Morgunblaðið - 06.12.1998, Blaðsíða 7

MORGUNBLAÐIÐ
SUNNUDAGUR 6. DESEMBER 1998 B 7
Morgunblaðið/Kristinn
viss ánægja að því að dæmið gekk
allstaðar upp.“
Hann veltir þessu betur fyrir sér
og segir svo: „Aðalhættan er að
maður þreytist undan svona álagi
og skili ekki eins góðri vinnu og ella.
Á hinn bóginn er það ótvíræður
kostur að þegar mikið er að gera er
maður í góðri þjálfun og er fljótari
að tileinka sér hlutina."
Eg sting upp á því að kannski
hafi verið meiri hætta á því að
áhorfendur rugluðust í ríminu fram-
an við sjónvarpið nú í nóvember
þegar andlit Pálma Gestssonar birt-
ist ekki bara kvöld eftir kvöld held-
ur líka tvisvar á sunnudagskvöldum
í tveimur hlutverkum. „Það er alveg
rétt og í minni sveit hét þetta að
fyi’r mætti nú ofbjóða fólki . . . en
þetta er atriði sem ég hef engin
áhrif á því ég hef ekkert um það að
segja hvernig efninu er raðað niður
í dagskránni.“
Eg spyr hvort hann verði stund-
um ringlaður af öllum hlutverkun-
um eða raðast hlutverkin svona
skipulega upp í kollinum á honum
og er hver persóna svo kölluð fram
efth' þörfum?
„Það kemst eflaust miklu meira
fyrir á „harða diskinum" í hausnum
á manni en er í notkun daglega og
ég er sem betur fer blessunarlega
laus við að taka persónurnar með
mér heim eða á milli húsa þegar ég
er að æfa, enda yrði ég hreinlega
brjálaður ef ég gerði það. Það væri
nú ekki beint glæsilegt ef maður
tæki hlutverkin svo inná sig, að
heima fyrir í daglega lífínu væri
maður ýmist Kasper í Kar-
demommubænum, Einar Ben., Jón
Sig., plötusnúður í Grease eða eitt-
hvert af öllum þeim illmennum sem
ég hef leikið um dagana. Sem betur
fer lekur harði diskurinn dálítið
líka, þrátt fyrir plássið. Rullan
hverfur um leið og síðustu sýningu
lýkur og ég gæti ekki unnið mér til
lífs eftir nokkrar vikur að leika hlut-
verkið aftur. Hinsvegai' ef maður
veit að vori að ákveðið er að taka
sýningar upp aftur að hausti þá
geymist hlutverkið og er á sínum
stað þegar sýningar hefjast."
Leikið alla flóruna
Engum blandast hugur um að
Pálmi er orðinn þjóðþekktur af
störfum sínum í leikhúsi og sjón-
varpi. „Aðallega sjónvarpinu," segir
hann. „Þetta hefur breyst mjög
mikið á síðustu 10-15 árum. Það er
orðið mun flóknara mál að ná at-
hygli fólks en áður var. Þó maður
hafí birst í vinsælasta sjónvarps-
þætti landsins undanfarin tíu ár þá
er ég ekki viss um nema menn hafí
náð meiri og betri athygli þegar að-
eins var ein sjónvarpsstöð og ein út-
varpsrás. Áreitið í dag er svo mikið
að athygli fólks er dreifðari."
Þó Pálmi sé kannski best þekktur
sem grínleikari úr sjónvarpinu þá
hafa leikhúsgestir á undanfömum
árum séð hann leika hvert stórhlut-
verkið á fætur öðru í Þjóðleikhús-
inu, mörg gamanhlutverk en einnig
hlutverk af dramatískum toga. „Eg
hef verið svo heppinn að fá að leika
alla flóruna. Eg hef hvorki orðið
fastur í gamanhlutverkum né orðið
fyrir því að vera ekki tekinn aivar-
lega í dramatísku hlutverkunum.
Eg held að ég hafí alveg nógu
þunga lund og geð til að fólk átti sig
á því hvenær ég er að grínast og
hvenær ekki. Það er reyndar al-
gengur misskilningur að halda að
menn með skopskyn séu ábyrgðar-
lausari en aðrir og að því alvarlegri
sem menn eru því ábyrgðarfyllri
séu þeir. Þetta er mesta vitleysa.
Því alvarlegri sem menn em því
leiðinlegri eru þeir. Gott skopskyn
er gulli betra og gerir fólk að dýpri
manneskjum."
Alltaf í stjórnarandstöðu
Hugsanlega er Spaugstofan eitt
af fáum fyrirbærum í fjölmiðlaflór-
unni sem enn sameinar meirihluta
þjóðarinnar á laugardagskvöldum. f
janúar verða tíu ár liðin frá því
fyrsti þátturinn fór í loftið og síðan
hafa margar ódauðlegar persónur
birst á skjánum, margir hlátrar
glumið milli fjalls og fjöru. Þær
raddir hafa þó heyrst á þessu hausti
að þreytumerki séu sjáanleg á
Spaugstofunni. Hverju svarar
Pálmi því?
„Við höfum alltaf verið gagnrýnd-
ir. Ég hef ekki orðið var við meiri
gagnrýni í haust en endranær.
Nema kannski ef vera skyldi í dag-
blaðinu Degi, þar sem ritstjómar-
stefnan virðist snúast um það eitt að
berja á Spaugstofunni. En það les
þetta nú enginn hvort sem er. Það
stendur líka uppúr að Spaugstofan
hefur alltaf í þessi tíu ár undantekn-
ingarlaust mælst vinsælasti sjón-
varpsþátturinn og það sem okkur
þykir vænst um er að samsetning
áhorfenda er mjög breið, Spaugstof-
an vh'ðist höfða jafnt til áhorfenda
frá 5 ára og upp í fólk á tíræðisaldri.
Við erum búnir að segja hver við
annan á hverju vori í mörg ár að nú
séum við hættir. Við höfum passað
okkur á því að gefa ekki kost á því
að ræða framhald að hausti meðan
við erum enn fullsaddir. Sjálfum
hefur mér fundist að Spaugstofan
væri afskaplega þarft fyrirbæri. Við
höfum leyft okkur að líta á Spaug-
stofuna sem nokkurs konar stjóm-
arandstöðu á hverjum tíma. Spaug-
stofan er á sinn hátt pólitískt fyrir-
bæri og getur veitt ákveðið aðhald.
Oft skiljast hlutimir betur þegar
þeir eru settir í spaugilegt sam-
hengi. Ég er ekki í vafa um að
Spaugstofan hefur haft talsverð
áhrif og í vissum skilningi haft nokk-
ur völd og við gerum okkur mjög vel
grehrfyrir þeirri ábyrgð sem því
fylgir. Áhrifín sáust mjög vel þegar
allt varð vitlaust útaf þættinum um
páskana 1997. Þá fór nú bara allt
þjóðfélagið á annan endann útaf því
sem ég vil leyfa mér að kalla góðlát-
legt grín. Þá komumst við að því
okkur til mikillar furðu þegar átti að
hefja opinbera rannsókn á því hvort
við hefðum framið guðlast að vegir
guðs væru þrátt fyrir allt rannsak-
anlegir! Þegar Spaugstofan er skoð-
uð ofan í kjöhnn þá held ég að fólk
geti verið sammála um að Spaug-
stofan er grafalvarlegt fyrh'bæri.
Það er ekkert fyndið við hana.“
Sumir hafa sagt að ekki sé hægt
að vinna þátt eins og Spaugstofuna
sómasamlega með einungis eina
viku til stefnu. Ætti hún frekar að
vera aðra hverja viku eða lengra á
milli jafnvel?
„Þá held ég að hún myndi alveg
missa marks. Við höfum líka verið
svo heppnir að búa í þjóðfélagi sem
sér okkur fyrir nægu fóðri í vikuleg-
an þátt. Forsendur svona þáttar eru
að vinna efnið hratt og án mikillar
yfírvegunar, koma inn í umræðuna
þegar hún stendur sem hæst. Þetta
er jú eins konar fréttastofa.“
Eftirhermur ekki áhugamál
Eftirhermulistina ber aftur á
góma og nú hvort Pálmi geti hermt
eftir hverjum sem er eða hvort
ákveðnar persónur liggi betur fyrh'
honum en aðrar.
„Nei, því fer fjarri að ég geti
hermt eftir hverjum sem er. Það er
mjög misjafnt hversu auðveldlega
mér tekst að herma eftir mönnum.
Sumir koma strax^ á meðan aðrir
taka lengri tíma. Ég var búinn að
herma eftir Steingrími Hermanns-
syni í dálítinn tíma áður en ég datt
alveg inn í hann. Það gerðist bara
allt í einu. Þetta var reyndar mjög
skrýtið, því ég fann nánast fyrir
honum. Mér leið næstum því einsog
ég væri miðill. Fjölmiðill kannski!"
Það liggur beint við að spyrja
Pálma Gestsson hvort hann hafi
verið hermandi eftir fólki allt frá
barnsaldri. „Nei, ég gerði ekki mik-
ið af því, ekki af fólki sem var í
kringum mig. En ég hafði mjög
gaman af plötunum sem eftirherm-
urnar Karl Einarsson og Jörundur
Guðmundsson gáfu út þegar ég var
strákur. Ég hermdi eftir þeim.
Þetta er ekki áhugamál hjá mér. Ég
æfí mig t.d. afskaplega lítið fyrir
framan spegilinn heima hjá mér. Ég
er latur við þetta og sinni þessu
nánast ekki neitt nema þegar ég
þarf þess vegna vinnunnar. Ég hef
líka oft sparað mér vinnu með því
að horfa á aðrar eftirhermur. Þá sé
ég og heyi'i eitthvað sem ég get not-
að mér og er um leið búinn að stytta
vinnutímann minn um nokkur ár.
Ég held að ef ég ætlaði að verða
virkilega góð eftirherma þá þyrfti
ég að taka á þessu af miklu meiri al-
vöru; æfa mig mikið og pæla meira í
fyrirmyndunum. Sem leikari hef ég
mikinn áhuga á fólki og hef gaman
af að skoða fólk og mannlífið í
kringum mig. Það kom fyrir þegar
ég var í leiklistarskólanum og tók
strætó heim á kvöldin að ég hrein-
lega gleymdi mér á Hlemmi við að
skoða fólkið sem þar átti leið um.“
Verslun, veiðar og
sumarbústaður
Við endum þetta spjall á því að
upplýsa hvað Pálmi Gestsson sé að
fást við utan hins óreglulega vinnu-
tíma.
„Mér þykir orðið best að gera
eitthvað allt annað. Ég hef í haust
verið nokkuð upptekinn af verslun-
inni sem við erum nýbúin að stofna.
Svo fékk ég mér sumarbústaðarlóð
ekki langt frá bænum og hygg á
nokkrar framkvæmdir þar. Svo fer
ég gjarnan á veiðar eftir fugli og
fiski, með vini mínum og Vestfirð-
ingi Róbert Schmidt. Saman eigum
við bátskel sem við förum á útá fló-
ann þegar tækifæri gefst. Gunnar
Eyjólfsson vinur minn sagði við
okkur strákana þegar við vorum að
stíga fyrstu sporin í leikhúsinu:
„Strákar mínir, þið verðið að gera
eitthvað annað líka, annars verðið
þið brjálaðir." Þetta hefur mér orð-
ið æ ljósara eftir því sem tíminn líð-
ur. Leikara er líka lífsnauðsyn að
vera í snertingu við lífið utan við
leikhúsið, vinnan í leikhúsinu bygg-
ist á því að við þekkjum sem flestar
hliðar á samfélaginu. Það versta
sem komið getur fyrir leikara er að
verða fagidjót og missa tengslin við
líf hins almenna borgara. Það jafn-
gildir því að loka fyrir hina skap-
andi uppsprettu."
FROÐI
Leit eftir Stephen King í ís-
lenskri þýðingu Bjöms Jónsson-
ar. I bókinni eru sögur úr rit-
safni Kings, Different Seasons.
Onnur sagan, Fjórir á
ferð, fjallar um fjóra
unglingspilta sem
komast að leyndar-
máli og taka sér ferð
á hendur til þess að
leita lausnar á vandanum.
Hin sagan, Öndunaraðferð
in, segir frá mönnum sem
hittast í klúbbhúsi. Einu
sinni á ári þarf einhver
þeirra að segja hinum frá
lífsreynslu sinni. Og sagan
sem læknirinn í hópnum
hefur að segja er vægast
sagt óvenjuleg og spenn-
andi.
Leit eftir Stephen King var söluhæsta bókin í
flokknum íslensk og þýdd skáldverk samkvæmt bók-
sölulista Morgunblaðsins vikuna 23. - 29. nóvember.