Morgunblaðið - 13.01.2000, Blaðsíða 72

72 FIMMTUDAGUR 13. JANÚAR 2000
MORGUNBLAÐIÐ
ALLT AÐ
Frá
.2.900
peysur....2.900
◦didas skór
peysur
buxur
Ulpurfrá ..4.900
2 bolir... 990
U N D U R
FÓLK í FRÉTTUM
Þrettán ára í fremstu röð
^ELSKA söngkonan Charlotte
Church hefur vakið mikla athygli,
bæði í heimalandi sínu Bretlandi og
víðar. Ungur aldur stúlkunnar þykir
ekki spilla fyrir, en hún er aðeins
þrettán ára, en nú þegar komin í hóp
sér miklu eldri og reyndari manna í
tónlistarheiminum þegar tekjurnar
eru taldar.
A þriðjudag var birt könnun í
tímaritinu Heat í Bretlandi sem
sýndi að Charlotte er í tíunda sæti
yfir tekjuhæstu tónlistarmennina í
Bretlandi á síðasta ári, og það eru
menn á borð við þá í Rolling Stones
Elton gamli John, sem ná að hala
inn meiri tekjur á árinu.
Charlotte hefur aflað sér mikilla
vinsælda þar sem hún hefur komið
fram og hún hefur gefið út tvær plöt-
ur. Meðal aðdáenda hennar eru ekki
minni menn en Bill Clinton Banda-
rikjaforseti og Jóhannes Páll páfi,
enda var mikið sóst eftir söng henn-
ar við árþúsundaskiptin, eins og
Morgunblaðið greindi frá, en þá kaus
Charlotte að vera heldur í faðmi fjöl-
skyldunnar.
„Charlotte Church hefur vegnað
ótrúlega vel. Það voru ekki margir
sem þekktu hana fyrir rúmu ári, en
meira en 100 þúsund plötur með
söng hennar seljast nú í Bandaríkj-
unum einum í hverri viku,“ segir
Mark Frith, ritstjóri Heat.
Charlotte hlaut heimsfrægð á
einni nóttu þegar hún kom fram í
breskum sjónvarpsþætti sem hefur
að markmiði að uppgötva nýjar
stjörnur. Það var fyrir aðeins rúm-
lega ári og eftirleikurinn hefur verið
ævintýri líkastur. Samt segist Char-
lotte reyna að haga sér í samræmi
við aldur sinn og til marks um það
skammtar hún sér um tvö þúsund
krónur á viku í vasapeninga, þrátt
fyrir að tekjurnar séu gífurlegar. En
á meðan safnast peningarnir upp á
bankareikningi stúlkunnar.
í könnun Heat kom fram að með-
limir Rolling Stones eru tekjuhæstu
tónlistarmenn Bretlands og Elton
John fylgir fast í kjölfarið. Það eru
síðan Bítlarnir sem eru í þriðja sæti,
Reuters
Hér sést hin unga Charlotte Church heilsa Jóhannesi Páli páfa í heim-
sókn sinni í Vatíkanið fyrir rúmu ári.
þrátt fyrir að sú sveit sé vissulega
löngu hætt, þá eru endurútgáfur og
tekjur af sölu gamalla laga þetta
miklar. Það er því ekki leiðum að
líkjast fyrir hina ungu Charlotte
Church.
MYNDBOND
Fléttulausir
Moddarar
Moddara-gengið
(TheModSquad)
Spennumynd
★%
Framleiðendur: Ben Myron, Alan
Riche og Tony Ludwig. Leikstjóri:
Scott Silver. Handritshöfundar:
Stephen Kay, Scott Silver og Kate
Lanie. Kvikmyndataka: Ellen Kur-
as. Tónlist: BC Smith. Aðal-
hlutverk: Claire Danes, Omar Epps,
Giovanni Ribisi. (94 mín.) Banda-
ríkin. Warner-myndir, 1999. Bönn-
uð börnum innan 16 ára.
ÞAÐ er alveg á hreinu að Modd-
ara-genginu voru ætlaðir nokkuð
stórir hlutir.
Myndin skartar
ungum og upp-
rennandi stjörn-
um í aðalhlut-
verkum og hátt
var haft meðan á
gerð hennar
stóð. Síðan virð-
ist sem myndin
hafi nánast horf-
ið af sjónarsvið-
inu. Astæðan er einföld. Útkoman
stóð ekki undir væntingum.
Myndin er enn ein endurgerðin á
samnefndum sjónvarpsþáttum sem
vinsælir voru á 8. áratugnum og fjall-
ar um þrjú afbrotaungmenni sem
verðir laganna gefa tækifæri til þess
að snúa við blaðinu og veita fremur
aðstoð réttum megin við lögin.
Smám saman komast þau hins vegar
að því að þar hafa liðsmenn óhreint
mjöl í pokahorninu og línur milli
hinna góðu og illu eru ansi óljósar.
Undirritaður er ekki kunnugur
upprunalegu sjónvarpsþáttunum.
Það viðurkennist strax. Myndinni er
víst ætlað að svipa um margt til
þeirra, bæði hvað varðar meginpers-
ónur og anda. Augljóslega var reynt
að draga fram stemningu sakamála-
þátta og B-mynda 8. áratugarins,
líkt og Tarantino hefur verið upp-
tekinn við og nokkrar af nýlegum
spennumyndum hafa leitast við með
góðum árangri, samanber Hefndin
(Payback) og Úr augsýn (Out of
Sight). Hér eru hins vegar gerð þau
reginmistök að ekki er gengið alla
leið heldur flækist stíllinn fram og
aftur, er nýr og gamall í bland. Þar
að auki er sagan meingölluð. Hún er
ruglingsleg, þunn, vantar allan stíg-
anda og fléttu, sem auðvitað er nauð-
synlegt hasarmynd sem þessari.
Leikarar gera sitt besta til að bjarga
því sem bjarga má og leikstjórinn á
sína tilburði, án þess þó að afreka
nokkuð nýtt eða óvænt. Nefna verð-
ur er þó ansi lunkna tónlist BC nokk-
urs Smiths sem virkilega er þess
virði að gaumur sé gefinn.
Það sem eftir situr og vefst fyrir
undirrituðum er hvort það sé hann
sem ávallt hefur misskilið hugtakið
„Mod“, eða framleiðendur þessarar
myndar því í henni er fátt sem tengja
má þeirri lífseigu og sérstöku tísku-
menningu.
Skarphéðinn Guðmundsson