Morgunblaðið - 17.07.1996, Blaðsíða 44
•flYIINDAI
HÁTÆKNI TIL FRAMFARA
TæknSval
SKEIFUNNI 17
SlMI 550-4000 ■ FAX 550-4001
MORGUNBLADID, KRINGLAN 1, 103 REYKJAVÍK, SÍMI 569 1100, SlMBRÉF 569 1181,
PÓSTHÓLF 3040, NETFANG MBL(ECENTRUM.IS / AKUREYRl: HAFNARSTRÆTI 85
MIÐVIKUDAGUR 17. JÚLÍ 1996
VERÐ í LAUSASÖLU 125 KR. MEÐ VSK
Starfsmönnum Sjúkrahúss Patreksfjarðar tilkynnt um breytingar
Tillögur um verulegan
samdrátt 1 rekstri
TILLÖGUR um verulegan samdrátt
í rekstri Sjúkrahúss Patreksfjarðar
voru kynntar fyrir starfsmönnum
stofnunarinnar í gær, en verulegur
halli hefur verið á rekstri hennar
undanfarin tvö ár. Að sögn Hrefnu
Sigurðardóttur, deildarstjóra í heil-
brigðisráðuneytinu, verður reynt að
komast hjá uppsögnum, en búast
megi við breytingum á störfum.
Arsreikningur fyrir rekstur
Sjúkrahúss Patreksíjarðar fyrir árið
1995 liggur ekki fyrir, en að sögn
Sigfúsar Jónssonar, sem falið hefur
verið að koma með tillögur um end-
urbætur á rekstri, var halli á rekstr-
inum. Hann sagði að áframhaldandi
halli væri á rekstrinum á þessu ári
og ef ekkert yrði gert yrði hann
10-11 milljónir. Heildartekjur
Sjúkrahúss Patreksfjarðar og heilsu-
gæslu eru um 100 milljónir.
Tillögur Sigfúsar voru kynntar í
stjórn Sjúkrahússins á mánudags-
kvöld og í gærmorgun var starfs-
mönnum tilkynnt að áformað væri
að gera breytingar á rekstri án þess
þó að greint væri frá tillögunum í
einstökum atriðum.
Fjármagn til reksturs
ekki aukið
Hrefna Sigurðardóttir sagði að
tillögurnar gerðu ráð fyrir að tekið
yrði á öllum þáttum rekstrarins.
Ekki væri áformað að gera skipu-
lagsbreytingar á sjúkahúsinu heldur
að beita meira aðhaldi í rekstri.
„Launakostnaðurinn er mjög stór
þáttur í rekstri stofnunarinnar eins
og annarra sjúkrastofnana. Við
munum skoða launakostnaðinn og
athuga hvort hægt er að koma hon-
um niður. Ég á þó ekki von á að
komi til uppsagna, a.m.k. ekki í stór-
um mæli. En það getur komið til
endurskipulagningar á störfum.
Ég á von á því að það verði tekn-
ar ákvarðanir um breytingar á
rekstri sjúkrahússins á næsta stjórn-
arfundi. Heilbrigðisráðuneytið gerir
þær kröfur til stjórnar sjúkrahússins
og framkvæmdastjóra að tekið verði
á í rekstrinum. Það getur annað
hvort gerst á grundvelli þessara til-
lagna eða annarra sem stjómin kem-
ur með. fjármagn til reksturs sjúkra-
hússins hefur ekki aukist og kemur
ekki til með að aukast."
Steindór Ögmundsson, formaður
stjórnar Sjúkrahúss Patreksfjarðar,
sagði að sér litist illa á tillögurnar
og myndi ekki styðja þær í stjórn-
inni. Hann sagði að á stjórnarfund-
inum hefði verið óskað eftir því að
farið yrði með tillögurnar sem trún-
aðarmál og þess vegna hefði sér
komið mjög á óvart að fundur skyldi
vera haldinn með starfsfólki og þær
kynntar þar. Fundurinn hefði verið
haldinn að frumkvæði framkvæmda-
stjórans og án samráðs við sig.
Sigfús Jónsson sagði að hann hefði
verið ráðinn af heilbrigðisráðuneyt-
inu og stjórn sjúkrahússins til þess
að koma með tillögur um úrbætur í
rekstri. Steindór sagðist hins vegar
ekki kannast við að hafa ráðið Sig-
fús í vinnu. Helga María Bragadótt-
ir, framkvæmdastjóri sjúkrahússins,
vildi ekkert um málið segja.
Morgunblaðið/Golli
Dorgað í
firðinum
MEISTARAMÓT í dorgveiði fór
fram við Flensborgarbryggju í
Hafnarfirði í gær á vegum æsku-
lýðs- og tómstundaráðs bæjarins.
Börn á aldrinum 6 til 12 ára tóku
virkan þátt í keppninni og var
margt um manninn. Dorgveiði-
keppnin er orðin að árlegum við-
burði í Hafnarfirði við miklar
vinsældir og eru verðlaun veitt
fyrir stærsta fiskinn og þau sem
veiða flesta fiska fá líka verð-
laun. Leiðbeinendur íþrótta- og
leikjanámskeiðanna sáu um
gæslu á svæðinu og björgunar-
sveitin Fiskaklettur var með
björgunarbáta á sveimi.
Stýrir
úttektá
sænskum
efnahag
ÞORVALDUR Gylfason, pró-
fessor í hagfræði við Háskóla
Islands, hefur verið fenginn til
þess að stýra árlegri úttekt á
sænsku efnahagslífi, sem gerð
er á vegum Studieförbundet
Samhálle och Náringsliv, virtrar
sænskrar rannsóknastofnunar.
Að sögn Þorvaldar er skýrsla
stofnunarinnar helzta hag-
stjórnarskjal, sem kemur út
árlega í Svíþjóð. Hún er gefin
út í 7.000 eintökum og kynnt
á um 50 fundum í Svíþjóð og
erlendis.
Skýrsla þessi hefur um
tveggja áratuga skeið verið
unnin af ýmsum helztu hag-
fræðingum Svíþjóðar, en nú
hefur verið ákveðið að breyta
til. Þorvaldur var beðinn um
að safna um sig hópi erlendra
hagfræðinga og hefur fengið
til liðs við sig fjóra þekkta
fræðimenn frá Danmörku, Nor-
egi, Finnlandi og Bretlandi.
■ Hvað má læra/8
Kerskálinn
að rísa
BYRJAÐ er að reisa sperrur í
nýja kerskálanum sem verið er
að byggja við álverið í Straums-
vík. Verkinu hefur miðað vel
áfram og er, ef eitthvað er, held-
ur á undan áætlun. Kristinn
Bjarnason, starfsmaður Alftaróss
hf., er einn þeirra sem vinna við
að skrúfa saman sperrurnar.
Útlit er
fyrir
metafla
FISKAFLI íslendinga þetta
fiskveiðiár var „ orðinn um
1.570.000 tonn um síðustu
mánaðamót. Síðan þá hafa um
150.000 tonn af loðnu veiðzt
auk annarra fisktegunda og
því er aflinn orðinn vel yfir
1,7 milljónir tonna.
Heildarafli á fiskveiðiári
hefur aldrei verið svo mikill,
en sé miðað við almanaksárið,
hefur heildaraflinn tvívegis
farið yfír 1,7 milljónir tonna.
Þorskafli þetta fiskveiðiár
er kominn yfir 150.000 tonn,
sem er nokkru meira en á
sama tíma í fyrra. Minna hefur
veiðzt af ýsu, ufsa og karfa,
en meira af flestum öðrum
tegundum, einkum loðnu. Þá
heldur rækjuaflinn áfram að
aukast milli ára og er nú orð-
inn um 67.000 tonn á heima-
slóð og 7.600 tonn af Flæmska
hattinum. 166.000 tonn veidd-
ust nú af norsk-íslenzku síld-
inni, sem er 8.000 tonnum
minna en í fyrra.
■ Allt stefnir/Cl
Morgunblaðið/Golli
Iðnaðar-
menn slíta
viðræðum
FÉLÖG iðnaðarmanna, sem tekið
hafa þátt í viðræðum um gerð kjara-
samnings fyrir starfsmenn sem
vinna við gerð Hvalfjarðaganga, til-
kynntu í gærkvöldi að þau myndu
ekki taka þátt í frekari viðræðum á
grunni tillagna sem þá lágu fyrir.
Verkamannasambandið lýsti sig
hins vegar reiðubúið til að halda
áfram viðræðum og sagðist Snær
Karlsson hjá VMSÍ vera þeirrar
skoðunar að VMSÍ og VSÍ gætu náð
samningum um þá þætti sem eftir
væru.
Þórarinn V. Þórarinsson, fram-
kvæmdastjóri VSÍ, sagði að vinnu-
veitendur myndu svara því í dag
hvort þau héldu áfram viðræðum við
VMSÍ eða hvort viðræðum yrði end-
anlega slitið.
Fjórtán ríki taka þátt í æfingu á vegiim Friðarsamstarfs NATO hér á iandi
Yfir 2000 hermenn
æfa viðbrögð
við jarðskjálfta
Á BILINU tvö til þrjú þúsund er-
lendir hermenn frá a.m.k. fjórtán
ríkjum Atlantshafsbandalagsins
(NATO) og samstarfsríkjum þess
í Friðarsamstarfi NATO munu
taka þátt í umfangsmikilli al-
mannavarnaæfingu hér á landi
næsta sumar. Æfðar verða hjálp-
ar- og björgunaraðgerðir vegna
öflugs jarðskjálfta á Suðvestur-
landi.
Vonazt eftir þátttöku
Rússlands
Halldór Ásgrímsson utanríkis-
ráðherra hafði frumkvæði að því í
fyrra innan Atlantshafsbandalags-
ins að æfing af þessu tagi yrði
haldin hér á landi. Á meðal mark-
miða Friðarsamstarfsins, sem 43
ríki eiga nú aðild að, er að auka
samstarf aðildarríkjanna um leitar-
og björgunaraðgerðir vegna nátt-
úruhamfara.
Að sögn utanríkisráðherra hefur
komið í ljós að hugmyndin fellur
einkar vel að markmiðum Friðar-
samstarfsis og áætlunum NATO um
öryggi almennings. Aðildarríki Frið-
arsamstarfsins, ekki sízt Austur-
Evrópuríkin, hafi sýnt mikinn áhuga
á æfingunni. Nú þegar hafa fjórtán
ríki tilkynnt þátttöku í henni: Banda-
ríkin, Kanada, Danmörk, Austur-
ríki, Finnland, Svíþjóð, Tékkland,
Úkraína, Ungveijaland, Pólland,
Rúmenía, Eistland, Litháen og Al-
banía. Vonazt er eftir þátttöku
fleiri ríkja, þar á meðal Rússlands.
Búizt er við allt að sex hundruð
hermönnum hingað til lands frá
samstarfsríkjum NATO. Stærstur
hluti 1.200 manna bandarísks
varaliðs, sem kemur hingað til að
taka þátt í heræfingunni Norður-
Víkingi, sem haldin verður strax
að . almannavarnaæfingunni lok-
inni, mun jafnframt verða með.
Þá mun varnarliðið á Keflavíkur-
flugvelli eiga hlut að máli. Tvö til
þrjú þúsund erlendir hermenn munu
því taka þátt í æfingunni.
Undir borgaralegri stjórn
Auk hermanna má búast við að
nokkur hundruð íslenzkir björgun-
arsveitarmenn æfi björgunarað-
gerðir. Öllum björgunarsveitum á
landinu verður boðið að taka þátt
í æfingunni.
Æfingin verður sú fýrsta á veg-
um Friðarsamstarfsins, sem beinist
að því markmiði þess að efla sam-
starf um leitar- og björgunarað-
gerðir. Æfingin verður undir ’stjórn
Almannavarna ríkisins og verður
Sólveig Þorvaldsdóttir, fram-
kvæmdastjóri Almannavarna, æðsti
stjórnandi hermanna jafnt sem ís-
lenzkra björgunarsveitarmanna.
■ Mikill áhugi/23