Morgunblaðið - 23.02.1996, Blaðsíða 11
MORGUNBLAÐIÐ
FÖSTUDAGUR 23. FEBRÚAR 1996 11
FRÉTTIR
Tugmilljóna tjón varð á loðnuskipinu Dagfara GK 70 eftir að skipið fékk á sig brotsjó
„Alltaf tví-
sýnt eftir á“
LOÐNUSKIPIÐ Dagfari GK 70 kom
til hafnar í Keflavík kl 1 í fyrrinótt
í fylgd varðskipsins Týs, en skipið
fékk á sig brot í gærmorgun þegar
það var statt í tólf vindstigum
grunnt út af Reykjanesi með full-
fermi af loðnu. Öll tæki í brú skips-
ins eyðilögðust auk loðnuskilju og
annars sem var á dekki, og er þar
um tugmilljóna króna tjón að ræða
að mati Guðmundar Garðarssonar
skipstjóra á Dagfara.
Hafist var handa þegar í fyrri-
nótt um að skipta um tækjabúnað
í brú skipsins, og heldur skipið vænt-
anlega á veiðar innan fárra daga
að sögn Guðmundar.
Guðmundur sagði í samtali við
Morgunblaðið í gær að tvö brot
hefðu komið með stuttu millibili á
Dagfara og brotið brúarglugga bak-
borðsmegin og brúin fyllst af sjó
alveg upp í loft. Einn háseti sat
undir brúargluggunum þegar brotið
kom og fannst hann síðan meðvit-
undarlaus úti í horni á gólfinu í
brúnni stjómborðsmegin, en fjórir
menn úr 14 manna áhöfn á skipinu
voru í brúnni þegar brotið kom.
Meiðsl hásetans voru ekki talin mjög
alvarleg.
Ekki óalgengt að
gluggar fari
Átta vindstig voru þegar brotið
skall á skipinu klukkan fjórðungi
fyrir átta, en að sögn Guðmundar
kom annað skömmu síðar þvert á
skipið. Aðspurður hvort ekki hefði
verið tvísýnt að leggja í Reykjanes-
röstina í þessu veðri sagði Guð-
mundur að svona væri alltaf tvísýnt
eftir á.
„Það er búið að vera að ferðast
á þessum loðnuskipum í öllum veðr-
um og flytja þetta á milli lands-
hluta. Þegar verið er í þessari fryst-
ingu þá byggist þetta mikið upp á
því að geta komist með hráefnið á
þá staði þar sem á að ianda. Ég
hef ekki áður lent í svona miklu,
en annars er það ekkert óalgengt
að það fari gluggar og svoleiðis.
Það er verið að þvælast á þessu í
öllum veðrum," sagði hann.
Gerðu vart við sig
með GSM síma
Eftir að síðara brotið reið yfir var
Dagfari sambandslaus við umheim-
inn að öðru leyti en því að áhöfnin
gat gert vart við sig með GSM far-
síma sem einn hásetanna var með.
Guðmundur sagði að mannskapur-
inn hefði þegar hafist handa við að
bjarga því sem bjargað varð.
„Við reyndum að byrgja fyrir
glugga og ná skipinu upp í veður
og vind og ná tækjum í gang til að
halda þessu til í sjónum, en vélar
skipsins gengu allan tímann. Sjórinn
gekk niður í allar vistarverur og þar
fór allt á flot,“ sagði Guðmundur.
Hann hefur verið skipstjóri í 30
ár, en þetta er fjórða vertíðin sem
hann hefur verið með Dagfara.
Skipið var með fullfermi af loðnu,
um 500 tonn, og var aflanum land-
að í Keflavík í gærmorgun.
Morgunblaðið/Þorkell
GUÐMUNDUR
Garðarsson,
skipstjóri á
Dagfara GK, í
brú skipsins í
gærmorgun en
þá var verið að
fjarlægja ónýt-
an tækjabún-
aðinn úr
brúnni. Um 500
tonnum af
loðnu var land-
að úr Dagfara í
Keflavík í gær.
Skipið var með
fullfermi þegar
það fékk á sig
brot.
Varnarmálaskrifstofa utanríkisráðuneytisins
Onóg reynsla af útboðum
V ARN ARMÁLASKRIFSTOFA ut-
anríkisráðuneytisins telur að ekki sé
hægt að draga ályktanir um spamað
af útboðum af því eina verki, sem
hefur verið boðið út á vegum Mann-
virkjasjóðs NATO hér á landi. í
Morgunblaðinu í gær kom fram að
ístak hefði boðið í og fengið „til-
raunaverkefni" í ratsjárstöðinni á
Stokksnesi og framkvæmt það fyrir
upphæð sem var 15% lægri en kostn-
aðaráætlun.
Fá ekki að sjá kostnaðaráætlun
Frá 1. apríl í fyrra hefur sú regla
gilt að bjóða verði út allar varnar-
framkvæmdir, sem kostaðar eru af
Mannvirkjasjóði NATO. Áður sátu
íslenzkir aðalverktakar og Keflavík-
urverktakar einir að þessum fram-
kvæmdum. Að sögn varnarmála-
skrifstofunnar fá Aðalverktakar og
Keflavíkurverktakar ekki að sjá
kostnaðaráætlun frá varnarliðinu,
þegar samið er við fyrirtækin um
verk. „Einungis liggur fyrir að samið
verði við verktaka á tilteknu verð-
bili. Ef tilboð er hærra en kostnað-
aráætlun er þessum verktökum til-
kynnt að það sé yfir kostnaðaráætlun
og því verði ekki samið á þessum
grundvelli. Ef verktakarnir bjóða
undir kostnaðaráætlun hafa þeir ekki
fengið upplýsingar um slíka áætlun.
Því má fastlega gera ráð fyrir að
verk séu iðulega unnin undir kostn-
aðaráætlun vamarliðsins,“ segir í
svömm varnarmálaskrifstofunnar
við spurningum Morgunblaðsins um
þetta efni.
Þar kemur einnig fram að Kefla-
víkurverktakar hafi boðið í fram-
kvæmdirnar á Stokksnesi og verið
„vel undir kostnaðaráætlun“. Þar
sem verkið hafi verið unnið fjarri
höfuðstöðvum fyrirtækisins hafi
bætzt við 20-40% álag, dagpeningar,
ferðakostnaður og fleira, sem innifal-
ið hafi verið í tilboðinu. „Tilboð fyrir-
tækisins hefði því væntanlega orðið
mun lægra ef verkið hefði verið unn-
ið í Keflavík," segir í svari varnar-
málaskrifstofunnar.
Ekki hægt að álykta um
sparnað
Að mati skrifstofunnar er ekki
hægt að draga ályktanir af útboðinu
um hagræðingu í verktöku. Verkið
hafi verið einfalt í sniðum og ekki
gert neinar sérkröfur til tækjakostar
eða þekkingar, eins og algengt sé
varðandi verk fyrir varnarliðið. Því
verði „í fyrsta lagi eftir nokkur ár“
hægt að draga ályktanir um reynsl-
una af útboðum.
Borgarstjóri um fund slökkviliðsmanna um Neyðarlínuna hf.
Ekki stefna borgarinnar að
meina mönnum fundarsókn
„ÞAÐ er ekki stefna núverandi
borgaryfirvalda að meina mönnum
að sækja fundi, þar sem koma fram
sjónarmið sem eru andstæð stefnu
borgarinnar en ég get ekki sætt
mig við að þeir sæki slíka fundi án
samráðs við yfirmenn," segir Ingi-
björg Sólrún Gísladóttir borgarstóri.
Þrettán slökkviliðsmönnum frá
Slökkvilið Reykjavíkur, sem ætluðu
á fund Landssamtaka slökkviliðs-
manna um Neyðarlínuna hf., s.l.
þriðjudagskvöld, var skipað að snúa
aftur til vinnu. Var haft eftir Hrófli
Jónssyni slökkviliðsstjóra í fétt
Morgunblaðsins í gær, að greinilega
hafi verið boðað til fundarins til að
beijast gegn yfirlýstri stefnu borg-
aryfirvalda og yfirmanna slökkvi-
liðsins. Sagði hann að afstaða borg-
aryfirvalda og liðsins hafi verið að
menn væru ekki í vinnutímanum að
hamast gegn stefnu yfirboðara
sinna.
„í mínum huga koma skoðanir
borgaryfirvalda eða skoðanir
slökkviliðsmanna þessu máli ekki
við,“ sagði borgarstjóri. „Þetta er
ákvörðun sem Hrólfur tekur sjálfur
en hins vegar finnst mér að slökkvi-
liðsrnenn sem sinna öryggisgæslu
geti ekki einhliða ákveðið hvort og
hvaða fundi þeir sækja í sínum
vinnutíma. Þeir hljóta að þurfa að
hafa um það samráð við sinn yfir-
mann og það var ekki gert í þessu
tilviki. Þeir hafa fengið að fara í
þrekþjálfun og á fræðslufundi í vin-
nutíma en það er þá alltaf í sam-
ráði og með fullri vitund og vilja
yfirmanna. Mér finnst það ekki
ganga að þeir ákveði það einhliða."
Kanebo
art Through Technology
Snyrtivörur fráJapan
sem njóta virðingar um víða veröld.
KYNNING
Fimmtudaginn 22. febrúar kl 13-18
snyrtivörudeildin í Laugavegsapóteki.
Föstudaginn 23. febrííarkl 13-18
snyrtivörudeildin í 17, Laugavegi.
Laugardaginn 24.febrííar snyrtivörudeildin kl 13-18
í Hagkaupi, Kringlunni.
Sérfræðingar hjá Kanebo farða og aðstoða
Karl Berndsen förðunarmeistari.
Margrét Ása snyrtifræðingur.