Morgunblaðið - 08.07.1995, Blaðsíða 44

MORGUNBLAÐIÐ, KRINGLAN I, 103 REYKJAVÍK, SÍM! 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.1S / AKUREYRl: HAFNARSTRÆTI 85
LAUGARDAGUR 8. JÚLÍ 1995
VERÐ í LAUSASÖLU 125 KR.. MEÐ VSK
Haraldur Böðvars-
son á Akranesi
Karfabitar
~*til British
Airways
HARALDUR Böðvarsson hf. á
Akranesi hefur hafið framleiðslu á
125 gramma dropalaga karfabitum
fyrir breska flugfélagið British
Airways. Fór fyrsta sendingin utan
í síðustu viku. Sturlaugur Stur-
laugsson hjá HB segir að íslenskt-
franskt eldhús hafi náð samningn-
um og fari salan fram í gegnum þá.
Sturlaugur segir að fyrst í stað
sé um að ræða um 50 tonn af afurð-
um og verðið sem fáist sé viðun-
^éndi til að byrja með. Er fyrirtækið
að fikra sig inn á þær brautir að
fullvinna meira afurðir sínar og eru
þessir bitar unnir þannig að fiskur-
inn er settur í mót, sem síðan er
fryst og sagað í þær einingar sem
viðskiptavinurinn vill.
Verðmæti eykst lítið
Sturlaugur segir að verðmæti
afurðarinnar aukist ekki mikið við
vinnsluna, heldur sé frekar um að
ræða að auka breiddina og stækka
- TSrðskiptavinahópinn, sér í lagi þann
sem vilji meira unna vöru. „Þetta
er skref í áttina,“ segir hann.
-----♦ ♦ ♦
Sjússamælar
og áfengi
gert upptækt
LÖGREGLAN á Blönduósi fór í
eftirlitsferð í öll vínveitingahús í
Húnavatnssýslum í fyrrakvöld og
lagði hald á tuttugu og níu flöskur
af áfengi og sex sjússamæla.
Um var að ræða áfengi sem ekki
var með VH merki, það er merkt
veitingahúsum, og sjússamæla sem
ekki voru löggiltir.
Viðkomandi veitingamenn voru
kærðir og verða kallaðir fyrir sýslu-
mann til að gera grein fyrir máli
sínu. Að sögn lögreglunnar á
Blönduósi verður áframhald á slík-
um skyndieftirlitsferðum.
Norðvestanverður Drangajökull er að skríða fram eftir 53 ára hlé
Morgunblaðið/Oddur Sigurðsson
LANDHELGISGÆSLAN flaug yfir Drangajökul í gær. Hér er myndavélinni beint í norðausturátt yfir jaðar sprungusvæðisins
og hábungu jökulsins. Framarlega er 30 m hár þverhníptur stallur. Ofar eru sprungusvæði jökulsins.
Spánveijjarnir heppnir að
sleppa við sprungusvæði
LÁN virðist hafa valdið því að spænsku ferða-
langarnir fóru ekki inn á hættulegt spi-ungu-
svæði í Drangajökli í Leirufirði á leið sinni í
blindviðrinu fyrr í vikunni. Oddur Sigurðsson,
jarðfræðingur í Orkustofnun, segir að jökullinn
sé að skríða fram og minnstu sprungurnar sjá-
ist ekki vegna snjókomu og skafrennings að
undanförnu.
Oddur segir að stærstu sprungurnar séu um
kílómetri á lengd, allt að 20 metra breiðar, og
30 metra djúpar og megi því til samanburðar
nefna að stóru blokkirnar í Sólheimunum kæm-
ust fyrir í þeim.
Oddur sagði að norðvestanverður Drangajök-
ull í Leirufirði væri svokallaður framhlaupsjök-
ull, þ.e. skriði ekki fram jafnt og þétt heldur
með ákveðnu árabili, og hefði síðast skriðið
fram um einn kílómetra á árunum 1939 til
1942. Af öðrum íslenskum framhlaupsjöklum
má nefna Síðujökul sem skríður fram á 30 ára
fresti og Tungnaárjökul sem skríður fram á
50 ára fresti. Skýringin á því af hveiju jöklar
skríða fram með ólíkum hætti er ein af ráðgát-
um jöklafræðinnar og er t.a.m. talið að veðurf-
ar hafi lítil áhrif á hvernig jöklarnir hlaupa.
Varaði leitarmenn við,
Oddur segir að farið hafi verið að bera á
misræmi í jöklinum í fyrra. Um páska hefðu
ferðamenn gert viðvart um allbratta brékku,
sem virtist hafa orðið að 30 metra þverhnípi
nokkru neðar (sjá mynd), og fyrr í vikunni
hefðu eigendur í Leirufirði gengið að jöklunum
og mætt þverhnípi í stað aflíðandi jökulsporðs.
Þegar Oddur frétti af því að leitað væri
tveggja Spánveija á jöklinum gerði hann stjórn-
stöð björgunarsveitarmanna viðvart og varaði
við að farið væri upp á norðvestanverðan
Drangajökul. Hann segist gera ráð fyrir því
að björgunarmennimir hafi farið eftir því og
Spánveijarnir megi teljast heppnir að hafa ekki
farið inn á svæðið. Þeir virðist hafa gengið í
efstu drögum sprungusvæðisins á leiðinni í
Hrafnsíjörð. Spænsku hjónin fundust heil á
húfi í sæluhúsi í Hrafnsfirði á fimmtudag.
Oddur sagði að Drangajökull væri fjölsóttur
af ferðamönnum á ýmsum tímum árs enda
ægifagur á að líta en varasamt yrði að fara
um hann vestanverðan næstu árin.
■ Ekki ástæða til/4
Nýir bílar 25%
fleiri en í fyrra
NÝSKRÁNINGUM fólksbfla fyrstu
sex mánuði ársins fjölgaði um 25%
frá síðasta ári. Alls voru, á þessum
tíma skráðir 3.599 bílar en voru í
fyrra 2.856. Hallgrímur Gunnars-
son formaður Bílgreinasambands
íslands segir að það sem mestu
ráði um aukninguna nú sé end-
umýjunarþörf í fólksbílaflota lands-
manna.
I júnímánuði voru skráðir 828
fólksbílar en vom í fyrra 626. Hall-
grímur kveðst ekki merkja að mikil
aukning hafi orðið á fjárráðum fólks
en meiri bjartsýni virðist nú ráð-
andi. Hann telur að ætla megi að
töluverður hluti af sölunni sé fjár-
magnaður fyrir tilstilli fjármögnun-
arfyrirtækja með svokölluðum bíla-
lánum.
Hallgrímur segir að salan á þessu
ári sé langmest á litlum bílum í
lægstu tollflokkunum. Verði salan
það sem eftir er ársins sambærileg
við það sem hún var'á fyrri hluta
árs má ætla að þegar upp verður
staðið seijist á milli 6-7.000 fólksbíl-
ar 1995. í fyrra seldust um 5.300
fólksbílar.
Bílakaup fyrirtækja
dragast saman
Hallgrímur segir það umhugsun-
arefni að bílakaup fyrirtækja hafí
dregist saman á árinu miðað við
sama tíma í fyrra. Á fyrri helmingi
árs 1994 voru fluttar inn 30 minni
hópbifreiðar en 22 fyrstu sex mán-
uði þessa árs og 18 stórar vörubif-
reiðar voru fluttar inn á fyrri helm-
ingi þessa árs en 32 fyrstu sex
mánuðina í fyrra.
„60% af vörubílum sem voru
fluttir inn til landsins fyrstu 4-5
mánuði ársins voru notaðir. Fyrir-
tækin sem eiga að greiða laun
þeirra sem síðan eiga að kaupa
fólksbflana virðast vera að draga
saman. Mér finnst það ekki boða
gott því þau ættu heldur að ganga
á undan og treysta undirstöðurn-
ar,“ sagði Hallgrímur.
Utlenski
ísinn að
seljast upp
ÚTLENSKI ísinn sem kom í
verslanir sl. þriðjudag er
óðum að seljast upp.
Að sögn Einars Magnús-
sonar hjá markaðsdeild SS
hafa viðtökur verið nyög
góðar og fyrsta sendingin er
þegar uppseld hjá umboðinu.
SS flutti inn 4,2 tonn af fimm
tegundum ísa, alla undir
þekktum sælgætismerkjum.
Um var að ræða tilrauna-
sendingu, en bíða þarf í 2
vikur eftir næstu sendingu.
ísinn seldist upp í Bónus
samdægurs, og í Fjarðar-
kaupum á sólarhring. Bónus
mun flytja inn Premier-ís frá
Danmörku í næstu viku.
■ Útlenski ísinn/14
Mokveiði
á rækjunni
MIKIL og góð rækjuveiði hefur ver-
ið á Eldeyjarsvæðinu í sumar. Sig-
urður Friðriksson, skipstjóri á Guð-
finni KE 19, 30 tonna báti frá Kefla-
vík, og áhöfn hans hafa tekið 100
tonn á rúmum hálfum mánuði, en
það þætti mjög gott á tíu sinnum
stærri togara.
Sigurður segir að veiðin hafí verið
mjög góð það sem af er sumri en
þeir byijuðu á rækjunni eftir sjó-
mannadaginn. „Við erum mest í
dagróðrum og höfum verið að fá upp
í 6-8 tonn af mjög góðri rækju yfir
sólarhringinn. Við erum búnir að fá
um 100 tonn af rækju á rúmum
hálfum mánuði en næstu bátar á
eftir okkur eru búnir að fá í kringum
40-50 tonn. Það er náttúrlega stór-
kostleg veiði á svona báti og veiðin
verður varla svona mikil á stóru tog-
urunum nema í aflahrotum."
■ Guðfinnur KE fékk/16