Morgunblaðið - 24.02.2000, Qupperneq 14

14 FIMMTUDAGUR 24. FEBRÚAR 2000
MORGUNBLAÐIÐ
HÖFUÐBORGARSVÆÐIÐ
Hafnarfjarðarbær ýtir af stað umfangsmiklu verkefni í upplýsingatækni
Sítenging í fjölbýlishús í aprfl
Hafnarfjörður
EITTHVERT fjölbýlishús í
Hafnarfirði, sem eftir er að
velja, fær sítengingu við Netið
í gegnum loftnet Skýrr þann
15. apríl nk. íbúar hússins
munu geta verið í stöðugu
sambandi við Netið gegn föstu
gjaldi, óháð notkun, og þurfa
hvorki að teppa símalínu
heimilisins, hringja inn í net-
þjónustu, né bíða eftir að tölv-
an keyri sig upp áður en þeir
fara á Netið; það verður alltaf
opið, með betri mynd- og
hljóðgæðum og lágmarkstíma
í efnishleðslu af vefnum í tölv-
una. Stefnt er að því að þróa
þetta kerfí áfram í áföngum
fyrir allt bæjarfélagið ef
tæknilegur og fjárhagslegur
grundvöllur leyfir.
Petta er meðal þess sem
felst í verkefninu Upplýsinga-
tækni fyrir alla, en samningur
um það var undirritaður í
Hafnarborg í gær. Þátttak-
endur í verkefninu eru Hafn-
arfjarðarbær, Opin kerfi hf.
og Skýrr hf. og sameiginlegt
markmið þeirra er að vinna að
því að hagnýta möguleika
upplýsingatækninnar til fulln-
ustu í Hafnarfirði og auðvelda
almenningi aðgengi að tækn-
inni.
Að því markmiði verður
unnið á þrennum vígstöðvum,
að sögn Jóhanns Guðna Reyn-
issonar, upplýsingastjóra
Hafnarfjarðarbæjar og verk-
efnisstjóra Upplýsingatækni
fyrir alla.
Miðstöð upplýsingatækni
í nýju bókasafni
Stefnt er að því að almenn-
ingur fái aðgang að nýjustu
upplýsingatækni, hug- og vél-
búnaði í sérstakri miðstöð
upplýsingatækni, sem stað-
sett verður í nýju húsnæði
Bókasafns Hafnarfjarðar,
Strandgötu 1, sem stefnt ér að
því að opni á næsta ári.
Jóhann Guðni sagði á fundi
þar sem verkefnið var kynnt í
gær að markmiðið væri að
miðja upplýsingatækni í
Hafnarfirði yrði á þessum
stað, þar verði glæsilegt tölvu-
ver og nokkurs konar þróun-
arsetur íyrir áhugafólk um
upplýsingatækni; „hringborð
geijunar nýjunga og framþró-
unar“, sagði Jóhann Guðni.
í öðru lagi verður gerður
miðlægur upplýsinga- og
þjónustuvefur á Netinu fyrir
bæjarfélagið, einstaklinga,
fyrirtæki og stofnanir í Hafn-
arfirði auk annarrar opinberr-
ar þjónustu með það að
markmiði að gjörnýta þá
möguleika Netsins, sem þegar
eru komnir fram og kunna að
koma fram, til hagsbóta fyrir
starfsmenn bæjarins, bæjar-
búa, atvinnurekendur og aðra
viðskiptamenn bæjarsjóðs.
Allsherjarvefur fyrir
Hafnfirðinga
1. september 2000
Vinnuheiti vefjarins er
uta.is og sagði Jóhann Guðni
stefnt að því að vefurinn
gjörnýti möguleika Netsins
fyrir alla; stjórnsýslu, mark-
aðsmál, fyrirtæki, félög, stofn-
anir og einstaklinga. Jóhann
Guðni sagði að fyrir frum-
kvæði Frosta Bergssonar, for-
stjóra Opinna kerfa, hefði ver-
ið ákveðið að taka mið af
vefnum Singapore One, sem
er allsheijarvefur fyrir íbúa
Singapúr. Efni vefjarins yrðu
tengingar við fréttir, afþrey-
ingu, verslun og viðskipti,
nám og jafnvel myndavéla-
kerfi þar sem hægt er að fylgj-
ast með umferð um borgina.
Stefnt er að því að á uta.is
geti sem flestir sinnt sem
flestum erindum sínum gegn-
um Netið gagnvart bæjarfé-
laginu, fyrirtækjum og ríkis-
stofnunum í bænum. Ahersla
verður lögð á gagnvirka
möguleika. „Vefurinn á að
vera hagnýtur fyrst og
fremst," sagði Jóhann Guðni
en í aðgerðaáætlun með samn-
ingnum frá í gær kemur iram
að þann 1. september næst-
komandi eigi að opna vefinn.
Þriðji þátturinn í sam-
starfssamningnum snýr að
gagnaflutningum. Þar kemur
fram að í bænum verður sett
upp dreifikerfi til gagnaflutn-
inga með örbylgjutækni, fyrst
í eitt fjölbýlishús í bænum í
samráði við íbúa þess og ef
tæknilegur og fjárhagslegur
grundvöllur leyfir, verði kerf-
ið þróað áfram í áföngum fyrir
bæjarfélagið í heild sinni.
Öflugt og öruggl gagna-
flutningsnet
Jóhann Guðni sagði ekki
ákveðið hvaða fjölbýlishús
yrði fyrir valinu. „En ég vona
að kynningin á verkefninu
skili okkur bestu blokkinni,“
sagði Jóhann Guðni og kvaðst
ekki í vafa um að húsfélög í
bænum myndu sýna mikinn
áhuga á að verða fyrir valinu í
því sambandi.
Samkvæmt samningi aðil-
anna er markmiðið að byggja
Morgunblaðið/Golli
Hreinn Jakobsson, forsljóri Skýrr, Magnús Gunnarsson, bæjarstjóri í Hafnarfirði og Frosti
Bergsson, forstjóri Opinna kerfa, voru glaðbeittir við undirritun samstarfssamningsins
í gær.
Morgunblaðið/Golli
Jóhann Guðni Reynisson, upplýsingasljóri
Hafnarfjarðarbæjar, er verkefnissfjóri
Upplýsingatækni fyrir almenning og for-
göngumaður um undirbúning verkefn-
isins.
upp öflugt og öruggt gagna-
flutningsnet í Hafnarfirði
þannig að notendur UTA-vefj-
arins og miðstöðvar upplýs-
ingatækni njóti ávallt bestu
möguleika varðandi hraða og
þjónustu gegnum margvís-
lega eiginleika upplýsinga-
tækninnar í hljóði, texta og
mynd auk samtímanotkunar
síma, Nets og annarra hugs-
anlegra miðla, svo sem sjón-
varps. Eftir að tOraunaverk-
efni er lokið verði framhaldið
ákveðið í ljósi reynslunnar og,
ef svo ber undir, gerður fram-
kvæmdasamn-
ingur um fram-
hald verkefn-
isins.
Jóhann
Guðni sagði að
Loftnet Skýrr
væri fyrsta
skrefið í
gagnaflutning-
um samkvæmt
verkefninu en
menn muni sjá
hver þróunin
verði. Loftnet-
ið nýtist sér-
staklega vel í
eldri hverfum,
sem gjarnan
verði útundan
meðan breið-
bandstækni
komist í ný
hverfi með
ljósleiðaravæð-
ingu.
I kynningu
Jóhanns
Guðna á verk-
efninu kom
fram að meðal þeirra mögu-
leika sem hugsanlegt sé að
það geti falið í sér séu rekstur
innhringiþjónustu og netþjón-
ustu fyrir bæjarfélagið.
Markmiðið sé að Hafnarfjörð-
ur verði í fremstu röð sveitar-
félaga og leiði þróunina í upp-
lýsingatækni í sveitarfélögum.
Með því að allir Hafnfirðingar
hefðu tölvupóst hjá uta.is yrði
auðvelt íyrir bæjarfélagið að
koma til þeirra upplýsingum
og skilaboðum.
„Við teljum okkur hafa for-
ystu meðal sveitarfélaga í
upplýsingatækni og vera á
undan þróuninni. Við höldum
ekki í við fyrirtækin en höfum
verið í forystu meðal sveitar-
félaga og það er það sem okk-
ur langar til að gera. Okkar
metnaður er að gera vel við
bæjarbúa og þetta er hluti af
því,“ sagði Jóhann Guðni
Reynisson.
Samningurinn, sem undir-
ritaður var í gær er samstarfs-
samningur um það markmið,
sem stefnt er að, en eftir er að
semja um framkvæmd ein-
stakraverkþátta.
Hafnarfjarðarbær leggur
til starf verkefnisstjóra og
kostar þann hluta undirbún-
ingsvinnu sem þegar hefur
farið fram og fyrirsjáanlegur
er. Einnig leggur hann til hús-
næði og aðstöðu miðstöðvar
upplýsingatækni, sem verður í
Islandsbankahúsinu við
Strandgötu, starfsmann mið-
stöðvarinnar og starf við
grunnumsjón með UTA-vefn-
um. Þá mun bærinn hafa for-
göngu um kynningu verkefn-
isins og virkja bæjarbúa til
þátttöku.
Skýrr mun setja upp dreifi-
kerfi fyrir gagnaflutningana
til að unnt verði að veita mesta
flutningshraða hverju sinni.
Einnig mun Skýrr taka þátt í
tæknilegu þróunarstarfi og
úrlausnum varðandi gagna-
flutningskerfið og Netið.
Opin kerfi munu taka þátt í
tæknilegri úrvinnslu við þró-
unarstarfið og tækna- og
tæknivæðingu með umfangs-
miklu þekkingarneti margvís-
legra fyrirtækja sem eru í
samstarfi við eða í eigu Op-
inna kerfa.
Ibúum gæti
fjölgað um
100.000 á
næstu ára-
tugum
Höfuðborgarsvæðið
NÝLEG spá um þróun fólks-
fjölda á höfuðborgarsvæðinu
annars vegar og landinu öllu
hins vegar gerir ráð fyrir að
fólki á höfuðborgarsvæðinu
geti fjölgað um allt að 105.000
manns fram til ársins 2050, sé
miðað við mannfjölda árið
1997. Þessi spá er miðuð við
hámarksfjölgun, en lágmarks-
fjölgun gerir ráð fyrir fjölgun
upp á 70.000 manns, þannig að
gera má ráð fyrir að fjölgun
íbúa á höfuðborgarsvæðinu
næstu 50 árin verði á bilinu 70-
100.000 manns.
Þær forsendur og reikniað-
ferðir sem notaðar eru í spánni
gefa bæði hámarks- og lág-
marksspá um þróun mann-
fjölda. Samkvæmt lágmarks-
spá mun fólki fjölga úr 163.400
manns árið 1997 í 232.300
manns árið 2050, en sam-
kvæmt hámarksspá verða
íbúar höfuðborgarsvæðisins
þá orðnir 269.200.
Hlutfall íbúa á höfuðborg-
arsvæðinu fer stigvaxandi
Spáin gerir ráð fyrir því að
árið 2032 verði íbúar höfuð-
borgarsvæðisins orðnir
240.000 en íbúar á landinu öllu
verði 331.000. Þá verður hlut-
fall íbúa höfuðborgarsvæðisins
orðið nímlega 70% miðað við
fjöldann í landinu öllu, en árið
1997 var fólksfjöldinn þar 60%
af heildarfjölda landsmanna.
Það hlutfall hefur farið stig-
vaxandi frá öndverðri 20. öld,
frá því að vera um 20% árið
1910, og mun halda áfram að
vaxa samkvæmt spánni.
Fyrirtækið Nesplanners
vann þessa spá vegna vinnu við
svæðisskipulag á höfuðborgar-
svæðinu. Búið var til spálíkan
sem byggist á fjölda og aldurs-
uppbyggingu íslendinga 31.
desember 1997, aldurstengdri
frjósemi 1986-1997 og dánai'-
tíðni 1981-1997. Gert er ráð
fyrir að spáin sé nokkuð ná-
kvæm þegar spáð er fá ár fram
í tímann. Sé hins vegar horft á
lengra tímabil, t.d. 25 ár, inn-
heldur spáin böm mæðra sem
ekki eru fæddar sjálfar og
möguleikinn á skekkju vex því
umtalsvert. Ýmsa þætti er
einnig erfitt að meta til fram-
tíðar, eins og afstöðu fólks til
bameigna, efnahagsleg skil-
yrði, náttúmhamfarir, fram-
farir í tækni og vísindum og af-
stöðu stjómvalda.
Farið verður yfir umkvartanir
vegna matar á elliheimili
Morgunblaðið/Ásdís
fbúar elliheimilisins við Lönguhlíð eru dánægðir með
breytingar á matnum sem þar er í boði.
Hlíðar
HELGI Hjörvar, formaður
félagsmálaráðs Reykjavíkur,
segir tilefni til að fara sér-
staklega yfir umkvartanir
íbúa elliheimilisins við
Lönguhlíð yfir matnum, sem
þar er framreiddur frá eld-
húsi Félagsþjónustunnar við
Vitatorg.
í Morgunblaðinu í gær
birtist grein eftir Guðrúnu
Pálsdóttur, íbúa elliheimilis-
ins við Lönguhlíð, þar sem
hún segir að heimilisfólk og
aldraðir í nágrenninu hafi
þar til á síðasta ári getað
keypt sér góðan, heitan
heimilismat í hádeginu, sem
allir hafi verið ánægðir með.
Síðastliðið vor hafi Félags-
þjónustan bannað að eldhús-
ið á staðnum væri notað en
látið senda verksmiðjumat
utan úr bæ, með þeim af-
leiðingum að nú borði á
staðnum þriðjungur þess
fjölda sem áður var.
„Það er mínum skilningi
ofvaxið að borgin tapi svo
miklu á því að láta elda hér í
þessu fína eldhúsi, svo að
þetta gamla fólk hér, sem
flest er um nírætt og eldra,
megi fá eina góða, heita
máltíð á dag,“ segir í grein
Guðrúnar. „Ég þurfti að
liggja á Landspítalanum í
tíu daga í janúar í vetur.
Mér fannst maturinn þar
vera veislumatur samanbor-
ið við það sem við gamlingj-
arnir fáum hér,“ segir enn-
fremur.
Helgi Hjörvar sagði í
samtali við Morgunblaðið í
gær að Félagsþjónustan
hefði átt fund með íbúum í
haust vegna umkvartana og
þar hefði verið ákveðið að
ráðast í ýmsar úrbætur. „En
í ljósi þessara nýjustu um-
kvartana mun Félagsþjón-
ustan hitta íbúana aftur og
fara yfir þetta því að allar
athugasemdir og ábending-
ar neytenda félagsþjónust-
unnar eru auðvitað teknar
til athugunar," sagði Helgi.
„Við erum núna með í undir-
búningi neytendakönnun
meðal eldri borgara í öllum
þjónustumiðstöðvunum um
matinn til þess að fá fram
þá ánægju og óánægju sem
kann að vera að finna með
hann og ábendingar um það
sem þarf úr að bæta.“
Helgi sagði að það hefði
legið að baki flutningi eld-
hússins úr Lönguhlíð á Vita-
torg að þróunin hefði verið
sú í þjónustumiðstöðvum
borgarinnar að eldhúsin á
hverjum stað breyttust í
framreiðslueldhús. Matur-
inn kemur til allra þjónustu-
miðstöðva frá eldhúsinu við
Vitatorg. „Við erum ekki að
tala um að fólk fái nú
bakkamat; maturinn er
framreiddur eins og áður en
er ekki eldaður á staðnum,“
sagði Helgi.
Helgi segir að sparnaður-
inn í Lönguhlíð næmi 6
milljónum á ári og hafi sú
fjárhæð verið notuð til að
auka matarþjónustu á öllum
tímum dags og um helgar.
Helgi sagði að kvartanir
vegna þessara breytinga
hefðu fyrst og fremst komið
frá íbúum við Lönguhlíð en
síður frá íbúum og neytend-
um þjónustu annarra þjón-
ustumiðstöðva. „Það gefur
auðvitað okkur tilefni til að
fara sérstaklega ofan í um-
kvartanirnar þaðan,“ sagði
Helgi.
Hann sagði að þríþætt
markmið hefðu ráðið því að
talið var rétt að allur matur-
inn yrði eldaður við Vita-
torg: rekstrarleg markmið,
sem miðuðu að lækkun
rekstrarkostnaðar; markmið
um innkaup, en litlu eldhús-
in hefðu keypt inn á mis-
munandi verði í mörgum til-
vikum. Þá hefði það fylgt
þessari nýbreytni að nær-
ingarfræðingar eru nú með í
ráðum um þann mat sem í
boði er.