Morgunblaðið - 19.08.1999, Blaðsíða 1

Morgunblaðið - 19.08.1999, Blaðsíða 1
STOFNAÐ 1913 185. TBL. 87. ARG. FIMMTUDAGUR 19. AGUST 1999 PRENTSMIÐJA MORGUNBLAÐSINS Alþjóðasamfelagið bregst skjótt við hörmungunum vegna jarðskjálftans í Tyrklandi Erlendir hjálparstarfs- menn streyma til landsins Ankara, Istanbúl, Izmit, Lundúnum. Reuters. FJÖLDI þeirra er látist hafa af völd- um jarðskjálftans gríðarlega í norð- vesturhluta Tyrklands var í gær- kvöldi talinn vera um fjögur þúsund og um sextán þúsund manns a.m.k. höfðu slasast í hamförunum. Al- þjóðasamfélagið brást í gær afar skjótt við hjálparbeiðni ríkisstjórnar Tyrklands og hafa erlendir hjálpar- starfsmenn streymt til landsins og eru nú um 1.300 slíkir að störfum í landinu. Hefur atburðurinn fært saman forna fjandmenn en í gær bættust Grikkland og Kýpur við þann mikla fjölda ríkja sem boðið hafa fram aðstoð sína til að lina þján- ingar almennings. Þungamiðja hjálparstarfsins var á svæðinu nærri iðnaðarborginni Izmit en þar voru upptök skjálftans að- faranótt þriðjudags. Hins vegar sagði Bulent Ecevit, forsætisráð- herra Tyrklands, í gær að hjálpar- sveitir hefðu enn ekki komist til allra þeirra þéttbýliskjarna er illa urðu úti í skjálftanum vegna örðugleika með fjarskipti og tjóns á samgöngumann- virkjum. Tyrkneska Anato/ia-frétta- stöðin sagði að um fjörutíu klukku- stundum eftir skjálftann væru t.d. um fimm þúsund manns enn innilok- aðir í borginni Golcuk einni. Þá var talið að um 150 manns væru enn grafnir í rústum flotastöðvar tyrk- neska hersins nærri borginni en fyrr um daginn hafði 130 einstaklingum verið bjargað lifandi úr húsarústum. Olíuhreinsunarstöð í hættu Á sömu stundu og hjálparstarfs- menn leituðu að lífsmarki í húsarúst- um í Izmit börðust flugmenn sérút- búinna bandarískra og ísraelskra flugvéla við að slökkva elda í stærstu olíuhreinsistöð Tyrklands sem er nærri borginni en mikil hætta var talin á að verksmiðjan kynni að springa og sagði forsætisráðherrann að eldurinn væri eitt alvarlegasta vandamálið er skapast hefði vegna skjálftans. I gærkvöldi voru fleiri vélar á leið til Tyrklands frá Frakk- landi, Þýskalandi og Grikklandi. Fulltrúar Evrópusambandsins (ESB) lýstu því yfir í gær að ESB myndi veita Tyrkjum andvirði 160 milljóna ísl. króna í neyðaraðstoð vegna skjálftans og ríkisstjórnir margra Evrópuríkja sögðust mundu veita Tyrkjum peningaaðstoð til að koma upp neyðarskýlum, færanleg- um sjúkrahúsum og vatnshreinsi- búnaði. Þá hafa Grikkir, fornir fjend- ur Tyrkja, þegar sent þrjár flutn- ingavélar hlaðnar hjálpargögnum til skjálftasvæðanna og bættust þar með í þann stóra hóp þjóða er sent hafa leitarflokka og tækjabúnað til Tyrklands. Ríkisstjórnir Bandaríkj- anna, Bretlands, ísraels og Dan- merkur eru á meðal þeirra sem þeg- ar hafa sent leitar- og slökkviliðs- flokka til landsins. Kofi Annan, aðal- framkvæmdastjóri Sameinuðu þjóð- anna, lýsti því ennfremur yfir í gær að Tyrkir myndu hljóta alla hugsan- lega aðstoð sem SÞ getur veitt þeim. Almenningur reiður .st.jóriivöldimi Tyrkneskur almenningur sakaði í gær stjórnvöld og hermálayfirvöld harðlega fyrir að bregðast illa við náttúruhamförunum og að ekki væri nóg gert til að leita að þeim sem enn kynnu að finnast á lífi í húsarústum. Forsætisráðherrann sagði að stjórnvöld reyndu að gera Reuters Björgunarmenn koma fyrir búnaði svo bjarga megi ein- um þeirra er fannst á lílí í húsarústum í bænum Sakarya í Norðvestur-Tyrklandi í gær. Á minni myndinni sjást tyrkneskir hermenn koma líkum þeirra er fundist hafa í rústum húsa í borginni Izmit fyrir í ísgeymslu á meðan ástvinur eins fórnarlambanna gengur grátandi hjá. allt sem í þeirra valdi stæði til að bregðast við aðstæðunum og enn biðu hundruð eftir að verða bjargað. Líkurnar á því að finna fólk á lífi fara þó þverrandi með hverri klukkustund er líður. Líkum þeirra er fórust í náttúru- hamförunum var í gær komið fyrir í ísgeymslum til að koma þeim undan miskunnarlausum ágústhitanum við Marmarahaf. Blaðamönnum fíeuters var veittur aðgangur að slíkri bygg- ingu í Izmit í gær og sáust þar raðir af líkum og yfirbugaðir aðstandend- ur að reyna að bera kennsl á fórnar- lömbin. Flutningabílar fiuttu stöðugt fleiri lík á staðinn en talið er að í Izmit einni hafi um eitt þúsund manns látist í skjálftanum. ¦ Reiði beinist gegn/28 Pólitísk framtíð Júgóslavíu Stjórnvöld segjast reiðubúin til kosninga Betgrad. AP, Reuters. HATTSETTUR aðstoðarmaður Slobodans Milosevics Júgó- slavíuforseta sagði í gær að rík- isstjórn landsins væri reiðubúin að ganga snemma til kosninga og brást þannig við gagnrýni stjórnarandstæðinga. Er yfir- lýsing Ivica Dacics, talsmanns Sósíalistaflokks Milosevics, tal- in til marks um að stjórnin reyni nú að lægja óánægjuöldur í landinu en í dag hefur verið boðað til fjölmenns mótmæla- fundar í Belgrad þar sem farið verður fram á afsögn Milosevics og þess krafist að komið verði á fót bráðabirgðastjórn er standi fyrir frjálsum og réttlátum kosningum. „Við teljum að það séu fleiri aðkallandi mál en kosningar sem þjóðin stendur frammi fyr- ir, en ef stjórnarandstaðan vill [kosningar], þá það. Við erum reiðubúnir," sagði Ivica Dacic við fréttastofu AP í gær. Stjórnarandstaðan hefur krafist þess að kosningar verði aðeins haldnar að því tilskildu að al- þjóðlegir eftirlitsmenn komi þar að málum. Dacic vildi hvorki tjá sig um hvort erlendum eftirlits- aðilum yrði leyft að fylgjast með kosningunum né hvenær af þeim gæti orðið. Mladjan Dinkic, forsvarsmað- ur G-17 hópsins og einn af aðal- hvatamönnum mótmælafundar- ins í dag, sagði í viðtali við Reuters í gær að fundurinn yrði afar mikilvægur fyrir framtíðar- þróun í Júgóslavíu, bæði fyrir pólitísk öfl og þjóðina sjálfa. „Ef við náum fleiri en 100.000 manns út á stræti Belgrad mun það verða stjórnarliðum merki um að nú sé síðasta tækifærið til að yfirgefa stöður sínar og stjórnarandstæðingum merki um að þjóðin hefur ekki tíma til að hlusta á innbyrðis deilur," sagði Dinkic. Vargöld ríkir í einu ríkja Venesúela Morð verði ekki stöðvuð RIKISSTJORI í Venesúela hef- ur gefið lögreglu fyrirmæli um að koma ekki í veg fyrir að sjálf- skipaðir löggæslumenn myrði af- brotamenn, að því er breska rík- isútvarpið, BBC, greindi frá. Orlando Fernandez er ríkis- stjóri í Lara-ríki, sem er í mið- hluta landsins. Hann sagði frá- leitt að lögreglan kæmi afbrota- mönnum til verndar þegar glæp- astarfsemi væri útbreidd. „Eg er of upptekinn til að mega vera að því að vernda afbrotamenn," sagði Fernandez. „Ég þarf að gæta heiðarlegs og almennilegs fólks." Glæpum hefur fjölgað gífurlega í Venesúela undanfar- ið. Um svipað leyti og Fernandez lét þessi orð falla réðst múgur manns í öðru ríki á meintan morðingja og brenndi hann til bana. Mannréttindahópar hafa fordæmt viðhorf Fernandezar og sagði fulltrúi mannréttindasam- takanna Provea að Fernandez væri nú orðinn samsekur hinum sjálfskipuðu löggæslumönnum og engu betri en glæpamennirnir. Mannfall í liði Rússa í bardögum í fjöllum Dagestan Rússar fullyrða að sigur vinnist innan skamms Grosní, Makatsjkala, Moskvu. Reuters. ÁTTA rússneskir hermenn féllu og 20 særðust í árás sem uppreisnar- menn í fjallaþorpi í rússneska Kákasuslýðveldinu Dagestan hrundu í gær, að sögn Adilgereis Magomedt- agirovs, ráðherra í héraðsstjórn Dagestans. Sagði hann jafnframt að rússneskir hermenn héldu ótrauðir áfram áhlaupum á þorpið Tando, skammt frá landamærunum að Tsjetsjníu. Ráðherrann upplýsti þetta á fundi stjórnarráðs Dagestans í höfuð- staðnum Makatsjkala, en ígor Sergejev, varnarmálaráðherra Rúss- lands, og fleiri áhrifamenn frá Moskvu sátu fundinn. Sergejev hélt til Dagestan eftir að Borís Jeltsín Rússlandsforseti óskaði eftir þvi að hann tæki að sér lykilhlutverk í að vinna sigur á uppreisnarmönnum, sem lúta forystu nokkurra tsjetsjenskra skæruliðaforingja. Sergejev sagði það ekki mundu taka langan tíma að brjóta mót- spyrnu skæruliðanna á bak aftur og Anatolí Kvasnín, yfirmaður rúss- neska heraflans, tjáði þinginu í Moskvu að uppreisnin yrði brotin á bak aftur innan fárra daga. Kremlverjar treysta heitin Vladímír Pútín forsætisráðherra átti í gær fund í Kreml með þeim Viktor Tsjernomyrdín, Sergei Kíríj- enkó og Sergei Stepasjín. Virðast viðræðurnar aðallega hafa haft það að markmiði að treysta heit stuðn- ingsmanna Jeltsíns og núverandi ríkisstjórnar, nú þegar styttist í þingkosningar. Tilefnið mun ekki sízt vera það að Jevgení Prímakov, og Júrí Lúzhkov hafa snúið bökum saman í nýju kosningabandalagi, sem þykir allsigurstranglegt.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.