Morgunblaðið - 26.08.1998, Qupperneq 27

26 MIÐVIKUDAGUR 26. ÁGÚST 1998
MORGUNBLAÐIÐ
MORGUNBLAÐIÐ
MIÐVIKUDAGUR 26. ÁGÚST 1998 27

STOFNAÐ 1913
ÚTGEFANDI
FRAMKVÆMDASTJÓRI
RITSTJÓRAR
Árvakur hf., Reykjavík.
Hallgrímur B. Geirsson.
Matthías Johannessen,
Styrmir Gunnarsson.
BREYTT EFNA-
HAGSUMGJÖRÐ
KAUPMÁTTUR landsmanna hefur aukizt mjög mikið frá
gerð kjarasamninganna vorið 1997. Launavísitaian hefur
hækkað um 14% á tæpu einu og hálfu ári, en á sama tíma
hefur vísitala neyzluverðs aðeins hækkað um 2,4%. Um síð-
ustu áramót kom svo til 1,9% lækkun tekjuskatts. Lætur því
nærri, að kaupmáttur almennt hafi aukizt um 12-13% á
þessu tímabili, sem er ótrúlega mikið og hefði við fyrri að-
stæður í efnahagskerfinu hleypt af stað verðbólguskriðu.
Það, sem af er þessu ári, hefur nær engin verðbólga
mælzt, eða aðeins 0,2%. Launaþróunin í landinu og kaup-
máttaraukningin er að verulegu leyti umfram það, sem gert
var ráð fyrir við samningsgerðina í fyrravor. Þá var talið að
teflt væri á tæpasta vað í launahækkunum, sem kynni að
valda óstöðugleika í efnahagslífínu til lengi’i tíma litið.
Hannes G. Sigurðsson, aðstoðarframkvæmdastjóri VSÍ,
segir um þessa þróun: „Það er nánast einstakt, að það sé í
einhverju þjóðfélagi hægt að hækka laun og launakostnað á
annan tug prósenta og fá nánast verðhjöðnun á sama tíma.
Hannes segir ekki koma sér á óvart, þótt einhverjar hækk-
anir komi fram þó síðar verði. Friðrik M. Baldursson, for-
stjóri Þjóðhagsstofnunar, telur að skýringarnar á þessum
mikla efnahagsárangri megi rekja til harðrar samkeppni á
markaði, gengis krónunnar og framleiðniaukningar, sem hafí
verið 2,5-3,5% á ári að undanförnu í samanburði við 1,5-2% í
flestum nágrannalöndum.
Þeir Hannes og Friðrik eru sammála um það, að verð-
myndunin lúti nú öðrum lögmálum en áður. Kostnaðarverð-
bólga stjórni ekki verðþróun lengur heldur sé verðmyndun á
grunni markaðsaðstæðna hverju sinni. Islendingar uppskeri
nú vegna breytinga, sem gerðar hafi verið undanfarin ár á
efnahagsumgjörðinni, með opnun hagkerfísins, aðildinni að
EES o.fl., sem hafí stuðlað að auknu aðhaldi í efnahagslífínu
og virkari samkeppni.
Sjálfsagt er enn of snemmt að fullyrða nokkuð um það,
hvernig þessi þróun verður. Sumir þeirra, sem fylgjast vel
með efnahagsmálum telja, að fyrr eða síður muni kostnaðar-
hækkanir atvinnulífsins fara út í verðlagið og verðbólga
aukast á nýjan leik. En fyrir þjóð, sem í tvo áratugi bjó við
óðaverðbólgu er þetta ekki breyting heldur bylting.
LÖGFORMLEGT
UMHVERFISMAT
MIKILL stuðningur er meðal sveitarstjórnarmanna á
Austfjörðum við virkjanir á hálendinu, sem þeir segja
að styrki byggð í fjórðungnum, fjölgi störfum og bæti af-
komu. Á hinn bóginn mæta virkjunaráform mikilli andstöðu
umhverfísverndarfólks, sem krefst þess að lögformlegt um-
hverfismat fari fram áður en endanlegar framkvæmdaá-
kvarðanir verði teknar.
Strangt tekið er Fljótsdalsvirkjun undanþegin lögunum
um umhverfísmat, þar eð virkjunarleyfi hennar var gefíð út
árið 1991, skömmu áður en lögin tóku gildi. Halldór
Jónatansson, forstjóri Landsvirkjunar, segir og hér í blaðinu
16. júní sl., að „það geti tekið allt að tveimur árum að fara í
gegnum hið lögformlega ferli“. Stjórn Landsvirkjunar hefur
á hinn bóginn ekki lokað á þá leið. Þvert á móti sagði Jó-
hannes Geir Sigurgeirsson, stjórnarformaður Landsvirkjun-
ar, á kynningarfundi eystra á dögunum: „Stjórnin [Lands-
virkjunar] ákvað í maí að ráðist skyldi í alla þá vinnu sem
væri nauðsynleg fyrir formlegt umhverfísmat. Það er ná-
kvæmlega sú vinna sem þarf til ef virkjunin fer í lögformlegt
mat. í nóvember verður tilbúin umhverfismatsskýrsla og þá
taka menn ákvörðun um það, hvort hún fer alla leiðina gegn-
um lögformlega ferilinn.“
Morgunblaðið sagði í forystugrein 11. júní sl. þar sem m.a.
var fjallað um heimild Alþingis fyrir miðlunarlóni á Eyja-
bökkum frá árinu 1981: „Ætla verður að forsendur, sem lágu
til grundvallar leyfísveitingar árið 1981, hafi breytzt á
sautján árum, sem og almannaviðhorf til stóriðju og um-
hverfísverndar." Sama máli gegnir um virkjunarleyfi Fljóts-
dalsvirkjunar frá árinu 1991.
Það styrkir stöðu Landsvirkjunar og tekur af tvímæli ef
komið verður til móts við sjónarmið margra landsmanna með
lögformlegu umhverfísmati á virkjunarkostum eystra, þ.e. ef
farið verður að núgildandi lögum. Islendingar hafa með góð-
um árangri haft físki- og vistfræðilegar rannsóknir og niður-
stöður að leiðarljósi við nýtingu sjávarauðlinda. Á sama hátt
eigum við að byggja nýtingu landauðlinda á vísindalegum
rannsóknum, vistfræðilegum sem efnahagslegum. Vönduð,
lögformleg úttekt á umhverfísáhrifum Fljótsdalsvirkjunar er
gott spor til réttrar áttar.
Islenska
tónlistar-
sumarið
dafnar
s s
I sumartónlistarlífí Islendinga er sprottinn
upp fjöldi skipulagðra tónlistarhátíða og tón-
leikaraða sem hafa verið starfræktar undan-
farin sumur vítt og breitt um landið. Af
------n------------
samantekt Orlygs Steins Sigurjónssonar
má ráða, að fleiri tónlistarhátíðir hefji göngu
sína næsta sumar, enda eykst eftirspurnin
eftir tónlistarflutningi meðal ört fjölgandi
ferðamanna.

VlBlgíjSSEÍSÍ
1-Sf »:l» i-Ult-
WggJ Mrj / - tj
Morgunblaðið/RAX
HALDIÐ er úti stöðugri dagskrá fimm helgar hvert sumar á Sumartónleikum í Skálholti. Næsta sumar er aldarfjórðungur síðan Sumartónleikar hófu
göngu sína. Myndin var tekin á æfingu Bachsveitarinnar 1996.
BLÁA kirkjan á Seyðisfirði nefnist ein nýrra tón-
leikaraða, sem hófst í sumar. Þar gefst m.a. tónlistar-
nemum tækifæri til að flytja eitt verk með stuttum
fyrirvara í „Frjálsa hljóðnemanum".
MOSAIK gítarkvartettinn var meðal flytjenda í Sumartónleikaröð Stykk-
ishólms, en tónleikaröðin er liður í átakinu „Eflingu Stykkishólms".
Morgunblaðið/Jim Smart
REYKHOLTSHÁTÍÐ var haldin öðru sinni í sumar í Reykholtskirkju.
AÐ VAR öðruvísi um að
litast en nú í islensku tón-
listarlífi íyrir um 15 árum,
að sumarlagi. Tónlistarlíf
lá að mestu niðri og ef frá
er talin Listahátíð í Reykjavík og
Sumartónleikar í Skálholti, var tón:
leikahald með óreglulegum hætti. í
dag ganga tónlistarunnendur hins
vegar að vísum tónleikum á skipu-
lögðum dagskrám í Reykjavík og úti
á landi.
Sumartónleikar í Skálholti
í aldarfjórðung
Sumartónleikar í Skálholti er tón-
leikaröð sem hefur verið haldin úti
síðan 1974 og ber án efa höfuð og
herðar yfir annað sem í boði er nú um
stundir, þar sem haldið er úti
stöðugri dagskrá fimm helgar hvert
sumar. Sú listræna stefna sem tekin
var á Sumartónleikum fyrir margt
löngu hefur borið hróður Sumartón-
leika langt út fyrir landsteinana,
einkum vegna áherslu á flutning
barokkverka og trúarlega verka. Þá
ber að nefna rannsóknarstarf sem fer
fram á vegum Collegium Musicum í
Skálholti og þá nýsköpun í íslensku
tónlistarlífi sem á sér þar stað, en ár
hvert eru frumflutt ný tónverk ís-
lenskra tónskálda. Fjöldi erlendra
gesta hefur leikið á Sumartónleikum
og hefur hollenski fíðluleikarinn Jaap
Schröder verið hvað tíðastur gestur,
en hann hefur leitt Bach sveitina um
árabil og kemur einnig fram sem ein-
leikari á fiðlu. I sumar vann hann að
upptökum á fiðlusónötum eftir Bach í
Skálholtskirkju ásamt Helgu Ingólfs-
dóttur semballeikara og má vænta af-
rakstursins á næsta ári þegar upp-
tökurnar verða gefnar út á geisla-
diski.
Sumartónleikar
á Norðurlandi
Sumartónleikar á Norðurlandi er
næstelsta tónleikaröðin sem nú er
starfrækt. í sumar voru Sumartón-
leikar haldnir tólfta sumarið í röð, en
vettvangur þeirra er kirkjur víðsveg-
ar í Eyjafjarðarsýslu og N- og S-
Þingeyjarsýslu. Alls voru í sumar 13
tónleikar sem skiptust niður á fimm
tónleikahelgar. Upphaflegt markmið
skipuleggjenda var að bjóða upp á
tónleikahald, til að fylla upp það í
skarð sem var einkennandi að sumri
til í tónlistarflutningi. Bjöm Steinar
Sólbergsson organisti við Akureyrar-
kirkju og eiginkona hans Hrefna
Harðardóttir segja að gestir á tón-
leikum Sumartónleika séu ferðamenn
og heimamenn til helminga og raunar
má segja að sama gildi um hinar
landsbyggðarhátíðirnar sem fjallað
er um í þessari samantekt. „Efnis-
sviðið spannar allt mögulegt. Á
Sumartónleikum eru allir stflar jafn-
réttháir þó að kirkjuleg tónlist hafi
orðið fyrirferðarmest á liðnum ár-
um,“ segir Hrefna. „Listamennirnir,
sem hafa komið fram á tónleikunum
skeyta margir hverjir saman fríi og
vinnu með þátttöku sinni, þar sem
þeir ýmist enda eða hefja sumarleyfi
sín með tónleikum hér.“ Alls hefur
verið leikið í þrettán kirkjum í áður-
nefndum sýslum frá upphafi og
fyrstu árin fóra tónleikar eingöngu
firam í Húsavíkur-, Reykjahlíðar- og
Alou-eyrarkirkju. „I seinni tíð hafa
fleiri sóknarnefndir óskað eftir að fá
að hafa tónleika og er það vel,“ segir
Hrefna.
Áratugur
Sigurjónssafns
Listasafn Sigurjóns Ólafssonar
hefur haldið úti tónleikaröð sérhvert
þriðjudagskvöld á sumrin frá árinu
1989 og er því í flokki eldri sumar-
tónleikaraðanna. Listræn stefna Sig-
urjónssafns hefur frá upphafi verið
sú að bjóða upp á klassíska tónlist á
breiðum gi-unni án þess að sérhæfa
sig í tónlist frá tilteknum tímabilum
og segir Birgitta Spur, forstöðukona
Sigurjónssafns, að listamenn sem
koma fram á tónleikum safnsins ráði
sinni efnisskrá að mestu sjálfir. „Við
beinum sjónum okkar fyrst og
fremst að gæðum við undirbúning
tónleikaraðarinnar og höfum ávallt
unnið með mjög góðu tónlistarfólki,“
segir Birgitta um tónleikaröðina.
„Við tókum þá ákvörðun í upphafi að
hafa tónleikana án hlés og vitum að
sú sérstaða fellur bæði listamönnum
og áhorfendum vel í geð einkum
vegna þess að stemmningin í salnum
fellur þá síður ef efnisskráin er ekki
slitin í sundur." Listasafn Sigurjóns
Ólafssonar stendur á tvöföldum
tímamótum á þessu ári því að undan-
skildu tíu ára starfsafmæli tónleikar-
aðarinnar eru liðiiy níutíu ár frá fæð-
ingu Sigurjóns Ólafssonar mynd-
höggvara, en af því tilefni er væntan-
leg ævisaga listamannsins í tveim
bindum.
Kammertónleikar á
Kirkjubæjarklaustri
Edda Erlendsdóttir píanóleikari er
listrænn stjórnandi Kammertónleika
á Kirkjubæjarklaustri, sem hófu
göngu sína árið 1991. Kammertón-
leikar eru haldnir að áliðnu sumri og
er aðaláherslan lögð á flutning ljóða-
og kammertónlistar. Kjarni efnis-
skráa liðinna ára er tónlist fyrir ein-
söngsrödd og píanó í bland við hljóð-
færaverk og -dúetta. Edda segir að sú
leið hafi verið farin að stokka upp
hina hefðbundnu tónleikahefð með
því að blanda saman mismunandi
hljóðfæraskipan. „Tilgangurinn er sá
að breikka áhorfendahópinn með því
að flytja bæði Ijóðatónlist og stærri
kammerverk og þar að auki er slík til-
högun ekki síst ánægjuleg tilbreyting
fyrir okkur listamennina," segir
Edda.
Sérhæfð dagskrá
Hallgrímskirkju
Tónleikaröð Hallgrímskii’kju, sem
nefnist Sumarkvöld við orgelið á
sunnudagskvöldum var starfrækt
sjötta sumarið í röð á þessu sumri og
þar er lögð áhersla á flutning einleiks-
verka fyrir orgel, en einstaka sinnum
koma tveir flytjendur fram á sömu
tónleikunum. í sumar léku til að
SVISSNESKI kammerhópurinn I SALONISTI hefur tvívegis
komið í tónleikaferð til íslands og leikið fimm sinnum í Sigur-
jónssafni. Myndin er frá tónleikum þeirra á Listahátíð í
Reykjavík 1990 í Sigujónssafni.
Morgunblaðið/Golli
ÞORSTEINN Gauti Sigurðsson og Steinunn Birna Ragnars-
dóttir voru meðal flytjenda í tónleikaröð Iðnó í sumar og léku
fjórhent á pianó.
mynda trompetleikari og organisti
saman á tónleikum og í hittifyrra var í
fyrsta sinn leikið fjórhent á orgel
Hallgrímskirkju. íslendingar eru í
minnihluta við hljóðfærið á tónleika-
röðinni og segir Erla Elín Hansdóttir,
framkvæmdastjóri Sumarkvölds við
orgelið, að íslenskum konser-
torganistum fjölgi hægt og bítandi og
vonir séu bundnar við nokkra unga ís-
lenska organista sem ljúka framhalds-
námi innan skamms. „Hins vegar eru
nokkrir erlendir konsertorganistar
búsettir og starfandi á íslandi, sem
koma fram á Sumarkvöldi við orgel-
ið,“ segir Erla Elín. ,Almennt má
segja að útilokað væri að halda úti
orgeltónleikaröð sem þessari með ís-
lenskum organistum eingöngu, því
þeir eru ekki nógu margir.“ Á vegum
Sumarkvölds við orgelið eru haldnir
hádegistónleikar á fimmtudögum og
þar koma fram íslenskir organistar í
Félagi íslenskra organleikara.
Efling
Stykkishólms
Tónleikaröð Stykkishólmskirkju
var starfrækt þriðja árið í röð nú í
sumar. Tónleikaröðin er liður í verk-
efninu „Efling Stykkishólms" sem
hleypt var af stokkunum árið 1995. I
Stykkishólmskirkju eru alls sex tón-
leikar yfir sumarið og segir Jóhanna
Guðmundsdóttir formaður stjórnar
„Eflingar Stykkishólms“ að dagskrá-
in sé höfð sem fjölbreyttust til að
höfða til breiðs aldurshóps. Klassísk
tónlist í víðum skilningi myndar
uppistöðuna á tónleikaröðinni og
segir Jóhanna að Stykkishólms-
kirkja hafí fljótlega orðið fyrir valinu
sem tónleikavettvangur enda sé
hljómburður í henni með ágætum.
„Tónleikaröðin eykur afþreyingu
fyrir ferðamenn jafnt sem bæjarbúa
auk þess sem listamönnum skapast
ágætt tækifæri til að koma fram með
efnisskrár sínar,“ segir Jóhanna
ennfremur.
Reykholtshátíð og Bjartar
sumarnætur í Hveragerði
Tvær nýjar tónlistarhátíðir úti á
lándsbyggðinni hófu göngu sína sum-
arið 1997, annars vegar í Hveragerði
og hins vegar í Reykholti. Sameigin-
legt einkenni beggja hátíða er þriggja
daga tónleikahald þar sem tónlistar-
menn flytja klassíska efnisskrá með
erlendum og íslenskum verkum. Há-
tíðin í Hveragerði, Bjartar sumar-
nætur, er haldin snemma sumars,
ekld síðar en um miðjan júní. Segir
Gunnar Kvaran, sellóleikari í Tríói
Reykjavíkur sem átti frumkvæðið að
tónleikahaldinu, að fullur áhugi sé
bæði hjá bæjai-yfirvöldum í Hvera-
gerði og listamönnum að halda áfram
uppteknum hætti og gera Bjartar
sumamætur að fóstum menningar-
viðburði enda hafi aðsókn verið góð.
Á Björtum sumarnóttum er vaninn að
helga hluta dagskrárinnar ákveðnu
þema, sem í sumar var sönglög við
ljóð Halldórs Laxness, en uppistaðan
í dagski’ánni er kammertónlist á
breiðum grunni.
Reykholtshátíðin átti einnig
tveggja ára starfsafmæli nú í sumar
að loknu tónleikahaldi í Reykholts-
kirkju í lok sólmánaðar. Á Reykholts-
hátíð er áhersla lögð á norræna og
baltneska tónlist og tónlistarmenn.
Frumflutningur íslenskra tónverka
er einnig metnaðarmál aðstandenda
hátíðarinnar og er á hverri hátíð flutt
eitt íslenskt verk. Tónleikar á Reyk-
holtshátíð fara fram þrjá daga í röð
og á þeim tíma er boðið upp á ferna
tónleika, kammerverk, einsöng og
dúetta. Að þessu sinni voru settir á
dagskrána aukatónleikar þegar einn
gesta hátíðarinnar, finnski píanóleik-
arinn Risto Lauriala bauðst til að
leika öll Goldberg tilbrigði Bachs síð-
asta tónleikadaginn.
Bláa kirkjan
Á Seyðisfirði hófst tónleikaröð í
sumar undir heitinu Bláa kirkjan.
Tónleikarnir fara fram í Seyðisfjarð-
arkirkju og einkennist dagskráin af
hefðbundinni klassískri tónlist. í sum-
ar hafa komið fram sumir af fremstu
tónlistarmönnum landsins í bland við
t.d. 15 ára klarínettunema, kirkjukór-
inn á Seyðisfirði, söngvara, organista
og fleiri. Að mati Sigurðar Jónssonar
og Muffs Worden skipuleggjenda
Bláu kirkjunnar er tónleikaröðin
nauðsynlegur hluti þeirrar uppbygg-
ingar, sem á sér stað í menningarmál-
um og fellur vel að „á Seyði“, sem er
sýningarstarfsemi og hefiir verið ár-
viss viðburður síðustu þrjú árin.
Dagsetning tónleikanna er miðuð
við reglubundinn þunga í ferða-
mannastraum, en þeir eru haldnir á
miðvikudagskvöldum. Bílferjan No*fc
ræna leggst upp að landi í Seyðisfirði
á fimmtudagsmorgnum og því er líf-
leg umferð í bænum kvöldið fyrir
komu ferjunnar. ,Að hluta til er
stefna okkar sú að gefa efnilegum
nemendum í tónlistarskólum á svæð-
inu tækifæri til að koma fram í upp-
hafi hverra tónleika. Þessi hluti tón-
leikanna nefnist „Frjálsi hljóðnem-
inn“, en þar getur fólk skráð sig með
litlum íýrirvara og flutt eitt verk,“
segja þau Sigurður og Muff. Þau taka
þó fram að öllum, án tillits til búsetu
sé frjálst að skrá sig í „Frjálsa hljóð-
nemann". ’
Á þessu ári eru liðin 50 ár frá stofn-
un Tónlistarfélags ísafjarðar. Af því
tilefni hafa verið haldnir tónleikar í
þar sem fram hafa komið listamenn
hvaðanæva af landinu. Uppistaðan í
tónleikahaldi sumarsins hefur verið
kammertónlist á víðum granni og
framflutt hafa verið verk eftir Jónas
Tómasson tónskáld. „Nemendur Tón-
listarskóla ísafjarðar auk gesta hafa
komið fram á afmælisárinu og haldið
verður áfram með tónleikahald fram
á vetur,“ segir Jónas Tómasson fram-
kvæmdastjóri Tónlistarfélags ísa-
fjarðar. „í september fáum við einnig
heimsókn Sinfóníuhljómsveitarinnar,
sem leikur á tónleikum 26. septemþgjx
í tilefni af því að hundrað ár verða lið-
in frá fæðingu Ragnars H. Ragnars
tónskálds hinn 28. september."
Sumarkvöld í
Neðsta kaupstað
Sumarkvöld í Neðsta kaupstað
nefnist tónleikaröð, sem starfrækt
hefur verið undanfarin fjögur sumur í
Tjörahúsinu á ísafírði. Tjörahúsið er
eitt fjögurra húsa Neðsta kaupstaðar
og var byggt árið 1782. ,Á Sumar-
kvöldi í Neðsta kaupstað era valin
margvísleg þemu þar sem fluttir eru
fyrirlestrar og leikin tónlist í kringum
ákveðið viðfangsefni," segir Sigríður
Kristjánsdóttir einn skipuleggjenda.
Undanfarin sumur hafa verið haldin
fjögur til sex Sumarkvöld í Neðsta
kaupstað og ef nefndar eru yfirskriftir
nokkurra þemakvölda frá liðnu sumri
má nefna „Baráttu við náttúraöflin“
„Mannlíf og menning á Homströnd-
um“ og „Hvalveiðar og vinnsla".
Tónleikaraðir Iðnós
og Kaffíleikhússins
í Iðnó hófst tónleikaröð í sumar
þar sem áhersla var lögð á léttleika
án þess að horft væri á eina stefnu
eða tímabil. Léttleikinn birtist jafnt^é f
hárómantískum píanóverkum serrT <
djassi og leikhústónlist og komu
margir af þekktustu listamönnum
landsins, hver á sínu sviði fram í hinu
nýendurgerða leikhúsi. Annarri tón- ‘
leikaröð verður síðan hleypt af stokk-
unum upp úr miðjum september og
er þá stefnt að þyngri dagskrá.
Kaffíleikhúsið í Reykjavík hóf tón-
leikaröð í sumar í svipuðum anda og
Iðnó þar sem léttleiki hefur svifíð yfír
vötnum. Fjölbreytni var látin ráða
ríkjum og komu fram djasslistamenn
sem klassískar söngkonur auk fleiri
listamanna. Sumartónleikaröð Kaffi-
leikhússins heldur áfram fram á
haustið og munu tónleikar á Djasshá- ■;
tíð Reykjavíkur m.a. ganga inn^J.
Sumartónleikaröðina. „Sérkenm
Kaffileikhússins felast í þeirri sér- ;
stöku stemmningu og andrúmslofti,
sem fylgir því að gestir sitja við borð s
og fá sér drykki á meðan á tónleikum |
og sýningum stendur," segir Jóhanna :
Vigdís Guðmundsdóttir, einn að- i
standenda Kaffileikhússins. „Gestir I
okkar kunna vel að meta þetta form, |
sem sést best á því að fleiri leikhús
eru farin að bjóða upp á svipað fyrir- |
komulag." |
Ef orða mætti niðurstöðu af þess- ■«
ari samantekt yrði hún á þá leið að I
skipulagning tónleikaraða og tónlist* |
arhátíða helst í hendur við vitneskju
um ferðamenn, innlenda sem erlenda *
í nágrenni við tónleikastaðina. Af
samtölum við skipuleggjendur tón-
leikaraða og -hátíða verður ekki ann-
að séð en að tónlist sé kærkominn
kostur sem margir þiggja með þökk-
um enda má segja að aðsókn hafi
undantekningarlítið verið mjög gútð f
hvar sem drepið var niður.