Morgunblaðið - 15.07.1998, Blaðsíða 19

MORGUNBLAÐIÐ
MIÐVIKUDAGUR 15. JÚLÍ 1998 19
ERLENT
Mannréttindaráð Indónesíu sakar stjórnvöld um að hafa brugðist skyldu sinni í mannréttindamálum
Nauðganir og morð
í skjóli óeirðanna
MANNRÉTTINDASAMTÖK
segja tuttugu konur hafa látist
eftir að þeim var nauðgað ásamt
meira en hundrað öðrum konum í
skjóli óeirða sem skóku
Indónesíu síðastliðna tvo mánuði,
að sögn fréttastofunnar AP.
Dagblaðið Jakarta Post hefur
eftir mannréttindasamtökum að
þau geti fært sönnur á að 168
stúlkum og konum hafi verið
nauðgað í Jakarta og þremur öðr-
um borgum frá því að óeirðir
bratust út um miðjan maímánuð
þar til uppþotum lauk í byrjun
júlí.
Að sögn AP hefur skýrsla um
nauðganirnar verið send Mann-
réttindai'áði Indónesíu. Þar er því
haldið fram að tuttugu fórnar-
lömb nauðgana hafi einnig verið
myrt, skilin eftir í brennandi hús-
um eða til að deyja af sárum sín-
um.
f einu tilviki var um níu ára
telpu að ræða sem hópur manna
nauðgaði. Henni var misþyrmt
svo hrottalega að hún dó af sár-
um sínum nokki'um dögum síðar
á sjúkrahúsi í Singapore.
Forseti Indónesíu, B.J. Ha-
bibie, hefur skipað sérstaka
nefnd til þess að taka á vandan-
um.
Mannréttindaráð landsins sak-
ar Suharto, fyrrverandi forseta,
og herinn um að hafa brugðist
konum í þeirri ofbeldisöldu sem
gekk yfir Indónesíu í vor og sum-
ar.
Kúgun kínverska
minnihlutans
í skýrslunni er því einnig haldið
fram að flest fómarlambanna hafi
verið konur og böm af kínversk-
um uppmna, en kínverski minni-
hlutinn í Indónesíu er mjög
áhrifamikill á sviði verslunar og
iðnaðar. Kvenfi-elsiskonur telja
nauðganh-nar hafa verið leið
meirihlutans, múslimskra
Indónesa, til þess að kúga og
skelfa samfélag Kínverja, sem
flestir era búddatrúar eða kristnir.
Útgjaldaáætlun bresku stjórnarinnar
Framlög aukin
til heilbrigðis-
og menntamála
London. Reuters.
GORDON Brown, fjármálaráðherra Bretlands, kynnti áætlun um stór-
hækkun útgjalda til heilbrigðis- og menntamála á breska þinginu í gær.
Hún felur m.a. í sér að á næstu þremur áram munu útgjöld til menntamála
aukast um ríflega 2.200 milljarða íslenskra ki'óna en útgjöld til heilbrigðis-
mála um tæplega 2.500 milljarða íslenskra króna.
Reuters
GORDON Brown, fjármálaráð-
herra Bretlands, kynnti áætlun
ríkisstjórnarinnar um aukin rík-
isútgjöld fyrir þingheimi í gær.
Akvörðun um aukið fé til þessara
málaflokka var tekin í kjölfar end-
urskoðunar ríkisstjórnarinnar á öll-
um útgjöldum breska ríkisins.
Brown sagði að æ meira fé yrði
veitt til menntamála á næstu þrem-
ur árum.
„Svona hljómar menntun, mennt-
un, menntun,“ sagði fjármálaráð-
herrann i ræðu sinni á þinginu og
visaði til slagorðs Verkamanna-
flokksins frá þvi í kosningunum í
fyrra.
Gordon Brown sagði ríkisstjórn-
ina enn fremur skuldbinda sig til
þess að hækka útgjöld til heilbrigð-
ismála um að minnsta kosti 4,7% á
ári, svo unnt yrði að stytta biðlista á
sjúkrahúsum og fjármagna
„stærsta sjúkrahús og mestu nýj-
ungar í heilbrigðismálum, sem
menn hafa nokkurn tíma orðið vitni
að á Bretlandseyjum."
Framlög til samgöngumála og
vegna aðstoðar við ellilífeyrisþega
munu einnig hækka. Brown sagði
Bretland samt mundu ná að greiða
niður skuldir á yfirstandandi kjör-
tímabili.
• •
Oryggisráðið
varar Israela við
Segir áætlanir um að færa út borgar-
mörk Jerúsalems hættulegar
Sameinudu þjóðunum. Reuters.
ORYGGISRAÐ Sameinuðu þjóð-
anna skoraði í fyrrakvöld á Israels-
stjórn að hætta við áætlanir um að
færa út borgarmörk Jerúsalems.
Sagði í yfirlýsingu þess, að um væri
að ræða mjög „hættulega þróurí',
sem gert gæti að engu viðræður
Israela og Palestínumanna um frið.
Kvaðst öryggisráðið mundu fylgj-
ast grannt með aðgerðum Israels-
stjórnar.
Yfirlýsingin kemur í kjölfar
daglangrar umræðu 30. júní sl. um
áætlanir ísraelsstjórnar en þá voru
þær fordæmdar af meira en 40
ræðumönnum.
Sögðu þeir, að með því að færa út
borgarmörk Jerúsalem vildu Isra-
elar koma undir sína stjórn ýmsum
byggðum heittrúaðra gyðinga á
Vesturbakkanum og breyta hlut-
föllum íbúanna í borginni þótt það
stefndi friðarumleitunum í hættu.
Yfírlýsing en ekki ályktun
Eins og áður kemur fram er um
að ræða yfirlýsingu en ekki ályktun
öryggisráðsins. Alyktun vegur jafn-
an þyngra og unnt er að beita neit-
unarvaldi gegn henni. Hugsanlegt
er, að Bandaríkjastjórn hefði gert
það þótt hún hafi gagnrýnt fyrir-
ætlanir Israelsstjórnar vegna þess
sáttasemjarahlutverks, sem hún
gegnir í Miðausturlöndum.
Oll 15 ríkin í öryggisráðinu, líka
Bandaríkin, studdu yfirlýsinguna
og hún er því mjög alvarleg áminn-
ing til Israela. Nasser al-Kidwa,
áheyi’narfulltrúi Palestínumanna
hjá SÞ, sagði, að með yfirlýsing-
unni hefði verið stigið „eitt skref*
og þau yrðu fleiri ef Israelar skip-
uðust ekki við.
að aka sjálfskiptum bíl. Sérstaklega ef hann er fjórhjóladrifinn

Subaru bílarnir eru einu fólksbílamir
á markaðnum sem hafa bæði
sjálfskiptingu og fjórhjóladrif. Þannig
getur þú notið þægindanna sem
sjálfskiptingin veitir, en samt
framúrskarandi aksturseiginleika vegna
sítengda aldrifsins. Impreza hefur að
auki 19 cm veghæð en samt lágan
þyngdarpunkt. Þetta gefur bílnum
aksturseiginleika sem enginn annar
bíll hefur, enda hefur Impreza skilað
Subaru heimsmeistaratitli í rallakstri
oftar en tölu tekur.
Sjálfskiptur Subaru Impreza kostar
aðeinsfrákr. 1.849.000,-
Ingvar Helgason hff
Sœvarhöfða 2
S: 525 8000
unvw.ih.is
Komdu á sýninqu um helgina og
láttu sölumennina koma þér á óvart.