Morgunblaðið - 10.01.1995, Blaðsíða 27

MORGUNBLAÐIÐ
ÞRIÐJUDAGUR 10. JANÚAR 1995 27
AÐSENDAR GREIIMAR
Áflandri
og" styttingi
NÝLEGA skeiðaði fram á ritvöll-
inn sá kunni kappi Herbert Ólason,
betur þekktur undir gælunafninu
Kóki og má segja að hann hafi far-
ið þar nokkuð mikinn. Reyndar mun
þetta ekki í fyrsta sinn sem hann
geysist fram með þessum hætti og
heggur á báða bóga. Hingað til
hefur það ekki þótt svaravert sem
hann hefur á borð borið en svo má
vitleysuna þylja að einhver fari að
trúa henni. I grein eftir Kóka sem
birtist í Morgunblaðinu 10. desem-
ber sl. vegur hann nokkuð að fyrir-
tækinu Edda-hestum sem við erum
í forsvari fyrir og fer þar með stað-
lausa stafí sem rétt er að leiðrétta.
Megin inntak greinarinnar er það
að Kóki ásamt nokkrum íslenskum
félögum hans hafi lyft Grettistaki
í útflutningi og markaðssetningu
íslenska hestsins í Þýskalandi og
víðar. Aðrir aðilar og þar með talið
Edda-hestar hafi ekki gert annað
en fara í plógfar þessara miklu
markaðsjöfra og ofan í kaupið hirt
Rekstur Edda-hesta
hefur gengið vel síðustu
árin og skilar hagnaði.
Guðmundur Viðars-
son, Viðar Halldórs-
son og Bolli Gústavs-
son svara skrifum Her-
berts Olasonar, sem þeir
segja andstæðu glæsi-
legs reiðspretts á snjall-
vökrum hesti.
eða stolið öllum þeim styrkjum sem
völ hefur verið á til þessara hluta.
I skrifum Kóka má greina mikla
gremju yfir því að hann og félagar
hans fái nánast enga styrki til
markaðsstarfsins. Það eina sem við
getum ráðlagt honum í þessum efn-
um er að velta fyrir sér af fuiiu
raunsæi hvort þetta endurspegli
ekki einfaldlega það traust sem
hann og félagar hans hafa hjá þeim
sem ráða þeim sjóðum sem veitt
er úr. Ef litið er á lista yfir þá sem
flutt hafa út hross síðustu árin vek-
ur athygli að þar er ekki að finna
nafnið Herbert Ólason. Ekki er ólík-
legt að einhveijir velti fyrir sér af
hveiju hann flytur ekki lengur út
hross í eigin nafni.
Hagnaður hjá Edda-hestum
En svo vikið sé að aðdróttunum
í garð Edda-hesta er staðreynd
málsins sú að rekstur hestamið-
stöðvarinnar í Uschlag gekk ekki
sem skyldi en Kóka er fullkunnugt
um að breytt var um rekstrarfyrir-
komulag á þeim þætti áður en í
óefni var komið. Núverandi fyrir-
komulag gengur prýðilega, Edda-
hestar eru nú í samstarfi við Aðal-
stein Reynisson og ýmsa aðra aðila
sem reka búgarða víða um Þýska-
land. Sjá þessir aðilar um sölu á
hestum sem Edda-hestar flytja til
Þýskalands og hefur þetta samstarf
gengið prýðilega. Ef litið er á út-
flutningstölur síðustu ára má sjá
að Edda-hestar fluttu út árið 1992
199 hesta, sem er 10% af útflutn-
ingi, 1993, 237 hesta, sem er 10,5%,
og 1994 363 hesta, sem lætur nærri
að sé 14% hlutdeild í útflutningnum.
Rekstur Edda-hesta hefur gengið
vel og'er rétt að geta þess til upplýs-
ingar fyrir Kóka og aðra sem áhuga
hafa á málinu að hagnaður síðasta
árs var 1,5 milljónir króna. Þetta á
Kóki reyndar að vita sem hluthafi
í fyrirtækinu. Eigi að síður fullyrðir
hann að hluthafar sitji eftir með
sárt ennið og verðlaus hlutabréf.
Til að taka af öll tvímæli um þessa
fullyrðingu þá skora stjórnarmenn
hér með á Kóka að selja hlutabréf
sín í fyrirtækinu, að sjálfsögðu á
þannig verði að hann bíði ekki fjár-
hagslegt tjón.
Þegar hér er komið sögu í grein
Kóka fer nú heldur að slá út í fyrir
honum því ekki verður betur séð
en hann rugli saman Edda-hestum,
sem hann reyndar rangnefnir Eddu-
hestar greinina út i gegn, og Hags-
munafélagi hrossabænda, sem einn-
ig er rangnefni því hann á væntan-
lega við Félag hrossabænda. Bland-
ar hann saman þessum aðilum og
útflutningi hrossa til Litháen en
rétt er að taka það fram að Edda-
hestar hafa ekki verið aðilar að
útflutningi hrossa þangað.
Hvers á hver að gjalda?
Þessu riæst er ekki annað hægt
en birta orðrétt það sem segir í
greininni. „Eru menn virkilega
svona óánægðir með okkar starf
hér ytra, að við séum ekki einu sinni
þess virði að hægt sé að tala við
okkur um þau mál sem standa okk-
ur næst og sem við höfum barist
fyrir i 10 ár? Hvers eigum við að
gjalda, er ekki nóg komið?“ Tilvjtn-
un lýkur. Já, hvers á Herbert Óla-
son að gjalda? Og í framhaldi af
því má spyija hvers ýmsir fyrrum
viðskiptavinir Herberts Ólasonar
hér á landi, hrossaræktendur og
hestaeigendur eigi að gjalda? Þar
sitja ýmsir með sárt ennið og bíða
eftir greiðslum frá honum fyrir
hross sín og hafa sumir beðið ansi
lengi.
Kóki gerir mikið úr jákvæðum
afrekum sínum á sviði hrossasölu
en þeir eru margir sem undrast að
hann skuli þeysa með þessum hætti
inn á ritvöllinn því hann á einnig
að baki afar fjölskráðugan lista
neikvæðra afreka og það er kannski
af þeim verkum sem hann hefur
hlotið hvað mesta frægð fyrir. Að
sjálfsögðu er ekki hægt að telja upp
öll afrek hans á þeim lista í blaða-
grein því hann er langur, en hér
skal fátt eitt nefnt. Fyrst er að
Þjóðdansafélag Reykjavíkur
Svo skal dansinn duna
Sýning Þjóðdansafélags Reykjavíkur í Þjóðleikhúsinu 10.
og 11. janúar n.k. kl. 20.
Söngdansar, söngur og vikivakaleikir undir stjórn
Sigríðar Þ. Valgeirsdóttur.
Tónlist: Jón Ásgeirsson.
Stjórnandi kórs og hljómsveitar: Jón Stefánsson.
Dansarar: Félagar úr Þjóðdansafélagi Reykjavíkur.
Þjálfun dansfólks: Kolfinna Sigurvinsdóttir.
Söngur: Kammerkór Langholstkirkju.
Hljómsveit: Félagar úr Kammersveit Langholtskirkju.
Miðasala í Þjóðleikhúsinu s. 11200.
HESTAR sem bíða þess að vera fluttir flugleiðina á Evrópumarkað.
nefna til sögunnar kunnan hrossa-
flutningsmann sem á nokkrar gaml-
ar ávísanir sem bankinn hefur af
einhveijum ástæðum ekki viljað
innleysa og falleg bréf frá Kóka
eins og hann orðaði það sjálfur.
Áður hafði þessi maður sent Kóka
nokkrar hryssur og ætlaði Kóki að
kaupa nptaðan flutningabíl og
senda til íslands sem greiðslu upp
í merarnar. Það er sjálfsagt óþarft
að taka það fram að bíllinn er ókom-
inn ennþá en maður þessi segist
tilbúinn að birta bréf Kóka opinber-
lega og sýna ávísanirnar.
Eitt sinn mætti Kóki með gelding
í dýralæknisskoðun í stað stóðhests
sem átti að senda út sem hefði leitt
til lægri sjóðagjalda. Upp komst
um strákinn Tuma og lofaði Kóki
að greiða það sem á milli bar en
samkvæmt nýlegum heimildum er
það óuppgert enn þótt nokkur ár
séu liðin síðan þetta gerðist.
Kóki er kraftmikill og hug-
myndaríkur dugnaðarforkur en því
miður virðist honum ganga illa að
feta einstigi leikreglna samfélags-
ins. Svo er hann bæði hissa og
svekktur yfir því að honum sé ekki
sýnt traust og ausið í hann pening-
um til að vinna markaði. Hafi rekst-
ur Edda-hesta verið þungur má
fullyrða að ein af megin ástæðunum
fyrir því sé sú að fyrirtækið kapp-
kostar að standa í skilum við við-
skiptavini sína, þ.e. þá sem selja
fyrirtækinu hross, en ekki er víst
að allir skilji slíka viðskiptahætti.
Þáttur Gunnars og Agnars
Þessu næst leggur Kóki fram
leiðbeiningar til handa Félagi
hrossabænda, sem eru prýðilegar,
en hætt er við að þeir sem þekkja
Kóka brosi út í annað við lesturinn
og er ekki meira um það að segja.
Undir lok greinarinnar segir Kóki
frá sölu hans og einhverra annarra
á 50 hrossum til Kanada þar sem
farið var fram á 500 þúsund króna
styrk en að sjálfsögðu hafnað eins
og hann orðar það. Það má undar-
legt heita að Kóki skuli yfir höfuð
minnast á þetta mál því samkvæmt
áreiðanlegum heimildum var veittur
150 þúsund króna styrkur frá Fé-
lagi hrossabænda fyrir markaðs-
árangur og loforð um fimm hundruð
þúsund króna styrk ef framhald
yrði á útflutningi til Kanada. Ekki
vitum við hversvegna endi var
bundinn á þessi viðskipti.
Af skrifum Kóka mætti ætla að
hann og félagar hans hafi öðrum
fremur skapað markaðinn í Þýska-
landi og þar með lætur hann eins
og hann þekki ekki til verka frum-
heijanna Gunnars Bjarnasonar og
Agnars Tryggvasonar og gerir þar
með lítið úr þeirra verkum. Þá
skipta þeir tugum íslendingar og
Þjóðveijar sem lagt hafa hönd á
plóg við markaðssetninguna í
Þýskalandi. Við sem þetta skrifum
höfum ekki trú á því að Kóki sé
réttur maður á réttum stað og
nægir þar að benda á sýnishornið
á afrekalista hans hér að framan.
Hafi Kóki ætlað að upphefja sjálfan
sig með títtnefndri grein eins og
snjallir knapar gera oft með glæsi-
legum skeiðspretti á snjallvökrum
hesti þá hefði betur verið heima
setið, því segja má að hann hafi
farið á flandri og styttingi og endað
sprettinn á illsitjandi kýrstökki. En
að síðustu þetta; það verður enginn
meiri maður á því að reyna að lítil-
lækka aðra og svo væri nú hollt
fyrir Kóka að hugsa öðru hvoru um
steinvöluna og glerhúsið og reyna
að skilja lífsspekina þar að baki.
Höfundar eru ístjórn Edda-hesta.
22. maí 1996
nKaupþing hf. hefur til sölu ECU skuldabréf útgefin af
íslenska ríkinu. Bréfirt eru með gjalddaga 22. maí 1996.
Lágmarksupphæð er 20.000 ECU eða um 1.680 þúsund íslenskra króna.
Bréfin eru seld miðað við 7% ávöxtunarkröfu og eru þau eignarskattsfrjáls.
Kaupþing hf. ábyrgist endursölu bréfanna á hverjum tíma.
Upplýsingar hjá ráðgjöfum Kaupþings hf. í síma 568 90 80.
Löggi/t verðbréfafyrirtœki
í eigu Búnaðarbattkans ogsparísjódanna