Morgunblaðið - 03.07.1996, Blaðsíða 13

MORGUNBLAÐIÐ
MIÐVIKUDAGUR 3. JÚLÍ 1996 13
LANDIÐ
Mikil hátíðahöld í tilefni af að Hveragerðisbær verður hálfrar aldar gamall um helgina
Hverasvæðið
í miðju bæjar-
ins lagfært
Hveragerði - íbúar Hveragerðis-
bæjar fagna um næstu helgi þeim
tímamótum að fimmtíu ár eru liðin
frá því að bæjarbúar klufu sig út
úr Ólfushreppi og stofnuðu sér-
stakan hrepp, Hveragerðishrepp.
Mikið vatn hefur til sjávar runnið
síðan þetta var og Hveragerði hefur
breyst frá því að vera lítið sveita-
þorp sem að mestu byggði afkomu
sína á ylrækt og til þess að vera
eitt sérstæðasta og _ blómlegasta
bæjarfélag á landinu. íbúatala bæj-
arfélagsins hefur vaxið stöðugt allt
frá stofnun og eru íbúar þar nú í
kringum 1.800.
» Hverasvæðið opnað
ferðamönnum
Knútur Bruun er forseti bæjar-
stjórnar í Hveragerði. í viðtali við
fréttaritara sagði hann að mikið
hefði verið framkvæmt í bæjarfélag-
inu til að gera afmælisárið sem
minnistæðast. Nokkrar stórar fram-
kvæmdir fari ekki framhjá neinum
sem í bæinn komi. Þar beri hæst
lagfæringar á hverasvæðinu í miðju
bæjarins. Þar hafa nú verið lagðir
göngustígar milli hveranna, brýr
byggðar og umhverfið fegrað með
gróðri. Nú eru á lokastigi fram-
kvæmdir við byggingu þjónustuhúss
á svæðinu. Húsið sem er rúmlega
hundrað fermetra vandað gróðurhús
á að hýsa ýmsa þjónustu við ferða-
menn og þar á einnig að gera upplýs-
ingar um hverasvæðið og lífríki
hveranna aðgengilegar ferðamönn-
um. „Það er einstakt í heiminum að
byggð skuli hafa myndast kringum
eins virkt jarðhitasvæði og hér er
og því er hverasvæðið í miðju bæjar-
ins stolt bæjarbúa. Ég efast ekki
um að lagfæringar og úrbætur sem
þar hafa verið gerðar munu vekja
mikla athygli. Fjölbreytileiki hver-
anna er á fáum stöðum meiri og því
er svæðið enn áhugaverðara en ella.“
Gatnakerfi bæjarins bætt
Miklum gatnagerðarframkvæmd-
um í Hveragerði er nú að ljúka.
Vegagerð ríkisins er að leggja loka-
hönd á hringtorg við gatnamótin inn
ÍBÚAR Hveragerðisbæjar fagna 50 ára afmæli bæjarins um næstu helgi.
Morgunblaðið/Aldís Hafsteinsdóttir
HVERASVÆÐIÐ í miðju bæjarins, ásamt sýningarhúsi, verður
opnað á afmælisdaginn. Knútur Bruun forseti bæjarstjórnar er
í forgrunni.
í Hveragerðisbæ. „Þessara fram-
kvæmda hefur verið beðið með mik-
illi óþreyju af bæjarbúum enda hafa
alltof mörg slys orðið við innkomuna
í bæinn. Vegagerðin mun væntan-
lega ljúka sínu verki nú í byijun júlí.
í framhaldi af framkvæmdum við
hringtorgið mun Hveragerðisbær
lagfæra aðkomuna inn í bæinn og
hefur þegar verið hafist handa við
gróðursetningu mikils trjábeltis við
Breiðumörk ásamt því að götulýs-
ingu verður breytt og stígur fyrir
gangandi vegfarendur gerður."
Forseti íslands gestur
afmælishátíðarinnar
Asjóna miðbæjarins tekur einnig
stakkaskiptum þessa daga, en þar
er nú verið að breyta aðalgötu bæjar-
ins með hringtorgi og þrengingum
sefn hægja munu á umferð.
Glæsileg hátíðahöld eru fyrirhug-
uð í tilefni afmælisins. Meðal þess
helsta má nefna yfirlitssýningu á
verkum Kristins Péturssonar er lengi
bjó í Hveragerði. Sýningin verður í
Grunnskólanum í Hveragerði. Sýn-
ing á gömlum ljósmyndum frá fyrstu
dögum byggðar í Hveragerði verður
í sal Verkalýðsfélagsins Boðans við
Breiðumörk. Stór blómasýning verð-
ur sett upp í íþróttahúsi bæjarins
en þar verður afmælishátíðin sett
þann 6. júlí næstkomandi að við-
stöddum forseta íslands, frú Vigdísi
Finnbogadóttur. Að lokinni hátíðar-
samkomunni í íþróttahúsinu verður
sýningin á verkum Kristins opnuð
og að því loknu verður gengið að
hverasvæðinu í miðju bæjarins og
svæðið formlega opnað. Deginum
lýkur síðan með unglingadansleik í
Félagsheimili Bergþóru og hátíðar-
samkomu á Hótel Ork fyrir þá sem
eldri eru.

'
■
STORKOSTLEE VEROLÆKKUM
A METSÖLUJEPPAMUM:
iYTTARA

2
30. JLX - nú aðeins 1.375.000,- Kr.
50. JLX - nú aðeins 1.340.000,- Rr.
50. VG - nú aúeins 0.330.000,- kr.
HELSTI STAÐALBÚNAÐUR SUZUKIVITARA:
Drifbúnaður: Hátt og lágt drifj framdrifslokur. Öryggi:
Öryggisloftpúðar fyrir ökumann og framsætisfarþega •
Styrktarbitar í hurðum • Bamalæsingar • Stillanleg aðalljós úr
ökumannssæti. Þægindi: Vökvastýri • Samlæsingar á hurðum
• Rafstýrðir útispeglar • Upphituð framsæti • Bensínlúga
opnanleg úr ökumannssæti • Þrívirk inniljós og kortaljós
Tvískipt fellanlegt aftursætisbak • Útvarp með segulbandi.
Styrkur: Vitara er með sterkbyggða sjálfstæða grind, sem
auk gormafjöðrunar á öllum hjólum gerir auðvelt að
hækka bílinn upp.
SUZUKI
Afl og Öryggi
SUZUKIBILAR HF
Skeifunni 17, 108 Reykjavík.
Sími 568 51 00.