Morgunblaðið - 14.12.1995, Síða 24

24 D FIMMTUDAGUR 14. DESEMBER 1995
MORGUNBLAÐIÐ
AKUREYRI
Starfsemi Háskólans á Akureyri er þýðingarmikil fyrir bæjarfélagið
Skólinn
marki sér bás
sem háskóli á
norðurslóð
Háskólinn á Akureyri var fyrst settur í sept-
ember 1987 og voru nemendur þá 31 tals-
ins. í viðtali Margrétar Þóru Þórsdóttur
við Þorstein Gunnarsson, rektor kemur fram
að nú stunda rúmlega 400 stúdentar nám
við skólann og starfsmenn hans eru um 50.
HASKOLINN á Akureyri
hefur flutt hluta af
starfsemi sinni, yfir-
stjórn háskólans, á
framtíðarstað á Sólborgarsvæðinu.
Gert er ráð fyrir að á næsta ári fái
skólinn til afnota önnur hús sem
fyrir eru á svæðinu og unnið er að
áætlunum um byggingu nýrra húsa
á háskólalóðinni. Jafnframt flutn-
ingi eru háskólamenn að huga að
auknu námsframboði, en fyrir
liggja tillögur um námsbraut í
matvælaframleiðslu, námsbraut
fyrir leikskólakennara, þátttöku í
sjávarútvegsskóla Sameinuðu Þjóð-
anna og um rannsóknardeild ferða-
mála. Þá vænta menn
mikils af Stofnun Vil-
hjálms Stefánssonar
sem gert er ráð fyrir að
taki til starfa í ársbyijun
1997.
Starfsemi Háskólans
á Akureyri hefur aukist
ár frá ári. Hann var
fyrst settur í september
árið 1987 og voru nemendur þá
31 talsins. Nú stunda rúmlega 400
stúdentar nám við skólann og
starfsmenn hans eru um 50. I
fyrstu voru tvær deildir við skól-
ann, rekstrardeild og heilbrigðis-
deild, en í árs byijun 1990 tók sjáv-
arútvegsdeild til starfa og haustið
1993 hófst nám í kennaradeild.
„Háskólinn á Akureyri hefur
mikla þýðingu fyrir bæjarfélagið,
fjárframlög til hans eru um 200
milljónir króna á ári og er stærstu
hluti fjárhæðarinnar launagreiðslur
en jafnframt kallar starfsemi hans
á ýmsa þjónustu úr umhverfinu,
m.a. hvað varðar byggingar og
verslun, auk þess sem hann er
uppspretta hugmynda fyrir at-
vinnulífíð," segir Þorsteinn Gunn-
arsson háskólarektor og nefnir
einnig að nútímafólk telji það hluta
af lífsgæðum að hafa aðgang að
háskóla þar sem það býr. Þannig
hljóti hann að hafa áhrif þegar
fólk tekur ákvörðun um búsetu í
bænum.
„Ég held menn hafi
ekki órað fyrir því þegar
starfsemin hófst að hér
yrðu 400 nemendur við
nám nú, að 7 árum liðn-
um,“ segir rektor, en
búist er við að stúdentar
verði um 500 talsins á
10 ára afmæli Háskól-
ans 1997. Hann segir íbúafjölda
svæðisins setja háskólanum ákveð-
in mörk, en áætlanir geri ráð fyrir
að á árinu 2004 verði á bilinu
700-900 stúdentar í námi við há-
skólann. Skipulag háskólasvæð-
isins á Sólborg gerir ráð fyrir að
nemenda fjöldinn verði 1.500 til
2.000 í framtíðinni.
Mikils
vænst af
Stofnun Vil-
hjálms Stef-
ánssonar
NEMENDUR á öðru ári í sjávarútvegsdeild í verklegri örveirufræði. Þeir velja sér sjálfir verkefni
í lok annar og tengjast þau einkum hreinlæti í matvælaiðnaði. Með þeim á myndinni er kennar-
inn, Rannveig Björnsdóttir sem einnig er starfsmaður Rannsóknarstofnunar fiskiðnaðarins.
Þá hafa tillögur um námsbraut
fýrir leikskólakennara við kennara-
deild skólans einnig verið til umfjöll-
unar í ráðuneytinu, en námið þykir
falla vel að því námi sem fyrir er
í deildinni og mikill skortur er á
menntuðum leikskólakennurum,
einkum á landsbyggðinni. Miðast
tillögur háskólans við að námið
geti hafist haustið 1996. Félag leik-
skólakennara hefur stutt tillögur
háskólans af alefli og telur Þor-
steinn það í fyrsta- skipti svo sér
sé kunnugt, að fagfélag með bæki-
stöðvar í Reykjavík hafi stutt fram-
faramál við Háskólann á Akureyri
svo dyggilega.
Hluti sjávarútvegsskóla
SÞ verði á Akureyri
Háskólarektor og forstöðumaður
sjávarútvegsdeildar hafa átt fund
með nefnd sem hefur að markmiði
að undirbúa forkönnun á því hvort
stofna skuli sjávarútvegsskóla á
vegum Háskóla Sameinuðu þjóð-
anna hér á landi. Þar kynntu þeir
starfsemi sjávarútvegsdeildar Há-
skólans á Akureyri og lögðu áherslu
á að veigamiklir þættir í námsfram-
boði sjávarútvegsdeildar féllu vel
að þeim hugmyndum að námi í sjáv-
arútvegsskóla SÞ sem fyrir liggja.
„I framhaldi af því þurfum við að
vinna að því að verulegur hluti af
starfsemi þessa skóla verði byggður
upp hér í tengslum við sjávarút-
vegsdeildina," sagði Þorsteinn og
benti á að öflug fyrirtæki eins og
Sölumiðstöð hraðfrystihúsanna hafi
heitið stuðningi í því máli.
Morgunblaðið/Kristján
ÞORSTEINN Gunnarsson háskólarektor við inngang að aðal-
skrifstofum Háskólans á Akureyri, á Sólborgarsvæðinu, þangað
sem starfsemin fluttist fyrr í haust.
Matvælaframleiðsla
og leikskólakennarar
I sjávarútvegsdeild hefur verið
skipulögð námsbraut I matvæla-
framleiðslu og eru tillögur um hana
til umfjöllunar í menntamálaráðu-
neytinu. Haldinn héfur verið fundur
með fulltrúum háskólans og rann-
sóknaraðila sem starfa á þessu sviði
til að ræða stefnumótun, samstarf
og verkaskiptingu stofnana sem
sinna matvælasviðinu, en þar er um
að ræða auk Háskólans á Akur-
eyri, Háskóla íslands, Rannsóknar-
stofnun fiskiðnaðarins, Rannsókn-
arstofnun landbúnaðarins, Iðn-
tæknistofnun og Rannsóknarráð
íslands. Þorsteinn segist leggja
áherslu á að háskólanum verði
heimilað að koma á fót námi í
matvælaframleiðslu næsta haust,
1996 og að nægilegar fjáveitingar
fylgi þeirri heimild.
Annáll Háskólans
á Akureyri
1987
Háskólinn settur 5. september, kennsla
hefst 7. september í rekstrardeild og heil-
brigðisdeild. Innritaðir nemendur 31.
'1988
Lög um Háskólann á Akureyri samþykkt
á Alþingi 5. maí. Félagsstofnun stúdenta
stofnuð í október. Innritaðir nemendur alls
58.
1989
Fyrsta brautskráning frá rekstrardeild
og bókasafn skólans opnað 16. júní. AIls
brautskráðust 10 iðnrekstrarfræðingar.
Útsteinn, stúdentagarður við Skarðshlíð
tekinn í notkun við upphaf haustmisseris.
Innritaðir nemendur alls 73.
1990
Sjávarútvegsdeild tók til starfa 4. jan-
úar. Kaupfélag Eyfirðinga afhenti skólan-
um 1. og 2. hæð Glerárgötu 36 á leigu
endurgjaldslaust til þriggja ára fyrir starf-
semi sjávarútvegsdeildar. Reglugerð fyrir
Háskólann á Akureyri gefín út af mennta-
málaráðuneyti 1. október. Brautskráðir
voru 6 rekstrarfræðingar og 5 iðnrekstrar-
fræðingar. Innritaðir nemendur alls 123.
1991
Samstarfssamningur við Hafrannsóknar-
stofnun undirritaður í apríl. Fyrstu hjúkrun-
arfræðingarnir brautskráðir, 11 talsins.
Einnig brautskráðust 6 rekstrarfræðingar.
Við rekstrardeild tekur til starfa tveggja
ára framhaldsdeild, gæðastjórnunarbraut.
Fyrsta veturinn voru 11 manns skráðir til
náms. Innritaðir nemendur alls 161.
1992
Samstarfssamningur við Rannsóknar-
stofnun fiskiðnaðarins undirritaður í febr-
úar. Ný lög um Háskólann á Akureyri gef-
in út 1. júní. Ríkissjóðir kaupir 1.2. og 3.
hæð í> Glerárgötu 36 af Kaupfélagi Eyfirð-
inga og 4. hæð hússins af Byggðastofnun
í október. íslandsbanki afhenti Rannsóknar-
stofnun Háskólans á Akureyri 3. hæð í
Glerárgötu 34 til afnota endurgjaldslaust í
1 ár. Heimild veitt til stofnunar kennara-
deildar í desember. Menntamálaráðuneyti
gefur út reglugerð um Rannsóknarstofnun
Háskólans á Akureyri í júlí. Fyrsta hús á
stúdentagörðum við Klettastíg tekið í notk-
un við upphaf haustmisseris. Brautskráðir
voru í júní 9 hjúkrunarfræðingar og 16
rekstrar- og iðnrekstrarfræðingar.
1993
Samstarfssamningur við Iðntæknistofn-
un Íslands undirritaður í maí. Rekstrardeild
flytur í Glerárgötu 36 við upphaf haustmiss-
eris. Tvö seinni hús stúdentagarða við
Klettastíg, tekin í notkun í ágústlok.
Kennsla hefst í kennaradeild á haustönn.
Brautskráðir 17 hjúkrunarfræðingar, 5
rekstrarfræðingar og 8 iðnrekstrarfræðing-
ar. Innritaðir nemendur alls 266.
1994
Fyrstu sjávarútvegsfræðingarnir braut-
skráðir 4. janúar. Sama dag voru braut-
skráðir 3 rekstrarfræðingar og 1 iðnrekstr-
arfræðingur. Ný reglugerð fyrir Háskólann
á Akureyri sett í júní. Leigusamningur
gerður við Oddfellowregluna um 250 fer-
metra húsnæði við Sjafnarstíg og gildir
hann til 5 ára. Kennaradeild tekur upp
kennslu í uppeldis- og kennslufræðum fyrir
starfandi Ieiðbeinendur, 30 eininga kennslu-
réttindanám sem tekur 2 ár. Brautskráðir
37 kandidatar í júní. Innritaðir nemendur
alls 385.
1995
Samstarfssamningur við Rannsóknar-
stofnun landbúnaðarins undirritaður í mars.
Húsnæði á Sólborg formlega afhent skólan-
um 1. apríl. Breyting á reglugerð gefin út
í júni en þar með fær rekstrardeild heimild
til að útskrifa kandidata með BS-próf í
rekstrarfræði. Skjöldur til minningar um
Vilhjálm Stefánsson afhjúpaður 1. maí.
Aðalskrifstofur háskólans flytja að Sólborg
4. september og fomilega opnaðar 30. sept-
ember. Samstarfssamningur við Fræðslu-
skrifstofu Norðurlandsumdæmis eystra
undirritaður í ágúst. Samstarfssamningur
við Fiskifélag íslands undirritaður í októ-
ber. Brautskráðir kandidatar alls 52. Innrit-
aðir nemendur alls 397.