Morgunblaðið - 19.03.1997, Qupperneq 11

MORGUNBLAÐIÐ
MIÐVIKUDAGUR 19. MARZ 1997 11
FRÉTTIR
Morgunblaðið/Ásdís
INGIBJÖRG Sólrún Gísladóttir borgarstjóri, Þór Halldórsson, formaður Reykjavíkurdeildar Rauða
kross íslands, Páll Pétursson félagsmálaráðherra og Ingibjörg Pálmadóttir, heilbrigðis- og trygg-
ingamálaráðherra, undirrita samstarfssamning um forvarnaverkefni í grunnskólum Reykjavíkur
gegfn vímuefnaneyslu nemenda.
Samstarfssamningur um forvarnaverkefni í grunnskólum
Reykjavíkur gegn vímuefnaneyslu nemenda
Vímulaus grannskóli
VÍMULAUS gfrunnskóli er
meginmarkmið samstarfsverk-
efnis sem hleypt var af stokkun-
um á þriðjudag með undirritun
samnings milli Reykjavíkurborg-
ar, félagsmálaráðuneytisins,
heilbrigðis- og tryggingamála-
ráðuneytisins og Reykjavíkur-
deildar Rauða kross Islands. Um
er að ræða forvarnaverkefni i
8.-10. bekk grunnskóla Reykja-
víkurborgar gegn vímuefna-
neyslu nemenda og um starf-
rækslu miðstöðvar í húsnæði
Heilsuverndarstöðvarinnar við
Barónsstíg.
Verkefnið hófst formlega við
undirritun samningsins og stend-
ur fram í janúar á næsta ári en
starfsemi miðstöðvarinnar hefst
3. apríl nk. Áætlaðúr heildar-
kostnaður við verkefnið er um
14 milljónir króna. Samið verður
við óháðan aðila um að fylgjast
með framvindu verkefnisins,
gera á því úttekt og meta árang-
ur þess.
Með forvarnaverkefninu og
starfrækslu miðstöðvarinnar,
sem hvort tveggja er hluti af
áætluninni „ísland án eiturlyfja
2002“, er m.a. stefnt að því að
draga úr neyslu vímuefna meðal
grunnskólanema, veita nemend-
um og foreldrum þeirra greiðan
aðgang að þjónustu, draga úr
umburðarlyndi gagnvart barna-
og unglingadrykkju og efla sam-
vinnu og samráð á sem flestum
sviðum vímuvarna.
Leitarstarf eflt
Framkvæmd verkefnisins felst
í því að styrkja og samhæfa það
starf sem fyrir er hjá stofnunum
borgar og ríkis. Lögð verður
áhersla á betra eftirlit með vímu-
efnaneyslu grunnskólanema,
samráð innan skólans og stuðn-
ing við nemendur gegn vímuefn-
um. Þá verður leitarstarf og
samráð í hverfum borgarinnar
eflt og tilkynningum til foreldra
um neyslu unglinganna komið í
skilvirkari farveg en áður.
Árni Einarsson hjá Fræðslu-
miðstöð í fíknivörnum hefur ver-
ið ráðinn verkefnisstjóri. Hann
heimsækir á næstunni alla
grunnskóla borgarinnar og fer
yfir markmið og framkvæmd
verkefnisins með skólastjóra og
kennurum. Þá skal hann eiga
frumkvæði að því að kynna verk-
efnið á fundum með foreldrafé-
lögum og samráðshópum í hverf-
um borgarinnar. Verkefnisstjór-
inn skal einnig hafa umsjón með
daglegu starfi miðstöðvarinnar í
Heilsuverndarstöðinni.
Á næstunni verður foreldrum
allra grunnskólanemenda í 8.-10.
bekk í Reykjavík sent bréf þar
sem forvarnaverkefnið, mark-
mið þess og tilgangur verður
kynnt. Skólastjórar sjá um að
kynna nemendum verkefnið og
hvelja kennara til að vísa til nem-
endaverndarráðs í viðkorr.andi
skóla málum nemenda sem vitað
er um eða grunur leikur á að séu
í vímuefnaneyslu.
Greining, ráðgjöf og meðferð
Starfsemi miðstöðvarinnar
skiptist í þijá þætti; greiningu,
ráðgjöf og meðferð. Þar mun
starfa fagfólk frá Barna- og
unglingageðdeild, Stuðlum -
meðferðarstöð ríkisins, Teigi -
fíkniefnadeild Landspítalans og
Félagsmálastofnun Reykjavíkur-
borgar. Miðstöðin verður fyrst
um sinn opin þrjá daga í viku,
mánudaga, þriðjudaga og mið-
vikudaga, kl. 15-18.
Ráðgjafar- og meðferðarstarf
miðstöðvarinnar verður tvíþætt,
fyrir nemendur og foreldra.
Unglingastarfið fer fram í hóp-
um, með fyrirlestrum og ein-
staklingsviðtölum auk tóm-
stundastarfs. Foreldrunum
stendur til boða ráðgjöf og með-
ferð.
Tyrkneskt blað Sophiu til varnar
Verst að þessi
grimmd verður
til í nafni íslams
SJÓNVARPSÞÁTTUR, sem sýnd-
ur var í Tyrklandi á fímmtudag
um mál Sophiu Hansen og dætra
hennar, hefur vakið umtal og í
grein á leiðarasíðu Saba.h, þriðja
stærsta dagblaðs Tyrklands, sagði
á laugardag að í þessum þætti
hefði „allt Tyrkland horft á
grimman föður, tvær heilaþvegnar
dætur og þjáða móður“.
í greininni, sem Can Atakli
skrifar, sagði að á skjánum hefði
mátt líta „grimmd og harmleik
móður“. „Eg er viss um að allir
foreldrar, sem horfðu á símtal
Sophiu Hansen og dætra hennar,
[Dagbjartar] Vesile og [Rúnu]
Aysegul í Arena-þætti Agurs
Dundars [á fimmtudag] fundu til
sársauka í sál sinni og áttu erfitt
með að hemja tárin,“ skrifaði
Atakli. „Það versta er að þessi
harmleikur eða grimmd verður til
í nafni íslams."
Tilefni greinarinnar var sjón-
varpsþáttur þar sem Sophia Han-
sen og ísak Halim Al, fyrrverandi
eiginmaður hennar og barnsfaðir,
sátu fyrir svörum. Dæturnar,
Dagbjört og Rúna, komu fram í
síma. I greininni er málið rakið,
sagt að Halim A1 hafi breyst í
strangan múslima við komuna
aftur til Tyrklands og látið dæt-
urnar ganga með sjal. Ekki sé
að furða að hann hafi fengið
stuðning einhverra róttækra sam-
taka við þessi umskipti. Sagði
einnig að dómstólum hefði ekki
tekist að hafa nein jákvæð áhrif
í vandræðum móðurinnar: „í stað
heimsóknarréttinda gat hún ekki
hitt dæturnar."
I greininni sagði að ekki hefði
verið hægt að standa kyrr og
forðast undrun meðan dæturnar
töluðu við móður sína:
„Dæturnar sögðu „við viður-
kennum þig ekki sem móður okk-
ar“ á mjög kaldan hátt. Ekkert
barn, sérstaklega ekki á þessum
aldri, getur talað við móður sína
með þessum hætti. Nema þá auð-
vitað að börnin séu undir miklum
þrýstingi eða hafi verið heilaþveg-
in. Móðir er alltaf rnóðir."
Sagði að Sophia hefði greini-
lega fyllst skelfingu við að heyra
orð dætranna, en faðirinn „hlust-
aði á hin „ótrúlegu orð“ dætra
sinna og ljómaði".
Sagt hvað þær áttu að segja
Greinarhöfundur tók sérstak-
lega til þess að dæturnar hefðu
sagt „við ákváðum þetta af fijáls-
um vilja" í fimmgang og spurði:
„Er eðlilegt að heyra slíkt frá 15
og 16 ára stúlkum? Það er greini-
legt að þeim var sagt hvað þær
áttu að segja eða voru jafnvel
látnar hafa það skriflega."
Höfundurinn skrifaði í Sabah
að Halim A1 kallaði sig ef til vill
múslima, en í íslam væri hvergi
kveðið á um að skilja ætti að
móður og börn. Stjórnanda þátt-
arins hefði greinilega verið brugð-
ið og hann bundið enda á þáttinn
eftir að heyrðist í dætrunum
fremur en að leyfa föðurnum að
ráðast á móðurina að nýju. „Allt
Tyrkland fylgdist með grimmum
föður, tveimur heilaþvegnum
dætrum og þjáðri móður,“ skrif-
aði höfundurinn. „Allt var þetta
harmleikur. Eg óska þess frá hinu
dýrlega almætti að þessi undirför-
uli maður eigi það líf, sem hann
á skilið."
Aðflug með
GPS-tækni á Höfn
AÐFLUG með GPS-staðsetningar-
tækjum verður mögulegt að nokkr-
um fiugvöllum landsins á næstunni.
Verið er að undirbúa slíkt aðfiug
úr norðri að flugvellinum við Höfn
í Hornafirði. Ráðgert er að taka það
í notkun í júní og að slíkt kerfi verði
við fleiri velli á næstu árum.
Þorgeir Pálsson flugmálastjóri
segir að aðflug með GPS þýði að
minna þurfi af tækjabúnaði á jörðu
niðri. Oft sé einnig erfitt að komast
að honum vegna viðhalds og við-
gerða og því muni GPS-tæknin trú-
lega smám saman koma í stað hinna
hefðbundnu aðflugstækja, en hægt
er einnig að nýta þessa kosti saman.
Við Höfn liggur oft þoka úti fyrir
ströndinni sem hamlað getur aðflugi
úr suðri. Með aðflugi úr norðri, sem
ekki hefur verið mögulegt til þessa,
gæti flugdögum fjölgað.
4,4% atvinnu-
leysi í febrúar
ATVINNULEYSISDAGAR í febr-
úar voru tæplega 124 þúsund á
landinu öllu, 23 þús. færri en í jan-
úar og um 15 þús. færri en í febr-
úar 1996. Það jafngildir því að
5.720 manns, 4,4% af áætluðum
mannafla á vinnumarkaði, hafi að
meðaltali verið á atvinnuleysisskrá,
sem eru 1.040 færri atvinnulausir
en í janúar og 676 færri en í febr-
úar í fyrra.
í upplýsingum frá vinnumála-
skrifstofu félagsmálaráðuneytisins
kemur fram að atvinnuleysisdagar
hjá konum hafi verið um 70 þúsund
en tæplega 54 þúsund hjá körlum.
Það þýðir 3,4% atvinnuleysi hjá
körlum en 5,8% hjá konum.
Hlutfallslegt atvinnuleysi er nú
4,4% en var 5,2% í janúar og 5% í
febrúar í fyrra.
Atvinnuástand batnar á öllum
svæðum frá í janúar. Hlutfallslega
dregur mest úr því á Austurlandi
en atvinnulausum fækkar mest á
höfuðborgarsvæðinu. Atvinnuleysi
er nú alls staðar minna en í febrúar
í fyrra nema á Norðurlandi vestra,
Suðurnesjum og Vestfjörðum.
Að meðaltali eru um 64% at-
vinnulausra á höfuðborgarsvæðinu
og um 36% á landsbyggðinni. Á
Norðurlandi eystra eru um 10%
atvinnulausra að meðaltali, um 7%
á Suðurlandi, 5% á Suðurnesjum
og á Vesturlandi, um 4% á Norður-
landi vestra, um 3% á Austurlandi
og um 2% á Vestfjörðum.
VEST-V
FIRÐIR
Atvinnuleysi í des. ’96, jan. og feb. 1997
Hlutfall atvinnulausra
af heildarvinnuafli Wí
Á höfuðborgarsvæðinu standa
3.685 atvinnulausir á bak
við töluna 4,9% i febniar
oghafði fækkað ufn 394
frá því í janúar. Alls voru
5.720 atvinnulausir v
á landinu öllu (4,4%)
i febrúar og hafði 4,4%
fækkað um 1.040
frá því i janúar.
LANDS-
BYGGÐIN ™
3,9 j: =
NORÐUR-
LAND
EYSTRA
NORBUR
LAND
VESTRA

AUSTUR-
LAND
VESTURLAND
LANDIÐ ALLT
5,2%
4,5% ■ 4,4%
HOFUDBO
SVÆÐIÐ
SUÐURLANÐ

SUÐURNES