Morgunblaðið - 14.11.1999, Qupperneq 18

18 SUNNUDAGUR 14. NÓVEMBER 1999
MORGUNBLAÐIÐ
ÍÞRÓTTIR
Bakke
tekur
við af
Terti
DANINN Hans Bakke
tekur líklega við þjálfun
eistneska landsliðsins í
knattspyrnu af Teiti
Þórðarsyni. Það getur þó
ekki orðið fyrr en um
mitt næsta ár, þar sem
Bakke er samningsbund-
inn sem þjálfari danska
úrvalsdeildarfélagsins
Álaborgar.
Ekki spurning um
hvort heldur hvenær
„Það er aðeins spurn-
ing um hvenær Bakke
getur tekið við. Ekkert
hefur verið skrifað und-
ir, en ég vonast til þess
að það verði hægt innan
25 daga,“ sagði Aivar
Pohlak, stjórnarmaður
eistneska knattspyrnu-
sambandsins í gær.
Áætlað er að þar til þá
verði landsliðið undir
stjórn aðstoðarmanns
Bakkes.
HANDKNATTLEIKUR
Wislander áfram
í herbúðum Kiel
Magnus Wislander,
leikstjórnandi heims-
meistara Sviþjóðar í
handknattleik og
þýska meistaraliðsins
Kiel, hefur skrifað
undir nýjan samning
við félagið sem gildir
til loka leiktíðarinnar
í sumarbyrjun 2001.
Wislander hafði áður
gefíð í skyn að hann
hygðist leggja skóna
á hilluna eftir Ólymp-
íuleikana næsta
haust þar sem hann
hygðist freista þess
að vinna gull á leik-
unum en það er það
eina sem hann hefur
ekki unnið með
sænska liðinu á löng-
um ferli sínum, en
Wislander er nú 35
ára.
Wislander hefur verið í herbúð-
um Kiel síðan 1989 og hefur síð-
ustu ár verið fyrirliði liðsins, sem
hefur verið sérlega sigursælt,
unnið fímm sinnum þýska meist-
aratitilinn, í tvígang verið bikar-
meistari og einu sinni staðið uppi
sem sigurvegari í EHF-keppninni.
Vonast Wislander til þess að á
þeim tveimur árum sem.hann ætl-
ar að leika með félaginu til viðbót-
ar takist því að vinna Evrópu-
keppni meistaraliða. Takist það og
verði Svíar Ólympíumeistarar
næsta haust verður Wislander
einn allra sigursælasti handknatt-
leiksmaður sögunnar. Auk titla
með Kiel hefur hann í þrígang
orðið heimsmeistari með Svíum,
tvísvar Evrópumeistari og silfur-
hafi á síðustu Ólympíuleikum.
Sýningarleikur í Japan
Á undanförnum árum hefur það verið liður í kynningu á NBA-
deildinni í körfuknattleik að líð úr deildinni fari út fyrir land-
steinana og leiki einn sýningarleik í upphafi keppnistímabils.
Það kom nú í hlut leikmanna Sacramento Kings og Minnesota
Timberwolves að bregða sér til Japans og leika í Tókýó. Hér á
myndinni má sjá Chris Webber, leikmann Sacramento, sem
vann leikinn 100:95, sýna hvað hann kann fyrir sér - sendir
stoðsendingu til félaga síns undir körfu Minnesota.
FRJÁLSÍÞRÓTTIR
FRI velur
Aþenuhóp
FRJÁLSÍÞRÓTTASAM-
BAND íslands hefur valið
svonefndan Aþenuhóp, úr-
valshóp ungmenna sem
stefna að þátttöku á Ólymp-
íuleikunum í Aþenu árið
2004 og hafa náð tilskildum
árangri til að það teljist
raunhæft markmið. Hópinn
skipa fimm FH-ingar. Þeir
eru Björgvin Víkingsson,
sem keppir í 400 m hlaupi,
Daði Rúnar Jónsson, í 800 m
hlaupi, Ingi Sturla Þórisson,
í 110 m grindahlaupi, Jónas
Hlynur Hallgrímsson, í
þrístökki og Silja Úlfars-
dóttir, í 200 og 400 m
hlaupi. Annað frjálsíþrótta-
fólk í hópnum eru kúlu-
varparinn Vigfús Dan Sig-
urðsson úr ÍR, kringlukast-
arinn Óðinn Björn Þor-
steinsson, einnig úr IR, Ivar
Örn Indriðaspn, 200 m
hlaupari úr Ármanni, og
Anna Margrét Ólafsdóttir úr
UFA, sem keppir í 100 m
grindahlaupi og stangar-
stökki. Öll eru þau fædd á
árunum 1981 til 1983. Hóp-
urinn er valinn til eins árs í
senn. Hann kemur saman í
fyrsta sinn í æfingabúðum á
Laugarvatni 12. til 14. nóv-
ember nk.
Enski boltinn, við erum á leiðinni
Hin ótrúlega saga um yfirtöku íslenskra fjárfesta á enska 2. deildar
knattspyrnufélaginu Stoke City verður birt á mánudag. Þar er staðfest að
ísland er orðið sterkt afl í einni af fremstu knattspyrnudeildum Evrópu.
Lestu alla söguna á www.stokecity.co.uk
FYRSTIR MEÐ FRETTIRNAR