Morgunblaðið - 28.09.1996, Page 8

8 LAUGARDAGUR 28. SEPTEMBER 1996
MORGUNBLAÐIÐ
FRÉTTIR
ÞETTA er atvinnupólitíkus, strútla mín. Hann hefur bara fengið okkur hingað til að ná
í stærstu kló í heimi á gítarinn sinn . . .
Húsaleigubætur alfarið til
sveitarfélaga 1. jan. 1998
„HÚSALEIGUBÆTURNAR
verða með sama sniði á næsta ári
og verið hefur en síðan munu sveit-
arfélögin taka alfarið við þeim 1.
janúar 1998, enda verði þá búið að
endurskoða lögin og sníða af þá
agnúa sem eru á núverandi lögum,“
segir Páll Pétursson félagsmálaráð-
herra.
Húsaleigubætur hafa verið sam-
starfsverkefni ríkisins og sveitarfé-
laga. Starfshópur, sem í sitja fulltrú-
ar ríkisvaldsins og Sambands ís-
lenskra sveitarfélaga, hefur unnið
að endurskoðun húsaleigubótanna en
lögin um húsaleigubætur gerðu ráð
fyrir að þau yrðu endurskoðuð eftir
tvö ár, þ.e. fyrir árslok 1996. Að
sögn félagsmálaráðherra eru nú
komnar fram línur í starfí nefndar-
innar og er gert ráð fyrir að flutning-
ur húsaleigubóta alfarið yfír til sveit-
arfélaganna verði liður í ákveðnum
kostnaðarskiptingarpakka á milli rík-
isins og sveitarfélaganna.
„Við munum leggja til fjármuni
með húsaleigubótunum eða taka yfir
verkefni á móti. Það er ekki búið að
útfæra það í smáatriðum og ekki er
heldur búið að útfæra í smáatriðum
þær breytingar sem gerðar verða á
lögunum en okkur gefst þama aukið
svigrúm til að ganga frá „Ég vil
hlusta mjög grannt á viðhorf sveitar-
stjómarmanna til framtíðarskipulags-
ins úr því þeir eru að taka alfarið við
þessu en legg áherslu á að ég tel að
húsaleigubætumar hafí sannað gildi
sitt. 70% þeirra sem njóta húsaleigu-
bóta eru undir skattleysismörkum.
Þetta er því mikilvæg aðstoð við
tekjulágt fólk,“ sagði Páll.
Framlag ríkisins til húsaleigubóta
var 140 millj. kr. á seinasta ári og
200 millj. kr. á þessu ári skv. fjárlög-
um. Reiknað er með að framlag rík-
isins verði einnig 200 milljónir króna
á næsta ári, að sögn félagsmálaráð-
herra.
----♦-------
Forseta-
hjónin til
Danmerkur
FORSETI íslands, Ólafur Ragnar
Grímsson, og frú Guðrún Katrín
Þorbergsdóttir hafa þegið boð henn-
ar hátignar, Margrétar II. Dana-
drottningar, og hans konunglegu
tignar, Henriks prins, um að koma
í opinbera heimsókn til Danmerkur
dagana 18.-20. nóvember 1996.
Morgunblaðið/Golli
Landgræðsla á Hólasandi
LANDGRÆÐSLUSTARF á Hólasandi ber árangur, þrátt fyrir nýleg áföll vegna sandfoks. Hægra megin
á myndinni má sjá hvar sáð hefur verið grasi í sandinn, en vinstra megin rofabörðin.
Menntaskólinn við Hamrahlíð 30 ára
Brautry ðj andi
áfangakerfis og
öldungadeildar
Menntaskólinn
við Hamrahlíð var
fyrst settur 24.
september 1966 og af því
tilefni er haldið upp á þijátíu
ára starfsafmæli skólans á
þessari önn. Síðastliðinn
sunnudag var formleg af-
mælishátíð, sem ætluð var
öllum núverandi og fyrrver-
andi MH-ingum, með ávörp-
um, ræðum og tónlistaratrið-
um. Rannveig Fríða Braga-
dóttir söng við undirleik Jón-
asar Ingimundarsonar og
Guðna Franzsonar og Karl
Ágúst Úlfsson leikari flutti
ræðu. Hamrahlíðarkórinn
söng einnig en allir þessir
listamenn nema Jónas eru
fyrrverandi nemendur MH.“
- Hvað var fleira gert á
sunnudaginn?
„Örnólfur Thorlacius,
fyrrv. rektor, talaði og Björn
Bjarnason menntamálaráðherra
flutti ávarp þar sem hann sagði
m.a. að íþróttahús við Menntaskól-
ann þyrfti að komast á verkefna-
skrá og að ef til vill mætti bytja
á því 1998. Skólinn hefur nefnilega
þurft að starfa í 30 ár án íþrótta-
eða baðaðstöðu. Jón Hannesson,
sem hefur verið kennari við skól-
ann frá upphafí sagði frá fyrstu
árunum.
Nemendur í öldungadeildinni
voru rausnarlegir og gáfu skólan-
um myndaskanna og litaprent-
ara.“
- Hvað verður fleira gert á
önninni vegna afmælisins?
„Það verða ýmsar uppákomur
fyrir MH-inga, unga sem gamla.
Við fáum vonandi í heimsókn
marga gamla nemendur, bæði
listamenn og fræðimenn, t.d. er
ráðgert að Kristinn Sigmundsson
og Páll Óskar syngi hér á tónleik-
um í nóvember. Nemendur eru svo
með árlega innanskóla söngva-
keppni sem nefnist Óðríkur Al-
gaula, en textar og lög verða
frumsamin. Þeir ætla að tengja
keppnina afmælinu.
Afmælisrit um sögu skólans
verður gefíð út en Heimir Pálsson
er ritstjóri þess. Meðal efnis er listi
yfir alla stúdenta og kennara."
- Getur skólinn talist brautryðj-
andi á einhverjum sviðum?
„Já, áfangakerfið var þróað
héma af Guðmundi Arnlaugssyni
rektor og nokkrum öðmm kennur-
um en það felst í því að skólaárinu
er skipt í tvær sjálfstæðar annir
og að nemendur geta sjálfir ráðið
miklu um inntak og hraða náms
síns. Áfangakerfið á að gera þá
ábyrga fyrir eigin námi
og gerir þeim kleift að
móta sér stefnu út frá
þörfum sínum og áhuga
sem hins vegar kallar á
námsráðgjöf. Tveir___________
námsráðgjafar eru í
skólanum auk námsráðgjafa fatl-
aðra.
í byijun var fijálst val innan
skólans hátt í þriðjungur. Það hef-
ur minnkað með stækkun kjarnans
eða skylduáfanga á hverri braut,
og er nú um 10%. Hins vegar var
búið að gera hér nýtt kerfi sem
jók fijálst val nemenda aftur til
fyrra horfs. Eftir mikið samráð
kennara og nemenda og með fullt-
ingi ráðuneytisins fækkaði hver
deild innan skólans skyldueining-
um. Þegar tvær vikur voru í skóla-
hald haustið 1991 bannaði þáver-
andi menntamálaráðherra ný-
breytnina, meðal annars á þeim
forsendum að meta þyrfti stúd-
entsprófin í Háskóla Islands.
Wincie Jóhannsdóttir
► Wincie Jóhannsdóttir er
fædd 1942 í Kaliforníu í Banda-
ríkjunum. Hún er stúdent frá
Menntaskólanum að Laugar-
vatni og hefur háskólapróf í
ensku og heimspeki frá Háskól-
anum í Edinborg í Skotlandi
auk kennaraprófs. Wincie starf-
aði sem félagsráðgjafi í námu-
dölunum í Wales, var hjá Ful-
brightstofnuninni 1985-87 og
hefur verið kennari við Mennta-
skólann við Hamrahlið frá 1974.
Hún er settur rektor Mennta-
skólans í veikindum Sverris
Einarssonar rektors. Wincie
var formaður HÍK 1987-1989.
Hún á eitt barn.
Námsbraut
fyrir heyrnar-
lausa í bígerð
Stefna HÍ var að öll stúdents-
próf væru eins og ekki þyrfti að
skoða þau sérstaklega. Núna má
hins vegar merkja vilja í samfélag-
inu um að Háskólinn meti stúd-
entsprófm hvert fyrir sig og einnig
að fijálst val nemenda í framhalds-
skólum aukist.
Öldungadeild er annað sem MH
var fyrstur með, eða kvöldnám,
sem getur m.a. verið til stúdents-
prófs, fyrir tvítuga og eldri. Slíkar
deildir má nú fínna í skólum úti
um allt land.
Sérstöðu skólans má líka merkja
af tónlistarbraut sem byggist á
samvinnu við tónlistarskóla og
öflugu kórstarfí Þorgerðar Ingólfs-
dóttur. í haust var byijað með
danslistarbraut í samvinnu við List-
dansskólann.
Sérstök deild fyrir fatlaða er í
skólanum og er góð samvinna við
samtök fatlaðra um hana. Nú er
verið að skipuleggja sér-
staka námsbraut fyrir
heymarlausa til stúd-
entsprófs en hátt í 20
heymalausir em í skól-
anum. Margir þeirra
stefna á stúdentspróf og
síðan í háskóla."
Hvernig er félagslíf nemenda og
hvaða brautir standa þeim til boða?
„Félagslíf nemenda hefur alltaf
verið öflugt, einkum á sviði lista,
bæði á sviði klassískrar tónlistar
og popps, auk leiklistar. Margir
þekktir listamenn eru gamlir MH-
ingar.
Brautimar í skólanum em eðlis-
fræðibraut, náttúmfræðibraut, ný-
málabraut og til skamms tíma fom-
málabraut en tveir nemendur ljúka
henni á þessari önn, tónlistarbraut,
danslistarbraut og bæði sálfræði-
lína og félagsfræðilína innan fé-
lagsfræðibrautar. Yfir 900 nem-
endur era í skólanum og 93 kennar-
ar.“