Morgunblaðið - 08.07.1995, Blaðsíða 2

2 LAUGARDAGUR 8. JÚLÍ 1995
FRETTIR
MORGUNBLAÐIÐ
Alusuisse-Lonza leitar eftir samstarfi um rekstur álverksmiðja fyrirtækisins
Óljóst hver áhrifin
verða á rekstur IS AL
SVISSNESKA álfyrirtækið Alusuisse-Lonza,
eigandi álversins í Straumsvík, er að leita að
samstarfsaðila um rekstur álverksmiðja sinna
og gæti jafnvel farið svo að áldeild fyrirtækisins
yrði tekin út úr rekstri þess og stofnað um hana
nýtt fyrirtæki ef samningar um samstarf nást.
Þetta er haft eftir aðalforstjóra Alusuisse-
Lonza, Theodore Tschopp, í frétt Reuter í gær.
Að sögn Tschopp er markmiðið með slíku sam-
starfí að komast inn á nýja markaði þar sem
þekking fyrirtækisins á sviði álframleiðslu gæti
komið að góðum notum. Alusuisse selur nú um
75% af álframleiðslu sinni í Evrópu en afgang-
inn til Bandaríkjanna og Asíu.
Að sögn Einars Guðmundssonar, tæknilegs
framkvæmdastjóra hjá íslenzka álfélaginu, er
þetta ekki í fyrsta sinn sem Alusuisse leitar eft-
ir slíku samstarfí. Fyrir tveimur árum hafi fyrir-
tækið staðið í viðræðum við bandaríska álfyrir-
tækið Alcoa um samstarf. Ætlunin var að hefja
framleiðslu á álplötum fyrir flugvélaiðnað í
Wallis í Sviss en kostnaðurinn við framleiðsluna
reyndist of mikill og hætt var við samstarfið.
Reksturinn hefur gengið vel
Einar segir að sér hafí ekki verið kunnugt
um þessar fyrirætlanir Alusuisse-Lonza nú og
segir það alveg óljóst hvaða áhrif, ef nokkur,
þær kunni að hafa á verksmiðjuna hér á landi.
Ekki náðist í Theodore Tschoþp í gærkvöldi
vegna þessa máls.
Rekstur Alusuisse-Lonza hefur gengið mjög
vel að undanfömu og skilaði fyrirtækið 180
milljón dollara hagnaði eða sem samsvarar rúm-
um 11 milljörðum íslenskra króna. Á þessu ári
er búist við því að hagnaður fyrirtækisins auk-
ist um 50%. Stærsti vaxtarbroddurinn í rekstri
fyrirtækisins á síðasta ári var í pökkunardeild
þess, en A-L keypti Lawson Mardon pökkunar-
fyrirtækið snemma árs 1994. Hins vegar er það
haft eftir Tschopp að rekstur álverksmiðja fyrir-
tækisins gangi betur en ráð var fyrir gert á
fyrri hluta þessa árs.
Tschopp sagði ennfremur að ákvörðunar væri
að vænta um nýtt nafn á samsteypuna og myndi
það nafn endurspegla betur hina þríþættu starf-
semi fyrirtækisins í stað áherslunnar á álfram-
leiðslu þess.
Botnfiskvinnsla
Sumarhátíðir í leikskólum Dagvistar bama í Reykjavík
Spáð 3,6
milljarða
halla
BOTNFISKVINNSLAN er rekin með
9% tapi og nemur það 3.600 milljón-
um kr. miðað við heilt ár. Þetta kem-
ur fram í rekstraráætlun sem Samtök
fískvinnslustöðva hafa gert fyrir
botnfiskvinnsluna miðað við stöðuna
í byq'un þessa mánaðar.
Stóraukinn halla segja samtökin
að megi rekja til verðlækkana á af-
urðum sem að nokkru leyti stafí af
lækkuðu gengi bandaríkjadollars og
breska pundsins gagnvart krónunni.
Hækkanir á gengi japanska jensins
og þýska marksins hafi ekki vegið
þetta upp fyrir fiskvinnsluna.
Þá eigi innlendar kostnaðarhækk-
anir að undanfömu töluverðan þátt
í auknum hallarekstri, en auk launa-
kostnaðar hafí aðrir innlendir kostn-
aðarliðir, svo sem umbúða- og flutn-
ingskostnaður hækkað.
Mestur er áætlaður halli á fryst-
ingu, eða 2.675 milljónir kr. á árinu,
en áætlað er að 933 milljóna kr.
halli verði á söltun.
Morgunblaðið/Golli
Flestir leik-
skólar opnir
í sumar
Kona í Reykjavík stefnir Búnaðarbanka Islands
Krefst endurgreiðslu
á vanskilagjaldi
KONA í Reykjavík hefur höfðað
mál gegn Búnaðarbanka íslands
og krefst endurgreiðslu á vanskila-
gjaldi sem bankinn hafi lagt á
afborganir af skuldabréfí sem hún
gaf út í viðskiptum við bókaút-
gáfu, án þess að slík gjaldtaka
væri, að því er konan telur, heim-
il, hvorki samkvæmt lögum né
ákvæðum skuldabréfsins.
6 af 18 gjalddögum skuldabréfs-
ins, sem var að höfuðstóli um 27
þúsund krónur, lentu í vanskilum.
Bankinn, sem annaðist innheimtu
bréfsins fyrir bókaforlagið, lagði
660 kr. vanskilagjald á 5 gjalddaga
í bankanum en 330 krónur á einn
gjalddaga. Að auki voru dráttar-
vextir lagðir á í samræmi við
ákvæði skuldabréfsins. Afborganir,
vextir og dráttarvextir runnu til
forlagsins en vanskilagjald og inn-
heimtukostnaður til bankans.
Konan greiddi vanskilagjaldið
en gerði fyrirvara um endur-
greiðslu þar sem hún taldi inn-
heimtuna ólögmæta. Stefna Jóns
Magnússonar hrl, fyrir hönd kon-
unnar, var lögð fram í Héraðsdómi
í síðustu viku og var bankanum
þá veittur frestur til að skila grein-
argerð.
Án lagaheimildar
í stefnunni kemur fram að kon-
an byggi mál sitt á því að bankan-
um hafi verið óheimilt að krefjast
þess að hún greiddi vanskilagjald-
ið og því eigi hún heimtingu á
endurgreiðslu þess. Slíkt vanskila-
gjald eigi sér enga lagaheimild en
án slíkrar heimildar sé ekki unnt
að leggja sérstök gjöld á skuldara
enda verði ekki innheimt önnur
gjöld af skuldurum en þau sem
beinlínis er getið um á skuldabréfi
eða sambærilegri skuldaviður-
kenningu. Þá hafi ekkert samn-
ingssamband verið milli konunnar
og bankans heldur hafi hún skuld-
bundið sig til að greiða bókaútgáf-
unni ákveðna skuld ásamt kostn-
aði auk dráttarvaxta ef til van-
skila kæmi og innheimtukostnað-
ar. Hún hafi hins vegar ekki skuld-
bundið sig til að hlíta heimildar-
lausri geðþóttaákvörðun bankans
um vanskilagjald, heldur eingöngu
þann innheimtukostnað sem
greiða skyldi samkvæmt ákvæðum
skuldabréfsins.
í stefnunni segir ennfremur að
flestar lánastofnanir hafi tekið sig
saman um innheimtu sérstaks
vanskilagjalds. Vanskilagjald geti
numið hærri fjárhæðum en van-
skilavextir, sérstaklega þegar um
lágar fjárhæðir er að tefla.
FORELDRAR og börn í Foldakoti
gerðu sér glaðan dag á sumarhá-
tíð í leikskólanum í gær. Sumarhá-
tíðir, með grilli og tilheyrandi, eru
árviss viðburður í flestum leik-
skólum á höfuðborgarsvæðinu.
Stundum er hátiðin haldin á af-
mælisdegi leikskólans. Foldakot á
hins vegar ekki afmæli fyrr en
sumri er farið að halla og því var
ákveðið að halda hátíðina um mitt
sumar. Ekki líður heldur á löngu
þar til sumarlokun tekur við í leik-
skólanum, 17. júlí.
Bergur Felixson, framkvæmda-
stjóri Dagvistar barna, sagði að
farið hefði verið að stuðla sérstak-
lega að því að leikskólar væru
opnir í fyrrasumar. Engu að síður
væru 17 leikskólar af 60 lokaðir í
um einn mánuð, oft frá um 17.
júlí til 15. ágúst, í sumar. Yfirleitt
væri ástæðan sú að sinna þyrfti
stærri verkefnum í viðhaldi lóða
eða vinna við viðbyggingar. Svo
væru dæmi um að kannanir hefðu
leitt í þ'ós að langflestir foreldrar
færu í sumarfrí á sama tíma. Unn-
ið verður við 7 til 8 viðbyggingar
við leikskóla í sumar. Alls er pláss
fyrir um 5.100 börn í leikskólum
á vegum Dagvistar barna.
Póstur og sími
Leiðrétt-
ingaskrá í
vændum
PÓSTUR og sími vinnur nú
að útgáfu viðbótarskrár með
leiðréttingum við símaskrána.
Stefnt er að því að nýja skráin
komi út upp úr miðjum júlí.
Dreifa á leiðréttingaskránni í
sama upplagi og símaskránni
sjálfri.
Samkvæmt upplýsingum frá
Pósti og síma er með útgáf-
unni verið að bregðast við
kvörtunum sem borizt hafa
vegna villna í nýju skránni.
Mun viðbótarskráin innihalda
leiðrétt nöfn og númer um 200
einstaklinga og fyrirtækja.
Póstur og sími ber allan
kostnað sem hlýzt af útgáfu
og dreifingu viðbótarskrárinn-
ar.
Kona kærði
nauðgnn
KONA á fímmtugsaldri hafði
samband við lögreglu um þrjú-
leytið í fyrrinótt og tilkynnti
að sér hefði verið nauðgað.
Samkvæmt upplýsingum
lögreglu óskaði konan eftir
aðstoð vegna þess að maður,
sem hún hafði hitt á veitinga-
húsinu Keisaranum, meinaði
henni útgöngu. Að sögn kon-
unnar hafði hún farið heim
með manninum af veitingahús-
inu og þar hefði maðurinn
þröngvað henni til samræðis
við sig.
Þegar lögreglan kom á stað-
inn neitaði maðurinn, sem var
undir áhrifum áfengis, að hafa
haft samfarir við konuna.
Hann var fluttur á lögreglustöð
til blóðsýnatöku en konan var
flutt á móttöku fyrir fórn-
arlömb kynferðislegs ofbeldis
á Borgarspítala.
Málið er til rannsóknar hjá
Rannsóknarlögreglu ríkisins.
Maðurinn er ekki í haldi.
Kominn úr
öndunarvél
LÍÐAN mannsins, sem slasað-
ist alvarlega í fyrradag þegar
hann datt á steypustyrktar-
járn, er eftir atvikum góð, að
sögn læknis á gjörgæsludeild
Borgarspítalans.
Maðurinn féll úr stiga ofan
á steypustyrktaijám sem gekk
í gegnum hann. Jámið var
klippt frá og maðurinn fluttur
á Borgarspítala þar sem járnið
var fjarlægt.
Ólafur Olafsson læknir sagði
í gær að maðurinn væri kominn
úr öndunarvél en tíminn yrði
að leiða í ljós hvort hann næði
sér að fullu. Líðan hans væri
eftir atvikum góð.
Kviknaði í
bifreið
VEIÐIMENN vora við iðju sína
í Víðidalsá í gærmor'gun þegar
kviknaði í bifreið sem stóð þar
hjá og hún brann til kaldra
kola. Einn veiðimaður hafði
lagt sig í bifreiðinni og lá þar
sofandi þegar eldurinn kom
upp. Hann var vakinn af öðrum
veiðimanni og náði að bjarga
sér út úr bifreiðinni. Eigandi
bílsins og ökumaður var við
veiðar á sama tíma og er grun-
aður um ölvun við akstur.