Morgunblaðið - 19.01.1996, Side 60

MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NBTFANG MBL@CENTRUM.IS / AKUREYRI: HAFNARSTRÆTI 85
FÖSTUDÁGUR 19. JANÚAR 1996
VERÐ í LAUSASÖLU 125 KR. MEÐ VSK
Samningaviðræður um kvóta íslenzkra skipa í Barentshafi í sjálfheldu
ESB krefst sama kvóta og
samið yrði um við Island
SAMNINGAVIÐRÆÐUR íslands,
Noregs og Rússlands um þorsk-
veiðar íslenzkra skipa í Smugunni
í Barentshafi hafa verið í sjálfheldu
á þriðja mánuð eftir að talsvert
hafði þokazt í samkomulagsátt síð-
astliðið haust.
Samkvæmt heimildum Morgun-
blaðsins er ástæðan sú að Evrópu-
sambandið hefur gert norskum
stjórnvöldum grein fyrir því að
yerði samið við ísland krefjist sam-
bandið sambærilegra veiðiheimilda
fyrir eigin skip, til viðbótar við
þann þorskkvóta, sem sambandið
hefur nú þegar í Barentshafi.
Norðmenn greindu íslenzkum
stjórnvöldum frá þessu í kringum
mánaðamót október og nóvember
og hafa Islendingar jafnframt
fengið staðfestingu frá Evrópu-
sambandinu sjálfu um að svona
liggi í málinu.
Norðmenn treysta sér
ekki til að semja
Norðmenn hafa skýrt Islending-
um frá því að hendur þeirra séu
bundnar af þessum sökum og þeir
treysti sér ekki til að semja við ís-
land nema að takist að fá Evrópu-
sambandið til að falla frá þessari
kröfu.
Samningafundur íslands, Noregs
og Rússlands í Smugudeilunni verð-
ur haldinn í Moskvu í næstu viku,
en af þessum sökum er ekki búizt
við miklum árangri.
Úrslitatilraun til
samkomulags um síldina
Á undan viðræðunum um Smug-
una í Moskvu verður haldinn samn-
ingafundur íslands, Færeyja, Nor-
egs og Rússlands um veiðar og
stjórnun á norsk-íslenzka síldar-
stofninum á þessu ári. Þar verður
gerð úrslitatilraun til að ná sam-
komulagi um kvótaskiptingu, en
takist það ekki hafa ísland og
Færeyjar lýst yfir að löndin muni
gefa út einhliða kvóta. Rússnesk
stjórnvöld hafa lítið gefíð upp um
afstöðu sína í deilunni, en að undan-
förnu hafa hagsmunaaðilar í rússn-
eskum sjávarútvegi látið í ljós mikla
óánægju með einhliða kvótaákvörð-
un Norðmanna.
■ Breytt staða/30
Dulúð
í nótinni
EFTIR einmuna blíðu á suð-
vesturhorninu hefur kulda-
boli aftur látið á sér kræla
og breiðir hvíta sæng sína af
natni yfir mannheima. Oft
verða til dulúðlegar myndir
eins og í nótinni við netagerð-
ina Krosshús í Grindavík. Þó
engir tveir eigi eftir að sjá
hið sama þarf ekki að fjölyrða
um hvaða leyndardóma nótin
hefur að geyma. Þeir Sigþór
Olafsson og Bjarni Andrésson
láta hins vegar enga slíka
draumóra á sig fá og snúa
baki í hauginn.
Tvímenningarnir ganga
vasklega til verks. Væntan-
lega eiga þeir næg verkefni
fyrir höndum enda eins gott
að gert hafi verið við nótina
þegar sjómennirnir þurfa á
henni að halda við veiðarnar.
Morgunblaðið/RAX
Hæstiréttur um veiðireynslu o g aflaúthlutun eftir eigendaskipti
Seljanda skipsins ber
að fá hluta af kvótanum
HÆSTIRÉTTUR hefur staðfest dóm undirrétt-
ar í dómsmáli milli útgerðarmanna í Keflavík
þar sem deilt var um hvort fyrrverandi eiganda
fiskiskips hafi borið að fá hluta af skarkola-
kvóta skipsins, sem úthlutað var eftir eigenda-
skiptin, en kvótaúthlutunin byggðist að hluta
til á veiðireynslu sem seljandinn hafði áunnið
skipinu á meðan það var í eigu hans. Héraðs-
» dómur Reykjaness dæmdi seljanda skipsins í vil
í júlí 1994.
Málið snýst um sölu fiskiskips árið 1988, sem
þá hét Arnar KE 260. Engar takmarkanir voru
á veiðum skarkola þegar eigendaskiptin áttu
sér stað en árið 1990 var skarkoli settur undir
kvóta og var skipinu þá úthlutað aflamarki, sem
byggðist á aflareynslu skipsins frá 1. septem-
þer 1987 en hluta þess tíma var skipið í eigu
seljanda skipsins. Kaupsamningur aðila kvað á
um að engin fiskveiðiréttindi skyldu fylgja bátn-
um við söluna. Héraðsdómur Reykjaness dæmdi
seljanda skipsins í vil í júlí 1994. Kaupendur
skipsins, sem voru tveir, áfrýjuðu þá málinu til
Hæstaréttar.
Hafði uppi tilkall
til aflaheimildar
Í dómi Hæstaréttar segir að aðilar hafi verið
sammála um að réttindi til skarkolaveiða hafi
ekki verið rædd við gerð kaupsamnings þeirra.
Hins vegar sé viðurkennt af hálfu áfrýjenda að
þeir hafi ekki verið að kaupa annað af stefnda
en skipið sjálft. Fyrir liggi að stefndi hafi haft
uppi tilkall til aflahlutdeildar vegna þeirrar afla-
reynslu sem hann hafði áunnið skipinu þegar
eftir úthlutun aflaheimildar í mars 1991. Jafn-
framt virðist ljóst að sjávarútvegsráðuneytið
hafi verið reiðubúið til að virða þetta tilkall á
grundvelli laganna ef fram kæmi staðfesting
þess að samningar hans og áfrýjenda stæðu því
ekki í vegi.
I dómsorði segir _að hinn áfrýjaði dómur eigi
að vera óraskaður. Áfrýjendum er gert að greiða
stefnda 200 þúsund kr. í málskostnað fyrir
Hæstarétti. Málið dæmdu hæstaréttardómararn-
ir Haraldur Henrysson, Guðrún Erlendsdóttir,
Hjörtur Torfason, Hrafn Bragason og Pétur. Kr.
Hafstein. Pétur skilaði sératkvæði. Þar segir
m.a. að hagnýting veiðiheimilda sé á hverjum
tíma háð ákvörðunum í löggjöf og fyrirmælum
stjórnvalda. Úthlutun heimildanna skapi ekki
eignarrétt yfir þeim sem varinn sé af eignarrétt-
arákvæðum stjórnarskrárinnar enda séu nytja-
stofnar á íslandsmiðum sameign íslensku þjóðar-
innar samkvæmt lögum um stjórn fiskveiða. Því
beri að sýkna áfrýjendur af öllum kröfum stefnda
og dæma þeim málskostnað í héraði og fyrir
Hæstarétti.
Mynda-
vélar í
miðbæ
LÖGREGLAN í Reykjavík
hefur verið að prófa sig áfram
með uppsetningu eftirlits-
myndavéla í miðborg Reykja-
víkur. Prófaður hefur verið
búnaður frá tveimur fram-
leiðendum og um síðustu
helgi var eftirlitsmyndavél
staðsett á húsi Hérðasdóms
Reykjavíkur við Lækjartorg.
Böðvar Bragason, lög-
reglustjóri, segir að lögreglan
sé þeirrar skoðunar að skyn-
samlegt sé að koma upp eftir-
litsmyndavélum. Þær hafi
gefið mjög góða raun í mið-
borgum erlendis, til dæmis í
Bretlandi, og komið hafi í ljós
að glæpum hafi fækkað á
þeim svæðum þar sem slíkum
myndavélum hafi verið komið
upp.
Þrjár vélar fylgist með
mannaferðum
Böðvar sagði að þetta væri
í raun ekkert frábrugðið því
sem gert væri hjá fjölmörgum
einkaðilum sem notuðu slíkar
vélar til eftirlits með eignum
sínum.
Böðvar sagði að málið
væri á byijunarstigi og væri
gert ráð fyrir fjárveitingu til
kaupa á þessum búnaði í ár.
Þeir væru að búa í haginn
með þessum athugunum, en
ef til kæmi þyrfti að líkindum
þijár vélar til að fylgjast með
mannaferðum í miðbænum.
Eldur
um borð
í Klöru
MIKLU tjóni var afstýrt um borð
í skuttogaranum Klöru Sveinsdótt-
ur SU 50 síðdegis í gær þar sem
hann lá við Ægisgarð þegar eldur
kom upp í netageymslu.
Eldur kviknaði í flúorljósastæðu
í lofti netageymslu, plastið lak log-
andi niður og í netahrúgu sem lá
á gólfinu fyrir neðan. í ljósinu
kviknaði vegna þess að gat kom
á dekkið beint fyrir ofan þar sem
verið var að logskera.
Slökkvitækjum beitt
Skipverjar náðu að halda eldin-
um í skeflum, þangað til slökkvilið
kom, með því að sprauta úr
slökkvitæki niður um gatið. Að
sögn varðstjóra hjá slökkviliðinu í
Reykjavík skipti það sköpum því
að við svona aðstæður geta mínút-
ur ráðið úrslitum.
Tveir reykkafarar fóru inn í
netageymsluna og réðu niðurlög-
um eldsins. Talsverður reykur var
kominn í geymsluna en hvorki
mikill hiti né mikill eldur.
Skemmdir urðu á ljósastæðunni
og í rafmagni og nokkrar sót-
skemmdir í geymslunni en að öðru
leyti tókst að forðast tjón.