Morgunblaðið - 04.01.1997, Blaðsíða 3
MORGUNBLAÐIÐ
LAU G ARDAGUR 4. JANÚAR 1997 3
'smÉ,
Rafmagnsveitur ríkisins fagna í ár hálfrar aldar afmæli, en þær tóku til starfa 1. janúar 1947.
Frá öndverðu hefur hlutverk fyrirtækisins fyrst og fremst verið að afla, flytja, dreifa og selja
orku til hagsbóta fyrir viðskiptavini sína: almenning og atvinnulíf í landinu. Þetta hlutverk sitt
hafa starfsmenn RARIK kappkostað að rækja sem best, jafnt í hörðustu hríðarbyljum sem á
blíðum sumardögum.
Saga RARIK er nátengd sögu íslenska lýðveldisins enda hélst iðnvæðing og efling atvinnulífs
í hendur við rafvæðingu í landinu. Þannig hefur raforkukerfið á sinn hátt orðið lífæð
samfélagsins, þar sem raforkan er undirstaða daglegs lífs nútímamannsins og aflvaki
efnahagslegra og þjóðfélagslegra framfara. RARIK þjónar nú um 90% dreifbýlis í landinu og
um 50 þéttbýlisstöðum. Orkuveitusvæði fyrirtækisins skiptist í fimm rekstrarumdæmi:
Vesturland, Norðurland vestra, Norðurland eystra, Austurland og Suðurland. Aðalskrifstofa
RARIK er í Reykjavík.
RARIK hefur sett.sér það markmið að vera í forystu á öllum sviðum starfseminnar. Meðal
þróunarverkefna á síðustu árum má nefna: • Lœkkun kostnaðar með upplýsingatœkni,
fjarmœlingum og aflgœslu • Lagningu jarðstrengja og staðsetningu þeirra með aðstoð
gervihnatta • Isingarrannsóknir • Nýjungar í sölutilhögun og greiðslumiðlun • Hitaveitu-
rannsóknir og nýtt sölukerfi hitaveitu • Stuðning við nýsköpun í ah’innulífi, s.s. ylrœkt, fiskeldi
og fiskvinnslu • Nýja tilhögun aðveitustöðva • Útflutning á sérþekkingu.
RARIK hefur sett sér það markmið að starfa í sem bestri sátt við umhverfi sitt. Meðal þess sem fyrirtækið aðhefst
í tilefni afmælisins er nýtt átak í umhverfismálum, Tré fyrir staur, sem hefst á vori komanda.
RARIK
EFLIR / HNOTSKÓGUR