Morgunblaðið - 14.06.1998, Blaðsíða 26
26 SUNNUDAGUR 14. JÚNÍ 1998
MORGUNBLAÐIÐ
SIGRÚN Guðmundsdóttir í versluninni Du Pareil au meme í Kringlunni.
Morgunblaðið/Jim Smart
MIKIL GRÓSKA
eftir Guðrúnu Guðlaugsdóttir
BÖRN eru besta fólk heitir bók
eftir Stefán Jónsson. Þau eiga líka
skilið allt það besta, hugsa ég
meðan ég bíð eftir eiganda hinnar
svokölluðu Frönsku verslunar, Du
Pareil au meme, og virði um leið
fyrir mér vöruúrvalið sem á
boðstólum er í versluninni á
Laugavegi 17. Ég tek af rælni
dökkbláan stráhatt og máta hann
fyrir framan spegil, lengra gat ég
ekkd gengið í þessum efnum, öll hin
fötin voru alltof lítil, enda er ég ekki
bam lengur heldur blaðamaður
Morgunblaðsins sem ætlar að taka
viðtal við hjónin Sigrúnu
Guðmundsdóttur og Rodolphe
Giess, sem fyrir þremur árum
stofnsettu verslunina sem nú stend
ég í. „Gaman væri að skoða kvenföt
frá þessu fyrirtæki,“ hugsa ég og
handleik hvítan sundbol, læt mig
hafa að taka nokkra bómullarboli í
mismunandi litum með
útsaumuðum krögum úr hillum til
þess að þreifa á mýkt þeirra og
athuga fráganginn. Hvort tveggja
reynist í besta lagi og ég færi mig
innar í verslunina til þess að líta á
köflótta kjóla - ágætlega álitlegar
flíkur. Ég er enn að hugsa mér til
hreyfings þegar eigendurnir koma á
vettvang. Þau spjalla saman á
frönsku, enda er Rodolphe franskur
og þau bjuggu um tíma í
Frakklandi. Eftir nokkrar
bollaleggingar þeirra í millum er
niðurstaðan að yfirgefa búðina og
spjalla frekar saman á heimili
hjónanna í Kópavogi, „þar er miklu
betra næði,“ segir Sigi’ún og þar
með er það ákveðið.
„Við opnuðum búðina á
Laugaveginum í maí 1995, og aðra
verslunin í Kringlunni nú fyrir
skömmu" segir Sigrún þegar við
höfum komið okkur fyrir í sófa með
kaffibolla. „Við kynntumst þessum
verslunum í Frakklandi, svo fór ég
heim í ágúst 1994 og Rodolphe kom
í desember, í janúar 1995
stofnuðum við fyrirtækið. Við
höfðum velt því fyrir okkur að
stofna íyrirtæki og hefja innfiutning
og létum svo slag standa. Við
höfðum áhuga á þessum vörum en
það var mjög erfitt að fá
forráðamenn verslunarkeðjunnar
frönsku til þess að vinna með okkur,
Rodolphe var að reyna að komast í
samband við stjórnenduma þegar
VIÐSKIPn ATVINNULÍF
Á SUIMIMUDEGI
►Sigrún Guðmundsdóttir er Reykvíkingur, hún fór til náms
í Frakklandi og tók þar próf eftir viðskiptanám. Hún rekur
ásamt Rodolphe Giess eiginmanni sínum verslanimar Du Pareil
au meme að Laugavegi 17 og í Kringlunni. Rodolphe er fransk-
ur og hefur einnig próf í viðskiptafræðum. Þau hjónin eiga eina
dóttur og senn er von á öðru barni. Þau flytja inn barnaföt frá
Frakklandi frá verslanakeðju sem heitir Du Pareil au meme,
sem útleggst á íslensku: „Það kemur út á eitt“.
-
RUDOLPHE Giess í versluninni Du Pareil au meme að Laugavegi 17
ég fór heim til íslands í ágúst og
þetta tók langan tíma en endaði
með því að hann fékk vilyrði."
Du Pareil au meme
verslanakeðjan rekur 57 verslanir í
Frakklandi og selur vörur til Japan,
Islands og Israel, okkar verslun var
opnuð næst á eftir verslun í Japan.
Du Pareil au meme er ungt
fyrirtæki, það opnaði sína fyrstu
búð í Frakklandi árið 1985, nafnið
Du Pareil au meme þýðir: Það
kemur út á eitt. Fyrirtækið á allar
sínar búðir í Frakklandi og
framleiðir sín föt en í útflutningi
hafa þeir að mestu tekið þann kost
að vinna með öðrum, við eigum t.d.
okkar verslanir sjálf. Þeir eiga þó
búðir t.d. í Portúgal.“
Kynntust í Frakklandi
Þau Sigrún og Rodolphe
kynntust í Frakklandi þar sem þau
bjuggu í tíu ár áður en þau fluttu til
Islands, fyrst í Aix-en-Provence,
þaðan sem Rodolphe er og síðar í
La Rochelle. „Ég fór út til þess að
læra frönsku og ætlaði að vera eitt
ár, en svo kynntist ég Rodolphe og
ákvað að ljúka námi í Frakklandi.
Ég fór fyrst í frönskunám fyrir
útlendinga og fór svo í viðskiptanám
og lauk prófi í þeirri grein.
Rodolphe hefur sömu menntun frá
sama skóla," segir Sigrún.
Fötin frá Du Pareil au meme hafa
að sögn hjónanna náð vinsældum
hjá mjög breiðum hóp
viðskiptavina. „Þessi föt eru á góðu
verði en fólk kaupir þau þó enn
frekar af því að þau eru falleg og úr
góðum efnum,“ segir Rodolphe.
Flest eru fötin úr bómull en einstak
er þó úr gerviefnum, þau eru
framleidd í ýmsum löndum í
Evrópu, svo sem í Frakklandi,
Portúgal, Ítalíu og fleiri löndum.
„Mikið af þessum fótum eru í
sígildum sniðum, svo sem
jogginggallar og gallabuxur, önnur
föt eru meira í tískulínum. Við
þurfum að velja talsvert úr, einkum
hvað snertir sumarfót, það er svo
margt sem því miður hentar ekki
hér vegna veðráttunnar.
Vetrarfötin hins vegar henta okkur
öll vel, einkum dúnúlpurnar sem
hafa orðið mjög vinsælar hér. Það
er helst að okkur vanti pollagalla og
útigalla, í Frakklandi er meira um
skíðagalla og þeir eru ekki nægilega
vatnsþéttir til þess að þola setur í
snjó og rigningu jafnvel svo
klukkustundum skiptir."
Verslunarreksturinn gengur vel
Að sögn Sigrúnar og Rodolphe
hefur verslunarrekstur þeiira
gengið mjög vel, þau hafa ekki rekið
búð áður og segjast enn vera að
læra. „Mér fannst ganga vel þegar
við byrjuðum en viðskiptin hafa þó
aukist jafnt og þétt,“ segir Sigrún.
„í versluninni í Kringlunni er ný
deild með fatnað, skó, leikfóng,
leikteppi, bleiupoka og fleira fyrir
ungbörn." En skyldi vera munur á
verslunarrekstri á Islandi og í
Frakklandi? „Já, hér eru tengslin
við viðskiptavini nánari, þeir spyrja
meira og vilja fá betri þjónustu, eru
kröfuharðari, oft eru fót líka dýrari
en þau sem við erum með og þess
vegna vill fólk kannski vita meira,“
segir Rodolphe.
Hann kveður líka auðveldara að
treysta fólki hér en í Frakklandi.
Vörurnar sem seldar eru í
„Frönsku búðinni" þykja líka mjög
ódýrar í Frakklandi. Fyrirtækið í
Frakklandi er með hönnuði á sínum
snærum sem teikna fötin og ákveða
efni. „Stóru tískuhúsin eru líka með
barnaföt, nú er t.d. hægt að fá
barnaföt í merki Kenzo, en þau föt
eru miklum mun dýrari," segir
Rodolphe. „Fyrirtækið Du pareil au
meme hefur þá stefnu að byrja á að
ákveða hvað hver og ein flík á að
kosta, síðan er tekið til við hönnun
og efnisval og reynt að fá það besta
af öllu tagi en halda upphaflegu
verðmarkmiði. Þetta er annað
vinnulag en tíðkast víðast hvar við
framleiðslu barnafatnaðar sem ég
þekki til, þar er yfirleitt byrjað á
hinum endanum ef svo má segja,“
segir Sigrún
Þau Sigrún og Rodolphe segja að
sér hafi verið ágætlega tekið af
öllum í sinni viðskiptagrein en þau
telja að þau séu í raun meiri
samkeppni við stórmarkaði hér en
aðrar búðir sem sérhæfa sig í sölu á
barnafötum. Ég spyr um
markaðshlutdeild fyrirtækisins en
fæ þau svör að erfitt hafi reynst að
fá upplýsingar um veltu íyrirtækja,
slíkar upplýsingar séu mun
torfengari hér en í Frakklandi.
„Það gengur mjög erfiðlega að fá
uppgefnar tölur um veltu og nú
erum við að verða svona sjálf,“
segja þau og hlæja. Þau segjast
vera mjög ánægð með staðsetningu
verslana sinna. „Við leituðum
nokkuð lengi áður en við fundum
húsnæðið hér á Laugavegi 17, það
er ekki neitt sérlega auðvelt að
finna nákvæmlega það sem maður
leitar að,“ segir Sigrún. Þau segjast
ekki geta sagt að gagni til um hver
sé mismunur á að reka verslun á
Laugaveginum og í Kringlunni.
„Laugavegurinn er sterkur á
sumrin, það vitum við, en við
þurfum að minnsta kosti ársreynslu
til þess að sjá hvort um er að ræða
raunverulegan mismun og hver
hann þá er,“ segir Rodolphe.
Náttfötin vinsælust
En hvaða vara skyldi seljast mest
af í Du Pareil au meme? „Náttföt
eru ótvírætt söluhæsta vai-an
okkar," segja þau bæði í einu. „Við
byrjum að selja mikið af þeim í
október og þau seljast eins og heitar
lummur til jóla. Sumir kaupa allt
upp í sex eða sjö náttföt í einu til
gjafa, við höfum alltaf orðið
uppiskroppa með náttfót rétt íyrir
jól,“ segir Sigrún. Næst náttfötunum
hafa dúnúlpumar verið mjög
vinsælar, svo alls kyns skólafót.
„En hvað með stráhattana," spyr
ég og hugsa til þess bláa sem ég
mátaði meðan ég beið þeirra á
Laugaveginum. Þau brosa bæði.
„Þeir eru fallegir og það er gaman
að þeim, við viljum hafa þá á
boðstólum þótt eftirspurnin sé
kannski ekki alltaf mikil," segja þau
og hlæja. „Það er gaman að geta
keypt einn stráhatt fyrir sumarið
þótt hann sé kannski ekki notaður
mikið,“ segir Sigrún. Þau segja að
fólk kaupi enn mikið af barnafijtum
fyrir 17. júní. „Það er eftir 17. júní
sem sumarvertíðinni lýkur í bili, það
er rólegt í júlí en salan tekur svo
kipp í ágúst,“ segir Sigrún. Sala í
barnafötum er sem sagt talsvert
árstíðabundin, mest fyrir hátíðar og
upphaf skóla.