Morgunblaðið - 04.02.1996, Blaðsíða 24

Morgunblaðið - 04.02.1996, Blaðsíða 24
24 SUNNUÐAGUR 4. FEBRÚAR 1996 MORGUNBLAÐIÐ KVIKMYNDIR/Regnboginn sýnir kvikmyndina Waiting to Exhale með þeim Whitney Houston o g Angelu Basset í aðalhlutverkum. Myndin er gerð eftir metsölubók skáldkon- unnar Terry McMillan og fór beint á toppinn í Bandaríkjunum þegar hún var frumsýnd. KONUR í KREPPU WAITING to Exhale er saga fjögurra vin- kvenna sem allar standa á einhverskonar tímamót- um. Þær eru annaðhvort að stofna til ástarsambanda eða slíta þeim, en í sífelldri leit að þeim eina rétta. Savannah (Whitney Houston) hefur árum saman beðið guð að senda sér heiðarlegan mann, en í staðinn hefur rekið á fjörur hennar hinn ótrúa Lionel og hinn harðgifta Kenneth. Bemadine (Angela Bassett) beinir kröftum sínum hins vegar að bráðlega fyrrver- andi eiginmanni sínum sem hefur yfirgefið hana vegna bókhaldara síns. Fyrstu viðbrögð Bernadine við þessu vekja ekki mikla kátínu hjá slökkviliðinu því hún kveikir í rándýrum fatnaði eiginmanns- ins og bílnum hans á götunni fyrir utan heimili þeirra. Þriðja vinkonan er Robin (Lela Rochon) sem er framakona í viðskiptalíf- inu þar sem hún stenst flestum snúning, en þegar karlmenn eru annars vegar örlar lítið á heil- brigðri skynsemi hjá henni. Pjórða vinkonan er svo Gloria (Loretta Devine) sem hefur verið dugleg við að safna holdum upp á síðkastið. Hjá henni er útlitið ekki svo svart því um leið og sonur hennar er á leiðinni til Evrópu er hún að stofna til ná- inna kynna við nágranna sinn, en sem betur fer er hann hrifinn af konum sem hafa eitthvert kjöt utan á sér. Waiting to Exhale er gerð eft- ir samnefndri skáldsögu rithöf- undarins Terry McMillan, en sagan kom út í maí 1992 og fór beint á metsölulista New York Times og þar trónaði hún í 38 vikur. Sagan hefur selst í rúm- lega 700 þúsund eintökum í bandi og á þriðju milljón kilja hefur selst, en sagan hefur setið á toppi metsölulista á nýjan leik eftir að kvíkmyndin var frum- SAVANNAH (Whitney Houston) hefur árum saman beðið guð að senda sér heið- arlegan mann. sýnd í desember. Höfundurinn, Terry McMillan, lauk prófi í blaðamennsku frá háskólanum í Berkeley og að því loknu stund- aði hún nám í kvikmyndafræðum við Kólumbíuháskóla. Fyrsta skáldsaga hennar, Mama, kom út 1987 og tveimur árum síðar sendi hún frá sér aðra bók, Disappearing Acts. Waiting to Exhale er þriðja bók hennar en sú fjórða sem kom út í fyrra heitir A Day Late and a Dollar Short. Söngkonan og leikkonan Whitney Houston fer með hlut- verk Savannah og er þetta annað kvikmyndahlutverk hennar, en áður lék hún á móti Kevin Costn- er í The Bodyguard. í þeirri mynd söng hún sex lög og hlaut hún Grammy verðlaunin fyrir lagið I Will Always Love You. í Waiting to Exhale syngur hún tvö lög, en tónlist leikur veiga- BERNADINE (Angela Bassett) kveikir í fatnaði eiginmannsins og bilnum þegar hann yfirgefur hana. GLORIA (Loretta Devine), sem hefur verið dugleg við að safna holdum, ræðir málin við Bernadine. mikið hlutverk í myndinni. Hún hefur selt rúmlega 80 milljónir hljómplatna og hlotið fímrn Grammy verðlaun auk fjölda annarra verðlauna fyrir tónlist sína. Houston hefur þegar leikið í þriðju kvikmyndinni en það er The Preacher’s Wife og í henni leikur hún á móti Denzel Was- hington. Leikstjóri myndarinnar er Penny Marshall og er um endurgerð myndar frá 1947 að ræða. Sú mynd hét The Bishop’s Wife og fóru Cary Grant og Loretta Young með aðalhlutverk í henni. Fyrir hlutverkið í mynd- inni fær Houston 10 milljónir bandaríkjadala í sinn hlut. Hin 37 ára gamla Angela Bassett sló í gegn svo um mun- aði þegar hún fór með hlutverk Tinu Turner í myndinni What’s Love Got to Do With It árið 1993, en fyrir hlutverkið hlaut hún Golden Globe verðlaunin og Óskarstilnefningu sem besta leikkona í aðalhlutverki. Bassett ólst upp ásamt móður sinni og systur í Saint Petersburg í Flórída, og þegar hún var á skólaferðalagi í Washington kviknaði áhugi hennar á leiklist þegar hún sá leikritið Mýs og menn eftir sögu John Steinbecks. Tækifærið til að láta drauminn rætast kom svo þegar hún hlaut styrk til að stunda háskólanám í Yale, en þaðan lauk hún meist- aragráðu í leiklist. Að námi loknu hélt hún til New York til að freista gæfunnar og féllu henni í skaut ýmis hlutverk á leiksviði. Árið 1990 ákvað hún að reyna fyrir sér í Hollywood og ekki leið á löngu þar til henni bauðst veigamikið hlutverk í myndinni Boys N the Hood sem John Sing- leton leikstýrði, en í myndinni lék hún metnaðarfulla einstæða móður. Þá tók við hlutverk eigin- konu Malcolms X í samnefndri kvikmynd sem Denzel Washing- ton lék aðalhlutverkið í og hlaut hún einróma lof gagnrýnenda fyrir áhrifamikinn leik sinn í þeirri mynd. Aðrar myndir sem Bassett hefur farið með hlutverk í eru F/X, Kindergarten Cop, City of Hope, Innocent Blood, Passion Fish, Vampire in Brooklyn, Pant- her og Strange Days sem Kat- hryn Bigelow leikstýrir. Frumraunin FOREST Whitaker, leik- stjóri Waiting to Exhale, hefur fyrir löngu getið sér orðstír sem hæfileikamikill leikari sem tekist getur á við hlutverk af ólíku tagi. Waiting to Exhale er frumraun hans sem kvikmyndaleikstj óra, en hann hefur áður leikstýrt sjón- varpsmyndinni Strapped sem gerð var 1993 og fyrir hana hlaut hann verðlaun á kvik- myndahátíðinni í Toronto sem besti nýi leikstjórinn það árið. Whitaker er fæddur 15. júlí 1961 í Longview í Texas, en hann ólst upp í Carson í Kali- forníu og miðborg Los Ange- les. í framhaldsskóla lék hann með ruðningsliði og komst hann i ríkisháskólann í Kali- forníu á íþróttastyrk sem hann hlaut. Síðar hlaut hann svo styrk til náms við háskólann í S-Kalifomíu, en þar lagði hann fyrir sig nám í leiklist og tónlist. Að því námi loknu stundaði hann svo nám í Drama Studio í London á sér- stökum styrk sem hann hlaut. Whitaker lék á sviði um gjör- völl Bandaríkin og í London og voru það helst dramatísk hlutverk af ýmsu tagi sem féllu honum í skaut. Fyrsta kvikmyndahlutverk- ið sem Whitaker áskotnaðist var í myndinni Fast Times at Ridgemont High sem gerð var 1982, en síðan hefur hann leik- ið í rúmlega 20 kvikmyndum auk þess sem hann hefur leik- ið í sjónvarpsmyndum, og hef- ur hann fengið ýmsar viður- kenningar fyrir frammistöðu sína. Hann vakti fyrst veru- lega athygli þegar hann fór með hlutverk jasstónlistar- mannsins Charlie Parkers í kvikmyndinni Bird sem Clint Eastwood leikstýrði, en fyrir túlkun sína á Parker hlaut Whitaker verðlaun sem besti leikarinn á kvikmyndahátíð- inni í Cannes 1988 og einnig var hann nefndur til Golden Globe verðlaunanna fyrir hlut- verkið. Þá hlaut hann ekki síð- ur mikla athygli og viðurkenn- ingu fyrir hlutverk sitt í Ósk- arsverðlaunamyndinni The Crying Game, sem Neil Jordan leikstýrði (1992), en í henni lék hann gíslinn Jody. Meðal annarra mynda sem Whitaker hefur leikið í eru Blown Away, Platoon, Good Morning Vietnam, Consenting Adults, Stakeout, The Color of Money, Johnny Handsome, Diary of a Hitman, Body Snatchers, Pret-a-Porter og Jason’s Lyric. Auk þess að leikstýra Waiting to Exhale á síðasta ári lék hann í myndun- um Species og Smoke, en um þessar mundir leikur hann með þeim John Travolta og Robert Duvall í myndinni Phenomenon. Whitaker var í fyrstu hik- andi þegar honum bauðst að koma metsölubók Terry McMillan á hvíta tjaldið og fannst honum eðlilegra að kona yrði fengin til að leik- stýra myndinni, en boðskapur sögunnar náði þó fljótt tökum á honum. „Waiting to Exhale er um sambönd fólks, um lífið og ástina og sigur á erfiðleik- um. Allt þetta höfðar jafnt til karla og kvenna og snýst raun- ar um það að reyna að komast áfram og öðlast hamingju í lífinu og taka réttar ákvarðan- ir,“ segir hann. Whitaker sá fyrir sér hvern- ig spinna mætti saman sögur kvennanna í Waiting to Exhale með því að „finna tónlistina“ í lífi þeirra og hvemig þær væru eins og kvartett. Þegar hann hafði öðlast þessa sýn ákvað hann að taka verkefnið að sér og framleiðendur myndarinnar hrifust sam- stundis af því hvemig hann hygðist koma sögu Terry McMillan til skila.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.