Morgunblaðið - 10.01.1995, Blaðsíða 4
4 ÞRIÐJUDAGUR 10. JANÚAR 1995
MORGUNBLAÐIÐ
I varðhaldi vegna kyn-
ferðislegra tilburða
STEINGRÍMUR Njálsson hefur verið
úrskurðaður í gæsluvarðhald til 3.
febrúar nk. vegna gruns um að hann
hafi haft uppi kynferðislega tilburði
við mann á þrítugsaldri og haldið
honum nauðugum á heimili sínu.
Steingrímur hitti manninn undir
kvöld á föstudag og fóru þeir síðan'
á heimili Steingríms í Árbæjar-
hverfi. Þar mun hann hafa sýnt
manninum kynferðislega tilburði.
Ungi maðurinn reyndi að komast út
en tókst ekki fyrr en að nokkrum
tíma liðnum. Þegar það tókst varð
hann að skilja eftir yfirhöfn sína.
Hann komst heim til sín og hafði
fjölskylda mannsins samband við lög-
reglu.
Steingrímur var handtekinn, leidd-
ur fyrir dómara og úrskurðaður í
gæsluvarðhald til 3. febrúar nk.
Hann hefur iðulega komið við sögu
vegna kynferðismála, einkum gagn-
vart ungum drengjum.
Málið er í rannsókn hjá Rannsókn-
arlögreglu ríkisins.
FRETTIR
Skráning í nám í öldungadeildum
Ótti við verk-
fall kennara
FLEST bendir til að heldur færri
skrái sig í nám í öldungadeild
Menntaskólans í Hamrahlíð á þess-
ari önn en verið hefur. Sverrir Ein-
arssoii konrektor segist ekki geta
dæmt um ástæðu þessa, en útilok-
ar ekki að ótti við hugsanlegt verk-
fall kennara dragi úr áhuga manna
á að hefja nám í öldungadeild.
Formlegri skráningu í nám í öld-
ungadeild MH lauk í gærkvöldi.
Sverrir sagði flest benda til að um
eða yfir 500 nemendur skrái sig.
Á vorönn í fyrra skráðu sig um
570 nemendur í nám í öldunga-
deild skólans og á haustönn voru
620 nemendur skráðir.
Sverrir sagðist ekki hafa orðið
var við að nemendur hefðu áhyggj-
ur af hugsanlegu verkfalli kenn-
ara, en hann útilokaði ekki að
fækkun nemenda í öldungadeild
stafaði af ótta nemenda við að það
komi til verkfalls.
Fjölgun nemenda í FB
Engin fækkun er í öldungadeild
Fjölbrautaskólans í Breiðholti. Að
sögn Péturs Björns Péturssonar,
fjármálastjóra skólans, stefnir
þvert á móti í metskráningu. Hann
sagði að 403 nemendur hefðu
skráð sig á fyrsta degi skráningar
og flest benti til að nemendur yrðu
yfir 800 á þessari önn, sem er
meira en í fyrra.
Pétur Björn sagðist hins vegar
kannast við vissar áhyggjur hjá
nemendum vegna hugsanlegs
verkfalls kennara. Hann sagði að
nokkuð væri um að fólk spyrði
hvort það ætti kost á að fá skrán-
ingargjald endurgreitt ef önnin
ónýttist. Hann sagði að erfitt væri
að gefa nemendum svör við spurn-
ingunni á þessari stundu. Hann
sagðist þó telja víst að nemendum
yrði endurgreitt ef svo illa færi.
Menn vonuðu hins vegar að ekki
kæmi til verkfalls.
Skráningu í öldungadeild Versl-
unarskólans er ekki lokið, Kirsten
Friðriksdóttir, deildarstjóri öld-
ungadeildar, sagðist gera ráð fyrir
að svipaður íjöldi skráði sig nú og
i fyrra.
Aðalvél
Dagrúnar
gaf sig
„AÐALVÉL Dagrúnar gaf sig á
laugardagskvöld, en annar togari
félagsins, Heiðrún, var skammt frá
og dró Dagrúnu til hafnar. Það er
slæmt að missa skipið úr rekstri,
en verst kemur þetta niður á áhöfn-
inni, sem missir atvinnuna," sagði
Björgvin Bjamason, framkvæmda-
stjóri Ósvarar hf. á Bolungarvík.
Björgvin sagði að ástæða þess
að vélin gaf sig væri einföld, hún
hafi verið orðin mjög slitin. „Þetta
er það sem búast má við með gaml-
ar vélar. Það gekk hins vegar vel
að koma taug í skipið og draga
það í land. Við vorum heppnir með
að veður gekk niður á meðan.“
"w ht f Tj “| 1*1 • iworgunDiaoio/öve
Malverk af biskupi
EIRÍKUR Smith Iistmálari afhenti Biskupsstofu fyrir skömmu málverk af herra Ólafi Skúlasyni,
biskupi íslands. Ekki var annað á biskupi að heyra en að hann væri mjög ánægður með málverkið.
Andlát
YALDIMAR
INDRIÐASON
Andlát
GEIR G.
GUNNLAUGSSON
VALDIMAR Indriða-
son, fyrrverandi alþing-
ismaður, lést á heimili
sínu á Akranesi í gær-
morgun, 69 ára að aldri.
Valdimar fæddist 9.
september 1925 á Akra-
nesi. Hann var verk-
smiðjustjóri hjá Síldar-
og fískimjölsverksmiðju
Akraness hf. 1956-60
og framkvæmdastjóri
sama fyrirtækis frá
1960-1991.
Hann var bæjarfull-
trúi á Akranesi
1962-86, forseti bæjar-
stjórnar 1977-84 og sat
í bæjarráði 1970-74 og 1978-83.
Hann var varaþingmaður Sjálfstæð-
isflokksins fyrir Vesturlandskjör-
dæmi frá 1979 og þingmaður 1983-
1987.
Valdimar gegndi fjölmörgum trún-
aðarstörfum. Hann sat m.a. í stjórn
menningarsjóðs Akraness, í stjórn
Samtaka sveitarfélaga á Vestur-
landi, í stjóm Lands-
sambands íslenskra út-
vegsmanna, í stjóm
Félags íslenskra fiski-
mjölsframleiðenda, var
stjórnarformaður
Skallagríms, í stjóm
Lífeyrissjóðs Vestur-
lands frá stofnun, í
stjórn Sögufélags
Borgarfjarðar frá
stofnun og formaður
frá 1985, í ritnefnd um
sögu Akraness, sem út
kom 1993, og var for-
maður bankaráðs Út-
vegsbanka íslands.
Þá tók Valdimar
virkan þátt í félagsstarfi á Akra-
nesi, var m.a. fonnaður slysavama-
deildarinnar Hjálparinnar, formaður
Lionsklúbbs Akraness og starfaði
með pddfellow-reglunni.
Etftirlifandi eiginkona Valdimars
er íngibjörg Ólafsdóttir. Þau áttu
þrjú böm, Indriða, Ásu Maríu og
Ingveldi, sem er látin.
GEIR G. Gunnlaugsson
bóndi lést 7. janúar á
hjúkranarheimili aldr-
aðra Sunnuhlíð í Kópa-
vogi, 93 ára að aldri.
Geir rak um áratuga
skeið eitt stærsta bú
landsins í Kópavogi.
Geir fæddist að Ein-
arsnesi í Borgarfírði 28.
mars 1902. Foreldrar
hans voru Gunnlaugur
Einarsson og Þóra Frið-
rika Friðgeirsdóttir.
Geir ólst upp í Einars-
nesi og síðar í Suður-
ríki, sem var jörð í landi
Borgar á Mýram. Hann
vann við bústörf frá unga aldri og
fór í ráðsmennsku þegar hann hafði
aldur til. Geir flutti til Reykjavíkur
sem ungur maður og hóf vinnu við
almenn verkamannastörf.
Geir keypti jörðina Eskihlíð í
Kópavogi árið 1934 og hóf þar bú-
skap. í upphafi var hann fyrst og
fremst með kúabú og seldi mjólk
beint til kaupenda í
Kópavogi og Reykjavík.
Hann kom einnig á fót
stóra hænsna- og
svínabúi. Síðar keypti
hann jörðina Lund við
Nýbýlaveg í Kópavogi
og byggði þar upp mik-
inn búskap.
Geir stundaði mjólk-
Urframleiðslu í Kópa-
vogi allt til ársins 1978
og vann við bústörf allt
fram til æviloka. Geir
heyjaði jarðir víðsvegar
um borgarlandið. Hann
var t.d. með slægjur I
Fossvogi, Viðey, Eng-
ey, á Seltjarnamesi og víðar.
Geir kvæntist Kristínu Björnsdótt-
ur árið 1935 og eignuðust þau þijú
böm, Friðriku, Gunnlaug og Geir
Gunnar. Kristín lést 1978.
Geir hafði talsverð samskipti við
Morgunblaðið og birtust m.a. eftir
hann kvæði í Lesbók Morgunblaðs-
ins.
Sjómannafélag
Eyjafjarðar
og Samherji
Deilan
leyst
STOKKSNES EA í eigu Sam-
heija átti að leggja úr höfn í
gærkvöld, en um helgina
deildu forráðamenn fyrirtæk-
isins og Sjómannafélags Akur-
eyrar hart um meintan brott-
rekstur hluta skipveija segðu
þeir sig ekki úr Sjómannafé-
laginu og gerðust verktakar.
Hætt var við þau áform og
því átti skipið að fara út að
nýju.
„Ég hef bara fengið þau
skilaboð að forsvarmenn Sam-
heija ætli að draga þessi áform
til baka, þ.e. að láta þá menn
taka pokann sinn sem ekki
segi sig úr Sjómannafélagi
Eyjafjarðar," sagði Konráð
Alfreðsson, formaður félags-
ins, en hann hafði leitaði eftir
stuðningi m.a. frá Sjómanna-
sambandinu, ASÍ og Verka-
mannasambandinu ef því hefði
verið haldið til streitu að sjó-
mönnum væri gert að segja
sig úr Sjómannafélagi Eyja-
fjarðar. „Ég vona bara að
þetta sé búið,“ sagði hann.
Alþýðuflokkur-
inn í Reykjavík
Akvörðun
tekin um
framboð
FULLTRÚARÁÐ alþýðu-
flokksfélaganna í Reykjavík
heldur fund á Kornhlöðuloft-
inu í kvöld þar sem tekin verð-
ur ákvörðun um með hvaða
hætti Alþýðuflokkurinn býður
fram í Reykjavík í komandi
kosningum.
Pétur Jónsson formaður
fulltrúaráðs alþýðuflokksfé-
laganna sagði í samtali við
Morgunblaðið í gær að tekin
yrði ákvörðun um með hvaða
hætti prófkjör til að ákvarða
sætaskipan á listanum yrði
haldið, en fundurinn verður
haldinn á Kornhlöðuloftinu.
Alþýðuflokkurinn á sem stend-
ur þijá þingmenn í Reykjavík
og munu formaður flokksins,
Jón Baldvin Hannibalsson, og
Össur Skarphéðinsson um-
hverfisráðherra gefa kost á sér
til áframhaldandi þingsetu.
Þriðji þingmaðurinn, Jóhanna
Sigurðardóttir, hefur sagt skil-
ið við flokkinn.
Drógu þýfið
í öskutunnu
BROTIST var inn hjá Skóg-
ræktarfélagi íslands við Rán-
argötu í fyrrinótt og stolið
þaðan sjónvarps- og mynd-
bandstæki auk silfurminja-
gripa sem félaginu hafa borist
í gegnum tíðina.
Að sögn Arnórs Snorrason-
ar hjá Skógræktarfélaginu var
mjög snyrtilega að innbrotinu
staðið en tiltölulega klaufalega
að brottnámi þýfísins. Inn-
brotsþjófurinn eða -þjófarnir
settu það í öskutunnu, sem
stóð fyrir utan, og trilluðu
henni að húsi í næstu götu.
Þegar fólk kom til vinnu í
gærmorgun, var auðvelt að
rekja slóðina í snjónum að
húsinu. Þar fannst ekkert þýfi
en einn maður, sem var hand-
tekinn vegna málsins.