Morgunblaðið - 03.07.1996, Blaðsíða 52

‘HYUNDAI
HÁTÆKNI TIL FRAMFARA
^ Tæknival
SKEIFUNNI 17
SlMI 550-4000 • FAX 550-4001
MORGUNBLAÐIÐ, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRI: HAFNARSTRÆTI 85
MIÐVIKUDAGUR 3. JÚLÍ 1996
VERÐ í LAUSASÖLU 125 KR. MEÐ VSK
Gífurleg grasspretta er um sunnanvert landið
Morgunblaðið/RAX
ARI Páll Ögmundsson, bóndi í Stóru-Sandvík, lagði sig í heyið í gær meðan hann var að bíða eftir
betri þurrki. Hrefna, Jóhann, Fjóla og Anna, gátu ekki setið á sér og köstuðu í hann heyi.
Gras er farið að
spretta úr sér
Eigandi
Borgarapóteks
höfðar mál
Segir ráð-
herra brot-
legan við
lyfjalög
VIGFÚS Guðmundsson,_ eig-
andi Borgarapóteks í Álfta-
mýri 1-3, hefur höfðað mál á
hendur Ingibjörgu Pálmadótt-
ur, heilbrigðis- og trygginga-
ráðherra vegna lyfsöluleyfa
sem veitt voru í Lágmúla 5
og Skipholti 50c í Reykjavík
í aprílmánuði. Telur Vigfús
að ráðherra hafi brotið gegn
ákvæðum lyfjalaga um veit-
ingu lyfsöluleyfa svo og regl-
um stjórnsýslulaga.
Jafnframt hefur hann
stefnt Inga Guðjónssyni og
Guðríði Einarsdóttur, lyíja-
fræðingum, til að þola ógild-
ingu á lyfsöluleyfum sínum.
Ingi er annar af eigendum
Lyfju hf. í Lágmúla sem opnuð
var í apríl, en Guðríður hyggst
opna lyfjabúð í Skipholti.
Af hálfu Vigfúsar er vísað
til lyfjalaga, sem tóku gildi
þann 1. júlí 1994, en þar er
tekið fram að ráðherra skuli
senda umsóknir um ný lyf-
söluleyfi til umsagnar hjá við-
komandi sveitarstjórn. Síðan
segir að við mat umsóknar
skuli m.a. styðjast við íbúa-
fjölda að baki lyfjabúðinni og
fjarlægð hennar frá næstu
lyfjabúð. Leggist umsagnar-
aðili gegn veitingu nýs leyfis
sé ráðherra heimilt að hafna
umsókninni.
Ráðherra krefst
sýknu
Af hálfu heilbrigðisráð-
herra er þess krafist að hann
verði sýknaður af öllum kröf-
um eiganda Borgarapóteks.
M.a. er bent á að það sé eng-
um gögnum stutt að staðsetn-
ing nýrra lyijabúða á jgrund-
velli leyfanna komi sérstak-
lega hart niður á starfsemi
Borgarapóteks, umfram aðra
lyfsala, svo að réttlætt geti
slíka kröfugerð.
■ Krefst ógildingar/14
GUÐMUNDUR Lárusson, bóndi á
Stekkum, formaður Landssambands
kúabænda, segir að góð grasspretta
síðustu daga hafí leitt til þess að
margir bændur um sunnanvert land-
ið séu komnir í vandræði þar sem
gras sé farið að spretta úr sér, en
við það tapast mikið af næringarefn-
um úr grasinu og það verður verra
fóður. Fjöldi bænda sé í þeirri stöðu
að öll túnin eru fullsprottin og slátt-
ur ekki hafinn.
Guðmundur sagði að gróður væri
um 10 dögum fyrr á ferðinni um
sunnanvert landið í ár en í fyrrasum-
ar. Hann sagðist telja að margir
bændur hefðu ekki áttað sig á þessu
og borið of seint á túnin. Því færi
hins vegar fjarri að þetta væri stað-
an um allt land. Um norðanvert land-
ið og á jörðum upp til dala væri
grasvöxtur víða það skammt á veg
kominn að menn biðu enn eftir betri
sprettu.
„Líkast til hefur munur á sprettu
milli landshluta sjaldan eða aldrei
verið meiri en í ár,“ sagði Guðmund-
ur.
Ari Páll Ögmundsson, bóndi í
Stóru-Sandvík, hóf slátt 16. júní líkt
og nágranni hans, Guðmundur á
Stekkum. Hann sagði að spretta
hefði þá verið sæmileg, en síðan
hefði gras sprottið geysilega vel og
nú væri mjög nauðsynlegt að draga
ekki lengur að slá það. Hann sagði
að bændur, sem ekki hefðu bytjað
slátt um miðjan júní, væru að kom-
ast í vandræði vegna þessa.
Túnið í Stóru-Sandvík er um 70
hektarar að stærð og á einungis
eftir að slá um 20% af því. Ari Páll
sagði að ef þurrkur héldist út þessa
viku myndi hann ljúka fyrri slætti
fyrir vikulok. Hann sagði að lélegur
þurrkur hefði verið undanfarna
daga. Á mánudaginn hefði verið
ljómandi góður þurrkur framan af
degi, en síðdegis hefði farið að rigna
og árangur dagsins við að þurrka
heyið því farið fyrir lítið.
Metspretta garðávaxta
En það eru ekki bara tún sem
spretta vel þessa dagana. Útlit er
fyrir mjög góða uppskeru á græn-
meti og garðávöxtum. Korn sprett-
ur einnig óhemjuvel og verði tíðin
áfram jafngóð er útlit fyrir algjöra
metuppskeru. Árangur af korn-
ræktinni fer þó mikið eftir veður-
fari síðla sumars. Frost eða rok
getur á einum degi eyðilagt vel-
sprottinn kornakur.
■ Hætta á að heyfengur/4
Rannsóknarlögregla
ríkisins
90-100
GSM-sím-
um stolið
á árinu
RANNSÓKNARLÖGREGLU ríkis-
ins hafa borist tilkynningar um
þjófnaði á 90 til 100 GSM-símum
á höfuðborgarsvæðinu það sem af
er árinu.
Hörður Jóhannesson, yfirlög-
regluþjónn hjá RLR, segir að lög-
reglunni takist að finna töluverðan
fjölda af þessum símum.
Hörður sagði algengt að GSM-
símum væri stolið í innbrotum í
bíla og íbúðarhús. Ekki væri heldur
óalgengt að eigendur legðu símana
frá sér og fyndu þá svo ekki aftur,
t.d. á skemmtistöðum og ýmsum
öðrum stöðum.
Þjófnuðum á GSM-símum hefur
fjölgað í takt við aukna notkun hér
á landi. Alls var tilkynnt um þjófn-
aði á 30 til 40 GSM-símum til RLR
á síðasta ári.
----» » «---
Áhrif loðnuvertíðar
Hlutabréf
hækkaí
SR-mjöli
VIÐSKIPTI með hlutabréf í SR-
mjöli hf. tóku kipp í gær í kjölfar
frétta um mokveiði á loðnu í upp-
hafi vertíðarinnar.
Undir lok júnímánaðar urðu við-
skipti með bréfín á genginu 2,4 en
í gær hækkaði gengið í 2,5 eða um
rösklega 4%. Söluverð bréfa í SR-
mjöli sem fóru á milli manna í gær
var alls 2,7 milljónir króna.
Hlutabréf í Borgey hf. á Höfn í
Hornafirði, sem jafnframt er um-
svifamikið fyrirtæki í loðnuvinnslu,
hafa einnig hækkað ört að undan-
förnu. í gær urðu viðskipti með
bréfm á genginu 3,05 en um miðjan
febrúar var gengi þeirra 1,20 í við-
skiptum á Opna tilboðsmarkaðnum.
Norskt loðnuskip
landaði í Ejjum í gær
NORSKA loðnuskipið K. Rygge-
fjord kom með um 850 tonnum af
loðnu til Vestmannaeyja í gær og
hófst löndun hjá Fiskimjölsverk-
smiðju Vinnslustöðvarinnar í Vest-
mannaeyjum í gærkvöldi.
Skv. upplýsingum Páls Pálmason-
ar, vaktformanns í Fiskimjölsverk-
smiðjunni, var landað úr Kap VE í
gærmorgun og var norski báturinn
annar í röðinni.
Ekki var von á meiri loðnu til
löndunar fyrr en í dag að hans
sögn, þannig að löndunin úr norska
skipinu tafði ekki fyrir móttöku
úr íslenskum skipum hjá bræðsl-
unni,.
Mikið magn af loðnu barst á land
eftir mokveiði íslensku skipanna á
mánudag og voru loðnuskipin víða
stoppuð af í höfn þar sem verk-
smiðjumar fylltust af hráefni en
mikil áta er í loðnunni sem veldur
erfiðleikum í bræðslunni. Voru ís-
lensku skipin að tínast aftur á mið-
in í gærmorgun.
Hjá verksmiðjum SR Mjöls höfðu
um 14 skip landað loðnu í gær,
alls um 10 þúsund tonnum. Þokka-
leg veiði var á loðnumiðunum norð-
ur af landinu í gær og fyrrinótt en
loðnan er nú á nokkuð hraðri ferð
í norðvesturátt.
45 norsk skip þegar mest var
45 norsk loðnuveiðiskip voru á
miðunum þegar mest var í fyrradag
en aðeins fjögur norsk skip voru
við veiðar í gær, skv. upplýsingum
Landhelgisgæslunnar. Ekki fengust
upplýsingar um hvort fleiri norsk
skip en K. Ryggefjord sigldu með
aflann til íslenskrar hafnar.
■ Ennþá góð/4C
Morgunblaðið/Sigurgeir
K- Ryggefjord siglir með 850 tonn af loðnu inn í Vestmannaeyjahöfn.