. Liverpool - Newcastle - - 2
9. Manch. City - Norwidi - X -
10. Oidham - West Ham - - 2
11. QPR- Everton 1 - -
12. SouthampL - Blackbum 1 - -
13. Wimbledon - Man. Utd. 1 - -
Hcildarvinningsupphæðin:
99 milljón krónur
13 réttin 1.900.300 kr.
12 réltin 38.950 kr.
11 réttin 2.890 kr.
10 réttin 710 kr.