Morgunblaðið - 24.12.1997, Side 42

42 MIÐVIKUDAGUR 24. DESEMBER 1997
MORGUNBLADIÐ
JÓLADAGSKRÁIN
JÓLALEIKRIT Fíns miðils,
Rristnihald undir Jökli, verður flutt
á jóladag, 25. desember, á útvarps-
stöðinni Klassík FM. Leikstjórn er í
höndum Sveins Einarssonar sem
samdi einnig leikgerðina. „Þetta er
útvarpsleikgerð eftir gömlu leik-
gerðinni af Kristnihaldi undir Jökli
eftir Halldór Laxnes,“ segir Sveinn.
„Leikgerðin var frumsýnd á Lista-
hátíð árið 1970 og gekk í þijú ár á
tæplega 200 sýningum. Síðan setti
ég hana upp á Akureyri og þá lék
Gísli Halldórsson séra Jón Prímus
aftur. Sú sýning gekk 21 sinni og
annað eins í leikför svo ég held að
Gísli sé búinn að leika þetta um 250
sinnum. Þetta er ein frægasta
leiktúlkunin á öllum hans ferli. Það
hefur lengi staðið til að eignast upp-
töku af henni.“
Sveinn segist aldrei fá leiða á
verkinu enda sé textinn alveg dýrð-
legur að fást við. „Hann er bæði
skáldlegur og djúpur og svo er hann
svo bráðskemmtilegur.“
Fjölmargir þjóðþekktir leikarar
fara með hlutverk í leikgerðinni.
Þar á meðal eru Hilmir Snær
Guðnason, sem fer með hlutverk
Umba en hann er gerður út af bisk-
upi til að athuga hvað er hæft í
sögusögnum um að kristnihald und-
ir Jökli sé heldur bágborið, Gunnar
Eyjólfsson, sem túlkar biskup,
Ragnheiður Elfa Amardóttir, sem
leikur Úu og Jón Sigurbjömsson,
sem leikur Dr. Syngmann.
„Eg samdi leikgerðina
tveimur ámm eftir að bókin
kom út og bókin sló enn
betur í gegn eftir að leik-
sýningin var sett upp,“ seg-
ir Sveinn og bætir við að
hann hafí samið leikgerðina
í samvinnu við skáldið. „Við
voram þá í Kaupmanna-
höfíi. Það var mjög eftir-
minnileg samdvöl. Hann bjó
á Tre falke og við héldum til
þar þegar við voram að
vinna í þessu. Við fóram svo
í leikhús á kvöldin. Hann
hafði mjög ákveðnar mein-
ingar um hvernig persón-
urnar ættu að vera og ég
reyndi að vera trúr því,“
segir Sveinn.
Leikritið verður flutt í
tveimur þáttum og hefst út-
sending íyrri hluta þess
klukkan 16.00. Síðari hluti
verksins verður fluttur á
nýársdag á sama tíma.
Morgunblaðið/myndasafn
GÍSLI Halldórsson hefur leikið Jón
Prímus upp undir 250 sinnum.
Ljósmynd/Jóhann Óli Hilmarsson
ÞORFINNI og félögum tókst að festa á filmu þegar mús gaut músaRungum.
Astarsaga músa
NÝ íslensk sjónvarpsmynd, Haga-
mús - með lífið í lúkunum, verður
frumsýnd í Sjónvarpinu á jóladag,
25. desember.
„Þetta er ástarsaga í hefðbundn-
um stíl,“ segir Þorfinnur Guðna-
son, höfundur myndarinnar og að-
alframleiðandi, sem meðal annars
er þekktur fyrir heimildarmynd
sína um Húsey. Mýsnar eru per-
sónugerðar i hagamúsaparinu
Óskari og Helgu og fylgst er með
lífi þeirra og lífsbaráttu í stórri og
griinmri veröld.
„Ég legg áherslu á sérstakan og
sterkan söguþráð sem gefur okkur
innsýn í líf músanna í gegnum árs-
tíðirnar," segir Þorfinnur.
Hann segist hafa fengið hug-
myndina að ástarsögunni þegar
hann vann að myndinni um Húsey
en þá kviknaði áhugi hans á
hagamúsum. Hann hófst þá þegar
handa við að semja handritið og
kynnti það síðan á heimildamynda-
hátíð í Amsterdam í Hollandi.
Mikil athygli
Kynningin vakti að sögn
Þorfinns mikla athygli og gerði
það að verkum að National
Geographic Television kom til
samstarfs við hann. Að sögn
Þorfinns gerði það honum kleift að
vanda enn betur til myndarinnar
en í fyrstu var ætlað. Þá segir
hann að sjónvarpsstöðvar í Skand-
inavíu hafi keypt sýningarréttinn á
myndinni auk þess sem hún verði
sýnd á besta sýningartíma í banda-
rísku sjónvarpsstöðinni TBS á
páskadag en útsending sjónvarps-
stöðvarinnar nær til allrar Norð-
ur-Ameríku og norðurhluta Evr-
ópu.
Auk Þorfinns og National
Geographic Television framleiða
Islenska kvikmyndasamsteypan,
Náttúrufræðistofnun, Námsgagna-
stofnun, Landvernd og Sjónvarpið
myndina.
Hagamús - með lífið í lúkunum,
sem er 52 minútna löng mynd, er á
dagskrá klukkan 20.30.
Fræg
leiktúlkun
FRÁ tökustað undir Esjunni.
Löt stelpa í Esjuhlíðum
LATA stelpan heitir ný íslensk
sjónvarpsmynd sem sýnd verður á
Stöð 2 annan dag jóla, 26. desem-
ber. Persónur myndarinnar era
túlkaðar af íslenskum listdönsuram
undir leikstjóm Guðbjargar Skúla-
dóttur, listdansara og skólastjóra
Klassíska listdansskólans.
Sjónvarpsmyndin er byggð á
samnefndri bamasögu eftir Tékk-
ann Emil Ludvik, en hún kom fýrst
út í íslenskri þýðingu fyrir rösklega
40 árum. Hún fjallar um Grétu, lata
og geðvonda stelpu, sem hvorki
hirðir um eigur sínar né að eignast
vini. Hús og húsmunir, sem eru per-
sónugerð, gefast að vonum upp á
húsfreyju sinni og flytja á brott.
„Ég var búin að ganga með þessa
hugmynd í maganum í mörg ár þeg-
ar ég lét verða af henni,“ segir Guð-
björg.
Hænur úr Húsdýragarðinum
Myndinni var valinn tökustaður í
Esjuhlíðum, við Mógilsá. „Við hjón-
in vorum búin að leita að tökustað
lengi. Við búum þannig að við sjáum
yfir að Esjunni og einhverju sinni
þegar við voram að vaska upp datt
okkur í hug að þar myndi vera upp-
lagt að taka myndina. Staðurinn
reyndist eins og sniðinn fýrir mynd-
ina,“ segir Guðbjörg.
Klassíski listdansskólinn er fram-
leiðandi myndarinnar. Með aðal-
hlutverk fara dansararnir Þóra
Kristín Guðjohnsen og Astrós
Gunnarsdóttir. Aðrir leikendur era
flestir nemendur í Klassíska list-
dansskólanum og era á aldrinum
átta til sextán ára. Þá leika nokkrar
hænur úr Húsdýragarðinum í
Reykjavík hlutverk 1 myndinni.
„Þær vildu ekki alltaf gera það
sem við vildum en við náðum góðum
myndum af þeim,“ segir Guðbjörg.
Guðbjörg er höfundur dansanna.
Kvikmyndahandrit sömdu hún,
Svava Kjartansdóttir og Agnar
Logi Axelsson en Herdís Egilsdótt-
ir samdi söguhandrit.
Lata stelpan er á dagskrá Stöðv-
ar 2 klukkan 14.30.
Froður
sagnamaður
OFORMLEGUR sendiherra
heitir þáttur sem sendur verður
út á Rás 1, laugardaginn 27.
desember. Þar ræðir Anna
Hildur Hildibrandsdóttir við
sjónvarpsmanninn góðkunna
Magnús Magnússon, sem er
hvað þekktastur fyrir að vera
spyrillinn í Mastermind-þáttum
bresku sjónvarpsstöðvarinnar
BBC.
Hann hefur einnig unnið að
fjölda annarra sjónvarpsþátta,
tengd sögu og fornleifafræði
sem og samið fjölmargar bæk-
ur, meðal annars bók um
Mastermind-þættina, sem nutu
mikilla vinsælda í 25 ár.
„Hann gefur, í þættinum,
skemmtilega innsýn í hvernig
hann endurappgötvar Island á
fullorðinsárum," segir Anna
Hildur er hún er beðin um að
segja stuttlega frá þættinum.
„Hann fór að þýða Islendinga-
sögumar og ákvað þá að verða
leiðsögumaður um Island fyrir
breska ferðamenn til að kynn-
ast landinu og þjóðinni betur.
Þar kynntist hann Vigdísi Finn-
bogadóttur, sem hann segir að
hafi gefið sér Island aftur.“
Magnusson mafían
„Magnús er skemmtilegur
viðmælandi og mikill sagna-
meistari. Hann er mjög fróður
og vel lesinn og segir til dæmis
frá uppáhaldsatburði sínum úr
íslendingasögunum,“ segir
Anna Hildur ennfremur.
Þá segir hann frá fjölskyldu
sinni, sem hann í gamni kallar
Magnusson mafíuna. Bömin
hans hafa öll fetað í fótspor for-
MAGNÚS Magnússon kann
þá list að segja frá svo eng-
inn gleymir.
eldra sinna, sem báðir starfa við
fjölmiðla.
Magnús flutti til Skotlands
með foreldrum sínum þegar
hann var á fyrsta aldursári og
hefur búið í Bretlandi allar göt-
ur síðan. Þrátt fyrir það er
hann fyrst og fremst Islending-
ur sem þreytist seint á að segja
frá Islandi og því sem íslenskt
er.
Lesari í þættinum er Arngeh-
Heiðar Hauksson.
Þátturinn Oformlegur sendi-
herra verður sendur út klukkan
15.00.