Morgunblaðið - 02.06.1994, Page 4

4 FIMMTUDAGUR 2. JÚNÍ 1994
MORGUNBLAÐIÐ
FRÉTTIR
Morgunblaðið/Júlíus
JÓHANN ÓIi Hilmarsson skimar eftir dvergmáv við Tjömina.
Leitað að
dvergmáv
við Tjörnina
VORIÐ er tími Jóhanns Óla Hilm-
arssonar, áhugamanns um fugla-
skoðun. Hann veit ekkert betra
en að sitja úti með kíkinn og
myndavélina og fylgjast með lífi
fuglanna. Þetta hefur hann gert
á hverju sumri í yfir 20 ár. Sjald-
gæfir fuglar á íslandi eru eitt af
því sem Jóhann Óli hefur áhuga
á í sambandi við fuglaskoðunina,
en á hveiju ári bætast að meðal-
tali um tvær nýjar tegundir við
fuglafánu landsins.
Jóhann ÓIi sagði að sjaldgæf-
ustu fuglar á Islandi sem hann
hefði séð eða heyrt um á þessu
vori væru fjallafinka, bókfinka
og barrfinka. Hann sagði að fjall-
afinka og bókfinka hefðu orpið
hér á landi, en sagðist ekki hafa
orðið var við finkuhreiður á þessu
vori. Hins vegar sagðist hann vita
um fimm svartþrastarhreiður í
Fossvogi og sagði greinilegt að
svartþrestir væm að nema land
hér á landi. Þetta er fjórða árið
í röð sem svartþrestir verpa hér.
Jóhann Óli sagði að kambönd
hefði sést við Tjörn í Svarfaðar-
dal og sagði að þetta væri í annað
skipti sem slíkur fugl sæist hér á
landi. Þá hefðu hrókendur sést í
Kelduhverfi, við Egilsstaði og
Hornafjörð. Hann sagði að brand-
endur hefðu verið í Borgarfirði
siðastliðin tvö ár og líklega orpið.
Frést hefði af taumönd við Mý-
vatn, en þessi andartegund er
fáséð á íslandi.
Jóhann Óli sagðj mest vera um
sjaldgæfa fugla á Island á vorin
og haustin. Vindáttir ráði miklu
um hversu mikið sé um að fuglar
villist hingað. Hann sagði að hluti
þessara fugla næði áttum og flygi
áfram þangað sem ferðinni væri
heitið, en þó nokkrir settust hér
að um lengri eða skemmri tíma
og jafnvel verptu. Hann sagði að
á haustin væru þetta aðallega
ungir fuglar sem villtust til ís-
lands og flestir þeirra lifðu ekki
af veruna hér á landi.
Jóhann Óli sagðist ekki telja
að það væri neitt óvenjulega mik-
ið um flækingsfugla hér á landi
á þessu vori. Vorið væri svona í
meðallagi hvað þetta snertir.
Jóhann Óli sagði að Reykvík-
ingar sem áhuga hefðu á fugla-
skoðun þyrftu ekki að fara lengra
en niður að Tjörn til að sjá sjald-
gæfa fugla. Hann sagði að meira
að segja hefðu þó nokkrar nýjar
tegundir á ísiandi sést fyrst á
Tjörainni. Dvergmávur, sem er
sjaldgæfur fugl á íslandi, sást t.d.
á Tjörainni fyrir fáum dögum.
Stjórn Lögmannafélagsins
Fjallað um ummæli
forseta Hæstaréttar
STJÓRN Lögmannafélags íslands fjallaði í gær um ummæli sem Hrafn
Bragason forseti Hæstaréttar viðhafði á málþingi lögmanna og dómara
á Þingvöllum síðastliðinn föstudag, en þar kallaði hann nafngreindan
lögmann „sjúkan mann“. Segir Ragnar Aðalsteinsson formaður Lög-
mannafélagsins skýrslur staðfesta að forseti Hæstaréttar viðhafði þetta
orðalag. Á fundi stjórnar Lögmannafélagsins var málið ekki endanlega
afgreitt, og sagði Ragnar að það yrði rætt frekar, en ekki hefði verið
tekin ákvörðun um með hvaða hætti framhald málsins verður.
„Við viljum ekki vera að gefa
út miklar yfirlýsingar núna þegar
þetta er til meðferðar hjá stjórn-
inni,“ sagði Ragnar. Hann vísaði
til bréfs Lögmannafélagsins frá 1.
mars sl. til Hæstaréttar, og sagði
að í því bréfi hefði nákvæmlega
verið fjallað um hliðstætt atriði og
átt hefði sér stað á málþinginu.
„Afstaða Lögmannafélagsins er
sú að þurfi dómstólar að beita lög-
menn viðurlögum eða bregðast við
háttsemi þeirra, þá geri þeir það
sem dómarar við dómstól sam-
kvæmt þeim lagaheimildum sem
þeim eru tiltækar. Við teljum ekki
að það sé eðlilegt að samskiptum
lögmanna og dómara sé hagað með
öðrum hætti en þar er gert ráð
fyrir. Allt þar fyrir utan er auðvitað
mjög óheppilegt," sagði Ragnar.
Gengis-
breyting
ræður verði
MIÐAÐ við breytingar á gengi
og vörugjöldum er 8,37% verð-
hækkun á varahlutum frá því í
Jóhanna Sigurðardóttir býður sig fram gegn Jóni Baldvin
Mundi styrkja Alþýðu-
flokkmn að fá mig í
Ótímabært að flokksþingið taki afstöðu til
Evrópusambandsins eða aðildar að því
„MÍN skoðun er sú að flokkurihn
ætti að eiga mikið meiri hljómgrunn
meðal fólks, miðað við þá stefnu sem
hann stendur fyrir og ég vil skerpa
áherslur flokksins og ímynd sem
jafnaðarmannaflokks," segir Jó-
hanna Sigurðardóttir félagsmála-
ráðherra um framboð sitt til for-
manns i Alþýðuflokknum. Hún telur
sig eiga góða möguleika á^að ná
kjöri og segist hafa ferðast talsvert
um landið að undanfömu og hafi
sannfærst um að margir vilji gera
breytingu á forystu flokksins. Hún
segir að margir hafi hvatt sig til
að fara í framboð.
„Þetta er ekkert persónulegt í
garð Jóns Baldvins eða að ég beri
nokkum kala til hans. Ég met það
bara svo að það styrki flokkinn að
fá mig í brúna," segir Jóhanna.
„Það er alveg ljós að flokkurinn
stendur ekki vel í skoðanakönnunum
og hann hefur átt mjög á brattann
að sækja í sveitarstjórnarkosning-
um. Ég tel að flokkurinn sé ekki
sú fjöldahreyfing sem hann ætti að
geta orðið. Það hefur ekki farið fram
hjá neinum á umliðnum ámm að
það hefur verið skoðana- og áherslu-
munur hjá mér og formanni flokks-
ins, sérstaklega varðandi efnahags-
velferðar- og ríkisfjármálin. Ég tel
að það sé rétt að breyta til,“ segir
hún.
Erfitt en óhjákvæmilegt
Jóhanna segir að Jón Baldvin
hafí gert sér og öðmm sem hafi
hugsanlega viljað bjóða sig fram til
formanns mjög erfítt fyrir með því
að boða til flokksþings með skömm-
um fyrirvara í aðdraganda sveitar-
stjórnarkosninga.
„Ég hafði út af fyrir sig ekkert
val um að gefa þessa yfirlýsingu
fyrr en núna en ég hef velt þessu
mjög vandlega fyrir mér og þetta
er mín niðurstaða eftir að hafa talað
við ýmsa í flokknum. Ég veit að það
er erfítt fyrir flokkinn að þurfa að
velja á milli forystumanna flokksins
en ég tel að það verði ekki hjá því
komist og að það sé verra fyrir
flokkinn að sigla áfram, eins og
hann hefur gert, en að þurfa að
velja á milli manna á flokksþingi,
eins og algengt er í lýðræðislegum
flokkum," segir Jóhanna.
Hún segir ennfremur að ekkert
hafí verið fastsett um það hvort hún
brúna
muni hafa varaformannsefni sér við
hlið í kosningunum og sagði allt
eins líklegt að það skýrðist ekki
fyrr en á flokksþinginu.
Aðspurð hvort hún teldi að
flokksþingið ætti að taka afstöðu
til aðildar að Evrópusambandinu
svaraði Jóhanna: „Ég tel það alls
ótímabært að óska eftir því að
flokksþingið taki einhveija afstöðu
til Evrópusambandsins eða aðildar
að því, það er alveg skýrt í mínum
huga. Nefni ég sem dæmi að ríkis-
stjórnin hefur falið óháðum aðila
að gera úttekt á kostum og göllum
aðildr og ég tel það raunar móðgun
við þingið að ætla að knýja fram
afstöðu í þvi máli á flokksþinginu.
Það er alveg ljóst að stefna Evrópu-
sambandsins í sjávarútvegsmálum
er okkur afar óhagstæð, svo ekki
sé meira sagt og af þeim sökum tel
ég þetta mál ekki vera á dagskrá."
apríl á síðasta ári fremur minni
en meiri en reikna mætti með að
dómi Jónasar Þórs Steinarssonar
framkvæmdastjóra Bílgreina-
sambandsins.
Niðurstöður verðkönnunar
Samkeppnisstofnunar og FÍB
gefa m.a. til kynna að verð á
varahlutum hafí hækkað um
8,37% skv. framfærsluvísitölu frá
því í apríl á síðasta ári. Jónas
Þór hafði ekki séð könnunina
þegar rætt var við hann.
Engu að síður sagði hann ljóst
að tveir þættir hefðu haft áhrif
á verðlagningu varahluta að und-
anfömu. Annar og sá sem vegi
þyngra væri gengishækkun.
Gengi hefði hækkað á bilinu
10-30% frá því í ársbytjun 1993.
Mest væri hækkun á jeni eða
rúmlega 30%. Hinn þátturinn
sagði Jónas vera breyting á vöru-
gjöldum. Vörugjöld hefðu hækk-
að þegar á heildina væri litið og
hefðu mest hækkað utan Evrópu-
sambandsins.
Fyrirlestur um
sorgarviðbrögð
NÝ DÖGUN, samtök um sorg og
sorgarviðbrögð, stendur að fyrir-
lestri í Gerðubergi í kvöld,
fímmtudaginn 2. júní kl. 20. Sr.
Solveig Lára Guðmundsdóttir
mun þar fjalla um sorg og sorgar-
viðbrögð.
Andlát
DR. ÁSKELL LÖVE
DR. ÁSKELL Löve,
grasafræðingur, lést í
San José í Kaliforníu
29. maí. Hann fæddist
20. október árið 1916
og var því á 78. aldurs-
ári þegar hann lést.
Foreldrar hans voru S.
Carl Löve, skipstjóri,
og Þóra G. Jónsdóttir.
Áskell er fæddur í
Reykjavík og fluttist
með foreldrum sínum
til Vestfjarða árið
1920. Þrettán árum
síðar fluttist ij'ölskyld-
an aftur til Reykjavík-
ur og hóf Áskell nám við Mennta-
skólann í Reykjavík ári síðar. Hann
lauk stúdentsprófi frá skólanum
vorið 1937. Um haustið hóf hann
nám í grasafræði við háskólann í
Lundi í Svíþjóð og lauk þaðan dokt-
orsprófí 1943.
Hann var sérfræð-
ingur við atvinnudeild
Háskóla íslands 1945
til 1951. Síðar var
hann prófessor við há-
skóla í Winnipeg og
Montreal í Kanada og
Colorado í Banda-
ríkjunum. Á starfsferli
sínum vann Áskell við
ýmis konar grasa-
fræðilegar rannsóknir
og eftir hann liggur
miki!! fjöldi vísinda-
legra tímaritsgreina.
Hann samdi bækur um
grasafræðileg efni og
fslenska flóru.
Áskell var elstur sjö alsystkina.
Eftirlifandi eiginkona hans er Doris
Wahlén frá Svíþjóð og eignuðust
þau tvær dætur, Gunnlaugu og
Lóu. Mæðgumar eru búsettar í San
José í Kalifomíu.
Morgunblaðið/Árni Sæbcrg
700 manns á ráðstefnu í Háskólabíói
ÞRIGGJA daga ráðstefna Þroskahjálpar, Öryrkja-
bandalags, félagsmálaráðuneytis og Sameinuðu
þjóðanna um málefni fatlaðra var sett í Háskóla-
bíói í gærmorgun. Frú Vigdís Finnbogadóttir, for-
seti íslands, Jóhanna Sigurðardóttir, félagsmála-
ráðherra, og Guðmundur Árni Stefánsson, heil-
brigðisráðherra, voru meðal þeirra sem fiutti
ávörp við setningarathöfnina. Leikhópurinn Perl-
an, sem skipaður er þroskaheftum, og Táknmál-
skórinn komu fram. Ráðstefnan ber yfirskriftina
Eitt samfélag fyrir alla og sækja hana um 700
manns. Á meðal umræðuefna í dag verður að-
gengi fatlaðra í skólakerfinu.
I
i
i
i
i|
i