Morgunblaðið - 24.12.1997, Side 64

'54 MIÐVIKUDAGUR 24. DESEMBER 1997
MORGUNBLAÐIÐ
Heilögjól
í þessari jólahugvekju
segir sr. Heimir
Steinsson m.a.: Oft
hefur Guð talað til
þín, boðið þér návist
sína. En aidrei er
hann nær þér en nú.
ÞÁ ER á enda eftirvænting
og aðdragandi jólanna. Upp er
runninn aðfangadagur. Jólin
koma í kvöld. Næstu daga verð-
ur hún hjá oss, hin „hæsta há-
tíð“, sem vér syngjum um í sálmi
séra Björns Halldórssonar í
Laufási, „Sjá himins opnast
hlið“. Hátíð er ofar öðrum tíðum.
Það er sem vér nálgumst sjálft
Guðs ríki slíkum stundum, -
ellegar sem himnaríki stígi niður
á jörðina til vor.
Undirbúningur jólanna er
margvíslegur og varðar ekki all-
ur jólaboðskapinn. En þegar
sjálf jólin ganga í garð, stíga
jólaguðsjöllin og aðrir ritningar-
textar hátíðarinnar fram á svið-
ið, taka til máls og hasla sér
völl í hugskoti voru. Þessa gæt-
ir í hugvekju dagsins. Hún fjall-
ar um fagnaðarerindi fæðing-
arhátíðar Drottins vors Jesú
Krists.
„Barn er oss fætt,
sonur er oss gefinn“
Mörgum öldum fyrir fæðingu
Jesú höfðu spámenn boðað
komu hans í heiminn. Meðal
þeirra var Jesaja, en í níunda
kapítula spádómsbókar hans er
að finna fyrirheitið um friðar-
höfðingjann. Spámanninum fa-
rast orð á þessa leið:
„Sú þjóð, sem í myrkri geng-
ur, sér mikið Ijós. Yfir þá, sem
búa í landi náttmyrkranna, skín
ljós. - Því að barn er oss fætt,
sonur er oss gefínn. Á hans
herðum skal höfðingjadómurinn
hvíla. Nafn hans skal kallað
Undraráðgjafi, Guðhetja, Eilífð-
arfaðir, Friðarhöfðingi. Mikill
skal höfðingjadómurinn verða
og friðurinn engan enda taka á
hásæti Davíðs og í ríki hans.
Hann mun reisa það og efla með
réttvísi og réttlæti héðan í frá
og að eilífu."
Fyrirheitið um fæðingu Mess-
íasar, Drottins smurða, sem
menn höfðu vænzt i ísrael kyn-
slóð eftir kynslóð, rættist við til-
komu Jesú. Hann færði mönnun-
um frið, jólafrið. Allt frá burði
Krists í heiminn á mannkynið
þess kost að rækta með sér guð-
dómlegan frið, heilagt jafnvægi,
himneska sálarró, - á jörðu.
„Dýrð sé Guði í upphæðum
og friður á jörðu“
Friðarstef helgra jóla kveður
við víðar en hjá spámanninum
Jesaja. Það hljómar meðal ann-
ars í söng englanna yfir Betle-
hemsvöllum. Þeir syngja Guði í
upphæðum dýrð og kunngjöra
samtímis frið á jörðu. Dýrðar-
söngurinn og friðarboðskap-
urinn haldast í hendur í jólaguð-
spjalli Lúkasar og eru óað-
skiljanlegir hið innra með kristn-
um mönnum æ síðan, verða ekki
sundur greindir til efsta dags.
Þar sem Guð er lofaður ríkir
friður. Þetta hafa kristnir menn
haft til fyrirmyndar á öllum öld-
um: Þeir lofa Guð. Meðan lof-
gjörðin fer fram, er friðurinn
allsráðandi. Til eru Kristsmenn
sem lofa Guð nær allar vöku-
stundir sínar. Það getum vér
gjört á jólum, umfram það sem
að vanda Iætur.
Jólaguðspjall Lúkasar greinir
frá fæðingu barnsins í Betle-
hem. Sú saga er einhver hin
hugnæmasta, sehi vér þekkjum.
Börn að aldri heyrðum vér þessa
frásögn og æ síðan á jólum. Hún
umvefur allar vorar fegurstu
minningar. í huganum fylgjum
vér þeim Jósep og Maríu frá
Nazaret upp til Júdeu til borgar
Davíðs, sem heitir Betlehem.
Jafnvel Ágústus keisari er jóla-
vinur vor frá fyrsta fari. Hann
er heldur ekki framandi í þessu
föruneyti jólanna. Hann er hér
að „skrásetja heimsbyggðina",
koma reglu og friði á í Róma-
veldi. Keisarinn ætlar m.a. að
fara að láta leggja greiðfæra
og örugga vegi landa á milli,
vegi sem postularnir síðar munu
ganga og arftakar þeirra, þegar
þeir hefjast handa um að breiða
út fagnaðarerindið um Jesúm
Krist.
Þannig er öll þessi saga
þrungin helgi: Fæðing Jesú-
barnsins, engill Drottins og dýrð
hans kringum fjárhirðana á
Betlehemsvöllum, orðin stærstu,
jólatíðindin sjálf: „Yður er í dag
frelsari fæddur.“ Umskiptin
mestu í mannheimi boðuð og
veitt mér og þér, sem hér sitjum
nú og íhugum hina einstæðu
fregn.
„Og Orðið varð hold,
hann bjó með oss“
Þessa fregn flytur einnig guð-
spjallamaðurinn Jóhannes. Inn-
gangsorð guðspjallsins tilgreina
sömu tíðindi og jólaguðspjall
Lúkasar. En Jóhannes seilist
miklum mun lengra um öxl: „í
upphafi var Orðið,“ segir hann,
„og Orðið var hjá Guði, og orðið
var Guð.“ - Þegar Jóhannes
talar um „Orðið“, á hann við
Krist. Kristur er Orð Guðs.
Kristur var Guð fyrir upphaf
aldanna og er Guð að eilífu. -
Þannig byijar Jóhannes boðskap
sinn. Síðan heldur hann áfram:
„Og Orðið varð hold, hann
bjó með oss, fullur náðar og
sannleika, og vér sáum dýrð
hans, dýrð, sem sonurinn eini á
frá föðurnum." Kristur, sem er
Guð frá upphafi, og verður Guð
um aldir, gjörðist maðurinn Jes-
ús, gekk fram á foldu og sýndi
mönnunum, hver Guð er, kvaddi
þá til að fylgja sér heim þangað
sem Guð býr, bauðst til að end-
urleysa oss, gjöra oss öll að
Guðs börnum.
Þetta er fagnaðarerindi
helgra jóla. Fyrir meðalgöngu
frelsarans gjörist maðurinn eitt
með Guði, honum sem var „í
upphafi". Viðburður jólanna er
það gullna hlið, sem oss er ætl-
að um að ganga inn í dýrð himn-
anna. Jólin eru þannig endur-
fæðingarhátíð mín og þín og
allra þeirra, sem í Kristi lifa.
Jólagleði
Friður jólanna er ekki kyrr-
staða eða köld upphafning. Frið-
ur jólanna er fijósamur og gjö-
full, eins og allt það, sem Jesús
Kristur færir oss mönnunum.
Friður jólanna er gleði, jólagleði.
í dag eigum vér þess kost að
ganga til móts við Guð í hug-
skoti voru. Jatan stendur við
hjartarætur þínar. Þar hvílir
barnið Jesús í leyndardómi trúar
og tilbeiðslu. Eilífur Guð allra
hnatta og heima verður í kvöld
„hold á jörð“ og tekur sér ból-
festu í bijósti þínu. Oft hefur
Guð talað til þín, boðið þér ná-
vist sína. En aldrei er hann nær
þér en nú. Héðan í frá vill hann
og hveija stund hjá þér vera. -
Jólagleði manna er af mörg-
um toga. Guð gefi, að þú njótir
samvista við annað fólk á þess-
um jólum, ættingja eða aðra
förunauta. Hitt varðar þó mestu,
að návist þín við frelsara heims-
ins farist ekki fyrir. Ljúktu upp
dyrum hjarta þíns fyrir honum.
Þá muntu eignast það, sem vér
öll þráum og lengi höfum hlakk-
að til: Gleðileg jól.
I DAG
VELVAKANDI
Svarað í síma 569 1100 frá 10-12 og 13-15 frá mánudegi til föstudags
Jólahugleiðing
NÚ FER sú hátíð í hönd
er við vitjum leiða ættingja
okkar venju fremur. Ég og
mín fjölskylda vitjum leiðis
föður og lítils drengs í Foss-
vogskirkjugarði. Þar eigum
við okkar helgistund í þann
mund er kirkjuklukkur
klingja í upphafí jólahátíð-
ar. Það er yndislegt að rölta
um garðinn upptendraðan
af ljósum á fallega skreytt-
um leiðum. Þar ríkir mikil
kyrrð og friður. Þá er gott
að staldra við, hverfa frá
erli dagsins og hugleiða
með sjálfum sér.
Að þessu sinni er hugur
minn upptekinn af dapur-
legri reynslu er við urðum
fyrir, fyrir ári síðan, er
styttu af ofangreindu leiði
var stolið. Faðir minn,
Axel Helgason, bjó sjálfur
ti nokkrar styttur sem und-
anfama áratugi hafa prýtt
lóðir Nestis hf. og margir
vegfarendur eflaust minn-
ast. Styttan „Á bæn“ við
leiði hans var ein þeirra og
hafði verið þar í tugi ára.
Styttan hafði mikið tilfinn-
ingalegt gildi fyrir fjöl-
skylduna. Má þessum missi
líkja við að sjálfur Ieg-
steinninn hafi verið fjar-
lægður. Það er með ólík-
indum hvað fólk tekur sér
fyrir hendur, að fjarlægja
um 50 kg þunga styttu af
leiði, á milli jóla og nýárs
1996.
Þrátt fyrir eftirgrer.nsl-
an og umflöllun í sjónvarpi
sl. vor hefur ekkert til
styttunnar spurst. Ég og
mín fjölskylda væri þakklát
ef samferðafólk hefðu aug-
un opin gagnvart styttunni
„Á bæn“ og hefðu sam-
band við skrifstofu Foss-
vogskirkjugarða eða Guðf-
inn í talhólf 883 0010.
Besta jólagjöfin væri ef
hlutaðeigandi skilaði stytt-
unni á leiðið.
Með jólakveðju,
Ósk Axelsdóttir.
Tapað/fundið
FJALLAHJÓL fannst
laugardaginn 20. desem-
ber í Háaleitishverfi. Uppl.
í síma 553 3553.
Frakki týndist
SVARTUR, hálfsíður
frakki, týndist laugardag-
inn 20. desember á veit-
ingastaðnum írlandi. Skil-
vís finnandi hafi samband
í síma 581 4288.
Gullúr týndist
GULLÚR, kvenmanns,
týndist miðvikudaginn 17.
desember á leiðinni frá
Kleppsvegi með leið 4 niður
á Hlemm og þaðan á Rauða
kross hótelið. Þeir sem
hafa orðið varir við úrið
hafi samband í síma
553 7158.
Bíllyklar í óskilum
BÍLLYKLAR gleymdust í
versluninni hjá Hrafnhildi.
Uppl. í síma 581 2141.
Veski týndist
LÍTIÐ, brúnt, þríbrotið
peningaveski með skilríkj-
um og peningum týndist
aðfaranótt sl. laugardags,
líklega á leiðinni frá
Hraunbæ niður í Miðbæ.
Aðrir staðir í Reykjavík
koma einnig til greina.
Finnandi er vinsamlega
beðinn að hringja í símboða
845 4481 eða síma
567 4495. Fundarlaun.
Skór af útigalla
týndist í
Garðabænum
APPELSÍNUGULUR skór
af útigalla týndist í síðustu
viku fyrir utan leikskóla í
Garðabænum. Uppl. í síma
567 1142.
Dýrahald
Týndur köttur
í Kópavogi
GRÁBRÚNN sex mánaða
fressköttur, með svörtum
„tígrisröndum" týndist frá
Brekkuhjalla 5 í Kópavogi
sl. föstudagskvöld. Hann
er eyrnamerktur með
merkinu Y-7031. Hafí ein-
hver orðið ferða hans var
er hann vinsamlega beðinn
að hringja í síma 564 1881.
Týndur köttur
í Blönduhlíð
ÓVENJU gæfur og góður
svartur síðhærður fress-
köttur hvarf frá Blönduhlíð
í Reykjavík. Hann var
ómerktur. Hafi einhver
orðið ferða hans var er
hann beðinn að hringja í
síma 551 2252.
HÖGNIIIREKKVÍSI
SKÁK
Umsjón Margelr
Pctursson
STAÐAN kom upp á heims-
meistaramótinu í Groning-
en í Hollandi. Ungveijinn
Zoltan Almasi (2.615)
hafði hvítt og átti leik gegn
Artúr Júsupov (2.640),
sem nú teflir fyrir Þýska-
land.
40. Hf5! - Rf7 (Lætur
drottninguna af hendi. 40.
— Rxf5 41. gxf5 var ennþá
verra og svartur tapar einn-
ig liði eftir 40. — Dg6 41.
g5!) 41. Hxg5+ — Rxg5
42. Kg2 - e4 43. Bc2 -
Hf4 44. Bdl - H8f6
45. Dxh4 - Rf7 46.
Dg3 - Re5 47. Be2
- Rg6 48. h4 - e3
49. Dxe3 — Rxh4+
50. Kg3 - Rg6 51.
Bd3 - Re5 52. Bf5
og svartur gafst upp.
JOLAHRAÐSKÁK-
MÓT:
Taflfélag Kópavogs:
2. Jóladag kl. 14 í fé-
lagsheimilinu Hamra-
borg 5, 3. hæð.
Skákfélag Akur-
eyrar: Sunnudaginn 28.
desember kl. 14 í félags-
heimili S.A.
Taflfélag Reykjavíkur:
Jólahraðskákmótið fer fram
29. og 30. desember og
hefst taflið báða dagana kl.
20.
GLEÐILEG JÓL
Víkveiji skrifar...
TÓNLISTARLÍF er ávallt með
blómlegasta móti á aðventu
jóla. Það er gömul saga og ný.
Kórar halda tónleika, einsöngvarar,
hljómsveitir og nemendur tónlistar-
skóla og í lifandi flutningi öðlast
jólalögin ávallt nýtt líf. Víkveiji
hafði gaman af því að vera gestur
á myndarlegum tónfundi eins tón-
listarskólans nú fyrir jólin, þar sem
foreldrum, systkinum, öfum, ömm-
um og vinum var boðið til skemmti-
legrar og hátíðlegrar kvöldstundar.
Þessi fundur var haldinn í nýjum
húsakynnum Tónskóla Sigursveins
við Engjateig og börn og unglingar
léku af hjartans lyst fyrir þakkláta
gesti. Sum börnin eru að feta sín
fyrstu spor á tónlistarbrautinni og
varð þess að sjálfsögðu áþreifan-
lega vart, en önnur eru komin svo
vel á veg í náminu, að hrein unun
er að hlýða á leik þeirra.
xxx
SÉRSTAKLEGA hafði Víkveiji
gaman af frásögn kennarans,
sem stjórnaði tónfundinum, þegar
hún lýsti framförunum sem nem-
endur, sem eru að hefja tónlist-
arnám, taka ár hvert, þegar að-
venta jóla nálgast. Hún sagði að
fyrstu vikumar, jafnvel tvo til þijá
mánuði, væru framfarimar afar litl-
ar, og börnin kynnu þetta sjö til
átta tóna. En um leið og byijað
væri að æfa jólalögin, fjölgaði tón-
unum sem börnin hefðu á valdi sínu
allsnarlega og þau tækju stórstíg-
um framförum. Skýringin væri að
sjálfsögðu sú, að þegar þau færu
að leika jólalögin, sem þau kynnu
og hefðu sungið, yrði tónlistarnám-
ið svo skemmtilegt, áhuginn við að
spila og æfa sig ykist og árangur-
inn eftir því.
XXX
EKKI veit Víkveiji hvort ÁTVR
í Holtagörðum býður að jafn-
aði upp á meiri þjónustu við við-
skiptavini sína, en gengur og gerist
í verslunum ÁTVR, en núna í jóla-
önnunum fékk Víkveiji að njóta
ánægjulegrar þjónustu í þeirri
verslun, þjónustu sem hann á ekki
að venjast alla jafna. Hugðist Vík-
veiji kaupa rauðvin og hvítvín og
var eitthvað að vandræðast við hill-
urnar þar sem þær víntegundir
standa. Afgreiðslumaður vatt sér
að Víkveija og spurði hvort hann
gæti aðstoðað, hvað Víkveiji þáði
með þökkum. Eftir nokkrar bolla-
leggingar fékkst niðurstaða í inn-
kaupin og Víkveiji taldi að afskipt-
um starfsfólks væri lokið um leið
og greitt hafði verið fyrir mjöðinn.
En það var nú öðru nær. Annar
starfsmaður stóð við afgreiðslu-
kassann og spurði hvort hann
mætti bera aðföngin út í bil fyrir
Víkveija. Þetta kostaboð var þegið
og starfsmaðurinn rölti við hlið
Víkveija að bíl hans og sagði ekki
skilið við hann fyrr en vinið var
tryggilega geymt í skottinu.
Kvaddi hann því næst Víkveija
með bros á vör og óskaði honum
gleðilegra jóla.
Það er ekki síst svona viðmót og
þjónusta sem getur komið manni í
gott jólaskap, í öllum erlinum, ysn-
um og þysnum fyrir jólin, þegar
flestir virðast vera að ganga af
göflunum í innkaupaæði, stressi og
látum. Víkveiji kann þessum starfs-
manni hinar bestu þakkir og óskar
honum og landsmönnum öllum
gleðilegra jóla.