Morgunblaðið - 19.04.1994, Blaðsíða 26

26,
MORGUNBLAÐIÐ ÞRIÐJUDAGUR 19. APRÍL 1994
' ; . . ■ _1_u:_-- ■ U-;-;. ■. ■ ■ .-
Leikritið
Stræti
frumsýnt
LEIKFÉLAG Menntaskólans á
Akureyri frumsýndi i gær-
kvöldi leikritið „Stræti“ eftir
Jim Cartwright í þýðingu Arna
Ibsens.
Leikritið fjallar um þau áhrif
sem atvinnuleysi hefur á fóik.
Sögusviðið er ónefnt stræti í
verkamannahverfi í Bretlandi þar
sem flestir íbúar búa við atvinnu-
leysi. Sumir hafa fæðst inn í at-
vinnuleysið og aðrir eru nýbúnir
að missa vinnuna. Mannlífið er
fjölskrúðugt og í leikritinu er litið
inn á heimili íbúanna sem eru að
fara út á lífið og síðan sjáum við
hvemig kvöldið endar.
í sýningunni taka þátt 26 leik-
arar auk fjölda aðstoðarmanna.
Morgunblaðið/Rúnar Þór
Stræti
ÞESSAR ungu stúlkur fara með hlutverk í Strætinu, sem Leikfé-
lag Menntaskólans á Akureyri frumsýndi í gærkvöldi, en þær
voru uppábúnar á ferðinni um bæinn í tilefni af sýningunni.
Leikstjóri er Rósa Guðný Þórs-
dóttir og lýsingu annaðist Ingvar
Björnsson.
Stræti verður sýnt í Samkomu-
húsinu á Akureyri í kvöld, þriðju-
dagskvöld, miðvikudagskvöldið
20. apríl, sunnudagkvöldið 24.
apríl og mánudagskvöldið 25.
apríl. Sýningarnar hefjast kl.
20.30.
247 milljóna króna tap af rekstri KEA og dótturfyrirtækja
AKVA með lokað hlutafjár-
útboð í Bandaríkjunum
TAP af rekstri Kaupfélags Eyfirðinga og dótturfyrirtækja þess nam
247 milljónum króna á síðasta ári samanborið við 217 milljóna króna
tap árið á undan. Móðurfélagið, KEA, var rekið með 51 milljón króna
halla árið 1993 cn tapið var 12 milljónir króna árið á undan. Dóttur-
fyrirtæki félagsins voru rekin með 196 milljóna króna halla á liðnu
ári og er stærsti hluti þess vegna reksturs vatnsútflutningsfyrirtækis-
ins AKVA sem tapaði 135 milljónum króna í fyrra.
Brúttóvelta KEA og dótturfyrir-
tækja nam 9.307 milljónum króna
árið 1993 og lækkaði um 4% frá
fyrra ári. Samdrátturinn er einkum
rakin til breytinga á niðurgreiðslum
á landbönaðarafurðum og að á ár-
inu 1992 kom til greiðsla úr verð-
jöfnunarsjóði sjávarútvegsins sem
fiskvinnslan náði ekki að vega upp
á síðasta ári. Afkoma í verslun
batnaði milli ára en hún vegur 51%
af veltu móðurfélagsins.
Veltufé frá rekstri móðurfélags-
ins var 256 milljónir á móti 319
milljónum árið 1992 en veltufé frá
samstæðunni var 296 milljónir sam-
anborið við 317 milljónir árið áður.
Ef rekstur AKVA er undanskilinn
hefði veltufé frá rekstri verið yfir
400 milljónir af samstæðunni.
Heildarskuldir KEA lækkuðu um
100 milljónir og voru í árslok 4.658
milljónir króna. Eigið fé í árslok var
2.315 milljónir króna á móti 2.560
milljónum árið áður. Greiðslustaðan
batnaði á árinu og var veltufjárhlut-
fall í árslok 1,25 á móti 1,07 árið
áður. Eiginfjárhlutfall var 32% í
árslok á móti 35% árið áður.
Hlutafjárútboð vestra
Af 196 milljón króna tapi dóttur-
fyrirtækja KEA má rekja 2/3 hluta
þess til reksturs AKVA sem tapaði
135 milljónum króna árið 1993
samanborið við 43 milljóna króna
tap árið á undan. Dagsprent tapaði
21 milljón króna en rekstur annarra
dótturfyrirtækja KEA batnaði á
liðnu ári.
í fréttatilkynningu frá KEA seg-
ir að tap af rekstri AKVA stafi af
miklum kostnaði við markaðssetn-
ingu vatnsins í Bandaríkjunum.
Lokað hlutafjárútboð stendur nú
yfir á markaði vestanhafs upp á
300-400 milljónir íslenskra króna
en niðurstaða þess mun hafa afger-
andi áhrif á stefnu KEA hvað
áframhald á markaðssetningu
AKVA í Bandaríkjunum varðar.
Aðalfundur félagsins verður
haldinn á laugardaginn og leggur
stjórn til að gefin verði út jöfunar-
hlutabréf sem nema 5% af nafn-
virði samvinnuhlutabréfa í B-deild
stofnsjóðs. Jafnframt leggur hún
til að reiknaðir verði 3% vextir af
A-deildarstofnsjóði félagsmanna
eins og hann var í árslok 1993.
haldiö á Akureyri 6.-8. maí
Sigurður Pétur, Geirmundur og margt fleira I
Allar nánari upplýsingar og skráning hjá
Upplýsingamiðstöð Akureyrar, Hafnarstræti 82,
sími 96-24442.
Kynning í Perlunni 21.-24. aprfl
Hagnaður af rekstri Skinnaiðnaðar hf.
Flutt út fyrir 128 millj.
fyrstu þijá mánuðina
HAGNAÐUR af rekstri Skinnaiðnaðar hf. á Akureyri nam tæpum
250 þúsund krónum á liðnu ári en félagið var stofnað 15. október
í fyrra og hóf starfsemi degi síðar.
Heildartekjur félagsins voru 81,6
miiljónir og rekstrarhagnaður nam
2,7 milljónum. Eigið fé var '\ árslok
57,8 milljónir eða um 25%. Á fyrstu
þremur mánuðum þessa árs nam
útflutningur um 128 milljónum.
„Þetta hefur gengið betur en við
þorðum að vona, pantanastaða er
góð og við erum hæfilega bjartsýn,"
sagði Bjarni Jónasson, framkvæmda-
stjóri Skinnaiðnaðar.
Félagið var stofnað í kjölfar gjald-
þrots íslensks skinnaiðnaðar en hlut-
hafar voru í lok ársins 62 talsins.
Stærstu hluthafarnir eru Fram-
kvæmdasjóður Akureyrarbæjar með
39% og Samvinnulífeyrissjóðurinn
með 20,8%. Starfsmenn félagsins
eiga samtals um 10% hlutafjár en
frá því fyrirtækið hóf starfsemi í
október síðastliðnum og fram að ára-
mótum voru starfsmenn að meðal-
tali 105, en hefur fjölgað eftir ára-
mótin og eru nú 124 talsins.
--------------♦ ♦ ♦--------
■ KYRRÐARSTUND verður í
Glerárkirkju á morgun, miðviku-
daginn 20. apríl, frá kl. 12-13. Org-
elleikur, helgistund, altari-
sakramenti, fyrirbænir. Léttur máls-
verður að stundinni lokinni. Allir
velkomnir. Bænastund kvenna kl.
20.30-21.30 á miðvikudagskvöld.
Morgunblaðið/Rúnar Þór
Hönnunargalli
BORGHILDUR Einarsdóttir með fylluna sem hún tók niður úr lofti
þvottahúss í íbúð sinni við Hjallalund 20.
Hálft kíló af múr
losnaði úr loftinu
„ÉG VAR ekkert að bíða eftir að þetta hryndi niður á þvottavélina,"
sagði Borghildur Einarsdóttir sem býr í íbúð 304 í Hjallalundi 20 en
í gærmorgun tók hún um hálft kíló af múr úr lofti íbúðar sinnar sem
hún sagði að ekki hefði þurft átak til að ná niður, það var laflaust.
Þannig er ástandið víða í íbúðinni og reyndar í fleiri íbúðum í fjölbýlis-
húsinu. Neytendafélag Akureyrar og nágrennis hefur farið þess á leit
við embætti byggingafulltrúa Akureyrarbæjar að könnuð verði og fyrir-
byggð yfirvofandi hætta á slysum og jafnvel dauðsföllum í húsinu sem
og öðrum þar sem samskonar frágangur er á forspenntum einingum.
„Það hefur margsinnis verið kvart-
að yfir hönnun á þessum íbúðum en
hönnunargallar felast í frágangi á
forspenntum einingum í lofti og gólfí
sem valda því að sprungur myndast
og það veldur leka á milli hæða,“
sagði Vilhjálmur Ingi Árnason for-
maður Neytendafélags Akureyrar og
nágrennis sem hefur fengið málið til
umfjöllunar. Fyrirhugaður er fundur
með byggingafulltrúa nú í vikunni
þar sem fara á yfir málið, en félagið
hefur óskað eftir að yfirvofandi
hætta á slysum í húsinu vegna þessa
verði könnuð.
Borghildur hefur búið í húsinu á
fimmta ár en fyrsta sprungan mynd-
aðist í íbúð hennar þegar hún hafði
átt þar heima í þtjá mánuði. „Ég
vaknaði upp að nóttu til við hvell og
hélt að vatnsleiðsla væri að springa
eða eitthvað þess háttar og leitaði
um allt húsið en þegar mér varð lit-
ið upp í loftið sá ég sprungu þvert
yfír alla íbúðina,“ sagði Borghildur
en síðan hefur hver sprungan á fæt-
ur annarri komið fram í íbúðinni.
„Það er leiðinlegt að kaupa nýja
íbúð sem kostaði meira en einbýlis-
húsið mitt þegar kemur í ljós að frá-
gangurinn er með þessum hætti,“
sagði Borghildur sem sagðist strax
eftir að fyrsta sprungan kom í ljós
hafa óskað eftir við verktaka að
byggingunni að lagfæring færi fram.
„Að mínu mati er ekki um fullfrá-
gengna íbúð að ræða fyrr en þetta
hefur verið lagað, ég er alls ekki
sátt við þennan frágang."