Morgunblaðið - 28.10.1999, Blaðsíða 6
6 FIMMTUDAGUR 28. OKTÓBER 1999
MORGUNBLAÐIÐ
f
FRÉTTIR
Þrír menn taldir látnir eftir hörmulegt slys á Mývatni í fyrrakvöld
Voru að
leggja
ljósleiðara
TVEGGJA starfsmanna Landssíma íslands
hf. hefur verið leitað á Mývatni frá því í
fyrrinótt en þeir höfðu unnið að bráða-
birgðaviðgerð á ljósleiðarastreng sem ligg-
ur um Ytriflóa og slitnað hafði á þriðjudag.
Mennirnir lögðu út á vatnið frá sunnan-
verðum Neslandatanga vestan við Ytriflóa
um kvöldmatarleytið á þriðjudag en þá var
að Ijúka tengingum á ljósleiðara til bráða-
birgða.
Sambandið komst á aftur á ljósleiðarann
í gærmorgun en ljósleiðarastrengurinn
slitnaði á þriðjudag. Starfsmenn Kísiliðj-
unnar voru að draga efnistökupramma að
landi er leiðarinn slitnaði og tókst starfs-
mönnum Landssímans að gera við til
bráðabirgða um kl. 4.80 í gærmorgun.
Nokkrir yfírmenn Landssimans héldu
norður í gærmorgun og með þeim voru
sérfræðingar í áfallahjálp. Ólafur Stephen-
sen, forstöðumaður upplýsinga- og kynn-
ingarmála Landssímans, segir að mennirn-
ir sem saknað er hafí áratuga starfsreynslu
hjáLandssímanum.
Ólafur tjáði Morgunblaðinu í gær að
starfsmenn Landssimans hefðu verið send-
ir til viðgerða á Ijósleiðaranum. Tveir
komu frá Húsavík, tveir frá Akureyri og
frá ljósleiðaradeildinni í Reykjavík voru
sendir fjórir menn. Þeir hefðu hafíst handa
við viðgerð í Mývatnssveit um hádegi á
þriðjudag. Síðdegis hefði tekist að tengja
ljósleiðarann austan megin við Ytriflóa og
þegar bráðabirgðatengingu var lokið sunn-
anvert við flóann héldu þrír menn þaðan á
báti frá Kísiliðjunni, tveir frá Landssíman-
um og einn frá Kísiliðjunni. Veður mun
ekki hafa verið orðið verulega slæmt þá en
versnað skyndilega.
Kl. Atburðarásin
10.30 Ljósleiðari slitnar.
19.00 Viðgerðamenn leggja í lokaferðina út á vatnið.
20.30 Þrír starfsmenn Kísiliðjunnar halda til leitar á dráttarbáti sem strandar.
22.30 Lögregíunni í Húsavík gert viðvart um að mannanna sé saknað.
22.50 Björgunarsveitir kallaðar út.
03.00 Dráttarbáturinn losnar af strandstað.
03-04 Éinn þremenninganna sem saknað var finnst látinn.
06.45 Þyrla Landhelgisgæslunnar hefur leit.
07.20 Þyrla Landhelgisgæslunnur finnur bát þremenninganna sokkinn.
Morgunblaðið/Golli
Kafarar og björgunarsveitarmenn leituðu í Mývatni í allan gærdag.
Morgunblaðið/Kristján
Bóas Gunnarsson hélt út til
leitar að mönnunum í fyrra-
kvöld, en bátur hans strandaði
í vondu veðri.
Leitarmenn gengu með ströndinni í allan gærdag. Notast var við hunda við leitina.
Björgunarsveitarmenn, kafarar og hundar leita við erfíðar aðstæður
Tveggja manna
er enn saknað
KARLMAÐUR fannst látinn í vest-
anverðum Ytriflóa í Mývatni seint í
fyrrinótt og tveggja er saknað eftir
að 15 feta trébátur, sem þeir voru
að vinna á, sökk í fyrrakvöld. Sá
sem fannst látinn var Mývetningur
á fertugsaldri, starfsmaður Kísiliðj-
unnar, en hinir eru báðir á sextugs-
aldri, annar frá Húsavík og hinn frá
Reykjavík og eru þeir báðir starfs-
menn Landssíma Islands hf. Ekki
er unnt að greina frá nafni mann-
anna að svo stöddu.
Smári Sigurðsson, björgunar-
sveitarmaður á Akureyri, sem er í
stjómstöð leitarinnar tjáði Morgun-
blaðinu í gær að leit yrði haldið
áfram af fullum krafti. Kafarar bíða
þess að gruggið í vatninu setjist til
þannig að skyggni lagist. Um leið
og það gerist verða þeir sendir af
stað.
Vonskuveður var er slysið varð.
Björgunarsveitir í Mývatnssveit og
næsta nágrenni voru kallaðar út
skömmu fyrir kl. 23 en áður höfðu
heimamenn, sem farnir voru að ótt-
ast um mennina, grennslast fyi-ir
um þá eftir að veðrið fór að versna
til muna um kvöldmatarleytið.
Tveir starfsmenn Kísiliðjunnar
og einn frá Landssíma Islands hf.
fóru til leitar á dráttarbáti Kísiliðj-
unnar um kl. 20.30 í fyrrakvöld en
ekki vildi betur til en svo að dráttar-
báturinn strandaði. Mennina sakaði
ekki en þeir komust ekki aftur að
landi fyrr en um 6 klukkustundum
síðar.
Björgunarsveitir á Eyjafjarðar-
svæðinu og í Skagafírði voru kall-
aðar til aðstoðar skömmu fyrir
miðnætti og voru þær að koma í
Mývatnssveitina fram eftir nóttu.
Einnig tók þyrla Landhelgisgæsl-
unnar, TF LÍF, þátt í leitinni að
mönnunum tveimur í gærmorgun.
Þyrla fínnur bátinn
Þyrlan fann bát mannanna um kl.
7.20 í gærmorgun í Ytrifióa. Björg-
unarsveitarmenn gengu strand-
lengju vatnsins og einnig voi’u not-
aðir blöðrubátar við leitina. Sér-
þjálfaðh’ leitarhundar komu einnig
við sögu bæði á landi og úti á vatn-
inu. Var farið með þá í bátum
snemma í gærmorgun og aftur eftir
að birti í gær.
Mennirnir voru að vinna við lagn-
ingu bráðabirgðaljósleiðarastrengs
í vatnið eftir að aðalstrengurinn fór
í sundur. Þeir áttu eftir að fergja
strenginn og var báturinn því fullur
af blýi er slysið varð. Mikill öldu-
gangur var á vatninu og er talið er
að báturinn hafi fengið inn vatn að
aftan og sokkið. Hann fannst á
þriggja til fjögurra metra dýpi og
sneri skuturinn niður en stefnið
upp. Bátur mannanna var dreginn
til lands skömmu fyrir hádegi í gær
og var ekki að sjá að hann hafi orðið
fyrir skemmdum.
Um 40-50 manns tóku þátt í leit-
inni í einu og 8 hundar þegar mest
var. Smári Sigurðsson sagði að
leitin í fyrrinótt hefði farið fram
við mjög erfiðar aðstæður, myrk-
ur, vatnið gruggugt og krapi á
fjöru.
Kafarar áttu mjög erfítt um vik
og þá sérstaklega í fyrrinótt og
sagði Njáll Viðar Hákonarson,
björgunarsveitannaður úr Aðaldal,
að aðstæður til köfunar hefðu verið
þær verstu sem hugast gat. Leitar-
menn á slöngubátum reyndu að
slæða vatnið með neti en án árang-
urs og hundarnir höfðu heldur ekki
erindi sem erfiði.
í gærmorgun, þegar tók að birta,
var skipt um leitarfólk og svæðið
þar sem báturinn fannst fínkembt
með köfurum og sérútbúnum krók-
um en síðan voru hundarnir látnir
fara aftur yfir svæðið eftir að búið
var að róta í botninum. Þá gengu
björgunarsveitarmenn um stærri
hluta strandlengjunnar en án ár-
angurs.
Bóas Gunnarsson, verkstjóri í
dælustöð Kísiliðjunnar, var einn
þeirra sem fóru til leitar að mönn-
unum á dráttarbáti fyrirtækisins.
„Við vorum kallaðir út þegar þeir
ekki skiluðu sér en þá var komið
snarvitlaust veður. Þegar við kom-
um vestur af landinu strandaði bát-
ur okkar í þeirri vík sem maðurinn
fannst síðar og við vorum því á rétt-
um stað. Við reyndum að róa bátn-
um áfram en án árangurs og gekk
ekki að losa hann fyrr en við feng-
um annan mann á plastbáti til að
toga í okkur, auk þess sem við nut-
um aðstoðar tveggja froskmanna.
Þegar við sáum að búið var að finna
einn manninn og eitthvað af rusli úr
bátnum, keyrðum við í land eftir að I
við losnuðum af strandstað um kl.
3.“
Sigbjörn Gunnarsson, sveitar-
stjóri í Mývatnssveit, sagði menn
verða vanmáttuga á svona stundu.
„Fólk hefur hringt hingað stans-
laust í dag til að leita frétta enda
margir hræddir. Þetta er mikili
sorgardagur hér í sveitinni og hug-
ur fólks er hjá ættingjum og ást-
vinum mannanna. Slysin gera ekki
boð á undan sér en þarna voru í
það minnsta tveir mjög reyndir
menn á ferð og heimamaðurinn vel
kunnugur vatninu og öllu hér,“
sagði Sigbjörn.