Morgunblaðið - 24.12.1997, Qupperneq 58

MORGUNB LAÐIÐ
i 58 MIÐVIKUDAGUR 24. DESEMBER 1997
Morgunblaðia/Kristinn
ALFREÐ Árnason í A-sal Sagabíós.
Aðalsalur Sagabíós
opnaður á ný
SAMBÍÓIN hafa tekið aðaisal
Sagabíós í Mjóddinni aftur í notkun
eftir gagngerar breytingar. Breyt-
ingarnar miða að því að auka þæg-
indi áhorfenda, bæta aðgengi fatl-
aðra og ná fram betri nýtingu á
salnum.
Sæti í salnum eru nú 260 og hef-
ur verið fækkað í því skyni að bet-
ur fari um áhorfendur. Gólf salar-
ins hefur verið hækkað umtalsvert,
þannig að það hallast meira en áð-
ur og gestir þurfa því ekki að hafa
áhyggjur af næstu sætaröð fyrir
framan. „Þá er nú rými fyrir hjóla-
stóia en með byggingu Kringlubíós
hófst átak Sambíóanna í auknu að-
gengi fyrir fatlaða kvikmynda-
húsagesti og eru endurbætur Saga-
bíós enn frekari skref í þá átt. Eftir
endurbætumar er salur A í Saga-
bíó því einn glæsilegasti kvik-
myndasýningarsalur landsins, bæði
hvað varðar gæði hljóðs og myndar
og einnig ( almennum þægindum,"
segir í fréttatilkynningu.
FRÉTTIR
Handteiknað
yfírlitskort
af miðbæ
Reykjavíkur
FYRIRTÆKIÐ Nótt & Dagur gaf
á dögunum út handteiknað yfirlit-
skort af Miðbæ Reykjavíkur. Kortið
þjónar þeim tilgangi að auðvelda ís-
lendingum og erlendum ferðamönn-
um að átta sig á staðsetningu helstu
fyrirtækja miðbæjarins, segir í
fréttatilkynningu.
Kortinu er dreift án endurgjalds í
30.000 eintökum. Kortið verður
endumýjað í byrjun júní ár hvert.
Teiknari Miðborgarkortsins er
Jóhannes Níels Sigurðsson.
-----
Jólatrés-
skemmtun
Greiningar-
stöðvarinnar
JÓLATRÉSSKEMMTUN For-
eldra- og styrktarfélags Greiningar-
stöðvarinnar verður haldin laugar-
daginn 27. desember kl. 15 í safnað-
arheimili Digraneskirkju í Kópa-
vogi. Jólasveinninn kemur í heim-
sókn.
Allir skjólstæðingar Greiningar-
stöðvar velkomnir. Fjölmennið og
takið með ykkur gesti.
UNNUR Jónasdóttir tók við styrk ÍSAL frá
Rannveigu Rist, forstjóra ÍSAL.
ÍSAL styrkir
Mæðrastyrksnefnd
ÍSLENSKA álfélagið hf. í Straums-
vík veitti sl. mánudag sinn árlega
jólastyrk.
í ár ákvað ÍSAL að veita Mæðra-
styrksnefnd styrkinn sem hljóðar
upp á 800.000 kr. Mæðrastyrks-
nefnd ver upphæðinni til kaupa á
matarmiðum fyrir skjólstæðinga
sína í verslunum á höfuðborgar-
svæðinu.
Mæðrastyrksnefnd veitti 1.400
heimilum aðstoð á síðasta ári og
hefur nefndin sem stofnuð var 20.
apríl 1928 staðið fyrir jólasöfnun til
hjálpar bágstöddum heimilum síðan
1929.
Með þessu framlagi vill ÍSAL
styðja starfsemi Mæðrastyrks-
nefndar til hagsbóta þeim sem
minna mega sín.
Gönguferð á
aðfangadag-
Hafiiargönguhópurinn bregð-
ur út af venju sinni í dag og fer
í daggöngu í stað kvöldgöngu.
Farið verður frá Hafnar-
húsinu kl. 11 og gengið suður í
Fossvog. Þar verður val um
að ganga til baka eða fara
með SVR eða AV.
ÓLAFUR Ragnar Grimsson og Bengt Lindqvist.
Umboðsmaður SÞ
um málefni fatlaðra
BENGT Lindqvist, umboðsmaður
Sameinuðu þjóðanna í málefnum
fatlaðra var í heimsókn á íslandi
dagana 8.-11. desember sl.
Bengt hitti að máli m.a. forseta Is-
lands, hr. Ólaf Ragnar Grímsson, Pál
Pétursson, félagsmálaráðherra og
Ólaf G. Einarsson, forseta Alþingis.
Auk þess tók hann þátt í ráðstefnu
um grundvallarreglur Sameinuðu
þjóðanna í málefhum fatlaðra og
fundaði með forsvarsmönnum hags-
munasamtaka fatlaðra.
,A- fundi Bengt Lindqvist með
Ólafi Ragnar Grímssyni kom fram
að hann teldi að sú nána samvinna
sem væri meðal hagsmunasamtaka
fatlaðra og Mannréttindaskrifstofu
íslands gæti orðið öðrum þjóðum til
eftirbreytni. Bengt Lindqvist kom
þeirri hugmynd jafnframt á fram-
færi á fundinum að Islendingar
tækju að sér að halda alþjóðlega
ráðstefnu um mannréttindi fatl-
aðra,“ segir í fréttatilkynningu.
Þeir sem stóðu að komu Bengt
Lindqvist til íslands voru Blindra-
félagið, Landssamtökin Þroska-
hjálp, Mannréttindaskrifstofa Is-
lands og Öryrkjabandalag íslands.
LEIÐRÉTT
íslands þúsund ár
í DAGSKRÁRBLAÐINU í gær
varð sú meinlega villa að þátturinn
íslands þúsund ár, sem er á Stöð 2
kl. 19.50 á jóladag, var sagður um
Erlend Sveinsson og endurtekinn.
Hið rétta er að íslands þúsund ár er
eftir Erlend Sveinsson og er ekki
endursýning.
Þijú bresk fyrirtæki
NOKKURRAR ónákvæmni gætti í
frétt Morgunblaðsins í gær um fyr-
irhugaðar sjávarútvegssýningar hér
á landi. Þar var sagt að breska fyr-
irtækið Nexus Media hefði staðið
fyrir sjávarútvegssýningum í Laug-
ardalshöll á þriggja ára fresti frá
árinu 1984. Rétt er að þrjú bresk
fyrirtæki hafa staðið fyrir þessum
sýningum, en mikil tengsl eru milli
þeirra allra. Nexus Media stóð í
raun aðeins fyrir síðustu sýning-
unni, sem var í fyrra. í upphafi stóð
Industrial and Trade Fairs Ltd.
fyrir sýningunni, sem haldin var
1984. Næstu þrjár sýningar voru
svo haldnar af Reed Exhibitions.
Það er hins vegar sama fólkið, sem
að mestu leyti hefur verið í forystu
fyrir sýningunum öUum.