Morgunblaðið - 13.02.1998, Blaðsíða 22

22 FÖSTUDAGUR 13. FEBRÚAR 1998
ERLENT
MORGUNB LAÐIÐ
Fayed segir
samsæri á bak
við Díönuslysið
Reuters
MOHAMED al Fayed, faðir Dodis Fayeds, vinar Díönu prinsessu,
kveðst vera viss um að þau hafi verið fórnarlömb samsæris.
London. The Daily Telegraph, Reuters.
MOHAMED al Fayed, eigandi
Harrods-verzlunarinnar og faðir
Dodis Fayeds, vinar Díönu
prinsessu, sagði í viðtali við
brezka blaðið Mirror í gær að
sonur sinn og Díana væru fórnar-
lömb samsæris; bílslysið sem þau
létu lífið í hefði ekki verið slys.
Þessi ummæli Fayeds hafa
valdið fjölskyldu Díönu miklu
hugarangri. Talsmaður íjölskyld-
unnar neitaði að tjá sig beinlínis
um viðtalið en sagði þessar sí-
felldu vangaveltur vera engum
til gagns og að þær yllu fjöl-
skyldunni miklu angri. Talsmenn
konungsfj'ölskyldunnar tjáðu sig
í gær um málið á sömu leið; þetta
„óþarfa“ tal um samsæri væri
fjölskyldunni mikil áþján.
Fayed heldur því staðfastlega
fram, að ekið hafi verið fyrir
Mercedes-Benz-bifreiðina, sem
Dodi og Díana létu lífið f aðfara-
nótt 31. ágúst sl. í viðtalinu við
Mirror endurtekur Fayed enn-
fremur þá staðhæfingu sína, að
þau hafi verið trúlofuð og haft í
hyggju að giftast. Ennfremur seg-
ir hann frá því sem hann fullyrðir
að hafi verið sfðustu orð Díönu.
Ákvörðun Fayeds að þ'óstra
upp um meint andlátsorð Dfönu
þykir aðstandendum hennar sér-
lega ósmekkleg, með tilliti til
þess að hann hafði áður svarið
opinberlega að hann gæti aldrei
gert þau opinber.
En The Mirror hefúr eftir
Fayed: „Sfðustu orð hennar eins
og hjúkrunarkonan miðlaði þeim
til mín voru þessi: „Ég vil að Sara
systir fái allar eigur mfnar sem
eru í íbúð Dodis, þar með taldir
skartgripirnir og fötin mín, og ég
bið ykkur að segja henni að ann-
ast drengina mína“.“
Sfðan segir Fayed: „Hún fann
á sér að hún var að skilja við,
hún vildi koma skilaboðum áleið-
is til barnanna sinna. Ég var
fyrsti maðurinn sem kom á stað-
inn og ég veit hvað gerðist. Sum-
ir hafa reynt að halda því fram
að ég hafi skáldað þetta samtal
upp. En hvemig ætti nokkur
maður að geta gert slíkt. Og
hvers vegna í ósköpunum ætti
hjúkrunarkona að vilja villa um
fyrir mér.“
Ganga lengra en í nýrri bók
Þessi meintu andlátsorð Dfönu
ganga jafnvel lengra en sú út-
gáfa af þeim sem Fayed virðist
hafa leyft bandarískum blaða-
mönnum að hafa eftir sér í bók
sem þeir hafa samið um endalok
Díönu. Bókin kom út f vikunni
undir titlinum „Dauði prinsessu:
Rannsókn." í henni segja höfund-
amir að Fayed hafi tjáð þeim að
lokaorð Dfönu hafi einfaldlega
verið þessi: „Segið Söm systur að
gæta barnanna minna.“
„Ég trúi því 99,9% í hjarta
mfnu að þetta hafi ekki verið
slys. Það var samsæri að baki og
ég mun ekki unna mér hvíldar
fyrr en ég hef komizt að hveiju
smáatriði í atburðarásinni. Ég
mun hafa uppi á þeim sem bera
ábyrgð á þessu slysi,“ sagði
Fayed.
I arabalöndum hefur gengið sú
saga að fyrir slysið hafi Díana
verið búin að fallast á að taka
upp trú múslima til að geta gifzt
Dodi Fayed. Þetta hafi óþekktir
samsærismenn viljað koma í veg
fynr.
I fyrradag gagnrýndi móðir
Dfönu, Frances Shand Kydd,
þessa nýjustu bylgju „hræði-
Iegra“ sögusagna í kringum and-
lát dóttur sinnar. Sagði hún þær
hafa nýög slæm áhrif á líf sitt og
prinsanna ungu, Viihjálms og
Harrys. í viðtali við skozka blað-
ið Herald sagði hún að þetta væri
óbærilegt fyrir sig og drengina.
„Fólk hefur verið að hringja í
mig og spyija alls kyns spum-
inga. Það virðist gleyma að það
er að tala við móður hennar, ekki
tilfinningalausa vél.“
■ 1
; N; i-
U ,i A M.
Pakistanskar vörur
Rýmingar-
sala
v/flutnings
Alit að 50% afsláttur
Háholti 14, Mosfellsbæ
(aonar etgaadl, ðior Karatchl, Ámlíla)
Síðir leðurfrakkar, jakkar,
koparstyttur, kínasilki,
kasmír ullarmottur, reiðskálmar,
útskornar gjafavörur.
Opið virka daga frá kl.13-18.
Verið velkomin!
Símar 566 8280 og
566 6898 (á kvöldin).
Nýtt þing-
hús Evr-
ópuþings-
ins
ÞETTA er hið nýja starfsumhverfi
þingmanna og starfsmanna Evr-
ópuþingsins í Brussel. Nýja bygg-
ingin, sem hefur verið í byggingu
ámm saman og kostað milljarða,
var tekin formlega í notkun í gær
með hátíðarathöfn sem Albert II
Belgíukonungur var viðstaddur
ásamt öðru fyrirmenni.
EMU-umræðan í Þýzkalandi
Frestun EMU
hlýtur æ meiri
hljómgrunn
Bonn. Reuters.
HENNING
Voscherau, fyrr-
verandi borgar-
stjóri Hamborg-
ar og einn af
helztu forystu-
mönnum þýzka
Jafnaðarmanna-
flokksins, setti sitt lóð á vogarskál-
amar í gær til að af stofnun Efna-
hags- og myntbandalags Evrópu,
EMU, yrði ekki á áformuðum tíma,
með því að mælast til þess að hald-
in yrði þjóðaratkvæðagreiðsla um
málið.
Voscherau lét þessi orð falla við
kynningu bókar sem fjórir þýzkir
háskólaprófessorar hafa samið um
hættur þær sem myntbandalagið
ber með sér að þeirra mati fyrir
Evrópu og sér í lagi Þýzkaland.
Þessir sömu fjórmenningar hafa
farið fram á það við stjórnlaga-
dómstól Þýzkalands að hann skeri
úr um lögmæti þess að Þýzkaland
taki þátt í EMU. Bók þeirra ber
titilinn „Evró-glíman. Hvers vegna
myntbandalag er dæmt til að mis-
takast.“
Voscherau, sem þar til fýrir
skömmu var talsmaður flokksfor-
ystu SPD í fjármálum, sakaði for-
ystumenn þýzkra stjórnmála um að
standa í vegi fyrir frjálsri og upp-
byggilegri umræðu um kosti og
galla myntbandalagsins og hvatti til
þess að lög yrðu sett sem gerðu
þjóðinni kleift að greiða atkvæði
um aðild að EMU samtímis kosn-
ingum til sambandsþingsins 27.
september næstkomandi.
Voscherau neitaði því að hann
væri efasemdamaður um ágæti
Evrópusamrunans, en sagði þýzka
stjórnmálamenn í allt of miklum
mæli hafa valið að fylgja spakir
hinni gefnu línu
„pólitískrar rétt-
hugsunar" í stað
þess að gagn-
rýna hiklaust
leiðtoga Evrópu
fyrir að mis-
takast að tryggja
meiri pólitískan samruna álfunnar
áður en myntsamrunanum yrði
hrint í framkvæmd.
Meirihluti Þjóðveija
vill fresta EMU
Meirihluti Þjóðverja er andvígur
því að myntbandalaginu verði
hleypt af stokkunum um næstu ára-
mót eins og áformað er, og flestir
þeirra trúa því að stofnun banda-
lagsins verði skotið á frest, sam-
kvæmt niðurstöðum nýrrar skoð-
anakönnunar sem þýzka viðskipta-
tímaritið Handelsblatt birtir í dag,
fostudag.
Samkvæmt könnuninni eru 58 af
hundraði á móti því að af mynt-
bandalaginu verði í ársbyijun 1999
en 30% fylgjandi því. Jafn margir,
30% Þjóðveija, eru ákveðnir í því
að ætla aldrei að sætta sig við að
skipta þýzku mörkunum út fyrir
evró, hina væntanlegu sameigin-
legu Evrópumynt. 30% vilja að
staðið verði við áformaða stofndag-
setningu EMU, 1. janúar 1999.
Aðspurðir um mat á stöðugleika
hinnar væntanlegu Evrópumyntar
segja aðeins 24% að þeir eigi von á
því að hún verði eins stöðug og
þýzka markið. 60% trúa því að evr-
óið verði veikari gjaldmiðill.
Ennfremur þykir sú niðurstaða
athyglisverð, að 52% segist eiga
von á því að stofnun EMU verði
frestað. 40% telja áformaða dag-
setningu rétta.
EVROPA**
Vara-
forseti
ferst
FYRSTI varaforseti Súdans,
undirhershöfðinginn Al-Zu-
beir Mohammad Saleh, lést í
gær er flugvél hans fórst um
700 km suður af höfuðborg-
inni, Kartúm. Opinbera
fréttastofan SUNA greindi
frá því að tveir aðrir háttsettir
embættismenn hefðu farist.
Forseti landsins, undirhers-
höfðinginn Omar Hassan al-
Bashir, sagði í sjónvarps-
ávarpi að hópur fólks hefði
farist með vélinni. Fregnir
herma að tveir hafi komist lífs
af. Vélin hafi verið í aðflugi
við slæm veðurskilyrði er hún
fórst. Súdanskir uppreisnar-
menn sögðust í gær hafa skot-
ið vélina niður.
Sjö myrtir
á Indlandi
GRUNUR leikur á að herskáir
útlagar hafi verið að verki er
sjö manns voru felldir í Trip-
ura-ríki á Norðaustur-Indlandi
í gær. Almennar kosningar
verða haldnar í ríkinu eftir
þrjá daga. Útlagamir eru fé-
lagar í herdeild Tripuratígr-
anna, sem indversk stjómvöld
hafa bannað. Þeir kveiktu í
nokkrum húsum og þegar íbú-
amir reyndu að flýja skutu
þeir á þá, að því er indverski
herinn greindi frá.
47 fórust
í Kína
TVÆR sprengingar á flug-
eldamörkuðum urðu samtals
47 manns að bana í norður-
hluta Kína í síðasta mánuði, að
því er fréttastofan Xinhua
greindi frá í gær. Tuttugu og
einn slasaðist í sprengingunum
og fjöldi farartækja eyðilagð-
ist. í báðum tilvikum höfðu
flugeldar verið tendraðir inni á
mörkuðunum, sem er brot á
reglum.
Hlynntir
NATO-aðild
NEÐRI deild tékkneska
þingsins lýsti í gær stuðningi
við aðild landsins að Atlants-
hafsbandalaginu (NATO) með
því að fella tillögu stjórarand-
stöðunnar um að hægt yrði á
frágangi aðildar. Josef Tosov-
sky forsætisráðherra fagnaði
niðurstöðunni og sagði hana
myndu sýna væntanlegum
fjárfestum að pólitískur stöð-
ugleiki ríkti í Tékklandi.
Tosovsky hefur sagt aðildar-
viðræðumar vera forgangs-
verkefni bráðabirgðastjórnar
sinnar.
Auglýsa eftir
nýrri móður
BRESKIR tvíburar hafa aug-
lýst eftir nýrri fjölskyldu þar
eð móðir þeirra er dauðvona af
völdum krabbameins. Tví-
burarnir eru tíu ára og munu
þeir, ásamt móður sinni,
spyrja væntanlega umsækj-
endur spjömnum úr. Umsækj-
endur þurfa að vera hressir,
hrifnir af hundum og „geta
fengið okkur til að hlæja á
döprum stundum," sagði m.a. í
auglýsingu tvíburanna.