Morgunblaðið - 14.07.1994, Side 38

38 FIMMTUDAGUR 14. JÚLÍ 1994
MORGUNBLAÐIÐ
Dýraglens
Tommi og Jenni
Smáfólk
Hæ, sjáið þið! Þessi strákur kom Hvað ætlarðu að gera við kúluna,
með keiluspilskúlu í sumarbúð- strákur?
irnar! t
BRÉF
TIL BLAÐSINS
Kringlan 1 103 Reykjavík • Sími 691100 • Símbréf 691329
Svar við myndlistar-
grein Eiríks Þorláks-
sonar „Sumargestir“
Frá Guðmundi Karli Ásbjörnssyni:
MER VAR fremur skemmt er ég
las skrif þín í Morgunblaðinu þann
7. júlí um myndlist og þar sem
ég gat ekki varist brosi, heldur fór
einnig að skellihlæja, svo mér
leiddist allavega ekki, en þar sem
við góða skemmtun má oft bæta,
ætla ég að svara grein þinni um
„sumargestina", nánar tiltekið
þeim hluta greinarinnar sem fjall-
ar um málverkasýningu mína í
aðalsal Hafnarborgar 2.-18. júlí.
Sumargestir
Það er mér alveg nýtt að vera
flokkaður sem „sumargestur“ hér
á landi, eins og skilja má af fyrir-
sögn greinarinnar. Ég veit ekki
betur en að mín búseta sé hér á
íslandi, jafnvel þó ég hafi haldið
sýningar erlendis. Áður en lengra
er haldið, vil ég þakka þér fyrir
birtingu á vel valdri mynd af mál-
verkinu Issveppir, sem titilmynd
greinar þinnar. Þá þakka ég þér
þó nokkurt hól og þú nefnir ís-
sveppi sem dæmi, en þar stendur
orðrétt: „Guðmundi Karli tekst
einna bezt upp í vatnslitamyndun-
um þó þar sé einnig að finna
ýmislegt kunnuglegt. Miðillinn
krefst ákveðins hófs af listamann-
inum sem skilar sér í mildum litum
og vel mörkuðum samsetningum,
eins og sést í íssveppir (nr. 43)
þar sem einangrað myndefni rís
tígulega á móti áhorfandanum,
slíks hófs hefði listamaðurinn
mátt gæta víðar, um leið og sjálf-
stæð sýn á myndefnið skilar mun
meira til áhorfanda en ferð í troðn-
ar slóðir fyrri kynslóða." Það virð-
ist nokkuð fara í taugarnar á þér
að ég skuli ekki alltaf taka „ein-
angrað myndefni" fyrir. Því svara
ég svo: Eg er ekki enn kominn
með gláku. Þú minnist í grein þinni
á „landslagsmálverk sem einfald-
ast er að einkenna sem kunnugleg
formúluverk, þarna eru á ferðinni
þekkt myndsvið og kunnar nátt-
úruperlur, sem aðrir listamenn
hafa fengist við lengi, og jafn ólík-
ir menn og Jóhannes Kjarval, Sig-
urður Sigurðsson og Claude Monet
hafa gert eftirminnileg skil“. Þú
virðist eiga hér við fimm af mínum
málverkum gerð á Þingvöllum,
sem þú kallar málverk af „náttúru-
perlum“. Til hamingju Eiríkur með
fræðsluna. Samkvæmt þínum
skrifum hefur þú gert stórkostlega
listsagnfræðilega uppgötvun, já,
hvorki meira né minna en eina þá
stærstu sem gerð hefur verið:
„Ciaude Monet málaði á Þingvöll-
um“. Þetta hefur enginn maður
vitað til þessa nema þú. Hvar eru
málverk Claude Monets frá Þing-
völlum, Eiríkur?
Samasemmerki
Áfram vitna ég í þín skrif: „Hér
er hins vegar hvorki að finna ný-
stárlega myndbyggingu né sjónar-
horn sem gæti gert árangurinn
eftirminnilegan, auk þess sem
sætbleik birta eyðileggur beztu
tilraunirnar". Ef þú Eiríkur hefur
sett samasemmerki í þínum huga
á milli orðanna sætur og bleikur,
þannig að sætur sé sama sem
bleikur og öfugt, þá svara ég þér
þannig að í málaralist er ekkert
sem bannar notkun á bleikum lit.
Þér sem iistgagnrýnanda ætti að
vera kunnugt um t.d. rauðu perí-
óduna hans Picassos, sem þráft
fyrir nafnið er nú fremur bleik en
rauð. (Bleikt er að sjálfsögðu blæ-
brigði af rauðu.) Nú sé ég ekki,
og ekki heldur aðrir sem ég veit
um, að undanteknum þér, að bleik
birta sé mjög áberandi í þeim
landslagsmyndum, sem um ræðir.
Þú hefðir komist nær því rétta,
hefðir þú minnst á gula, græna,
bláa éða blágráfjólubláa birtu.
Svo er eitt málverk á sýningu
minni, sem þú minnist ekki á, en
ég nefni hér, af vatnaliljum í ráð-
andi djúpum allsterk bláum litum.
Þú getur varla hafa átt við hana
er þú nefnir Claude Monet í grein
þinni. Ekki passar hún á nokkurn
hátt inn í orðalagið hjá þér, þótt
Monet hafi reyndar málað fjöldann
allan af vatnaliljumálverkum, en
hugmyndirnar að þeim, svo og
tækni við beitingu pensilsins, sótti
hann aðallega til japanskrar og
kínverskrar málaralistar. (Þér hef-
ur kannski ekki verið kunnugt um
það.)
Persónulýsingar
Að lokum nokkur orð um port-
rett myndirnar. Þar minnist þú á
góðar persónulýsingar þegar bezt
lætur og nefnir tvö dæmi. Þökk
sé þér hrósið. Hafi ég náð góðum
persónulýsingum, þá hef ég náð
því helsta og því erfiðasta í port-
rettmálun. Næst 'skrifar þú „en
aðeins furðulegar þegar ekki hefur
verið gætt hófs, t.d. í vangasvip á
kafi í snítuklút, og með gosflösku
í virðingarsessi á skrifborði fyrir-
myndarinnar". Hér kemst þú að
orði, eins og um eitt málverk sé
að ræða, en þau eru reyndar tvö.
Fyrrnefnda portrettið hefur verið
sýnt erlendis, þar þótti það nýstár-
legt og var minnst á það sem
dæmi um framúrskarandi portrett,
og kurteislega orðað, er talað var
um portrett af manni með tóbaks-
klút.
GUÐMUNDUR KARL
ÁSBJÖRNSSON,
Miðvangi 2, Hafnarfirði.
Gagnasafn
Morgunblaðsins
Allt efni sem birtist i Morgun-
blaðinu og Lesbók verður fram-
vegis varðveitt í upplýsinga-
safni þess. Morgunblaðið áskil-
ur sér rétt til að ráðstafa efninu
þaðan, hvort sem er með endur-
birtingu eða á annan hátt. Þeir
sem afhenda blaðinu efni til
birtingar teljast samþykkja
þetta, ef ekki fylgir fyrirvari
hér að lútandi.