Morgunblaðið - 10.02.1995, Blaðsíða 37

MORGUNBLAÐIÐ
FÖSTUDAGUR 10. FEBRÚAR 1995 37
Stærsta Bridshátíðin hefst 1 kvöld
Um hundrað sveitir
eru skráðar til leiks
Brlds
Hötcl Loftlciðir
BRIDSHÁTÍÐ 1995
Bridshátíð 1995 verður haldin 10.
febrúar til 13. febrúar
BRIDSHÁTÍÐ 1995 hefst í kvöld
kl. 19. Hátíðin verður sú stærsta
sem haldin hefur verið til þessa.
Nærri 100 sveitir eru skráðar til
leiks í Flugleiðamótinu og stækka
varð tvímenningskeppnina og
breyta keppnisforminu frá fyrri
mótum vegna mikillar þátttöku
erlendra spilara.
Að venju taka margir sterkir
erlendir spilarar þátt í Bridshátíð.
Boðsgestir eru Michael Ros-
enberg, einn af sigurvegurunum
í keppninni um Rosenblum-bikar-
inn í Albuequerque í sumar, og
vinkona hans, Debbie Zucker-
burg, sem er fyrrverandi heims-
meistari unglinga og atvinnuspil-
ari. Sveitarfélagar þeirra verða
Fred Stewart og Steve Weinstein,
sem hafa lengi verið í fremstu
röð í Bandaríkjunum og öttu
kappi við íslendinga í Yokohama
á sínum tíma.
Zia Mahmood frá Pakistan
kemur að venju en hann spilar
að þessu sinni við Bretann Tony
Forrester. Sveitarfélagar þeirra
eru Kanadamennimir Georg
Mittelman og Fred Gitelman, en
þeir verða í kanadíska landsliðinu
sem spilar á heimsmeistaramót-
inu í Kína í haust. Loks er bresku
Evrópumeisturum í flokki yngri
spilara boðið á mótið.
Eins og áður sagði varð að
stækka tvímenningskeppnina úr
48 pörum í 72 og breyta keppnis-
forminu úr barometer í mitchell.
Það þýðir að ekki verða spiluð
sömu spil í einu á öllum borðun-
um. Ástæðan fyrir stgskkuninni
er meðal annars sú, að stór hóp-
ur Bandaríkjamanna kemur á
vegum ferðaskrifstofu sem sér-
hæfir sig í bridsferðum. í hópnum
er meðal annars fólk sem fæddist
á íslandi en fluttist til Bandaríkj-
anna fyrir mörgum árum. Farar-
stjórinn, Tom Smith, var á árum
áður í hópi sterkustu spilara
Bandaríkjanna.
Fleiri spilarar koma hingað á
eigin vegum, þar á meðal kemur
Rita Shugart hingað á einkaþotu
sinni frá Bandaríkjunum með
sveit. Sveitarfélagar hennar eru
ekki af verri endanum, eða Andy
Robson, sem venjulega spilar við
Forrester, og Larry Cohen og
Dave Berkowitz, eitt sterkasta
par í Bandaríkjunum. Þá kemur
tyrkneskt landsliðspar, færeyska
landsliðið og norskt par.
Spilið sem hvarf
Michael Rosenberg er nýliði á
Bridshátíð en hann þykir með
allra snjöllustu bridsspilurum
heims. Rosenberg fæddist í Skot-
landi og komst í breska landslið-
LARRY Cohen og Dave Berkowitz hafa spilað saman í sjö
ár en í fyrsta skipti sem þeir spiluðu saman unnu þeir á
einu virtasta tvímenningsmóti í Bandaríkjunum. Þessi mynd
var tekin þá og Berkowitz virðist ekki síður stoltur af börn-
unum sínum en sigrinum.
ið um tvítugt en fluttist síðan til
Bandaríkjanna. Hann spilaði í
bandaríska landsliðinu á síðasta
Ólympíumóti við auðkýfínginn
Seimon Deutsch, en spilar einnig
mikið við Zia.
Zia og Rosenberg unnu fyrir
skömmu á Cap Gemini-boðsmót-
inu í Hollandi. Á þetta mót er
árlega boðið 16 af sterkustu pör-
um heims og Rosenberg og Zia
voru að vinna á þessu móti sam-
an í annað skipti og Zia í þriðja
skiptið, en hann vann einu sinni
með Eric Rodwell. Þess má geta
að Cohen og Berkowitz enduðu
þarna í 10. sæti og Forrester og
Robson í 9. sæti
Þetta spil kom fyrir í innbyrðis
viðureign Zia og Rosenbergs og
Forrester og Robsons. Spilið er
ef til vill ekki merkilegt séð frá
tæknilegum sjónarhóli. En það
veitir skemmtilega innsýn í heim
atvinnuspilaranna, sem hittast
oft á ári víðsvegar um heiminn,
spila ýmist sem andstæðingar eða
samherjar og því eru mörkin á
milli vináttu og samkeppni stund-
um óljós.
Vestur Norður ♦ Á962 ¥K92 ♦ K52 ♦ Á96 Austur
♦ D107 ♦ K3
♦ ÁD76 ♦ G104
♦ 876 ♦ D943
♦ K76 ♦ D1042
Suður ♦ G854 ♦ 853 ♦ ÁG10 ♦ G83
Zia spilaði 2 spaða í suður og
Forrester í vestur spilaði út tígli.
Zia drap drottningu Robsons með
ás, spilaði hjarta á kóng og litlum
spaða úr borði. Forrester fékk á
tíuna, tók tvo hjartaslagi og spil-
aði sig út á spaða.
Zia stakk upp spaðaás, tók tíg-
ulslagina og spilaði sig út á spaða
og Forrester var inni á drottning-
una. Hann varð að spila laufi frá
kóngnum og þegar Zia gaf í borði
fékk Robson slaginn á laufdrottn-
inguna. Hann spilaði lauftvistin-
um til baka og Zia lagðist undir
feld.
Spilið var sýnt á sýningartöflu
og áhorfendur sáu að ef Zia léti
laufáttuna í slaginn myndi hún
kosta kónginn hjá Forrester og
spilið væri unnið. En Robson gat
vel átt laufkónginn og þá væri
rétt að stinga upp gosanum.
Zia hugsaði og hugsaði og loks
leiddist Robson þófið og stakk
upp á því að þeir tækju næsta
spil meðan Zia væri að ákveða
sig!
Þetta þótti öllum ágætis hug-
mynd og furðu lostnir áhorfendur
í sýningarsalnum sáu spilið allt
í einu hverfa af skjánum og
næsta spil kom í staðinn. Að því
loknu tóku spilararnir upp leif-
arnar af fyrra spilinu, Zia stakk
upp laufgosanum og fór einn nið-
ur og allir við borðið hlógu sig
máttlausa.
Guðm. Sv. Hermannsson
AFMÆLI
MAGNÚS
KR. JÓNSSON
Snjóbreiðan hylur
sumarbústaðalandið
þeirra Stínu og Magn-
úsar, trén híma blað-
laus, „ófætt vor býr í
kvistum" núna þegar
Magnús Kristján
Jónsson nær 75 ára
markinu. Einhvern
veginn er það svo að
í hvert sinn sem mér
verður hugsað til
Magnúsar kemur í
hugann gróðurvinin
sem þau hjónin hafa
skapað austur í Bisk-
upstungum. Þar hitti
ég þau svo oft á sumrin þegar sól
skín á himni og bjart er í sinni.
Þar hefur hugur þeirra og hjarta
verið síðustu áratugina.
Magnús Kr. Jónsson er fæddur
í Bolungarvík 10. febrúar 1920.
Foreldrar hans voru hjónin Jón
Valdimar Bjarnason frá Reykjar-
fírði, N-ísafjarðarsýslu, og Kristín
Margrét Guðmundsdóttir frá Mið-
húsum í Reykjarfjarðarhreppi, N-
ísafjarðarsýslu. Magnús er næst-
elstur fimm bræðra. Elstur er
Guðmundur, næstur Magnús, síð-
an Bjarni, Anton og Gunnbjöm.
Magnús hefur unnið marghátt-
uð störf bæði til lands og sjávar.
Hann aflaði sér menntunar við
meðferð véla og kynditækja. Hann
var vélstjóri og smyijari til sjós,
vann meðal annars hjá Skeljungi,
Vélsmiðjunni Hamri, Fiskiðjuveri
BUR og Þýsk-íslenska. Frá fyrra
hjónabandi á Magnús uppeldis-
dóttur, Þórdísi Söndru.
Ég kynntist Magnúsi fyrst þeg-
ar hann kvæntist móðursystur
minni, Kristínu Guðmundsdóttur
árið 1966. Ég horfði dálítið rann-
sakandi á þennan mann í fyrstu
því okkur þótti öllum svo vænt um
Stínu og vissum að hún átti það
svo innilega skilið að verða ham-
ingjusöm. Og auðvitað fór það svo
að við Magnús urðum góðir vinir.
Magnús getur verið skapharður
nokkuð og ber þá svipmót vestf-
irsku íjallanna sem steypast
snarbrött í sjó fram. Honum er
eiginlegt að segja skoðun sína
umbúðalaust og fer þá ekki í
manngreinarálit. Hann hefur ríka
samúð með þeim sem minni mátt-
ar eru og ákveðnar skoðanir á
stjórnmálum. Magnús hefur alla
tíð verið mjög vinstri sinnaður og
ekki farið duit með álit sitt á þjóð-
málum. Magnús Kr. Jónsson er
afar hjálpsamur maður og til hans
er gott að leita, ef á bjátar. Vinnu-
samur er hann og hefur alla ævi
unnið hörðum höndum og sjaldan
fallið verk úr hendi. Hann er full-
trúi þeirrar kynslóðar sem varð
að beijast fyrir öllum lífsins gæð-
um, menn fengu ekkert fyrirhafn-
arlaust upp í hendurnar og menn
urðu að bera ábyrgð á sér og sín-
um gerðum. Þrautseigjan og orð-
heldnin eru ríkir þættir í skapgerð
hans.
Fyrir um það bil 20 árum
eignuðust þau Stína dálítinn blett
í Biskupstungum. Svæðið var eins
og hver annar mói. En þau hófu
ótrauð það starf að breyta þessu
óræktarlandi í gróðurvin. Magnús
sléttaði landið, stakk
hveija þúfu með
skóflu, lagði drenlagn-
ir, sáði og ræktaði.
Mörgum sem á horfðu
þótti þetta mikið starf
og löng leið fram und-
an þegar þau lögðu
hjólhýsinu sínu fyrst
þama. Nú er þessi
blettur einhver falleg-
asti reiturinn á svæð-
inu. Birkitré, grenitré,
lerkitré, alaskaaspir
og fleiri og fleiri teg-
undir prýða landið
þeirra og litskrúðug
blómabeð skarta inn á milli. Þarna
reisti Magnús dálítið hús og það
lýsir hugviti hans vel að þetta litla
hús rúmar allt sem til þarf. Oft
er þar þröng á þingi á sumrin
þegar ættingjarnir streyma að og
þá sannast að „húsið rúmar allt
sem hjartað rúmar“. Við veröndina
hefur Magnús gert heitan pott og
oft er glatt á hjalla við og í pottin-
um. Magnús er fróður vel og víð-
lesinn. Hann er listfengur og við
sumarbústaðinn þeirra Stínu em
nokkur list'averk sem Magnús hef-
ur smíðað í jám. Einhvern tíma
labbaði með mér listamaður um
landið þama. Hann dáðist mikið
að listaverkum Magnúsar og
sagði: „Hér hefur listamaður verið
að verki.“ En Magnús yrkir líka .
Sjálfur gerir hann lítið úr þessari
iðju sinni. Á góðri stund skellti
hann þessu fram:
Eins og skriða í vorleysingum,
veltur þjóðlífíð áfram,
og ýtir á undan sér,
vólcéði fyrri ára.
En við skriðufót tímans,
gróa jurtir framtíðarinnar
í fógrum ljóma fyrirheits,
um betra líf fyrir bömin þín,
ó fagra land, frelsis og vona.
0 þú veltandi steinn,
úr visku tímans,
statt þú kyrr,
og vert þeim blómum skjól,
sem skjóta rótum,
við skriðufót sannleikans
í bijósti þjóðar þinnar,
í tíma óttans,
við afkomu mannsins,
á atóm öld.
í minnispunktum erfiðismanns-
ins gætir margra grasa. Einhvem
tíma réðust krakkarnir mínir í að
skrifa upp ljóðin hans Magnúsar.
Það var ærið verk. Innst í hugan-
um er eins og leitin sé óstöðvandi
og fær útrás í verkum hans.
Nú er heilsan farin að bila hjá
Stínu. Það kemur í hlut Magnúsar
að hjálpa henni og hlúa að henni.
Sjálfur er Magnús ern og tiltölu-
lega heilsuhraustur. Um leið og
ég sendi honum og þeim báðum
mínar bestu kveðjur á þessum
tímamótum í lífí hans, vil ég óska
þess að þau muni enn um hríð
njóta gróðurvinar sinnar í Bisk-
upstungunum, að sumarið verði
þeim ánægjulegt og að við eigum
eftir að eiga margar góðar stund-
ir saman.
Guðm. G. Þórarinsson.