Morgunblaðið - 21.07.1995, Page 32

32 FÖSTUDAGUR 21. JÚLÍ 1995
MORGUNBLAÐIÐ
LVONSON6AZ IÆZÐA
ADLÆKA AÐ \Ze/dA
Ó/Væ&A6Ó£>JfZJ...
• 06 LÆRA
AB> B7AK6A
Sr/UFeW Séz!\
Grettir
Spurðu hundinn þinn hvort hann Ef hann má koma með sinn eigin
vilji koma út og spila á spil... spilastokk ...
BRÉF
TLL BLAÐSINS
Kringlunni 1103 Reykjavík • Sími 569 1100 • Símbréf 569 1329
Fósturlands-
ins freyjur
Frá Albert Jensen:
ALLIR karlmenn vildu ðrugglega
komast eins fagurlega að orði um
kvenþjóðina og Matthías Jochums-
son í kvæðinu Fósturlandsins
Freyja. Eða hvað? Er ekki allt sem
sýnist? Er engin meining þegar
karlar syngja freyjum sínum lof?
Mikið skammaðist ég mín, fyrir
hönd okkar karlanna, þegar dæmt
var Sjóvá/Almennum í vil, í baráttu
þess gegn sjálfsögðum rétti kvenna
til jafnræðis við þá.
Seint hefði mér til hugar komið,
að nokkurt tryggingafélag hefði svó
litlar sálir í forustu sem þarna sann-
aðist. Þvílík glámskyggni, eða þá
réttlætiskenndin. Þessum mönnum
getur varla verið sjálfrátt.
Dómarar hafa sannað í þessu
máli, svo ekki verður um villst, að
þeir eru ekki starfi sínu vaxnir. Ég
hef lengi haldið því fram, að þeir
vinni ekki fyrir því kaupi sem þeir
hafa samkvæmt lögum.
Skýr lagaákvæði eru um jafn-
frétti kynja. Reglur víkja fyrir lög-
um. Að dómarar skuli leyfa sér að
hjálpa tryggingafélagi við að koma
þar á varanlegu launamisrétti, seg-
ir margt. Það segir m.a. að lækka
þurfi kaup dómara, svo tími þeirra
til leikaraskapar verði minni. Kenna
þeim lögin betur. Reyna að koma
þeim í skilning um, að karl og kona
eru manneskjur, sem geta ekki
hvort án annars verið og að með
þeim er og verður að vera jafnræði.
Fyrir utan þessi mál fínnst mér
dómarar hræddir og hugmynda-
snauðir. Þá vantar að höfða til
ábyrgðar. Að vísa leið. Það er af-
leitt þegar þeir dæma bara ein-
hveija vitleysu út í loftið, og fara
svo heim.
Nokkur undanfarin ár hef ég
verið þar sem mikil meirihluti
starfsmanna er konur. Ef ég hefði
þar ráðið kaupi, með þeim fyrir-
vara, að verða að mismuna kynjum
í kaupi, hefði það verið konum í
hag. Þær eru yfirleitt samviskusam-
ar og góðir starfsmenn. Karl, í sömu
vinnu og konurnar, sagðist taka það
rólega á svona launum. Slíkt heyrð-
ist aldrei til kvennanna. Flestar
tölvur eru mannaðar konum. Skýr-
ingin er hæfni þeirra og flýtir um-
fram karla.
Karlar eiga ekki að horfa á kon-
ur vélrita, vilji þeir ekki frá minni-
máttarkennd.
Ég nýti mér þann rétt að óska
eftir að allir sem uppvísir verða,
hjá opinberum stofnunum, að mis-
muna í launum vegna kynferðis,
verði reknir úr vinnu. Konur eiga
að kæra þessi lítilmenni og alls
ekki óttast þá. Samstaða er sterkt
vopn.
Þó til séu atvinnurekendur, sem
virðast halda að atvinnuleysi sé
þeirra tækifæri, eru fleiri sem vita
hvað þeim er fyrir bestu. Vinna er,
ef rétt er á haldið, gleðigjafi, Ef
slíkt er eyðilagt, tapa allir.
ALBERTJENSEN,
Háaleitisbraut 129, Reykjavík.
Sumir mala þjóðinni
gull, aðrir mala
Frá Rannveigu Tryggvadóttur:
FÁTT er jafn hrollvekjandi og þegar
embættismenn, uppbólgnir af full-
vissu um eigið ágæti, reyna að
bregða fæti fyrir manndómsmenn
sem sannanlega vinna þjóðinni gagn.
Aðförin að ábúendum Stóra-Kropps
í Borgarfirði gæti verið dæmi um
þetta.
Jörðin að Stóra-Kroppi er 300
hektarar að stærð og þar er 110
þúsund lítra mjólkurkvóti. Bóndinn
þar, Jón Kjartansson, er manndóms-
og gáfumaður í báðar ættir svo
hvergi skeikar, líklegur til að vinna
þjóð sinni vel. Að bregða fæti fyrir
slíka menn er að bregða fæti fyrir
þjóðina. Segist Jón munu hætta bú-
skap verði jörðin klofin fyrir honum.
Vegagerðin er að tengja ferða-
mannabyggðir í Húsafelli og víðar
við helstu umferðaræðar landsins.
Virðast þeir engu skeyta um það
svæði sem þeir fara yfir eðá náttú'ru
landsins, fólkið og byggðiná.
í þessari framkvæmd skiptir höf-
uðmáli að við íslendingar höfum
ekki óendanlegt ræktunarland. Ver-
ið er að færa veg af svæði, sem
ekki verður nýtt til ræktunar eða
beitar, niður á tún og beitiland sem
síst er of mikið af hérlendis. Við
megum ekki sóa gæðum landsins.
Það er sem sé verið að kljúfa jörðina
og taka besta landið undir veginn
að óþörfu. Ef þetta væri eina veg-
stæðið sem væri boðlegt á svæðinu
þá væri þetta skiljanlegt en svo er
alls ekki.
Það er gjörsamlega óskiljanlegt
að leggja á veginn heim undir hlað
á bænum og þar með færa slysa-
hættuna, mengunina og hávaðann
þangað. Ekki er gerð minnsta tilraun
til að milda þessa umhverfisþætti
því að í raun er mjög auðvelt að
leggja veginn miklu fjær húsunum.
Þá færi hann samt yfir túnið en
umhverfísspjöllin yrðu minni.
Eigendur landsins sem vegurinn
fer um, ásamt hreppsnefnd og fjöl-
mörgum öðrum íbúum hreppsfélags-
ins, hafa andmælt áformum Vega-
gerðarinnar. Það er því óskiljanlegt
að menn þar á bæ skuli, ekkert tillit
taka til vilja heimamanna.
Nýja vegstæðið styttir- leiðina í
Húsafell ekki um spönn! Er ekki
full ástæða til að velviljaðir valds-
menn komi ábúendum til hjálpar?
RANNVEIG TRYGGVADÓTTIR,
þýðandi.
Allt efni sem birtist í Morgunblaðinu og Lesbók verður framvegis varðveitt i
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.