Morgunblaðið - 11.01.1997, Qupperneq 11

MORGUNBLAÐIÐ
LAUGARDAGUR ll.JANÚAR 1997 11
FRÉTTIR
Aðalskipulag Garðabæjar fram til ársins 2015 kynnt á borgarafundi í fyrrakvöld
Ibúabyggð og þjón-
usta skipulögð fyrir
17 þúsund íbúa
TILLAGA að nýju aðalskipulagi
Garðabæjar til ársins 2015 var
kynnt á fjölmennum borgarafundi
í fyrrakvöld. Að sögn Ingimundar
Sigurpálssonar, bæjarstjóra, fóru
fram gagnlegar umræður um ýmsa
þætti skipulagsins, s.s. ný íbúða-
svæði, skólpfráveitumál og umferð-
arþunga og umferðarhávaða á
stofnbrautum í bænum.
Bæjarstjórinn segir að íbúum
bæjarins og öðrum sem hagsmuna
eiga að gæta gefist enn kostur á
að koma með ábendingar og at-
hugasemdir við skipulagstillöguna
jafnvel þótt opinber frestur hafi
runnið út 4. desember sl. Segir
hann að tekið verði við öllum góðum
hugmyndum meðan unnið sé að
lokafrágangi tillögunnar.
Fyrsta tillaga að skipulagi þétt-
býlis í Garðabæ, þá Garðahreppi,
var samþykkt árið 1955. í núgild-
andi aðalskipulagi Garðabæjar, sem
tekur til tímabilsins 1985-2005 var
nánast öllu bæjarlandinu skipt upp
í skipulagssvæði, óbyggð svæði eða
framkvæmdasvæði. í nýju skipulagi
er lokið við að skilgreina landnotkun
þar sem skipulagi var áður frestað.
í greinargerð með aðalskipu-
lagstillögunni segir að á grundvelli
nýrrar spár um þróun íbúafjölda
væri aðalskipulagið endurskoðað.
Aætlað er að fjöldi íbúa í bænum
fullbyggðum geti orðið um 17 þús-
und manns, eða rúmlega tvöfaldur
miðað við það sem nú er.
Fjögur ný
íbúðasvæði
Á skipulagstímabilinu er reiknað
með að byggð verði fjögur ný íbúða-
svæði, tvö innan núverandi
byggðarkjarna, á Arnarneshálsi og
Hraunsholti og tvö utan hans, á
Hnoðraholti í austurjaðri bæjarins
og á Garðaholti. Aðeins er þó fyrir-
hugað að hefja fyrsta áfanga við
uppbyggingu íbúðabyggðar á
Garðaholti.
Framkvæmdir á atvinnusvæðum,
í Molduhrauni, á norðanverðum
Arnarneshálsi, við Vífilsstaði og í
Vetrarmýri, munu miðast við eftir-
spurn eftir atvinnulóðum og ákvörð-
un heilbrigðisyfirvalda um framtíð
Vífilsstaða.
Áfram verður unnið að uppbygg-
ingu íþróttamannvirkja í bænum,
annars vegar við íþróttasvæðið við
Ásgarð og hins vegar í skólahverf-
inu í Hofsstaðamýri en þar á að
byggja íþróttahús. Þá er stefnt að
byggingu nýs skóla í Garðaholti í
lok skipulagstímabilsins.
Umhverfisskipulag er hluti aðal-
skipulagsins og er þar fjallað um
svæði sem skilgreind eru sem opin
svæði til sérstakra nota og svæði
sem ekki eru sérstaklega afmörkuð
sem framkvæmda- eða skipulags-
svæði. Stefnt er að því í skipulags-
tillögunni að hannað verði samfelit
kerfi aðgengilegra útivistarsvæða.
Breytingar
á vegakerfi
í því skyni að vegir um Garðabæ
anni vaxandi umferð eru gerðar
tillögur um talsverðar breytingar
á vegakerfi Garðabæjar. Gert er
ráð fyrir mislægum gatnamótum á
nokkrum stöðum á stofnbrautum
í Garðabæ, á Hafnarfjarðarvegi,
Reykjanesbraut, Arnarnesvegi og
Álftanesvegi. Gerð er tillaga um
að framhald Arnarnesvegar tengist
Breiðholtsvegi við Vatnsendahvarf
og að Álftanesvegur verði færður
til og fái nýtt vegarstæði frá Bessa-
staðahreppi að Engidal. Vífils-
staðavegur mun samkvæmt tillög-
unni ná frá Vífilsstaðavatni að
Garðaholti á Álftanesi og mun
þannig tengja íbúðasvæði bæjar-
ins.
Breyta þarf
eignarhaldi
Vegna skipulagsvinnunnar þarf
að huga að breytingum á eignar-
haldi lands en stefna bæjaryfirvalda
er að land sem ætlað er fyrir bygg-
ingarsvæði sé í eigu bæjarins. Arið
1992 keypti Garðabær land ríkisins
á Álftanesi og hefur því umráð yfir
fyrirhuguðu byggingalandi á
Garðaholti.
Nokkur fyrirhuguð fram-
kvæmdasvæði eru þó enn í einka-
eign, þ.á m. á Arnarneshálsi, í Set-
bergslandi og Urriðavatnslandi.
Vegna fyrirhugaðra framkvæmda
við stofnbrautir mun víða þurfa að
huga að eignarhaldi lands og færa
ýmist úr eigu bæjarsjóðs eða einka-
eign í eigu ríkissjóðs, að því er fram
kemur í greinargerð með skipu-
lagstillögunni.
Náttúruverndarsamtök gera athugasemdir við nýja legu Álftanesvegar um Gálgahraun
Lambhúsatjörn
Amarnesvogur
í \ íbúða■
Hraunsholt
íbúða-
, svæði (\
íbúða-
svæðí
ibúða-
svæði *
Engidalur
IIÍIliilsÍÍÍ
.
HAFINARFJORÐUR
Sveitartélagamörk
MÁ BJÓÐA ÞÉR í DANS ?
Kennslustaðir:
• Reykjavík
• Mosfellsbær
• Grindavík
• Keflavík
• Garður
• Sandgerði
Innritun daglega til 11. jan. í
síma 552 0345 kl. 16-20
Kennsla hefst sunnud. 12. jan.
Kennum alla dansa:
samh’œmisdansa, gömlu dansana,
rock'n roll, tjútt, diskódansa og kántrý.
Aukatímar fyrir þá sem vilja taka
þátt í íslandsmeistarakeppni.
• Einkatíniar /3>/ó' "privathópa"
• Böm 3-4 ára
Léttar hreyfmgar og leikir
sem örva hreyfiþroska.
Barnahópar - unglingar - fullordnir - hjón - pör
Gjaldskrá óbreytt
frá liðnum vetri.
Systkinaafsláttur-Jyrsta
barn fullt gjald, annað
barn hálft gjald, þriðja
barn og þar yfrfritt.
Aukaafsláttur efforetdr-
ar eru einnig í dans-
námi.
DANSSKOLI
STVALDSSOHAB
Upprifjunarnámskeið - 6 skipti fyrir þá sem lært hafa áður
Bæjarsljóri
segir tillöguna
vel ígrundaða
NOKKUR náttúruverndarsamtök,
þ.á m. Náttúruverndarráð, Fugla-
verndarfélagið og Hið íslenska nátt-
úrufræðifélag, hafa gert athuga-
semdir við fyrirhugaða breytingu á
legu Álftanesvegar í tillögu að nýju
aðalskipulagi Garðabæjar 1995-
2015. Telja þau nýjan veg geta vald-
ið spjöllum á heilstæðri hraunbreiðu
og spillt fuglalífi.
Ingimundur Sigurpálsson bæjar-
stjóri segir tillöguna vel ígrundaða
og að mati skipulagsnefndar Garða-
bæjar væri nýja vegarstæðið sú leið
um svæðið sem raskaði umhverfí
minnst. í skipulaginu er lagt til að
nýr vegur verði lagður fjær byggð,
mitt í gegnum Gálgahraun á Álfta-
nesi þar sem það er sléttast, vegna
grenndar við íbúðasvæði og ófull-
nægjandi undirbyggingar og veglínu.
I umsögn Náttúruverndarráðs
segir að mikilvægt sé að tryggja
verndun Gálgahrauns sem hingað
til hafí fengið að vera óraskað. Seg-
ir að í hrauninu sé fjölbreyttur gróð-
ur en þar væru einnig söguminjar,
sögustaðir, fornar götur og búsetu-
minjar frá ýmsum tímum.
Minnt er á að Gálgahraun væri
nyrsta tungan af rúmlega 10 km
löngu hrauni sem komið er úr Búr-
felli og nefnt hefur verið Búrfells-
hraun. Að mati Náttúruverndarráðs
er „Búrfellshraun í hópi merkra nátt-
úruminja sem forðast ber að raska
frekar en orðið er.“
í umsögninni er vísað tii alþjóð-
legra skyldna Islendinga varðandi
verndun einstæðra jarðmyndana.
Besta leiðin að mati nefndar
Bæjarstjórinn segir tillögu um nýtt
vegarstæði vel ígrundaða en hún
væri niðurstaða nærri tveggja ára
undirbúnings og athugunar á aðstæð-
um á Álftanesi. „Skipulagsnefndin
hefur legið yfir þessum hugmyndum
og þetta er sú tillaga sem hún telur
besta til að kynna,“ segir hann.
Ingimundur segir að skipulags-
nefnd og vegagerðarmenn hafi
kannað ítarlega hvort færi betur
miðað við umhverfissjónarmið að
Iáta veginn liggja þar sem tillaga
er gerð um eða við hraunjaðarinn.
„Það er mat manna í nefndinni að
þessi leið sem tillaga er gerð um
raski minnst umhverfinu," segir
Ingimundur.
Bæjarstjórinn segir að skipulags-
nefnd muni taka afstöðu til athuga-
semda á næstu vikum. Því næst
verði afstaða tekin til lokatillögu um
skipulag í bæjarstjórn sem sendir
hana loks til skipulagsstjórnar ríkis-
ins til umfjöllunar.
Ingimundur segist telja að íbúar
hafi fremur áhyggjur af vaxandi
umferðarþunga og umferðarhávaða
á stofnbrautum í bæjarfélaginu,
Reykjanesbraut og Hafnarfjarðar-
vegi. Þetta hafi komið skýrt fram á
nokkrum kynningarfundum í haust.
Á hinn bóginn hafi aðeins einn fund-
argestur á borgarafundi í fyrrakvöld
gert Álftanesveg að umtalsefni.