Morgunblaðið - 08.08.1997, Síða 39

MORGUNBLAÐIÐ
FÖSTUDAGUR 8. ÁGÚST 1997 39
BREF
TIL BLAÐSINS
Kringlan 1108 Reykjavík • Sími 569 1100 • Símbréf 5691329
Leiðsögn um
Reykjanesskaga
Frá Reyni Eyjólfssyni:
NÚ ER sá tími þegar hvað flestir
leggja land undir fót í gönguferðum
um landið. Þá er þörf á góðri og
áreiðanlegri leiðsögn og ekki síst ef
ferðast er á eigin spýtur.
Einar Þ. Guðjohnsen var mikill
ferðamálafrömuður eins og kunnugt
er og var þekking hans á íslandi
með yfirburðum. Hann var kominn
vel á veg með leiðsöguritið Göngu-
leiðir á Islandi, en entist því miður
ekki aldur til að ljúka því verki.
Bótin er að synir hans, Björn og
Sigurður, halda ótrauðir áfram.
Eftirtalin sex hefti eru komin út:
Suðvesturhornið (1988), Suðvestur-
hornið - Reykjanesskagi (1989), Frá
Þingvöllum til Rangárvalla (1993),
Frá Hvalfirði til Búða (1993), Frá
Arnarstapa til Kleifaheiðar (1993)
9g Vestfirðir - Frá Rauðasandi til
ísafjarðardjúps (1996). Auk þess
hafa sum þessara rita verið gefín
út á erlendum tungumálum.
Annað heftið hefur nýlega verið
gefið út aftur og heitir nú Reykja-
nesskagi. Það er 96 bls. með 6 meg-
inköflum: 1. Gönguleiðir sunnan
Reykjavíkur og Hafnarfjarðar. 2.
Suður með sjó. 3. Sunnan á skag-
anum. 4. Vestan Kleifarvatns. 5.
Austan Kleifarvatns. 6. Beggja
vegna Bláfjalla. 74 gönguleiðum er
lýst stuttlega; kort fylgja til glöggv-
unar og eru leiðirnar teiknaðar á
þau. Textinn er skorinorður. Mörg
örnefni eru nefnd, fjallað um gróð-
urfar, söguleg atriði og hvernig land-
ið er yfirferðar. Segja má, að flest
það sem máli skiptir fyrir ferða-
manninn sé tíundað. Ágæt örnefna-
skrá er aftast í heftinu.
Ég hef fyrir löngu farið allar þær
leiðir sem lýst er í bókinni og miklu
meira til; ferðir mínar víðs vegar um
Reykjanesskaga eru nú líklega orðn-
ar um 700. Langflestar þeirra hef
ég gengið einsamall, sumpart á skíð-
um. Ég get fullyrt, að heftið hefur
reynst mér hinn ágætasti förunaut-
ur. Það svarar öllum spurningum
fljótt og örugglega. Sé það með í
bakpokanum ásamt áttavita, far-
síma (NMT) og nokkrum öðrum
hlutum eru manni allir vegir færir.
Þó mjög gaman sé að ganga með
öðrum er engin ástæða til þess að
óttast að vera einn á ferð svo fram-
arlega sem menn hafa vit fyrir sér.
Öldum saman hafa bændur farið um
lönd sín og sjómenn róið til fiskjar
einir síns liðs og ekki þótt tiltökumál.
Mikil og góð breyting hefur orðið
á viðhorfum almennings til útivistar
og gönguferða upp á síðkastið. Fyr-
ir fáum árum var sjaldgæft að rek-
ast á fólk á gangi utan alfaraleiða
en nú er til dæmis bílastæðið við
Mógilsá sneisafullt á öllum góðviðr-
isdögum vegna fólks sem er að
ganga á Esjuna. Reykjanesskaginn
er nærtækur til útivistar fyrir meg-
inhluta landsmanna og er stórmerki-
legur í jarðfræðilegu tilliti vegna
þess að þar er Atlantshafshryggur-
inn ofansjávar og sýnilegur. Hér eru
margar náttúruperlur svo sem Sog-
in, Krýsuvíkursvæðið, Brennisteins-
fjöll og „suðuröræfin" á milli Keilis
og ísólfsskála. Það mætti segja mér
að stundum sé leitað langt yfír
skammt eftir náttúrufegurð, mikil-
fengleik og unaðsreitum.
Bókaflokkurinn Gönguieiðir á ís-
landi er langbesta ieiðsöguritið sem
völ er á í dag fyrir göngufólk. Von-
andi verður þess ekki mjög langt
að bíða að það taki til alls landsins.
REYNIR EYJÓLFSSON,
Eyrarholti 6, Hafnarfirði.
Norðurslóðir
ruslakista heimsins
Frá Dagmar Völu Hjörleifsdóttur:
KÆRU landar!
Þar sem ég sit í útlöndum, sem
flóttamaður undan umhverfisstefnu
ríkisvaldsins, get ég ekki látið vera
að stinga niður penna eftir að hafa
lesið úrklippur úr íslenskum blöðum,
sem ættingjamir senda mér í útlegð-
ina.
Mikið gleðiefni er það að umhverf-
isráðherra hefur sett stopp fyrir
frekari stóriðju á Islandi um stund.
Sérstaklega ber þó að gleðjast yfir
því að iðnaðarráðherra virðist hafa
látið sér segjast, alla vega fram að
áramótum. Batnandi manni er best
að lifa segir máltækið. Einkennilegt
er samt það, að íslenskir ráðherrar
ráðast á granna vora Grænlendinga
og álasa þeim fyrir að bjóða erlend-
um aðilum grænlenska jörð fyrir
mengandi eiturefni og fá í staðinn
örlitla aura fyrir.
Hún er sígild sagan um fiísina í
auga bróðurins og bjálkann í eigin
auga. Hver er að gera norðurslóðir
að ruslakistu fýrir heiminn? Ég get
ekki séð að eiturefni þau sem koma
til með að úðast yfir heimsbyggðina
frá allri stóriðju á Grundartanga sé
annað en eyðilegging á sameiginleg-
um lofthjúpi okkar jarðarbúa. Það
er engin afsökun að ef við tökum
þessa stóriðju ekki að okkur þá geri
bara einhver annar það. Hver erum
við svo að dæma granna vora Græn-
lendinga, sem líka vilja fá peninga
í sína kistu vegna stóriðju?
ísland hefur verið nefnt sem
heppilegt land til að geyma kjarn-
orkuúrgang. Getum við treyst því
að byðist íslenskum stjómvöldum
nægilegt fé þá skipti þau ekki um
skoðun? Það er einkennileg stefna
að sinna umhverfismálum með ann-
arri hendinni og gera svo allt annað
með hinni.
Það vill enginn hafa kjamorkuúr-
gang í sínum garði og það vill eng-
inn vera valdur að því að eyðileggja
lofthjúpinn umhverfis okkur, en það
getur bara ekki verið rétt að reka
umhverfismál heillar þjóðar á þenn-
an hátt. Umhverfisstefna ríkisvalds-
ins verður að vera sterk, heil og
sjálfri sér samkvæm. Betur má ef
duga skal.
Með von um batnandi tíð á íslandi.
DAGMAR VALA
HJÖRLEIFSDÓTTIR,
Klungshamra 56a,
Solna, Svíþjóð.
Allt efni sem birtist i Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
Grettir
Z' N r'* /\rv v. f»r;rÞ, ° °j^ ° I e/teJcki^) I V^&iv um t>o3> J-S I f (TfOwv ***»►') CeitrUk*/ ? Æ,ae.-.A
£3?M PAVfó b-5 I O 4
Tommi og Jenni
Ferdinand
Ég veit ekki... ég sé hann Ég hleyp til baka í búðina og Hefur einhver skilað ostborgara?
ekki... spyr þau ...