Morgunblaðið - 22.02.1997, Blaðsíða 18

18 LAUGARDAGUR 22. FEBRÚAR 1997
VIÐSKIPTI
MORGUNBLAÐIÐ
Ráðgjafarverkefni á vegum Iðntæknistofnunar ýtt úr vör
Ný tækni nýtt betur
Morgunblaðið/Þorkell
ÍSLENSKU ráðgjafarnir unnu í hópum á lokadegi námskeiðsins.
SÓKN til betri afkomu er heiti á
ráðgjafarverkefni sem nýsköpunar-
og framleiðnideild Iðntæknistofn-
unar er að ýta úr vör þessa dagana,
en markmið verkefnisins, sem styrkt
er af Evrópusambandinu, Iðntækni-
stofnun, Iðnlánasjóði og Byggða-
stofnun, er að aðstoða stjórnendur
fyrirtækja við að auka samkeppnis-
hæfni og bæta afkomu fyrirtækj-
anna með stefnumótun, sem nýtir
nýjungar og nýja tækni. Þessi ráð-
gjafartækni er vel þekkt í Evrópu,
ekki síst í Noregi þar sem henni
hefur verið beitt með góðum ár-
angri og undanfarna fjóra daga hafa
norskir kennarar kynnt tólf íslensk-
um ráðgjöfum hana. Ætlunin er síð-
an að þessir ráðgjafar beiti tækninni
í fyrirtækjum sem verða valin til
þess að taka þátt í verkefninu en
fyrirtæki geta sótt um þátttöku í
því til 12. mars næstkomandi.
Verkefnið var kynnt blaðamönn-
um í gær en þá lauk ráðgjafarnám-
skeiðinu sem markar upphaf verk-
efnisins. Ráðgjafaranir tólf sem þátt
tóku í námsskeiðinu voru valdir með
tilliti til menntunar, starfsreynslu
og reynsiu af ráðgjöf og er meðal
þeirra að finna fulltrúa frá öilum
stærri ráðgjafarfyrirtækjum í land-
inu. Þeir munu fá þjálfun hjá erlendu
sérfræðingunum til þess að sinna
verkefninu sem stendur yfir í átján
mánuði og verða reynslufundir
haldnir reglulega á því tímabili, þar
sem þátttakendur bera saman bækur
sínar og skiptast á upplýsingum um
framvindu mála. í lokin verður síðan
haldin ráðstefna þar sem grein verð-
ur gerð fyrir árangrinum af verkefn-
inu.
15 íslensk fyrirtæki valin
Fimmtán íslensk fyrirtæki verða
valin til þess að taka þátt í verkefn-
inu. Þau þurfa að vera framleiðslu-
fyrirtæki af stærðinni 15-250 árs-
verk með stöðugan íjárhag, eiga
góða vaxtarmöguleika og hafa vilja
til þess að innleiða nýja tækni og
aðferðir. Hægt er að sækja um þátt-
töku til Iðntæknistofnunar til 12.
mars næstkomandi, en fyrirtækin fá
styrk fyrir langstærstum hluta af
kostnaði við ráðgjöfina. Fyrirtækin
velja sér ráðgjafa úr framangreind-
um tólf manna hópi sem mun síðan
á næstu tveimur mánuðum leiða
stöðugreiningu í viðkomandi fyrir-
tækjum og hafa umsjón með umbót-
um.
Kristján M. Ólafsson hjá Iðn-
tæknistofnun stýrir verkefninu.
Hann segir að það sé hugsað fyrir
vel rekin fyrirtæki. Það sé ekki um
það að ræða að verkefnið beinist að
einhveijum vandamálafyrirtækjum.
Fara eigi inn í vel rekin fyrirtæki,
skoða alla þætti í rekstri þeirra og
finna hvar skórinn kreppir. Það sé
vel þekkt að þó fyrirtæki séu á yfir-
borðinu vel rekin, sé reyndin sú að
það sé ýmislegt hægt að gera til að
bæta rekstur þeirra. Síðan sé við
það miðað að sú þekking sem ráð-
gjafinn komi með inn í fyrirtækið
verði eftir innan þeirra. Þessi að-
ferðafræði hafi skilað mjög góðum
árangri í Noregi, en þar hafi reynsi-
an verið sú að veltuaukning fyrir-
tækjanna hafi verið á bilinu 8-12%
meðan á aðstoðinni stóð.
Ný tækni taki mið af þörfum
fyrirtækjanna
Geir Kuvás, annar þeirra tveggja
norsku leiðbeinenda sem hér hafa
verið til að kynna íslensku ráðgjöf-
unum verkefnið og hugmyndafræð-
ina að baki, sagði að það beindist
að því að gera stjórnendur fyrirtækja
meðvitaða um að fjárfesta ekki í
nýrri tækni nema ljóst væri að þörf
væri fyrir hana og markaðurinn gerði
kröfu til hennar. Það yrði að vera
ljóst að viðskiptavinirnir væru tilbún-
ir til þess að greiða þann aukakostn-
að sem tæknin kallaði á og að hún
skilaði sér í meiri afköstum. Þannig
væri reynt að tengja saman þekkingu
og þarfir fyrirtækjanna. Þessi að-
ferðafræði, sem ætti rætur sínar að
rekja til viðskiptaháskólans í Harvard
í Bandaríkjunum, en hefði verið að-
löguð aðstæðum í Noregi, hefði skilað
mjög góðum árangri þar í landi. Til
marks um það væri að veltuaukning
fyrirtækja sem þátt hefðu tekið í
verkefninu hefði verið á bilinu
10-19% eftir því við hvað væri miðað
á sama tíma og aukningin hjá öðrum
fyrirtækjum hefði verið um 2%.
uppynp
Hraðbúðir Olís - Uppgrip
eru staðsettar á eftirfarandi stöðum:
@ Sæbrautvið Kleppsveg ©. Hafnarfjarðarvegi í Garðabæ
@ Gullinbrú í Grafarvogi @ Langatanga í Mosfellsbæ
@ Álfheimum við Glæsibæ ©. Miðbæ í Hafnarfirði
Háaleitisbraut við Lágmúla
Tryggvabraut á Akureyri
Uppgrip eru þægilegar verslanir
þar sem þú færð ótrúlega margt
fyrir þig, heimilið og bílinn.
létfir þér lífiS
Útboð á lyfjum
sparar 23 millj.
ÚTBOÐ á lyijum á vegum Ríkis-
kaupa fyrir sjúkrahús spöruðu 23,2
milljónir í útgjöldum á árinu 1996
að því er fram kemur í fréttabréfi
Rikiskaupa.
Útboðin eru nú orðin fimm tals-
ins og eru haldin í samstarfi ríkis
og borgar. í upphafi voru einungis
Landsspítalinn, Sjúkrahús Reykja-
víkur og Fjórðungssjúkrahúsið á
Akureyri með í þessum útboðum,
en nú hafa bæst við Sjúkrahúsin á
Akranesi og Suðuriandi, auk St.
Jósefsspítala í Hafnarfirði.
í fyrra voru 34% af heildarlyfja-
notkun sjúkrahúsanna boðin út og
lækkaði kostnaður vegna staðdeyfi-
lylja um 24% og krappameinslyfja
um 29%. Þá lækkaði kostnaður við
12 tegundir lyfja sem boðin voru
út saman um 19% og 50 lyfja til
viðbótar um 9%.
SAMNINGUR undirritaður, f.v. eru Sigfús Á. Kárason, fjár-
mögnunarráðgjafi hjá Glitni, Páll G. Þórhallsson, forstöðumaður
innheimtu- og lögfræðisviðs Glitnis, Kristján Óskarsson, fram-
kvæmdastjóri Glitnis, Benedikt Björnsson, stjórnarfomaður
Umslags, Sveinbjörn Hjálmarsson, framkvæmdastjóri Umslags,
Theodór Sigurbergsson, endurskoðandi hjá Þema.
Glitnir fjármagnar
húsnæði Umslags
UMSLAG ehf. og Glitnir hf. undir-
rituðu í desember sl. samning um
íjármögnun 1 þúsund fermetra at-
vinnuhúsnæðis Umslags ehf. í
Lágmúla 5. Samningurinn er sá
fyrsti sem Glitnir gerir um fjár-
mögnun atvinnuhúsnæðis.
Fram kemur í frétt frá fyrirtækj-
unum að með samningnum hafi
Umslag tryggt sér gott leiguhús-
næði á þægilegan og fljótvirkan
hátt. Húsnæðisþörf félagsins sé
fullnægt til framtíðar án þess að
það þurfi að binda rekstrarfé sitt.
Umslag sérhæfir sig í að setja
gögn í umslög og prentun með full-
komnustu tækni sem völ er á. Fastir
viðskiptavinir Umslags ehf. eru
margir, m.a. tryggingafélög og op-
inberir aðilar. Þá er þjónusta fyr-
irtækisins nýtt af þeim sem senda
frá sér markpóst og aðrar fjölda-
sendingar. Hjá Umslagi er á þennan
hátt gengið frá um 7 milljónum
umslaga á ári. Fyrirtækið hefur
hefur verið til húsa á Veghúsastíg
7. Hið nýja húsnæði þykir hentar
fyrirtækinu vel, sérstaklega með
tilliti til aðkeyrslu fyrir póstbílana,
sem sækja þangað póst daglega.
Glitnir fetar með samningnum
inn á nýja braut. Fyrirtækið hefur
hingað til sérhæft sig í fjármögnun
atvinnutækja og fjármögnun fólks-
bíla fyrir einstaklinga og fyrirtæki
en nú er áformað að gera samninga
um atvinnuhúsnæði við traust fyrir-
tæki. Ýmist getur verið um að ræða
kaupleigu- eða fjármögnunarleigu-
samninga til allt að 25 ára.