Morgunblaðið - 28.09.1996, Qupperneq 13

MORGUNBLAÐIÐ
LAUGARDAGUR 28. SEPTEMBER 1996 13
Morgunblaðið/Kristján
FRIÐRIK Adolfsson, verslunarstjóri Fríhafnarinnar, ásamt Guð-
laugu Ringsted, starfsmanni Urvals-Útsýnar, og Helgu Haralds-
dóttur, forstöðumanni skrifstofu Ferðamálaráðs á Akureyri.
Fríhöfnin 1 nýtt
og stærra húsnæði
FRÍHÖFN á Akureyrarflugvelli
hefur verið opnuð í nýju 45 fer-
metra húsnæði.
í ágúst árið 1990 heimilaði fjár-
málaráðherra Flugfélagi Norður-
lands að reka tollfrjálsa forða-
geymslu og sölu tollfrjáls varnings
til farþega við komu frá útlöndum.
; Fyrst í stað var húsnæði verslunar-
innar í 8 fermetra herbergi á efri
hæð flugstöðvarinnar. Þar var ekki
nein aðstaða fyrir viðskiptavini
þannig að fólk varð að útfylla pönt-
unarseðla og fá vöruna afhenta síð-
ar. Tveimur árum síðar var verslun-
in flutt í rúmbetra húsnæði á jarð-
hæð flugstöðvarinnar, en þó voru
þrengsli mikil og örtröð fylgdi komu
hverrar flugvélar.
Vænta forsvarsmenn Flugfélags
Norðurlands þess að nýja verslunin
uppfylli þær kröfur sem verslun af
þessu tagi þarf að sinna með til-
komu rúmbetra húsnæðis. Pöntun-
arseðlakerfið er aflagt og gólfið í
flugstöðinni verður ekki lengur þak-
ið fríhafnarpokum sem bíða eigenda
sinna þegar farþegaþotur koma frá
útlöndum. Fólk getur nú gengið um
þessa litlu en haganlegu verslun og
gert sín innkaup.
Gott úrval algengustu
vörutegunda
Vöruúrval er vissulega ekki eins
mikið og í hliðstæðum verslunum
stóru flugvallanna, en ætíð verður
reynt að hafa gott úrval algengustu
vörutegunda, auk þess sem verslun-
in býður gott úrval í öðrum vöru-
flokkum.
Eitt af aðalmarkmiðum með
rekstri fríhafnarinnar er að styrkja
Akureyrarflugvöll í hlutverki sínu
sem millilandaflugvöllur, en hent-
ugt er fyrir flugrekendur að geta
boðið farþegum þjónustu af þessu
tagi utan höfuðborgarsvæðisins.
Flugafgreiðslufólk FN sér um
forðageymsluna og afgreiðslu í
versluninni jafnframt sínum venju-
legu störfum.
AKUREYRI
Samningur Akureyrarbæj ar og Gilfélagsins
Gilfélagið fær Ket-
ilhúsið til afnota
Morgunblaðið/Kristján
MEÐ samningi við Akureyrarbæ fær Gilfélagið Ketilhúsið til
afnota frá 1. október og þar er stefnt að því að bjóða upp á
alls kyns listastarfsemi.
AKUREYRARBÆR og Gilfélagið
hafa gert með sér samning um af-
not Gilfélagsins af Ketilhúsinu svo-
kallaða við Kaupvangsstræti. Samn-
ingurinn gildir frá 1. október nk.
til ársloka 1998. Jafnframt leggur
Akureyrarbær fram 9 milljónir
króna á samningstímanum til nauð-
synlegra endurbóta á húsnæðinu.
Einnig er gert ráð fyrir að Akur-
eyrarbær leggi fram 3 milljónir
króna til vibótar árið 1999, ef fjár-
framlag rikisins til bæjarins sem
reynslusveitarfélags verður ekki
lægra en núgildandi samingur gerir
ráð fyrir.
Þröstur Ásmundsson, formaður
Gilfélagsins, segir að hugmyndin sé
að í Ketilhúsinu verði góð aðstaða
fyrir margs konar listastarfsemi,
m.a. alls kyns tónleika, gestaleik-
sýningar, tilraunaleikhús, ráðstefn-
ur og fundi. „Við stefnum að því
að koma húsinu í gagnið með lág-
marksendurbótum, enda ekki mein-
ingin setja mikla peninga í húsið.
Gilfélagið hefur áður getað gert
mjög mikið fyrir lítið og það á að
reyna áfram.“
Mikill fengur fyrir
Gilfélagið
Þröstur segir að mjög margir
hafi komið að þessu máli og lagt
fram hugmyndir um hvað þarna
eigi að vera en hins vegar sé heil-
mikil hugmyndavinna eftir. „Þetta
er vissulega mikill fengur fyrir Gil-
félagið og þarna skapast svigrúm
til að gera mun stærri hluti en áð-
ur. Allir þeir sem hafa komið að
Ketilhúsinu og haft þar einhvers
konar uppákomur, eru mjög hrifnir
af húsinu," segir Þröstur.
Framkvæmd endurbóta Ketil-
hússins verður í höndum Gilfélags-
ins og hefur verkinu verið skipt nið-
ur í fjóra áfanga. Gert er ráð fyrir
að framkvæmdirnar verði atvinnuá-
taksverkefni á vegum bæjarins.
Kostnaðaráætlun við 1. áfanga á
þessu ári hljóðar upp á 2,1 milljón
króna, kostnaður við 2. áfanga á
næsta ári og 3. áfanga árið 1998
er áætlaður um 4 milljónir króna
hvort ár og kostnaður við 4. áfanga
árið 1999 er áætlaður um 3,5 millj-
ónir króna.
Tónlistarskólinn fær
afnot af húsinu
Samhliða samningi bæjarins og
Gilfélagsins hefur verið gerður sér-
stakur samningur milli Tónlistar-
skólans á Akureyri og Gilfélagsins
um afnot skólans af Ketilhúsinu.
Bæjarráð fjallaði um samningana á
fundi sínum í vikunni og samþykkti
að vísa þeim til afgreiðslu bæjar-
stjómar. Þ'röstur sagðist mjög
ánægður með samþykkt bæjarráðs
og að þetta skref hafi verið stigið.
Amtsbókasafnið
Afgreiðslu-
tími aukinn
AFGREIÐSLUTÍMI Amtsbóka-
safnsins á Akureyri verður rýmkaður
frá og með þriðjudeginum 1. október
næstkomandi, en þá verður safnið
opnað kl. lOalla virka daga og opið
til kl. 19. Á laugardögum í vetur
verður opið frá kl. 10 til 15. Áður
var safnið einungis opið eftir há-
degi, en Akureyringar hafa lengi
haft áhuga fyrir að komast á bóka-
safnið fyrir hádegi.
Verið er að undirbúa tölvuskrán-
ingu útlána og hafa þeir lánþegar
sem komið hafa á safnið fengið af-
hent ný skírteini sem notuð verða
við tölvuútlánin, en gömlu skírteinin
verða í fullu gildi þar til annað verð-
ur tilkynnt. Enn sem fyrr eiga not-
endur safnsins rétt á einu ókeypis
skírteini, en glatist það mun nýtt
kosta 1.000 krónur.
Sögustundir fyrir
yngstu bæjarbúana
Þjónusta við yngstu bæjarbúana
verður aukin í vetur með sögustund-
um á safninu og eins verða leikskól-
ar, dagmæður og skólar boðin vel-
komin. Eins eru börnin miklir auf-
úsugestir á safninu svo sem verið
hefur þótt ekki sé um skipulagðar
heimsóknir að ræða, því mikilvægt
er að börnin fái að kynnast bókum
og bóklestri.
Starfsfólk Amtsbókasafnsins hef-
ur veitt öldruðum og fötluðum sem
og þeim sem einhverra hluta vegna
komast ekki sjálfir á bókasafnið
þjónustu, en þeir geta fengið bækur
sendar heim. Einnig eru á safninu
um 1.000 titlar hljóðbóka frá
Blindrabókasafni íslands og eru þær
ætlaðar þeim til útláns sem eiga erf-
itt með lestur. Hljóðbækurnar er líka
hægt að fá sendar heim, en heim-
sendingar eru einu sinni ! viku, á
fimmtudögum.
Morgunblaðið/Kristján
Busavígsla
ÍMA
NYNEMAR voru vígðir inn í sam-
félag eldri nema við Menntaskól-
ann á Akureyri i gær. Busavigslan
fór fram með hefðbundnum hætti
en þó var busum nú gert að ganga
gegnum „draugahús" þ.e. óinn-
réttað geymslurými í nýbygging-
unni Hólum. í ferð um húsið
reyndu eldri nemar að hræða líft-
óruna úr þeim yngri ásamt því að
kenna þeim að umgangast þá eldri
með hæfilegri auðmýkt og virð-
ingu. Busar voru tolleraðir í Stef-
ánslundi en að því ioknu var farið
með þá í gönguferð um miðbæinn
þar sem ýmsir ómissandi punktar
í tilveru menntskælinga voru
kynntir. Nýnemar við MA hafa
aldrei verið fleiri, eða um 200 tals-
ins, og gat skólameistari þess að
aldrei hefði jafn efnilegur hópur
góðra námsmanna sest þar á
skólabekk.
Sumarhus o g
skógrækt á Steðja
BÚIÐ er að skipuleggja sumarhúsa-
og skógræktarlóðir á lögbýlinu
Steðja á Þelamörk, um 15 kílómetra
frá Akureyri, en þar hefur ekki verið
stundaður hefðbundinn búskapur síð-
ustu ár. Unnið er að undirbúningi
framkvæmda.
Sverrir Baldvinsson landeigandi
flutti til Akureyrar fyrir 8 árum en
hefur um árabil unnið að gróðursetn-
ingu á svæðinu. Hann telur að
bændaskógrækt og sumarhúsaland
fari ágætlega saman.
Benedikt Björnsson, arkitekt á
Akureyri, hannaði svæðið, stærð
þess er um 17 hektarar, en skipu-
lagssvæði sumarhúsa- og skógrækt-
arlóðanna er ein samliggjandi heild.
Gert er ráð fyrir samtals 17 sumar-
húsalóðum og 12 skógræktarlóðum.
Sumarhúsalóðirnar verða tengdar
við veg sem liggur til norðurs og
suðurs frá vegi sem tengir svæðið
við þjóðveg 1. Lóðirnar nyrst og
vestast á svæðinu eru skógræktar-
lóðir. Landsvæðið liggur í halla til
vesturs og mótast það af tveimur
hjöllum. Mesti hæðarmunur frá
þjóðvegi er um 50 metrar en hæðar-
munur á húsastæðum innan svæðis-
ins er um 25 metrar. Húsastæðin
verða á tiltölulega flötum grunnum
og er mikilvægt að þau verði ekki
of áberandi í umhverfinu, sérstak-
Morgunblaðið/Kristján
SVERRIR Baldvinsson, landeigandi á Stedja, þar sem skipulagð-
ar hafa verið sumarhúsa- og skógræktarlóðir. Gott útsýni er
yfir Hörgárdal frá öllum lóðunum.
lega þegar horft er frá þjóðvegi.
Hægt verður að flytja fullbyggð hús
á svæðið. Útsýni er gott frá öllum
sumarhúsalóðunum.
Gert er ráð fyrir að göngustígar
verði lagðir á svæðinu og að hægt
verði að ganga upp fyrir skipulags-
svæðið, þ.e. svæði sem ætlað er til
bændaskógræktar. Þá verður útbúið
sameiginlegt svæði fyrir öll húsin.