Morgunblaðið - 03.07.1996, Blaðsíða 9
MORGUNBLAÐIÐ
_________FRÉTTIR______
Sómabyrjun í Svartá
og Svalbarðsá
GUNNHILDUR Ásgeirsdóttir glúndi við sinn fyrsta lax í Elliðaán-
um á dögunum og hafði betur. Á myndunum nýtur hún aðstoðar
Einars Páls Garðarssonar.
ÞRÍR laxar veiddust fyrstu dagana
í Svartá og er það með því besta sem
þar gerist í opnun, enda áin langt
inni í landi og talin með svokölluðum
„síðsumarsám". Aftur á móti gáfu
líflegar göngur í Blöndu snemma í
júní góð fyrirheit að líf myndi vera
í Svartá mánuði seinna og gekk það
eftir.
Þá voru menn himinlifandi með
opnunina í Svalbarðsá í Þistilfirði.
Fyrsti maðurinn sem renndi færi
veiddi umsvifalaust 17 punda fisk
og sjö laxar til viðbótar fylgdu honum
á þurrt áður en fyrsta hollið hafði
lokið veiðum fyrsta daginn.
„Einhver reytingur"
„Það veiddust þrír laxar og það
var einhver reytingur af fiski kominn
upp um alla á. Laxarnir voru allir
10-11 pund, tveir þeirra veiddust í
Ármótunum og einn í Hlíðarhyl. Ár-
mótin eru annars óvenjuleg núna að
því leyti að Blanda er nánast tær
og því varla um vatnaskil að ræða.
Laxinn virðist þó stoppa eitthvað
þarna þrátt fyrir það,“ sagði ívar
Páll Jónsson, einn þeirra sem opnuðu
Svartá um helgina. Sagði ívar enn
fremur að menn teldu þetta með
betri opnunum í Svartá seinni árin,
því algengt væri að enginn lax veidd-
ist í ánni í opnun, eða í mesta lagi
einn eða tveir. Sjaldan fleiri.
Lax kominn í Svalbarðsá
Átta laxar veiddust í Svalbarðsá
í Þistilfirði á mánudaginn. Fyrsti lax-
inn gaf góðan tón, þar var um 17
punda lax að ræða. Fleiri laxar bætt-
ust í aflann í gær og töldu menn að
komið væri talsvert af laxi í ána.
Að sögn Jörundar Markússonar,
leigutaka Svalbarðsár, var laxinn
einkum í efri hluta árinnar og allt
var það stórlax sem veiddist, m.a.
tveir 17 punda, einn 16, einn 15 og
einn 14 punda. Enginn var minni en
10 pund og sagði Jörundur að í þrem-
ur hyljum hafi þeir félagar séð enn
stærri laxa en þá 17 punda sem
veiddust. Með í hópnum var Kolbeinn
Jóhannsson, sem veitt hefur í ánni í
40 ár. Að sögn Jörundar man Kol-
beinn varla eftir annarri eins byijun.
Á þriðja hundrað á einu kvöldi
Víða leynast veiðiparadísir, en
langt er þó að sækja sumar og á það
við um Ljótapoll á Landmannaleið.
Ljótipollur er fom sprengigígur, eins
og stækkuð mynd af Kerinu í Gríms-
nesi og það kemur mörgum á óvart
að í vatninu skuli þrífast fiskur.
Kvöld eitt fyrir skemmstu voru þrír
menn þar að veiðum. Stóðu þeir við
og mokuðu fiski nær sleitulaust á
þurrt. Á endanum, eftir sex klukku-
stunda veiðiskap, lágu 235 fiskar í
valnum og var þó enn botnlaus taka
er mennirnir þrír spóluðu inn og töldu
nóg komið og vel það. Allt var þetta
urriði, mest um það bil 1,5 punda.
Framan af veiddist mest á spón,
grænan „Dropa", en er fór að hægj-
ast um tökur sneru menn sér að síld,
beittu henni og köstuðu sökkulausu.
Hélt þá atgangurinn áfram af fullum
krafti.
Prýðisgóð veiði hefur verið í Með-
alfellsvatni að undanförnu, að sögn
Gísla Ellertssonar á Meðalfelli. Menn
eru að fá ágætan urriða, 1-2,5 punda,
reyting af bleikju og svo hafa nokkr-
ir laxar veiðst.
Þá virðist sjóbleikja vera að hnussa
af heimaám sínum og vötnum fyrr
en venjulega á þessu sumri. Þannig
fór hópur í Kaldbaksvík fyrir um
hálfum mánuði og veiddi um 20
bleikjur, allt að 4-5 punda.
MIÐVIKUDAGUR 3. JÚLÍ 1996 9
Sértilboð til
Costa del Sol
30. júlí
frá 43.932
Nú getum við boðið okkar
vinsæia gististað á Costa
del Sol, E1 Pinar, á frábæru
verði þann 30. júlí. Hér er
glæsilegur aðbúnaður í boði, allar íbúðir
með sjónvarpi, síma, loftkælingu og á hótelinu er
mikil þjónusta, móttaka, veitingastaðir, tennis-
vellir, líkamsrækt og tvær sundlaugar. Hér getur
þú notið lífsins í sumar á vinsælasta sólarstað við
Miðjarðarhafið og nýtur góðrar þjónustu
fararstjóra Heimsferða á staðnum.
43.932
Verð kr.
M.v. hjón með 2 böm, 2-11 ára, 30. júlí.
49.960
Verð kr.
M.v 3 í studíó, E1 Pinar, 30. júlí.
HEIMSFERÐIH
Austurstræti
hæð. Sími 562 4600.
ÚTSALA ÚTSALA ÚTSALA
öðumv
ehf. tískuverslun v/Nesveg Seltjarnarnesi sími 561 1680
Afgreiddu þín mál á öruggan hátt
Innlausn spariskírteina ríkissjóðs fer fram 1. til 19. júlí. Komdu í Þjónustumiðstöð
ríkisverðbréfa og tryggðu þér áfram góð kjör með nýjum spariskírteinum eða
öðrum ríkisverðbréfum.
• Öruggustu verðbréf þjóðarinnar.
• Varsla spariskírteina.
• Yfirlit yfir eign og verðmæti skírteinanna.
• Tilkynning þegar iíður að lokagjalddaga.
• Föst og örugg ávöxtun út lánstímann.
• Aðstoð við sölu skírteina fyrir gjalddaga.
• Kaup og sala eldri flokka spariskírteina.
• Ráðgjöf gegnum síma.
• Upplýsingar um verðmæti skírteina
á hverjum tíma.
• Kaup á skírteinum í reglulegri áskrift.
• Aðstoð við endurfjármögnun
á spariskírteinum.
• Sérfræðingar í ríkisverðbréfum.
Hafðu samband við sérfræðinga okkar :
í ríkisverðbréfum og tryggðu þér ný
spariskírteini í stað þeirra sem nú eru ”
til innlausnar.
ÞJÓNUSTUMIÐSTÖÐ
RÍKISVERÐBRÉFA
Hverfisgötu 6,2. hæð, sími 562 6040, fax 562 6068.
Spariskírteini ríkissjóðs - framtíð byggð á öryggi