Morgunblaðið - 30.10.1999, Page 72

íit (Íftrtt H ' t \ A i
72 LAUGARDAGUR 30. OKTÓBER 1999
KIRKJUSTARF
Safnaðarstarf
Guðfræðinemar
^ taka þátt í
messu í Hafnar-
fjarðarkirkju
Á MORGUN, sunnudag, munu guð-
fræðinemar við Háskóla íslands
sækja Hafnarfjörð heim og minnast
þar siðbreytingar Lúters. Hún er
talin hafa hafist 31. október 1517
með þvi að Marteinn Lúter negldi
skjal á hurð hallarkirkjunnar í
Wittenberg, sem fól í sér 95 athuga-
semdir við háttsemi kirkju þess
tíma.
Guðfræðinemar taka þátt í messu
í Hafnarfjarðarkirkju sem hefst kl.
1 4. Dr. Hjalti Hugason prófessor,
forseti guðfræðideildar, prédikar og
guðfræðinemar lesa ritningarorð.
Pretar verða sr. Þórhildur Olafs og
sr. Gunnþór Ingason. Eftir mess-
una mun dr. Gunnar Kristjánsson
prófastur stýra opnun umræðum í
Strandbergi um gildi siðbreytingar-
innar og áhrif samkirkjulegs starfs í
samtíð.
Eftir þær umræður líta guðfræði-
nemar inn í St. Jósefskirkju. Þar
mun sr. Patrick Brean, prestur kaþ-
ólska safnaðarins í Hafnarfirði,
gera þeim grein fyrir starfi kaþ-
c ólskra hér á landi og fylgja þeim
síðan í Karmelklaustrið þar sem
þeir munu eiga bænastund með
Karmelsystrum og hlýða á söng
þeirra. Guðfræðinemar sækja svo
Taizé-messu í Hafnarfjarðarkirkju
kl. 18. Prestur verður sr. Þórhildur
Ólafs.
Er guðfræðinemar minnast nú
siðbreytingarinnar með þessum
hætti vísa þeir til þess að dýrmætt
sé að samkirkjulegt starf eflist í
framtíð til framgangs kristni á nýrri
öld.
Prestar Hafnarfjarðarkirkju.
Samkoma
hjá KFUM og
KFUK
SAMKOMA verður sunnudag í að-
alstöðvum KFUM og KFUK við
Holtaveg kl. 17. Dagskrá samkom-
unnar verður í umsjá miðbæjar-
starfs KFUM og KFUK. Stjórn-
andi samkomunnar verður sr. Jóna
Hrönn Bolladóttir, miðbæjarprest-
ur KFUM & K.
Fluttar verða glóðvolgar fréttir
úr næturlífi Reykjavíkurborgar og
A miðbæjarstarfi KFUM og KFUK.
Unglingar úr miðbæjarstarfinu lesa
úr ritningunni og syngja og hug-
vekju flytur Bolli Pétur Bollason
guðfræðinemi. Boðið verður upp á
samverur fyrir böm á meðan á sam-
komunni stendur. Skipt verður í
hópa eftir aldri svo allir fái eitthvað
spennandi við sitt hæfi.
Eftir samkomuna verður seld
samfélagseflandi máltíð á fjöl-
skylduvænu verði.
Komið, heyrið og upplifið, ef þið
þorið, hvað þau í miðbæjarstarfi
KFUM & K hafa fram að færa.
Samkomutími er u.þ.b. ein klukku-
stund. Allir velkomnir.
Sigurbjörn Þorkelsson,
framkvæmdastjóri KFUM
og KFUK í Reykjavík.
Guðsmyndin í
bænaversum
séra Hallgríms
Á FRÆÐSLUMORGNI í Hall-
grímskh-kju í fyrramálið kl. 10 mun
sr. Sigurður Pálsson flytja erindi
um guðsmyndina sem birtist í
bænaversum sr. Hallgríms Péturs-
sonar. Þeir sem rannsakað hafa
áhi-if trúaruppeldis á böm hafa leitt
í ljós að hver einstaklingur ber með
sér tiltekna mynd af Guði sem sett
er saman úr áhrifum sem böm
verða fyrir í bemsku ásamt trúar-
legum uppeldisáhrifum.
Sumir bera með sér mynd af
ströngum og refsandi guði en aðrir
af mildum og fyrirgefandi guði. Sr.
'Sigurður mun reifa spuminguna:
Hvað hefur sr. Hallgrímmur lagt til
guðsmyndar íslenskra barna undan-
farin 350 ár?
Gospel-messa í
Vídalínskirkju
Á MORGUN, sunnudag, kl. 11
verður Gospel-messa í Vídalíns-
kirkju í Garðabæ. Þá mun kór kirkj-
unnar, ásamt Jóhanni Baldvinssyni
organista, Matthíasi Hemstock
slagverksleikara og Jóni Rafnssyni
kontrabassaleikara, flytja Gospel-
tónlist, sem á rætur að rekja til trú-
arlegra söngva blökkumanna í Am-
eríku í stað hefðbundinna sálma.
Flestir söngvarnir eru sungnir á
ensku en kirkjugestir fá í hendur ís-
lenska þýðingu textanna.
Hverju trúa þeir?
KRISTNIR menn skiptast í margar
mismunandi kirkjudeildir. Hvað
greinir þær að og hvað em þær
sammála um? Hver er munurinn á
frjálsu söfnuðunum og þjóðkirkj-
unni? Hverju trúa þeir í Veginum
og hvað kenna þeir í Krossinum?
Hvað merkja orð eins og Fullorð-
insskírendur, meþódiskar, hvíta-
sunnumenn? Af hverju bamaskím?
Hvers vegna verða alltaf til nýir
söfnuðir? Hvemig þróast líf nýrra
safnaða?
Kennt verður á Holtavegi 28 á
mánudögum 1.-15. nóv. kl. 20-22.
Kennarar Gunnar J. Gunnarsson
lektor og Pétur Pétursson prófess-
or. Gunnar fjallar um kirkjudeildir
og mismun þeirra, en Pétur um þró-
un og trúarlífssálfræði safnaða.
Skráning er í síma 588 8899.
„Ný kynslóð“
í Frelsinu
UM HELGINA verður bylting í
Frelsinu, kristilegri miðstöð, með
Stephan og Anne Christiansen.
Byltingin fjallar um kynningu á
stofnun nemenda og stúdentafé-
lagsins „Ný kynslóð“ en þau Steph-
an og Anne standa fyrir slíku starfi
í Noregi þar sem 429 mismunandi
kirkjur standa að baki og yfir 3.500
nemendur em virkir þátttakendur.
Einnig standa þau fyrir öflugri
þjónustu sem heitir Jesus
Revolution.
Samkoma kl. 20 í kvöld að Héð-
insgötu 2 og á morgun, sunnudag,
kl. 20 í Fríkirkjunni Veginum,
Smiðjuvegi 5, Kópavogi. Allir em
velkomnir á samkomumar.
Laugarneskirkja. Málþing kl. 14-18
á vegum Fullorðinsfræðslu Laugar-
neskirkju. Kynlífsiðnaður á íslandi.
Neskirkja. Kirkjuganga Reykjavík-
urprófastdæmanna í tilefni 1.000
ára afmælis kristnitöku á íslandi.
Lagt af stað frá BSÍ kl. 10 með
rútu. Gengið frá Seltjarnarnesi að
Neskirkju. I Neskirkju verður sagt
frá kirkju og söfnuði og boðið upp á
kaffisopa. Félagsstarf aldraðra:
Ferð um Kjalames. Lagt af stað frá
kirkjunni kl. 13. Kaffiveitingar að
Hlaðhömmm. Allir velkomnir. Sr.
Frank M. Halldórsson.
Fríkirkjan Vegurinn: Fjölskyldu-
hátíð kl. 11. Komum saman og fögn-
uður í húsi drottins. Léttar veiting-
ar eftir samkomuna. Samkoma kl.
20. Stephan Christiansen prédikar.
Allir hjartanlega velkomnir.
Hjálpræðisherinu. Kl. 13 laugar-
dagsskóli fyrir krakka.
KEFAS, Dalvegi 24. Samkoma kl.
14. Ræðumaður Björg R. Pálsdótt-
ir. Þri.: Bænastund kl. 20. Fræðsla
kl. 20.30 í umsjón Helgu R. Ár-
mannsdóttur. Mið.: Samvemstund
unglinga kl. 20.30. Allir hjartanlega
velkomnir.
titskálaprestakall. Safnaðarheimil-
ið Sandgerði. Kirkjuskólinn kl. 11.
Sæborg, safnaðarheimili kirkjunn-
ar. Kirkjuskólinn kl. 13.30.
Hvammstangakirkja. Sunnudaga-
skóli kl. 11.
Akraneskirkja. Kirlguskóli kl. 11.
TTT-starf (10-12 ára) kl. 13. Stjóm-
andi Elín Jóhannsdóttir. Unglinga-
kórinn: Æfing í Safnaðarheimilinu
Vinaminni kl. 14. Stjórnandi Hann-
es Baldursson.
_____________________MORGUNBLAÐIÐ
í DAG
VELVAKANPI
Svarað í síma 569 1100 frá 10-12 og 13-15
frá mánudegi til föstudags
Þakkir vegna
greinar
ÉG VIL koma á framfæri
þökkum vegna greinar
Ingibjargar Drafnar Ár-
mannsdóttur, sem birtist í
Morgunblaðinu 28. októ-
ber sl. undir heitinu „Okk-
ur er úthýst“. Greinin er
mjög þörf og holl aflestrar
og ekki síst ráðamönnum
þjóðarinnar.
Skrifstofumaður
og öryrki.
Til íhugunar
ÞAU mistök áttu sér stað
að í pistli Guðrúnar Jac-
obsen féll niður ein máls-
grein og er hún beðin vel-
virðingar á því og er
pistillinn því birtur hér í
heild sinni:
Fjögurra ára telpu-
hnokki var sendur sál-
fræðingi til athugunar
vegna þess að stúlkubarn-
ið málaði allar myndir
með svörtum lit. Þetta
þótti ískyggilegt. Telpan
greindi heldur ekki mun á
ljósbláu og dökkbláu og
svo framvegis.
Síðar kom í ljós að
barnið vantaði gleraugu.
Ekki tók skárra við þegar
sálgreinirinn bað telpuna
að láta tiltekinn kubb við
enda á borð. Hún setti
kubbinn á mitt borð. Nið-
urstaða: Barnið illa upp-
alið - ef ekki þroskaheft.
Svo vildi bara til að
blessað barnið átti sínar
bestu minningar um
kringlótta borðið hans afa
og hennar ömmu í sveit-
inni...
I dag er telpan fullvaxin
stúlka, dúx í stærðfræði.
Hvort þakka ber sálfræð-
ingnum veit ég ekki - en á
misjöfnu þrífast víst börn-
in best.
Nú, gegnum tímans rás
hefur margur æskumað-
urinn glímt við stam, jafn-
vel allt fram á efri ár.
Hvort stamið á eitthvað
skylt við orðið „hérna“
sem lærðir sem leiknir
nota í viðtalsþáttum fjöl-
miðla í tíma og ótíma er
ég ekki nær um, nema
hvað mér féll allur ketill í
eld síðastliðinn vetur þeg-
ar einn sérfræðingurinn,
reyndar ekki sálfræðing-
ur, notaði orðið „hérna“
fimmtíu sinnum í frekar
stuttu viðtali.
Guðrún Jacobsen.
Hver kannast
við Ijóðið?
SIGRÍÐI langaði að vita
hvort einhver kannist við
ljóð og höfund ljóðs, sem
hefur þessar línur innan-
borðs: „Hef ég ei verið
þér hlýðinn og góður eða
hefi ég svikið það.
Tryggðabáran brotnar
við sker í brimlöðri kær-
leikans". Ef einhver
kannast við þetta, er
hann beðinn að hafa sam-
band við Sigrúnu í síma
555-1976.
Tapað/fundið
Omega-gullúr
í óskilum
OMEGA-kvengullúr
fannst á milli Mánagötu
og Rauðarárstígs mánu-
daginn 25. október sl.
Upplýsingar hjá Ómari í
síma 562-7233 og 557-5836
eftir kl. 18.
Lyklakippa
fannst
LYKLAKIPPA fannst við
göngustíginn í Kópavogs-
dal sunnudaginn 24. októ-
ber sl. Lyklakippan er
með bleiku plastspjaldi.
Upplýsingar í síma 554-
3747.
Dýrahald
Perla er týnd
HÚN Perla er búin að
vera týnd síðan 11. októ-
ber. Hún hvarf frá Furu-
lundi 4 í Garðabæ. Perla
er grábröndótt og merkt.
Ef einhver veit um ferðir
hennar er hann beðinn að
hafa samband við Ara í
síma 565-3494.
Kettlingar fást
gefins
TVEIR kolsvartir gullfal-
legir kettlingar, fress og
læða, tveggja og hálfs-
mánaða gamlir, fást gef-
ins á gott heimili. Þeir eru
barnelskir og kassavanir.
Upplýsingar í síma 552-
5859.
Morgunblaðið/Brynjar Gauti
Víkverji skrifar...
VÍKVERJI var sem oftar að
hlusta á útvarpið nú í vikunni
og datt þá óvart inn í spjallþátt þar
sem þekktur útvarpsmaður sagði
frá verslunarleiðangri í Kringlunni,
en hann var að leita sér að ákveð-
inni gerð af sokkum. Fór maðurinn í
margar búðir og fann sokkana loks í
ónefndri tískuverslun, en þar kost-
uðu þeir hátt á þriðja þúsund krón-
ur. Þetta fannst manninum að von-
um alltof hátt verð fyrir sokkana og
hélt áfram leit sinni þar til hann
kom í fataverslun Hagkaups. Þar
fann hann nákvæmlega eins sokka,
sem kostuðu aðeins 199 krónur.
Þessi litla saga undirstrikar mik-
ilvægi þess að neytendur haldi vöku
sinni og láti ekki bjóða sér hvað sem
er þegar vöruverð er annars vegar.
Með því eina móti verður hægt að
ná óheyrilega háu vöruverði í land-
inu niður í það sem eðlilegt getur
talist og tíðkast í nágrannalöndum
okkar.
XXX
FRÉTTAFLUTNINGUR af
„Rússagullinu" svokallaða hefur
rifjað upp í huga Víkverja ýmsar
minningar, bæði ljúfar og sárar.
Þegar Víkverji var að alast upp
vestur í bæ á sjötta og sjöunda ára-
tugunum var „kalda stríðið" í al-
gleymingi og miklar sviptingar í
pólitíkinni. Þá var ekkert sjónvarp,
en dagblöðin fluttu mönnum fréttir
af atburðum á líðandi stund. I sveit-
inni sá Víkverji aldrei annað en
Tímann og því munaði minnstu að
hann yrði framsóknarmaður til
frambúðar. Það sem kom í veg fyrir
það stórslys var hins vegar Morg-
unblaðið, sem var í hávegum haft á
heimili Víkverja.
Á síðum Morgunblaðsins hlaut
Víkverji sitt pólitíska uppeldi og
gekk hann því í Heimdall um leið og
hann hafði aldur til. Sem fæddur og
uppalinn vesturbæingur varð Vík-
verji sjálfkrafa KR-ingur og er því
„þriggja stjörnu Islendingur", eins
og það var skilgreint á sínum tíma
og miðaðist við að vera „vesturbæ-
ingur, KR-ingur og sjálfstæðismað-
ur“. Þannig geta fjölmiðlar, um-
hverfi og aðstæður mótað skoðanir
og lífsstfl manna.
XXX
FRÉTTAMYND af sovéskum
hermanni með alvæpni, sem
tekin var þegar Rússar voru að
berja niður uppreisnina í Ungverja-
landi árið 1956, hefur aldrei liðið
Víkverja úr minni og sjálfsagt hefur
sá atburður öðrum fremur mótað
pólitísk viðhorf hans á þessum ár-
um. Önnur frétt frá árinu 1963
stendur Víkverja einnig ljóslifandi
fyrir hugskoti, en sú frétt greindi
frá því þegar sovéskir sendiráðs-
menn reyndu að fá Islending til að
njósna fyrir sig, og hafa þeir at-
burðir eitthvað tengst fréttaflutn-
ingi af „Rússagullinu“ að undan-
förnu.
Lýsing dagblaðanna á atburða-
rásinni á sínum tíma var eins og í
spennandi reyfara og verður Vík-
verja sérstaklega minnisstætt
hvernig íslensku lögreglumennmnir
leyndust í aftursæti bifreiðar Is-
lendingsins þegar hann mælti sér
mót við Rússana við Hafravatn.
Ekki eru tök á því að fara nánar út í
gang mála í þessum pistli en gaman
væri ef einhver fjölmiðillinn tæki
sig til, klæddi málið í félagslegan
búning og rifjaði upp þessa atburði,
sem voru vitaskuld hápólitískir á
sínum tíma.
Víkverja er heldur ekki örgrannt
um að þessi saga gæti orðið efni í
góða spennukvikmynd. Með því að
bæta inn í atburðarásina lítilli ástar-
sögu (kannski með einni kynlífs-
senu), vænum skammti af slagsmál-
um, hraðaakstri og ef til vill einu
morði væri hér komið pottþétt
„kassastykki" í takt við tíðarandann
nú í lok aldarinnar.