Morgunblaðið - 24.09.1998, Blaðsíða 54

- 54 FIMMTUDAGUR 24. SEPTEMBER 1998
MORGUNBLAÐIÐ
BRÉF
TIL BLAÐSINS
Tommi og Jenni
Ferdinand
Smáfólk
Þetta er það sem
við komum til að
sjá, skátar... Sjáið
þetta útsýni!
Kringlan 1 103 Reykjavík • Sími 569 1100 • Símbréf 569 1329
Pólitík eða hvað?
Frá Aðalheiði Jónsdóttur:
PÓLITÍKIN hefur löngum átt það
til að bregða sér í allra kvikinda líki,
en eitthvert undarlegasta fyi'irbær-
ið er nú að hlaupa af stokkunum,
nánar tiltekið þrír þingmenn Al-
þýðubandalags og óháðra sem kalla
fyrirbærið stefnu. Eftir því sem
Steingrímur J. sagði er þetta græn
stefna með umhverfis- og velferðar-
mál að leiðarljósi. Varla hafa þeir
yfirgefið flokkinn sinn fyrir þetta
þar sem þessi mál eru meðal bar-
áttumála Alþýðubandalagsins. Þá
fæ ég heldur ekki skilið að Guðrún
Helgadóttir ætlar að sitja á þingi
sem varaþingmaður alþýðubanda-
lagsins þó að hún hafi sagt sig úr
flokknum. Mér sýnist það mjög
brenglaður hugsunarháttur og rétt-
lætiskennd. Einnig ef þessu fólki
dettur í hug að sitja áfram í nefnd-
um fyrir flokk sem það hefur sagt
skilið við. Þó aldrei nema Kristín
Ástgeirsdóttir hafi gegnt slíku
starfi eftir að hún sagði skilið við
Kvennalistann. Síðustu fregnir
herma að hún ætli að verða fjórða
hjól á vagni stefnumanna. Skyldi
jörðin ekki skjálfa þegar ferlíkið
brunar af stað.
Steingrímur J. Sigfússon hefur
verið mjög upplýsingaglaður að
undanförnu og sagt að fleiri og
fleiri væru að segja skilið við Al-
þýðubandalagið, einhverntíma hefði
slík yfirlýsing gefin af þessum
manni þótt tíðindi mikil. En hvað er
það sem ekki getur gerst í pólitík?
Hins vegar er erfitt að átta sig á því
hvers vegna þríliðarnir ruku upp til
handa og fóta áður en málefnaskrá
flokksins lá fyrir, en dragnast
áfram með gömul ágreiningsmál
A-flokkanna í stað þess að leggja
þau til hliðar á næsta kjörtímabili
og vinna með hinum að bættu þjóð-
félagi sem stöðugt er að verða
ómennskara og ranglátara í hönd-
um þein-a sem nú fara með völdin.
En vonandi átta kjósendur sig á
öllu þessu áður en kosið verður til
Alþingis á komandi vori og muna
þá eftir loforðalista Framsóknar-
flokksins sem sagði fyrir síðust
kosningar „fólk í fyrirrúmi" en hafa
níðst mest á þeim sem verst eru
settir í þjóðfélaginu. Ef þeir hefðu
nú aðeins í eitt skipti viljað vera
hreinskilnir og segja, sægreifar
skulu fá að eiga fiskinn í sjónum og
hálendinu skal skipta milli bænda
að jöklum meðtöldum, kynnu kosn-
ingarnar að hafa farið á annan veg.
En þess er varla að vænta að flokk-
ur sem opinn er í báða enda standi
við gefin loforð. Hins vegar er lyg-
inni líkast hvað honum hefur tekist
að ná miklu fylgi hér í borginni, en
við skulum vona að þar verði brevt-
ing á.
I vor átt þú valið, kjósandi góður,
og það er á þína ábyrgð hverjir ráða
hér ríkjum næsta kjörtímabil. Það
er slæmt að stjómarandstöðuflokk-
arnir skyldu ekki bera gæfu til að
ganga óklofnir til kosninga í sam-
eiginlegu framboði. En þessi klofn-
ingsárátta á vinstri væng stjórnmál-
anna hefur ævinlega komið í veg
fyrir að hér tækist að byggja upp
jafnréttis- og velferðarþjóðfélag.
En samt, hver veit hvað nú ger-
ist, þrátt fyrir allt.
AÐALHEIÐUR JÓNSDÓTTIR
Kaplaskjólsvegi 55, Reykjavík.
Eru þessi hlutföll í lagi?
Frá Leó M. Jónssyni: ofan á sín þingmannslaun. Atvinnu-
„MANNLEG skynsemi getur meira
að segja komið í veg fýrir að við sjá-
um þá hluti sem skynlausri skepnu
liggja í augum uppi. Ef trúin er
annarsvegar þá heldur skynsemin
kjafti.“ (HKL. Skáldatími. 1963.
Bls. 146).
Hún lét ekki mikið yfir sér fréttin
í Mbl. 15. þ.m. á síðu 24: Undir
mynd af handtaki tveggja manna
með blómakörfu í baksýn var fyrir-
sögnin: „Með 106 milljóna aflaverð-
mæti á einum mánuði.“ Sagði þar
frá vel heppnaðri veiðiferð togarans
Arnars og m.a. að hásetahluturinn
eftir 31 dags törn hafi verið 1100
þús. kr.
Ekki virðist þessi frétt hafa
hreyft við neinum enda góðæri í
landinu (hjá flestum) og ástæða til
að samfagna þeim sem hafa sæmi-
legar tekjur. Ég er svo undarlega
gerður að mér finnst, með fullri
virðingu fyrir fiskimönnum, ekkert
eðlilegt við 1100 þús. kr. mánaðar-
tekjur manna sem nýlega voru í
löngu verkfalli, á sama tíma og at-
vinnuleysisbætur (sjómanna sem
annarra) eru 55 þús. kr. á mánuði.
Mér finnst, hreint út sagt, geð-
veikislegt að fiskimaður geti haft
1100 þús. kr. tekjur á einum mánuði
en falli niður í 55 þús. missi hann at-
vinnuna. Mér fínnst hlutfollin í
þessu vera út í bláinn. Nefna mætti
annað dæmi um fáránleg hlutföll:
Guðrún Helgadóttir þingmaður fær
tæplega 70 þús. kr. á mánuði sem
fulltrúi í 3 ráðum (í vinnutímanum)
laus fengi hún hins vegar 55 þús. kr.
á mánuði í heildartekjur. Til frekari
samanburðar má geta þess að
verkamaður á Dagsbrúnartaxta
sem vinnur 200 tíma á mánuði hefur
um 115 þús. kr. í mánaðartekjur
með vaktálagi.
Ef til vill má sýna fáránleikann í
þessu enn betur með því að reikna
út tímakaup manns sem hefur 1100
þús. kr. í tekjur á einum mánuði
sem er 744 klst. Hann hefur haft
1478 kr. á hverja klst. vakinn og sof-
inn frá því hann fer og kemur aftur
að landi. Dagsbrúnarmaður sem
hefði slæðst með í sama veiðitúr en
ekki verið aðili að þessu snarvit-
lausa hlutaskiptakerfi hefði haft 430
þús. kr. fyrir að vinna 744 tímana
(meðaltímakaup 578 kr/klst.).
Nú væri ekki ónýtt að fá að
heyra álit Guðrúnar Helgadóttur á
þessum tölum, ekki vegna þess að
ég sjái ofsjónum yfir því sem hún
fær greitt fyrir sína vinnu, heldur
vegna þess að hún hefur árum sam-
an verið andlegur ýtustjóri og
stórsleggja í baráttu fyrir hags-
munum venjulegs launafólks, þótt
þetta sé nú árangurinn. Einnig
væri fróðlegt að heyra álit forystu-
manna verkalýðshreyfingarinar á
þessum hlutföllum.
Það vill gleymast að það vinna
fleiri erfiða vinnu en fiskimenn en fá
fyrir lúsarlaun. Er ekki kominn tími
til að endurskoða þessi hlutföll?
LEÓ M. JÓNSSON.
Nesvegi 13, Reykjanesbæ
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.