Morgunblaðið - 22.02.1997, Blaðsíða 12
12 LAUGARDAGUR 22. FEBRÚAR 1997
MORGUNBLAÐIÐ
FRÉTTIR
Samið við Grænlendinga
um loðnuveiðiheimildir
Viðamikil
greinar-
gerð eftir
árs vinnu
RAGNAR Aðalsteinsson hæsta-
réttarlögraaður og skjólstæðing-
ur hans, Sævar M. Ciesielski, af-
hentu Pétri Kr. Hafstein, varafor-
seta Hæstaréttar, í gær greinar-
gerð Ragnars til stuðnings beiðni
um endurupptöku sk. Guðmund-
ar- og Geirfinnsmála. Sævar og
Ragnar komu til fundar við Pétur
um klukkan 13 í gærmorgun, en
í gær var um það bil ár liðið síðan
vinna við greinargerðina hófst.
Um mjög viðamikla greinar-
gerð er að ræða, og mun Hæsti-
réttur taka afstöðu til hennar að
fenginni umsögn setts ríkissak-
sóknara.
STJÓRNVÖLD á íslandi og
Grænlandi hafa undirritað sam-
komulag um loðnuveiðar innan
grænlenzkrar og íslenzkrar lög-
sögu. Samkvæmt samkomulaginu
er grænlenzkum loðnuskipum
heimilt að veiða í lögsögu Islands
allt að 8.000 tonn af loðnu af
loðnukvóta Íslands á loðnuvertíð-
inni, sem nú stendur yfir. Aðeins
eitt grænlenzkt skip er gert út
til loðnuveiða úr þeim stofni, sem
þessi samningur tekur til. Það er
Ammassat, sem áður hét Harpa
og er gert út frá íslandi.
Á móti þessum veiðiheimiidum
verður íslenzkum loðnuskipum
heimilt að veiða 8.000 tonn af
loðnu úr þeim kvóta sem kemur í
hlut Grænlands á loðnuvertíðinni,
sem hefst í júlímánuði næstkom-
andi. Þá verður íslenzkum skipum
heimilt að veiða allt að 8.000 tonn
af heildarkvóta íslands sunnan
6430’ norður við Austur-Græn-
land, en samkvæmt gildandi
samningi milli Noregs, íslands og
Grænlands um nýtingu loðnu-
stofnsins hafa loðnuveiðar verið
íslenzkum skipum óheimilar á því
svæði.
„Grænlendingar hafa farið
fram á að fá að veiða loðnu fyrir
sunnan línu og niðurstaðan er sú
að þeir muni fá að veiða hér
smávegis magn og við veiðum á
móti inni á þeirra svæði,“ segir
Halldór Ásgrímsson utanríkis-
ráðherra.
Viðræður um
sameiginlega stofna
Hann segir að ýmis önnur mál
hafí staðið út af í samskiptum ís-
lands og Grænlands í sjávarút-
vegsmálum. „Það hefur verið
ákveðið að farið verði í viðræður
um sameiginlega stofna, karfa og
grálúðu. Þá eru í gangi viðræður
út af lögsögumörkunum milli ís-
lands og Grænlands. Grænlend-
ingar eru mjög sárir út í íslend-
inga út af veiðum íslenzkra skipa
á Flæmingjagrunni. Margir hafa
viljað kenna þeim veiðum um að
verðlag á rækju hefur lækkað á
heimsmarkaði, en ég kem því
reyndar ekki heim og saman,“
segir Halldór. „Menn eru hins veg-
ar sammála um að horfa framhjá
fortíðinni og reyna að leita leiða
til að leysa þau mál, sem standa
út af borðinu. í næstu viku, þegar
formaður landsstjórnarinnar kem-
ur hingað í opinbera heimsókn,
reynum við að halda áfram að
byggja á því, sem áður hefur ver-
ið talað um.“
Morgunblaðið/Ásdís
Stækkun Járnblendifélagsins
Árangurs-
laus fundur
ENGINN árangur varð af fundi
Elkem og fulltrúa íslenska ríkisins
um breytta eignarhlutdeild í ís-
lenska járnblendifélaginu hf. á
Grundartanga. Ágreiningur er um
hvaða verð Elkem eigi að greiða
fyrir aukinn eignarhlut í félaginu.
Fundurinn var haldinn í Kaup-
mannahöfn í fyrradag og sóttu
hann af Íslands hálfu Jón Sveins-
son, stjórnarformaður Járnblendi-
félagsins, og Halldór Kristjánsson,
ráðuneytisstjóri í iðnaðarráðuneyt-
inu.
Jón sagði að vonast hefði verið
eftir að samningamenn Elkem
myndu koma með einhver ný við-
brögð við hugmyndum íslenska
ríkisins um breytta eignaraðild að
Járnblendifélaginu. Þau hefðu
ekki komið og hefði það komið sér
á óvart. Jón sagði að fundinum,
sem var styttri en reiknað var með
í upphafi, hefði lokið með þeim
hætti að ákveðið hefði verið að
hvor aðili fyrir sig skoðaði málið
betur í sínum hópi og menn myndu
síðan hafa samband eftir helgina.
Stjórn Járnblendifélagsins hef-
ur frest til 8. mars nk. til að taka
ákvörðun um hvort fyrirtækið nýt-
ir sér ákvæði raforkusamnings við
Landsvirkjun um stækkun verk-
smiðjunnar um einn ofn.
Málefni aldraðra rædd á hádegisverðarfundi með heilbrigðisráðherra
Skattar til jöfnunar hafa
snúist upp í andhverfu sína
Morgunblaðið/Ásdís
FJÖLDI eldri borgara mætti á hádegisverðarfund heilbrigðis-
ráðherra á Hótel Borg í gær.
ELDRI borgarar fjölmenntu á há-
degisverðarfund á Hótel Borg í
gær, þar sem Ingibjörg Pálmadótt-
ir, heilbrigðis- og tryggingamála-
ráðherra, sat fyrir svörum um
málefni eldri borgara.
Fundurinn hófst á stuttri fram-
sögu ráðherrans, sem ræddi m.a.
um áhrif jaðarskatta á kjör aldr-
aðra og harmaði það að skattar
sem ætlaðir voru til jöfnunar hefðu
snúist upp í andhverfu sína og
ieitt til frekari ójafnaðar. Einnig
ræddi ráðherrann um þá endur-
skoðun sem nú er í gangi á lögum
um almannatryggingar og lögum
um málefni aldraðra.
Stefnan sú að sem flestir verði
heima sem lengst
Heilbrigðisráðherra benti á
ýmislegt jákvætt sem nú væri á
döfinni í málefnum aldraðra. Á
næstunni yrði til dæmis tekin í
notkun öldrunarlækningadeild á
Landakoti, sú fyrsta sinnar teg-
undar hér á iandi. „Þar byggist
öll meðferð á því að einstaklingur-
inn nái heilsu og komist aftur i
sitt rétta umhverfi. Því nú er stefn-
an sú að sem flestir verði heima
sem lengst. Við verðum þó Iíka
að halda áfram að byggja upp
hjúkrunardeildir og nú á einmitt
að fara að taka í notkun 40 ný
hjúkrunarrými í Skógarbæ og 30
á næsta ári, auk þeirrar uppbygg-
ingar sem á sér stað víða úti um
land,“ sagði Ingibjörg.
Meðal þeirra spuminga sem
beint var til heilbrigðisráðherra var
hvort hún myndi beita sér fyrir því
að jaðarskattaáhrif á kjör aldraðra
verði tekin til greina í kjarasamn-
ingum. Hún kvaðst telja nauðsyn-
legt að taka á því, þar sem jaðar-
skattamir hefðu jafnslæm áhrif á
kjör aldraðra og hinna yngri. Einn-
ig var Ingibjörg spurð um afstöðu
hennar til þess þegar tenging ellilíf-
eyris og almennra launakjara í
landinu var afnumin á síðasta ári
og kvaðst hún hlynnt því að slíkt
samband yrði tekið upp aftur. Hún
benti ennfremur á mikilvægi þess
að byggja lífeyrissjóðina upp til
þess að þeir gætu alfarið séð um
greiðslur til aldraðra og almanna-
tryggingar um greiðslur til öryrkja.
Málin of oft „í nefnd“
Spurt var hvað liði starfi nefnd-
ar sem vinnur að endurskoðun lög-
gjafar um almannatryggingar og
var svar ráðherra á þá leið að
nefndin væri alltof stór og því
afar svifasein. Aðspurð hvort ekki
væri skynsamlegt að fækka í
nefndinni eða skipta henni upp,
sagði Ingibjörg að það væri erfitt
þar sem allir hagsmunaaðilar vildu
hafa fulltrúa í henni.
Margar aðrar spurningar komu
upp en í fundarlok var þó ljóst að
mörgum var enn ósvarað. Fram
kom í máli nokkurra fundarmanna
dbað þeim þættu hlutirnir ganga
of hægt og þó að eldri borgarar
hefðu flestir rúman tíma hefðu
þeir í raun ekki langan tíma til
stefnu til að bíða úrlausna á brýn-
um hagsmunamálum. Svörin væru
alltof oft á þá leið að málin væru
í skoðun, í athugun eða í nefnd.
Morgunblaðið/Ásdís
LAND Cruiser jeppi án
yfirbyggingar er til sýnis
hjá Toyota-umboðinu.
Toyota Land
Cruiser af-
hjúpaður
TOYOTA-umboðið, P. Samú-
elsson í Kópavogi, sýnir um
helgina Land Cruiser jeppa
sem yfirbyggingu hefur verið
svipt af þannig að sjá má
hvernig vél, sjálfskipting og
drifbúnaður virkar. Verður
þessi sérstaki bíll sýndur um
helgina og síðan fram eftir
næsta mánuði.
Búið er að „afhjúpa" bíl-
inn, þ.e. taka yfirbygginguna
af og opna ýmsa hluta bílsins
sem notendum eru yfirleitt
ekki sýnilegir. Má þar með
sjá hvernig hlutir eins og
mismunadrif, fjöðrun, drifl-
æsingar og annað virkar en
allt getur þetta verið á hreyf-
ingu eins og í akstri væri.
Sýningin er opin í dag,
laugardag kl. 12-16 og á
morgun kl. 13-16.