Morgunblaðið - 08.07.1995, Blaðsíða 7
MORGUNBLAÐIÐ
LAUGARDAGUR 8. JÚLÍ 1995 7
FRÉTTIR
Húsinu pakkað
saman að hausti
NÝSTÁRLEGT hús hefur verið
reist við Hreðavatnsskála í Borg-
arfirði. Þar verða haldnir dansleik-
ir i sumar og á kvöldin þegar sólin
baðar allt geislum sinum má draga
þak þess frá rétt eins og á blæjubil.
Undanfarin þrjú ár hafa verið
haldnir vinsælir dansleikir að
Hreðavatni. Bogomil Font var
helsta aðdráttaraflið í fyrstu og
er hans að vænta síðar í sumar
auk margra annarra hljómsveita.
Húsnæði skálans var orðið of lítið
fyrir allt það dansþyrsta fólk sem
sótti staðinn heim og því var ráð-
ist í að byggja við.
Viðbygginguna hannaði Einar
Þorsteinn, sem er einna þekktast-
ur fyrir hönnun kúluhúsa. Hún er
rúmlega 100 fermetrar að gólf-
máli og yfir henni eru súlur á
valsi. Valsinn má síðan færa til
með vökvadælu og draga þakið
frá og yfir aftur án fyrirhafnar.
Húsið er síðan tekið niður að
hausti og geymt til næsta vors.
Eigendur Hreðavatnsskála eru
Hlíf Steinsdóttir og Steinn Péturs-
son sonur hennar. Veitingastjóri
staðarins er Birgir Jónsson en
hann var áður með veitingahúsið
Gullna hanann í Reykjavík.
Kalkúnalærin ekki afgreidd úr tolli
Vottorð reyndust
frá röngu landi
FYRSTA sendingin af steiktum kalk-
únalærum sem Jóhannes Jónsson
kaupmaður í Bónus fékk til landsins
J vikunni hefur enn ekki fengist af-
hent, því vottorð reyndust ekki vera
frá réttu landi. Lærin eru framleidd
í Hollandi en flutt til íslands frá
Danmörku.
Jóhannes segir að í fyrstu hafi
verið framvísað vottorðum frá Dan-
mörku en það ekki gengið. Síðan
hafí það komið í ljós að vottorðin
þyrftu að koma frá Hollandi. Verk-
smiðjan þar hefði hins vegar ekki
fengist til að gefa út upprunavott-
orð, nema ef kjötið færi beint úr
verksmiðjunni.
Því hefur Jóhannes pantað nýja
sendingu af ofnsteiktum lærum frá
Hollandi og er von á þeim í næstu
viku. Segir hann að öll vottorð eigi
að vera í lagi með þeirri sendingu.
Hvað varði sendinguna sem ekki
fæst afgreidd, eða um 100 kíló af
lærum, býst Jóhannes við að selja
þau jafnvel í erlend skip.
Frosnir kjúklingar
í skip
Á miðvikudag fer sending af
frosnum sænskum kjúklingum í skip
og segir Jóhannes að hann sé kominn
með öll vottorð sem með sendingunni
þurfa að vera, meðal annars almennt
heilbrigðisvottorð og vottorð sem
sýni að kjúklingarnir séu ekki sýktir
af salmonellu, né aldir á hormónum.
Býst hann því ekki við að lenda í
neinum vandræðum með að fá þá
afgreidda.
Flugumferðarstjórar
Frekari aðgerðir
ekki útilokaðar
FORMAÐUR Félags íslenskra flug-
umferðarstjóra, Þorleifur Björnsson,
vill ekki útiloka að flugumferðarstjór-
ar grípi að nýju til aðgerða til að ít-
reka kröfur sínar ef samningaviðræð-
ur heíjast ekki fljótlega. Til þess komi
þó ekki fyrr en í lok næstu viku.
Þorleifur sagði að sú leið félags-
manna að vinna „nákvæmlega eftir
bókinni" og fara sér hægt í vinnunni
hafi vakið athygli samninganefndar
ríkisins og Fiugmálastjórnar. „Hing-
að tii háfa samningaviðræður við
flugumferðarstjóra farið mjög seint
af stað. Við viljum helst ljúka samn-
ingum eins fljótt og hægt er,“ sagði
hann.
Að sögn Þorleifs vilja flugumferð-
arstjórar hefja samningaviðræður á
breiðum grundvelli. Hann sagði að
samband verði haft við samninga-
nefndina strax eftir helgi til að kanna
nýjan flöt á samningaviðræðum.
„Samninganefndin hefur talið sig
hafa takmarkað umboð og hún vill
ekki ræða hliðarmál tengd kjörum
stéttarinnar.11 Hann kvaðst vona að
fleiri aðilar, s.s. Flugmálastjórn,
muni framvegis taka þátt í kjara-
samningum við flugumferðarstjóra.
Þorleifur sagði að stjórn og trún-
aðarráð félagsins muni taka ákvörð-
un um næstu skref í deilunni á fundi
á þriðjudaginn.
MARGIR eiga eflaust eftir að skemmta sér konunglega
í nýja blæjuhúsinu og jafnvel fá á húðina ofurlítinn lit
þegar sólin fær að skína óhindruð inn í húsið.
Danssalur reistur við Hreðavatn
Morgunblaðið/Halldór
Varðarferð um
Suðurland
SUMARFERÐ Landsmálafélags-
ins Varðar verður farin laugardag-
inn 15. júií næstkomandi. Að þessu
sinni liggur leiðin um Suðurland.
I fréttatilkynningu frá Verði seg-
ir að í ferðinni gefist gott tækifæri
til að kynnast merkum stöðum en
lítt þekktum, sem þó séu í alfaraleið.
Lagt verður af stað frá Valhöll
við Háaleitisbraut kl. 8 og ekið
eftir þjóðvegi 1 til Víkur í Mýrdal,
þar sem áð verður um hádegisbil.
Eftir hádegi verður farið að Hjör-
leifshöfða en síðan haldið í Garða
í Reynishverfi þar sem landslag
og gróðurfar verður skoðað. Þá
verður ekið að Skógum og Skóga-
fossi og höfð nokkur viðdvöl en
áð við Urriðafoss á heimleið. Davíð
Oddsson forsætisráðherra mun
ávarpa ferðalanga á leiðinni.
Áætlað er að koma aftur til
Reykjavíkur um kl. 19:30. Miða-
pantanir og nánari upplýsingar eru
eru í Valhöll, skrifstofu sjálfstæðis-
félaganna í Reykjavík.
Innflutningur frá
Norður-Ameríku
Innflutningur frá Norður-Ameríku er í öruggum höndum hjá Eimskip. Goðafoss og
Skógafoss sigla nú á tveggja vikna fresti milli íslands og fimm hafna í Norður-
Ameríku. Innflutningshafnir okkar eru í Boston, New York og Norfolk í Bandaríkjunum,
Halifax í Kanada og St. John's á Nýfundnalandi.
I rúm áttatíu ár hafa Ameríkuskip Eimskips verið traustur hlekkur í viðskiptum íslands
og Vesturheims. Hér eftir sem hingað til höfum við að leiðarljósi víðtæka og
persónulega þjónustu í þína þágu.
„Hjá inntlutningsdeild og skrifstofu
Eimskips í Norfolk og St. John's, býðst
þér fyrsta flokks þjónusta við innflutning
frá Norður-Ameríku."
Eimskip býður viðskiptavinum upp á heildarlausnir f flutninga-
þjónustu, inn- og útflutning, vöruhúsaþjónustu, innanlands-
flutninga, framhaldsflutninga og forflutninga erlendis.
Garðar Þorsteinsson,
forstöðumaður í Norfolk
EIMSKIP
Sími 525 7000 • Fax 525 7179
Netfang: mottaka@eimskip.is