Morgunblaðið - 05.09.1998, Blaðsíða 72

MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
LAUGARDAGUR 5. SEPTEMBER 1998
VERÐ í LAUSASÖLU 125 KR. MEÐ VSK
Fólki bjargað úr
brennandi húsi
ELDUR kom upp á gangi í íbúðar-
húsi á horni Vatnsstígs og Lindar-
götu skömmu eftir miðnætti í nótt.
Barst eldurinn sennilega inn í tvö
herbergi á annarri hæð, að sögn að-
alvarðstjóra Slökkviliðsins í
Reykjavík.
Að sögn sjónarvotts lagði mikinn
reyk yfir Skuggahverfið. Þrír
slökkvibílar voru kvaddir á vett-
vang og tveir sjúkrabflar.
Reykkafarar voru sendir inn í
húsið og voru íbúar leiddir út vafð-
ir teppum. Karl og kona voru flutt
á slysadeild Sjúkrahúss Reykjavík-

ur og var talið að þau hefðu fengið
reykeitrun, en einkennin reyndust
ekki alvarleg, að sögn læknis á
vakt.
Töluverðar skemmdir urðu á
ganginum og herbergjunum, en auk
þess urðu reykskemmdir á annai-ri
og þriðju hæð. 33 búa í húsinu, en
talið er að 25 hafi verið heima þegar
eldurinn kviknaði. Höfðu sumir
komið sér út áður en lögregla kom á
vettvang. Lögregla kannaði í nótt
upptök eldsins. Slökkvistarfi var að
mestu lokið skömmu eftir klukkan
eitt í nótt.
------------
Tímabundið
haffærnis-
skírteini
EFTIRLITSDEILD Siglingastofn-
unar íslands gerði í gærdag úttekt
á prammanum sem ætlaður er til að
flytja hvalinn Keiko frá höfninni í
Eyjum út í sjókvína í Klettsvík.
Seinnipartinn í gær var veitt tíma-
bundið haffærnisskírteini svo hægt
verður að fara með prammann til
Eyja og nota við flutningana, að
sögn Hálfdanar Henryssonar, deild-
arstjóra eftirlitsdeildar Siglinga-
stofnunar íslands. Hann segir að
mikið þurfi að gera við prammann
til að hann fái haffærnisskírteini
með lengri gildistíma. Hann segir
að Siglingastofnun hafi sinnt skyldu
sinni með því að stöðva flutning á
prammanum og fara yfir ástand
hans.
Pramminn var settur í farbann í
fyrradag þegar leggja átti af stað
með hann frá Hafnarfirði til Vest-
mannaeyja. Að sögn Halls Hallsson-
ar talsmanns Free Willy-Keiko-
stofnunarinnar þarf að gera smá-
vægilegar lagfæringar á pramman-
um og mála hann.
■ Dáður vestra/14
Hækkun vaxta
Svar við
lægra
gengi
SEÐLABANKI íslands hefur
ákveðið 0,3% hækkun ávöxtunai'
í endurhverfum viðskiptum sín-
um á uppboði nk. þriðjudag og
verður hún 7,5% í stað 7,2%.
Jafnframt mun ávöxtun í við-
skiptum Seðlabankans með rík-
isvíxla, sem skammt eiga eftii' til
innlausnar, hækka samsvarandi.
í tilkynningu frá Seðlabank-
anum segir að tilefni þessarar
hækkunai' sé gjaldeyrisút-
streymi og nokkur lækkun á
gengi krónunnar að undan-
förnu. Sú þróun eigi ekki síst
rætur að rekja til hræringa á er-
lendum mörkuðum, bæði gjald-
eyris- og verðbréfamörkuðum,
sem leitt hafi til þess að munur
ávöxtunar á íslenskum og er-
lendum peningamarkaði hefur
dregist saman og orðið minni en
hann hefur verið frá því í nóv-
ember. Gjaldeyrisstreymi til
landsins og frá sé næmt fyrir
þessum vaxtamun.

‘ ' ' V ! iM
■ . jm 1V? ■Si'S vi’
Morgunblaðið/Kristinn
FRANSKA landsliðið æfði á Laugardalsvelli síðdegis í gær. Zinedine Zidane býr sig undir að taka boltann
með sér með Alain Boghossian að baki sér. Lilian Thuram snýr baki í myndavélina til hægri. f baksýn sést
önnur stúknanna tveggja, sem verið er að setja upp við sinnhvorn enda vallarins í tilefni af leiknum.
Læknafélag Islands ætlar ekki að draga ályktun sína til baka
Forsætisráðherra segir fram-
göngu félagsins ekki tii sóma
DAVÍÐ Oddsson forsætisráðherra
sagði í gær að hann teldi stjóm
‘‘ ^Læknafélags íslands (LÍ) ekki trú-
verðuga eftir að hafa lesið bréf frá
stjórninni. Stjórn Læknafélagsins
segist, í bréfinu til Davíðs Oddssonar
í gær, ekki geta dregið til baka
ályktun sína frá 25. ágúst sl., þar
sem hún harmar þau ummæli for-
sætisráðherra að viðkvæmar upplýs-
ingar um sjúklinga lægju á glám-
bekk. I ályktuninni fer stjórnin
einnig fram á að ráðherra biðjist af-
sökunar á ummælum sínum.
Davíð Oddsson, sem staddur er í
Portúgal, sagði í samtali við Morg-
unblaðið að sér væri það mikil furða
“ "^ef stjórn Læknafélags Islands væri
svo einangruð að hún áttaði sig ekki
á því, sem allur almenningur
glöggvaði sig á, að vernd persónu-
upplýsinga á vegum heilbrigðiskerf-
isins hefði verið í algjörum molum á
undanfórnum árum og áratugum.
„Og yfirlýsingar landlæknis, þó
Jiann hafi svona hlaupið eins og hon-
v ™m er gjarnt í ábyrgð fyrir læknana,
báru með sér að hann áttaði sig á að
þetta var ekki í lagi. Þannig að allt er
þetta afskaplega ankannalegt og
undarlegt og ekki trúverðugt fyrir
stjóm læknafélagsins, svo ekki sé nú
meira sagt,“ sagði forsætisráðherra.
I fyrrgreindu bréfi stjórnar LI til
forsætisráðherra er fjórum spum-
ingum, sem Orri Hauksson, aðstoð-
armaður forsætisráðhema, lagði
fram í bréfi til stjórnarinnar í lok
ágúst, svarað lið íyrir lið, en það bréf
var svar við ályktun LI frá 25. ágúst.
í bréfinu, sem Læknafélagið sendi
frá sér í gær, kemur m.a. fram að all-
ir stjórnarmenn LI hafi ritað undir
ályktunina frá 25. ágúst sl. og að sú
ályktun hafi verið aðferð stjórnar LÍ
til að koma í veg fyrir, að yfirlýsing
forsætisráðherra um ávirðingar
lækna og annarra heilbrigðisstarfs-
manna við varðveislu viðkvæmra
persónuupplýsinga truflaði málefna-
lega og efnislega umræðu um gagna-
gmnnsframvarpið. í bréfinu telur
stjórnin einnig að fram hafi komið að
gæsla sjúkragagna væri undantekn-
ingalítið með viðunandi hætti. Land-
læknir hefði einnig lýst þeirri skoðun
að sjúkragögn lægju ekki á glám-
bekk.
Ályktanir
ótrúverðugar
„Stjórn LÍ getur að framansögðu
ekki dregið ályktun sína til baka,
þar sem hún byggir á staðreyndum,
sem við blasa, og er málefnaleg af-
staða til orða, sem féllu í umræddu
samhengi. Hvort forsætisráðherra
afsakar orð sín er auðvitað hans mál
eins og það er mál stjórnar Lækna-
félags Islands, hvort hún biðst af-
sökunar á ályktun sem virðist hafa
styggt forsætisráðherra i hinni póli-
tísku orrahríð, sem nú stendur um
frumvarp til laga um gagnagrunn á
heilbrigðissviði og hann tekur þátt í
því,“ segir m.a. í bréfinu til ráð-
herra. Þá segist stjórn LI vænta
þess að fá tækifæri til viðræðna við
forsætisráðherra um verndun per-
sónuupplýsinga og frumvarp til laga
um gagnagrunn á heilbrigðissviði.
Forsætisráðhema segir í samtali
við Morgunblaðið að þar sem „menn
séu að tala um vernd persónuupp-
lýsinga" sé rétt að vekja athygli á
því hverjir hafi reynt að koma slík-
um hlutum í rétt form. Hann bendir
á að það hafi verið stjórnvöld með
sinni forgöngu sem hafi sett kvaðir á
hið opinbera varðandi meðferð per-
sónuupplýsinga. Til dæmis með upp-
lýsingalögunum og með því að taka
sérstakt ákvæði inn í lög um réttindi
sjúklinga, sem kveður á um að
sjúkraskrár skuli geymdar á trygg-
um stað. „Hins vegar verður að
segjast eins og er að ég man ekki til
þess að á undanfórnum árum eða
áratugum hafi stjórn Læknafélags-
ins, sem vissi þó nákvæmlega og vel
í hvaða ólagi þessi mál voru, beitt
sér í slíkum efnum. Ég verð að segja
alveg eins og er að mér finnst þessi
framganga stjórnar Læknafélagsins
vera því ekki til sóma og því miður
gera þeirra ályktanir að öðru leyti
afskaplega ótrúverðugar," segir ráð-
herra.
„Þurfum að
vara okkur á
Islendingum“
HEIMSMEISTARAR Frakka í
knattspyrnu komu til landsins í
gærrnorgun. I dag spila þeir
fyrsta leikinn í riðlakeppni Evr-
ópumeistarakeppninnar við lands-
lið Islendinga á Laugardalsvelli.
Roger Lemerre, þjálfari franska
liðsins, sagði á blaðamannafundi f
gær að liðið væri komið í gott
form á ný eftir hvíld að lokinni
heimsmeistarakeppninni. Hann
sagði þá skynja til fulls styrk ís-
lenska liðsins. „Við verðum að
spila varlega. Fyrri úrslit sýna að
leikurinn getur farið á hvaða veg
sem er. Jafntefli á Islandi eru
ágætis úrslit." Lemerre hafði ekki
ákveðið hvort hann myndi tefla
fram sóknar- eða varnarliði.
Miðvallarleikmaðurinn Youri
Djorkaeff var á sama máli og
Lemerre og sagðist hafa kynnt
sér íslenska liðið vel. „Við þurfum
að vara okkur á íslendingum, það
getur allt gerst. Það er mikilvægt
að byrja svona keppni vel og ís-
lenska liðið er sterkt," sagði
Djorkaeff í gær.
Leikurinn í dag hefst kl. 18.45.
■ Höfðu með sér/36