Morgunblaðið - 28.10.1999, Page 15

MORGUNBLAÐIÐ
FIMMTUDAGUR 28. OKTÓBER 1999 15
LANDIÐ
Morgunblaðið/Guðlaug Ámadóttir
Menntamálaráðherra Prince Edward-eyju, Chester Gillian, í heim-
sókn í Hafnarskóla.
Menntamálaráðherra
Prince Edward-eyju í heimsókn
Boðið að spila
Hornafj arðarmanna
Hornafirði - Menntamálaráðherra
Prince Edward-eyju, Chester Gilli-
an, heimsótti Hornafjörð, ásamt að-
stoðarfólki sínu, á ferð sinni til Is-
lands. Voru þeim kynntar mennta-
stofnanir Hornfirðinga auk þess sem
framsæknar hugmyndir um stofnun
Nýheima, afls í atvinnuþróun, ný-
sköpun og menntun á Hornafirði,
voru kynntar gestunum. Var gestun-
um alls staðar vel tekið og virtust
nemendur á öllum aldri áhugasamir
og allsendis óhræddir við að tala
ensku og virtist það koma gestunum
á óvart.
I Hafnarskóla voru gestunum
færð sérstök spil gerð til að spila
hinn geysivinsæla Hornafjarð-
armanna en nafnið stóð þó aðeins í
gestunum þar sem þeir héldu að um
peningaspil (money) væri að ræða.
Ráðherrann sagði í samtali við
fréttamann að sér virtust íslenskir
skólar vera mjög góðir og það hefði
vakið athygli hans hversu létt hafi
verið yfir bæði nemendum og kenn-
urum. Stjórnvöld á Prince Edward-
eyju hafa áhuga á að bæta þjónustu
við yngri börn en börn á grunnskóla-
aldri og var það m.a. ástæða heim-
sóknarinnar hingað; að kynna sér
starf leikskólanna hér á landi og
kennslu yngri barna. Þegar ráðherr-
ann var spurður álits á hugmyndum
Hornfn'ðinga um Nýherjabúðir var
hann varkár í svörum, sagði að ekki
ólíkar hugmyndir væru uppi á Prince
Edward-eyju. Hann sagði að svo
byltingarkenndar hugmyndir krefð-
ust tíma til að þróast en hann hefði
ekki nokkrar efasemdir um ágæti
þeirra.
Morgunblaðið/Sigurður Aðalsteinsson
Fjósið sett undir þak
Vaðbrekku, Jökuldai - Birgir Ás-
geirsson bóndi á Fossvöilum hefur
verið að stækka hjá sér fjósið til að
búa í haginn svo hann geti ijölgað
kúnum. Það kann að þykja bjart-
sýni nú á tímum samdráttar í iand-
búnaði. Samt þýðir ekki að leggja
árar í bát í volæði, þá er sókn besta
vörnin og sennilega angi af helstu
bjargráðunum sem boðuð eru að
stækka búin og fækka þeim. Þá er
bara að hrökkva eða stökkva; ann-
aðhvort að hætta eða stækka.
Á myndinni eru Snæbjöm Óla-
son og Hafliði Hjarðar ásamt Birgi
bónda á Fossvöllum leggja niður
ijörupappann áður en þeir negla
jámið á Qósið.
Helgusafn fær gjafír
Morgunblaðið/Friðrik J. Hjartar
Arndís Þórðardóttir bókavörður ásamt kvenfélagskonum, fulltrúum
gefenda og fiditrúar lista- og menningarnefndar fyrir hönd þiggjenda
við afhendingu lespúltanna.
Ólafsvík - Nýlega færði Kvenfélag
Ólafsvíkur Helgusafni að gjöf tvö-
falt lespúit með hillum, lýsingu og
aðstöðu fyrir tölvur til minningar
um fyrrverandi félaga, Láru
Bjarnadóttur, kaupmann í Ólafs-
vík. Gjöf þessi auðveldar mjög
alla vinnu við þau gögn og þær
merkilegu heimildir sem safnið
geymir, en efni er helst ekki lán-
að út af þessari deild safnsins.
_ Helgusafn er hluti af bókasafni
Ólafsvíkur og samanstendur af
mikilli bókagjöf sem Lúðvík
Kristjánsson, fræðimaður og rit-
höfundur, gaf safninu til minning-
ar um eiginkonu sína, Helgu Jóns-
dóttur Proppéj sem var fædd og
uppalin hér í Ólafsvík, dóttir Jóns
Proppé, verslunarmanns í Ólafs-
vík.
Að sögn bókavarðar, Arndísar
Þórðardóttur, er í Helgusafni
margt góðra bóka og fágætra, allt
frá 18. öld, ekki síst með íslensk-
um fróðleik frá fyrri öldum.
Einnig eru þar mörg fræðirit og
tímarit. Lúðvík er þekktur fyrir
skrif sín um íslenska sjávarhætti.
Hann viðaði að sér norskum,
dönskum og færeyskum bókum
um sama efni til að styðja fræði-
störf sín, en einnig er í safninu að
fínna margt bóka sem tengist
frelsisbaráttu Jóns Sigurðssonar.
Af heildstæðum innbundnum
söfnum tímarita má nefna fallegt
eintak af „Klausturpóstinum“,
sem er fyrsta tímaritið sem gefið
var út á Islandi.
Fulltrúar lista- og menningar-
nefndar Snæfellsbæjar, sem
einnig fer með málefni bókasafns-
ins, þær Kolbrún Björnsdóttir,
Anna Þóra Böðvarsdóttir, Katrín
Ríkharðsdóttir og Sigrún Guð-
mundsdóttir veittu gjöfinni við-
töku, en af háifu gefenda voru
mættar Margrét Jónasdóttir, for-
maður Kvenfélags Ólafsvíkur, Að-
alsteina Sumarliðadóttir og Árný
Bára Friðriksdóttir.
Bókavörður upplýsti að vaxandi
notkun væri á safninu, og hefur
ekki síst Qöldi barna og unglinga
aukist meðal safngesta á undan-
förnum árum. Verið er að vinna
að tölvuvæðingu safnsins, en það
mun auka notagildi þess til muna
og létta alla heimildaöfiun.
Morgunblaðið/Sigurður Jónsson
Karlakór Selfoss tók lagið við opnun nýja félagsheimilisins.
Karlakór Selfoss í
nýtt félagsheimili
Selfossi - Karlakór Selfoss opnaði
formlega nýtt félagsheimili á laugar-
dag 23. október. Frá stofnun kórsins
hefur starf hans og kóræfingar farið
fram í leiguhúsnæði víða á Selfossi.
Kórinn hefur allt frá stofnun staðið
fyrh' reglubundnu tónleikahaldi á
Selfossi og víðar. Hann hefur þegar
gefið út einn geisladisk og annar er
væntanlegur nú fyrir jólin.
Undanfarin 14 ár hafa konur
karlakórsmanna starfrækt kvenna-
klúbb sem stutt hefur starf kórsins á
margan hátt og átti hann sinn hlut
að því að nýja félagsheimilið varð að
veruleika.
Nýja félagsheimilið er á annarri
hæð að Eyravegi 40 þar sem er góð-
ur söng- og fundarsalur ásamt eld-
húsi og skrifstofuherbergi. Góður
hljómur er í salnum og sagði Eyvind-
ur Þórarinsson, formaður kórsins, að
Guðríður Egilsdóttir og
Eyvindur Þórarinsson.
nýja aðstaðan myndi efla mjög söng-
starf kórsins og félagsstarfið sem
fylgir kórstarfinu. Undir þau orð tók
Guðríður Egilsdóttir, formaður
kvennaklúbbsins.
Vegaframkvæmdir á Tjörnesi.
Morgunblaðið/Silli
Y egaframkvæmdir
á Tjörnesi
Húsavík - Vegaframkvæmdir í
Þingeyjarsýslum á líðandi ári hafa
verið mestar á Tjömesi. Er nú lokið
uppbyggingu og klæðningu vegar-
kaflans frá Héðinshöfða að Hring-
veri.
Vegurinn fyrir Tjörnes mun vera
með dýrustu framkvæmdum í vega-
gerð vegna gilja og brattra brekkna
og efni þarf langt að sækja. Yfir
Rekárgil var farið í sumar og þar
var vegurinn mikið hækkaður.
Klæðning í Garðabæ var verktaki
framkvæmdanna í sumar og hefur
nú lokið þeim. Á næsta ári er áform-
að að byggja upp og klæða veginn
frá Hringveri og að Máná en á
þeirri leið eru tvö gil, Skeifárgil og
Hallbjarnarstaðagil, auk fleiri tor-
færna.