Morgunblaðið - 19.05.1998, Blaðsíða 30

30 ÞRIÐJUDAGUR 19. MAÍ 1998
MORGUNBLAÐIÐ
LISTIR
BORGARSTJÓRI setur hátíðina í hagléli.
AFRÍKANAR berja bumbur.
GJÖRNINGUR Vignis Jóhannssonar.
Opnunarhátíð Listahátíðar í Reykjavík 1998
Bumbur barðar
í hagléli
LISTAHÁTIÐ í Reykjavík 1998
var sett á laugardag að viðstöddu
fjölmenni. Margir komu niður að
höfn til að fylgjast með dagskrár-
atriðum.
Þegar hátíðin var sett í porti
Hafnarhússins við Tryggvagötu
kl. 14 var bjart yfir, en haglél
skyggði á gleðina þegar leið á at-
höfnina. Veður var annars sæmi-
legt. Sól skein til dæmis í heiði
þegar kínverska flugdrekadag-
skráin hófst kl. 13. og á litríkar
krítarmyndir barna á bílastæðinu
við Miðbakka. Margir fylgdust
með drottningu, prinsi, forseta,
borgarstjóra, ráðherrum og mök-
um þeirra þegar þau komu frá
borði Dannebrog.
í ávarpi sínu við opnunina sagði
Þórunn Sigurðardóttir, formaður
framkvæmdasljórnar, að hátíðin
flytti með sér „nýjan andblæ,
strauma frá fjarlægum heimshlut-
um sem við kynnumst sjaldan í
návígi“. Ingibjörg Sólrún
Gísladóttir, borgarstjóri talaði í
setningarræðu sinni um hina
nauðsynlegu fjarlægð, „kynnin af
erlendum straumum og stefnum,
sem ljá okkur hæfileikann til að
skilja okkur sjálf“.
A opnunarhátíðinni í Hafnar-
húsinu afhenti Eiríkur Þorláksson
formaður Listasafns Reykjavíkur
myndlistarkonunni Ólöfu Nordal
viðurkenningu úr nýstofnuðum
Listasjóði Guðmundu Kristins-
dóttur, frænku Errós, en borgar-
stjóri opnaði sýninguna Konur
eftir Erró í nýju sýningarrými
Listasafns Reykjavíkur.
Fyrir utan dönsuðu afrískir
listamenn úr Amlima-hópnum frá
Tógó og börðu bumbur og fylgdi
mikil kátína þeirri dagskrá sem
fólk heillaðist af. Listrænn gjörn-
ingur Vignis Jóhannssonar var
siðan kl. 15.40 á mótum Skothús-
vegar, Sóleyjargötu og Fríkirkju-
vegar.
Sýning Margrétar drottningar
á kirkjulistmunum var opnuð í
Þjóðminjasafninu kl. 16.
f Ráðhúsi Reykjavíkur á sunnu-
dag var opnuð sýning á verkum
listamanna frá Mósambík, kölluð
Hlið sunnanvindsins. Auk þess
voru Hátíðartónleikar í Þjóðleik-
húsi og ýmislegt fleira þann dag,
m. a. opnuð sýning á verkum súr-
realistans Max Ernst í Listasafni
íslands.
Ljósmyndarar Morgunblaðsins,
Golli og Kristinn, fylgdust með
viðburðum hátíðarinnar.
OPNUN sýningar drottningar í Þjóðminjasafni.
ÓLÖF Nordal tekur við viðurkenningu
úr Listasjóði Guðmundu.
FRÁ sýningu listamanna frá Mósambík í
Ráðhúsi Reykjavíkur.
MANNFJÖLDI á hafnarbakkanum.
ERRÓ í nýju sýningarrými: Gunnar Kvaran, Eiríkur Þorláksson, Ingi-
björg Sólrún, Erró, Hinrik prins og Margrét drottning.
HORFT til himins við setningu hátíðarinnar.