Morgunblaðið - 19.08.1995, Side 10

10 LAUGARDAGUR 19. ÁGÚST 1995
MORGUNBLAÐIÐ
FRÉTTIR
Ríkið gerir nýjan samning við sérfræðilækna
Tilvísanakerfi ekki tekið
upp á samningstímanum
Sparnaður ríkisins gæti numið tugum milljóna á árinu
TRYGGINGARAÐ samþykkti í
gær nýjan samning við sérfræði-
lækna. Sérfræðingar í Læknafé-
lagi Reykjavíkur höfðu áður sam-
þykkt samninginn á fundi á
fimmtudagskvöld. Samningurinn,
sem gildir til áramóta og gæti spar-
að Tryggingastofnun tugmilljónir
króna, miðað við að tilvísanakerfi
verði ekki tekið upp á samnings-
tímanum.
Samningurinn var undirritaður
á þriðjudag og borinn upp á fundi
Læknafélags Reykjavíkur á
fimmtudagskvöld og samþykktur
með 73 atkvæðum gegn 23. Guð-
mundur Eyjólfsson formaður
samninganefndar félagsins sagði
að nokkuð hörð andstaða hefði
komið fram á fundinum. Sérfræð-
ingar hefðu haft tiltölulega mikið
frelsi og því væri skiljanlegt að
menn andmæltu hömlum sem
samningurinn vissulega setti. „En
meirihlutinn taldi að betra væri að
samþykkja þennan samning en
engan,“ sagði Guðmundur.
Karl Steinar Guðnason forstjóri
Tryggingastofnunar sagði að um
væri að ræða kaflaskil í samninga-
gerð við sérfræðilækna og samið
væri á allt öðrum nótum en tíðk-
ast hefði til þessa. Þessi samninga-
gerð hefði staðið langan tíma og
það væri von sín að þetta yrði
upphaf að jákvæðari samskiptum.
„Okkur er vel ljóst að störf sér-
fræðilækna eru afar mikils virði
en við verðum jafnframt að gæta
að þeim fjármunum sem greiddir
eru fyrir þjónustuna," sagði Karl
Steinar.
■"*>
1,4 milljarðar frá ríki
Samið er um að Tryggingastofn-
un kaupi á þessu ári 8 milljónir
vinnueininga í klínískum verkum
og 2.358 þúsund einingar í rann-
sóknum. Fari heildareiningafjöldi
framúr þessu er ekki greitt fyrir
umframeiningarnar. Ríkið greiðir
135 krónur fyrir hveija einingu
þannig að heildarkostnaðurinn
nemur um 1,4 milljörðum króna á
árinu. Jón Sæmundur Siguijónsson
formaður Tryggingaráðs sagði að
þetta væri svipaður kostnaður og
á síðasta ári en miðað við væntan-
lega aukningu að óbreyttu mætti
segja að hugsanlega væri ríkið að
spara milli 25-30 milljónir á tíma-
bilinu frá 1. ágúst til áramóta.
Að auki var samið um að lækka
rannsóknagjaldskrá um 10%. Guð-
mundur Eyjólfsson sagði að þessi
afsláttur gæti sparað ríkinu allt
að 30 milljónir á ársgrundvelli.
Hins vegar næði samningurinn
aðeins til rannsóknastofa í einka-
eign. Rannsóknarstofur í ríkisgeir-
anum hefðu þó undanfarið miðað
við þessa gjaldskrá og ef samning-
urinn hefði áhrif á gjaldskrá allra
rannsóknarstofa landsins yrði
sparnaðurinn mun meiri.
Loks fela samningarnir í sér að
sérfræðingar fá ekki sjálfkrafa
samning við Tryggingastofnun
eins og áður hefur verið.
„Þetta þýðir að ljóst er hvað
Tryggingastofnun kaupir þannig
að hægara ætti að vera að áætla
útgjöld. Þessi samningur gildir til
áramóta og er meiningin að nota
þá reynslu sem kemur af honum
til að gera samning til lengri tíma,“
sagði Karl Steinar.
Samningarnir ná ekki til út-
gjalda sjúklinga en nú greiðir
Tryggingastofnun 58% af kostnaði
við sérfræðilækningar en sjúkling-
arnir 42%. Því koma samningarnir
einungis til með að hafa í för með
sér lækkun á greiðslum Trygg-
ingastofnunar til lækna.
Síðasti samningur sérfræðinga
og ríkisins var gerður 1991. Trygg-
ingastofnun sagði samningum upp
í september 1993 en áfram var
unnið eftir honum þar sem nýr
samningur náðist ekki.
Tveggja ára samningsþóf
í millitíðinni kom upp hörð deila
milli sérfræðilækna og heilbrigðis-
ráðuneytisins vegna áforma um
að taka upp tilvísanakerfi. Allflest-
ir sérfræðingar sögðu sig frá
samningnum frá og með 1. júní á
þessu ári en þá átti tilvísanakerfið
að taka gildi. Ingibjörg Pálmadótt-
ir frestaði síðan gildistöku tilvís-
anakerfisins ótímabundið, eftir að
hún tók við embætti heilbrigðisráð-
herra í vor, og þá frestuðu sérfræð-
ingarnir einnig uppsögnum sínum.
„Síðan var ákveðið í samráði við
heilbrigðisráðuneytið, að gera
samning til að ná sáttum og þessi
nýi samningur gengur í þá átt,“
sagði Guðmundur Eyjólfsson.
Hann sagði aðspurður að ekki
væri reiknað með tilvísunum í nýja
samningnum. Og Jón Sæmundur
Siguijónsson sagði að meðan þessi
samningur gilti yrði tilvísanakerfið
ekki sett á. í rauninni mætti ætla
að tilvísanakerfið hefði aldrei kom-
ið upp á borðið hefðu læknar viljað
semja á þessum nótum fyrr.
„Eg var mikill talsmaður þessa
módels fyrir tveimur árum og hefði
viljað sjá það sett upp þá strax.
Það má hugsa sér.að ef þessi samn-
ingur hefði verið gerður í upphafi
ársins hefði hann getað sparað rík-
inu jafn háa upphæð og tilvísana-
kerfinu var ætlað að skila á heilu
ári,“ sagði Jón Sæmundur. Áætlað
var að tilvísanakerfið myndi spara
um 100 milljónir króna á ári.
í hjarta borgarinnar
KLAPPARSTÍtlIR 5 OG 5A
Nýjar íbúðir til afhendingar strax
tilbúnar undir innréttingu án milliveggja.
Merkt stæði í bílskýli fylgir hverri íbúð.
Verð frá 5,3 millj.
OPIÐ HUS
LAUGARDAG OG SUNNU-
DAG MILLIKL. 14 OG 16.
Verið velkomin.
oreign
FASTEIGIM ASALA
@533 4040
ÁRMÚLA 21, FAX 588 8366
DAN VS. WIIUM, LÖGFRÆÐINGUR
SÖLVISÖLVASON, LÖGFRÆÐINGUR
ÓLAFUR GUÐMUNDSSON, SÖLUSTJÓRI
BIRGIR GEORGSSON, SÖLUM.
HÖRÐUR HARÐARSON, SÖLUM.
Morgunblaðið/Júlíus
ELDIBRANDUR hefur nú verið tekinn í notkun hjá slökkvilið-
inu í Reykjavík og á myndinni eru ánægðir hönnuðir forritsins
og slökkviliðsmenn, f.v., Halldór Pétursson hjá hugbúnaðarfyrir-
tækinu Samsýn, Guðmundur Hafberg, verkfræðistofunni Hnit,
Jón Viðar Matthíasson, varaslökkviliðsstjóri, Hrólfur Jónsson,
slökkviliðsstjóri og Kristinn Guðmundsson, Samsýn.
Slökkviliðið í Reykjavík tekur nýtt
tölvuforrit í notkun
Eldibrandur
flýtir slökkvi-
starfinu
SLÖKKVILIÐIÐ í Reykjavík hef-
ur tekið í notkun tölvuforrit til
notkunar í útköllum. Forritið,
sem kallað er Eldibrandur, gerir
slökkviliði og sjúkraflutninga-
mönnum kleift að fá nákvæmar
upplýsingar um stystu leið að
útkallsstað, greiðustu aðkeyrslu
og fleira.
Forritið er þróað í samvinnu
slökkviliðsins og verkfræðistof-
unnar Hnits hf. Slökkviliðið
kynnti þessa nýjung í gær og
nefnt var dæmi um hvernig for-
ritið nýttist. Við útkall fer út-
kallssveit strax af stað, en með
tölvu sinni í útkallsbí! getur yfir-
maður kallað fram upplýsingar
á skjámynd. Þannig nýtist tíminn
á leið í útkallið til að afla sem
bestra upplýsinga um hvað bíður.
I bíl á leið á útkallsstað er
hægt að fá upplýsingar um stystu
leið þangað, greiðustu aðkeyrslu,
t.d. að bakhúsi, aðgengi vatns og
þrýsting þess og hvernig heppi-
legast sé að staðsetja t.d. dælu-
bíl. stigabíl, og sjúkrabifreiðar.
Þá er hægt að kalla upp teikn-
ingu af viðkomandi húsnæði, svo
hægt sé að gera sér grein fyrir
allri húsaskipan, eldvarnahurð-
um, reykopum og jafnvel
geymslu eldfimra efna. Loks er
svo hægt að kalla fram videó-
mynd af húsnæðinu.
Flýtirinn lykilatriði
Flestar upplýsingar, sem Eldi-
brandur býr yfir, eru úr landupp-
lýsingagrunni Reykjavíkurborg-
ar. Einnig er tekið á móti upplýs-
ingum frá öðrum aðilum, húseig-
endum og einstaklingum. Á
kynningu slökkviliðsins í gær
kom fram að það væri lykilatriði
í allri neyðarþjónustu að réttar
upplýsingar bærust björgunar-
mönnum á sem skemmstum tíma.
Eldibrandur væri því mikið
framfaraskref og hefði vakið
athygli erlendis.
ií A t i 1 * 4»
-rí§) +© T *
8flA- OC TtKifOrrVSW
D-HUS
Á SKJÁ í slökkvibíl er hægt að kalla upp götukort af Reykja-
vík, síðan afstöðumynd af viðkomandi byggingu og loks teikn-
ingu af byggingunni, þar sem fram kemur hvort eldfim efni
leynast þar, hvar loftræstikerfi er staðsett, hvar stjórnloka fyr-
ir úðakerfi er að finna o.sv.frv.
Nýjar Zja og 3ja berb. jbúbir í Laugarneshverfi
Eigum þrjár íbúðir eftir í Brekkulæk 1 á góðu verði.
Verða til sýnis milli kl. 13 og 15 laugardag og sunnudag.
Sérinngangur, sérhiti og sérrafmagn í hverri íbúð.
Vinsamlega hafið samband ef óskað er eftir að skoða á öðrum tíma.
Krosshamrar hf.
Seljavegi 2, vA/esturgötu
sími 562 6012 heimasími 567 5684.