Morgunblaðið - 31.01.1995, Síða 1

64 SÍÐUR B
25. TBL. 83. ÁRG. ÞRIÐJUDAGUR 31. JANÚAR1995 PRENTSMIÐJA MORGUNBLAÐSINS
Flóð valda hörmungum í Hollandi, Belgíu, Frakklandi og Þýskalandi
65.000 manns
flýja heimili
sín í Hollandi
París, Amsterdam, Brussel, Köln. Reuter.
EKKERT lát varð í gær á hörmungum milljóna manna í Hollandi, Belg-
íu, Prakklandi og Þýskalandi af völdum flóða. Um 65.000 íbúum tugi
þorpa og smábæja í héraðinu Gelderland í austurhluta Hollands var
skipað að yfirgefa heimili sín. Hafa brottflutningar af þeirri stærðar-
gráðu ekki átt sér stað þar í landi í 40 ár, frá því að flóðgarðar brustu
í héraðinu Zeelandi með þeim afleiðingum að 1.800 manns drukknuðu.
Reuter
Ekki sér fyrir
endann á flóðunum
Perúher
lýsir yfir
sigri
Lima. Reuter.
STJÓRNARHERINN í Perú
hélt því fram í gær, að tekist
hefði að hrekja hersveitir
Ekvadors frá umdeildu frum-
skógarsvæði á landamærum
ríkjanna.
Að sögn yfirvalda í Lima,
höfuðborg Perú, gerði her
Ekvadors „umfangsmikla inn-
rás“ á sunnudag, en átökin
hófust raunverulega sl.
fimmtudag. í janúar ár hvert
vex spenna á landamærum ríkj-
anna, sem aldrei hafa verið
nákvæmlega dregin þó að þau
hafi gert samkomulag 29. jan-
úar 1942 þar sem ríkin létu af
tilkalli til stórs regnskógasvæð-
is sem náði að Amazon-ánni.
í frétt hersins í Lima sagði
að hersveitir Ekvadors hefðu
skotið niður M-l-herþyrlu
stjórnarhers Perú og hefði
fimm manna áhöfn hennar far-
ist.
Franska stjórnin fordæmdi
átökin í gær og hvatti ríkin til
þess að leysa ágreininginn um
landamærin með samningum.
Bæði í Þýskalandi og Frakklandi
var af opinberri hálfu rætt um flóð
aldarinnar. Lögregla girti gamla
hluta miðbæjar Kölnar af til þess
að koma í veg fyrir að forvitnir
„stórslysatúristar" fylltu ekki
þröngar göturnar og tefðu björg-
unar- og hjálparstarf.
Til þess að tryggja eigur manna
og vernda þær fyrir óprúttnum
hófu sveitir hers og lögreglu sömu-
leiðis varðstöðu við hverfi og bæi
í suðurhluta Belgíu sem fólk hefur
orðið að yfirgefa vegna flóða.
í Frakklandi höfðu flóðin eyði-
lagt 40.000 hús og íbúðir í gær
og 800 vegir voru stórskemmdir.
Búist var við að ástandið ætti enn
eftir að versna. Talið var að há-
flæði við Atlantshafsströndina
myndi aðeins gera illt verra. Yfir-
gáfu rúmlega þúsund manns þorp-
ið Givet í héraðinu Ardennes í
austurhluta landsins. Óttast var
að bakkar árinnar Meuse myndu
gefa sig og færa það í kaf.
■ Flóð aldarinnar/18
Bærinn Venlo í Hollandi var allur
undir vatni í gær og þannig var
um að litast í kjörbúðarverslun
þar í bæ. A annan tug manna hef-
ur drukknað af völdum flóðanna
í Belgíu og Frakklandi síðustu
daga. Ekki sér fyrir endann á
vatnavöxtunum. Yfirborð Signu
hafði hækkað um fimm metra í
París í gær og var vegum með-
fram ánni lokað með tilheyrandi
umferðarörðugleikum í borginni.
38týna
lífi í Al-
geirsborg
Túnis. Reuter.
ÖFLUG sprengja sprakk við lög-
reglustöð í miðborg Algeirsborgar
í gær með þeim afleiðingum að
a.m.k. 38 manns biðu bana.
Að sögn alsírska útvarpsins
varð mikið tjón á mannvirkjum í
sprengingunni og 256 menn slös-
uðust. Skuldinni var skellt á sam-
tök íslamskra bókstafstrúar-
manna. Birti útvarpið tilkynningu
frá innanríkisráðuneytinu þar sem
lýst var eftir blóðgjöfum og lækn-
ar, skurðlæknar og annað hjúkr-
unarfólk var hvatt til þess að koma
til hjálpar á Moustapha-sjúkrahús-
inu í miðborginni.
Reuter
RÚSSNESKUR hermaður virðir fyrir sér eyðilegginguna í miðborg Grosni á sunnudag. Vesturlandabú-
ar segja að umhorfs sé í borginni eins og í Dresden eftir loftárásir bandamanna í seinna stríðinu.
150.000 manns felast í kjöllurum í höfuðstað Ts.iets.jníju
Grosní minnir á Dresden
Grosní. Kcuter.
RÚSSNESKAR hersveitir létu stórskotum rigna
yfir miðborg Grosní, höfuðstað Tsjetsjníju, og sunn-
anverð úthverfi hennar í gær. Höfðu þeir að engu
tilmæli fulltrúa Öryggis- og samvinnustofnunar
Evrópu (ÖSE) sem hvöttu til vopnahlés af mann-
úðarástæðum eftir að hafa kynnt sér ástandið í
lwrginni uni helgina, svo bera mætti dauða til graf-
ar og gefa öðrum kost á að flýja borgina.
Rússar fluttu stóraukinn mannafla og vopn til
borgarinnar í gær. Istvan Gyarmati, formaður
sendinefndar ÖSE, vildi ekki staðfesta, að Rússar
hefðu stundað kerfisbundnar pyntingar á tsjetsj-
enskum stríðsföngum í fangabúðum við Grosní.
Hann sagði að báðir stríðsaðilar hefðu sakað
andstæðinginn um mannréttindabrot. Dró hann í
efa tölur um mannfall í átökunum. Rússar segjast
hafa misst 600 menn og fullyrða að 5.000 uppreisn-
annenn hafi fallið. „Fjöldi fallinna og særðra er
miklu meiri en við töldum áður en við komum hing-
að,“ sagði Gyarmati.
Hann gagnrýndi Rússa harðlega fyrir umfang
hernaðarins og sagði þá liafa gengið fram af miklu
meiri hörku en eðlilegt gæti talist. „Heilu hverfin
eru ijúkandi rúst, gijóthrúgur, engin bygging er
heilleg. Það var eins og á ljósmyndum sem ég hef
séð frá Dresden eftir loftárásir í seinna stríðinu,"
sagði Gyarmati.
Finnskir fjölmiðlar höfðu eftir Rene Nyberg,
fulltrúa í nefnd ÖSE, að ólýsanlegar mannlegar
hörmungar blöstu við í Grosní. Um 150.000 manns,
aðallega aldrað fólk og veikt, konur og böm, hefð-
ust við í húsakjöllurum og væri í raun flóttafólk í
eigin heimaborg. Fæstir hefðu vatn og lyf.
Talsmaður rússneska hersins hélt því fram í
gær, að herinn væri um það bil að ljúka herförinni
í Grosní. Hefði hann tvo þriðju hluta borgarinnar
á valdi sínu.
Uppreisnarmenn fullyrða að þeir hafi haldið inn-
rásarhernum í skefjum og staðan í stríðinu breyt-
ist ekkert dag frá degi. Rúslan Tsjenajev, yfirmað-
ur hersveita Dzhokahrs Dúdajevs, sagði að Rússar
þyrfu a.m.k. að fímmfalda mannafla sinn í Grosní
til að eiga möguleika á því að yfirbuga uppreisnar-
menn. „Við eigum nóg skotfæri til að beijast um
aldur og eilífð," sagði Tsjenajev.
Hörð gagnrýni Howe
Major gísl
ESB-and-
stæðinga?
London. Reuter.
HOWE lávarður, íhaldsmaður og
fyrrverandi utanríkisráðherra Bret-
lands, réðst í gær harkalega á John
Major forsætisráðherra vegna ut-
anríkisstefnunnar. Howe gaf í skyn
að Major stefndi þjóðarhagsmunum
í hættu með tilraunum sínum til
að friða andstæðinga aukins sam-
runa ríkja Evrópusambandsins,
ESB, í íhaldsflokknum.
Nokkrir andstæðingar Evrópu-
samrunans í þingflokknum eru í
opinberri uppreisn gegn ESB-
stefnu stjórnarinnar og hefur hún
því í reynd ekki lengur meirihluta á
þingi.
Hurd á förum?
Ýmsir ráðherrar hafa að undan-
förnu flutt ræður þar sem fram
kemur ákveðin andstaða við aukinn
samruna og Brusselvaldið. Major
hefur verið talinn hliðhollur Evr-
ópusinnum en stefna Breta í ESB
hefur undanfarin ár valdið miklum
klofningi í Ihaldsflokknum. Að
sögn Howe er Major nú orðinn gísl
þeirra sem betjast gegn samrunan-
um eða hafa miklar efasemdir um
hann.
Einn helsti Evrópusinninn í
stjórn Majors er Douglas Hurd ut-
anríkisráðherra og saka andstæð-
ingarnir hann um að hafa engin
tengsl við hinn almenna íhaldskjós-
anda, Hurd sé maður liðins tíma.
Árásirnar á hann valda því að orð-
rómur er á kreiki um afsögn Hurds.
■ Berska stjórnin lýsir/17