Morgunblaðið - 06.04.2000, Page 12

12 FIMMTUDAGUR 6. APRÍL 2000
FRETTIR
MORGUNBLAÐIÐ
Skaftá
gefur vel
SJÓBIRTINGSVEIÐI hefur
glæðst á Suðurlandi eftir að hlýn-
aði en viðbúið er þó að vatnsborð
ánna verði óstöðugt á næstunni.
Vel getur veiðst í Skaftá sjálfri
við þessar aðstæður og sagði Þor-
steinn Gíslason bóndi á Nýjabæ í
samtali við Morgunblaðið að veiði í
ánni hefði verið góð fyrir landi
Nýjabæjar og Hæðargarðs, en
veitt er á eina stöng á hvoru svæði.
„Það var erfitt um helgina, það
var svo kalt, en það fór samt eng-
inn fisklaus úr ánni. Það voru hér
menn bæði á laugardag og sunnu-
dag og þeir fengu að ég held 6 eða
7 fiska, 4 til 6 punda. Síðan hlýnaði
og menn hafa verið að taka
skammtinn, fimm á stöng, eftir
það. Það hafa veiðst upp í 7-8
punda fiskar. Menn sem veiða hjá
mér eru mest að nota flugu, sem er
mjög gott. Hún er gott veiðitæki,
ef hún er notuð er auðvelt að
sleppa hrygningarfiskinum og
menn gera það í vaxandi mæli.
Menn finna það auðvitað að það er
einskis virði að hirða slíkan fisk og
hann er betur geymdur lifandi í
Morgunblaðið/Stefán Á.Magnússon.
Bræðurnir Guðmundur Orri
og Magni Þór Konráðssynir
með aflann sinn.
ánni,“ sagði Þorsteinn.
Þorsteinn bætti því við að menn
hefðu aðeins rennt í Nýjalón, en
inn í það fellur oft úr Skaftá þegar
klakahrannir hækka vatnsborðið. í
Nýjalóni eru eftirlegubleikjur frá
síðasta sumri og sjóbirtingar sem
leita þangað í vatnavöxtum. „Menn
voru aðeins að renna þar og fengu
bleikju, fallega fiska, alveg upp í
4-5 pund. Þegar ferðamannatím-
inn byrjar sleppum við svo miklu
af eldisbleikju í lónið og það nýtur
mikilla vinsælda," sagði Þorsteinn.
Gott gengi á dorgveiðimóti
Nýlega stóð Stangaveiðifélag
Reykjavíkur fyrir dorgveiðimóti
barna og unglinga á Reynisvatni
og að sögn Stefáns Á. Magnússon-
ar, umsjónarmanns þarna- og
Morgunblaðið/Stefán Á-Magnússon
Jóhanna Þórný Bergsdóttir
með veiði sína.
unglingastarfs félagsins, heppnað-
ist mótið afar vel. „Það tóku alls 30
börn þátt í mótinu og það var íjöl-
menni á svæðinu, því talsvert af
nánum aðstandendum fylgdi veiði-
görpunum. Það veiddist alls 71
fiskur, sem er metveiði á dorg-
veiðimótum okkar. Mest voru
þetta regnbogar, en einnig nokkr-
ar bleikjur. Að venju voru veitt
verðlaun fyrir afrek við vakirnar,
Jóhanna Þórný Bergsdóttir vann í
stúlknaflokki fyrir stærsta fiskinn,
1,5 punda, en þeir Vignir Már
Lýðsson og Rannar Carl Tryggva-
son voru jafnir í drengjaflokki með
2 punda fiska. Þá voru þeir bræður
Guðmundur Orri og Magni Þór
Konráðssynir með mesta aflann,
15 silunga,11 sagði Stefán Magnús-
son.
Söfnunarátak RKÍ fyrir uppbygg-
ingu eftir flóöin í Mósambfk
Fá má mikilvæg
hjálpargögn fyrir
litlar fjárhæðir
RAUÐI kross íslands mun standa
fýrir söfnunarátaki fyrir hjálparstarf
í Mósambík á morgun, föstudag. Rás
2 verður með útsendingu helgaða
söfnuninni frá klukkan 9 til 18 og
verður tekið við framlögum í síma
568-7123. Einnig er tekið við framlög-
um á heimasíðu RKI, www.redki’oss-
.is.
Söfnunarfénu verður varið til að-
stoðar við uppbyggingu á svæðinu en
gríðarleg eyðilegging hefur átt sér
stað vegna flóðanna sem þar dundu
yfir fyrir skömmu. Hannes Birgir
Hjálmarsson, markaðsfulltrúi RKÍ,
segir mikla þörf á aðstoð á þessu
svæði og að það megi fá mikið magn
af mikilvægum hjálpargögnum fýrir
litlar fjárhæðir. Til dæmis kosti salt-
vatnsupplausn, sem getur bjargað lífi
bams með niðurgangspest, um 50 til
75 krónur og þannig sé hægt að
bjarga M hundrað veikra barna fýrir
5.000 til 7.500 krónur. Teppi fyrir tíu
manns kosti um 2.500 krónur, plast-
dúkar sem veiti tíu fjölskyldum skjól
mn 7.000 krónur og uppsetning
vatnsbóls sem útvegi 3.000 manna
þorpi hreint vatn til frambúðar kosti
um 105.000 krónur.
Guðmundur Sigurðsson, forstöðumaður samkeppnissviðs Samkeppnisstofnunar
Stofnunin hafði ekki afskipti
af hækkun Landssímans
GUÐMUNDUR Sigurðsson, for-
stöðumaður samkeppnissviðs Sam-
keppnisstofnunar, segir ekki rétt að
Samkeppnisstofnun hafi haft af-
skipti af hækkun Landssímans af
GSM-álagi, eins og greint var frá í
Morgunblaðinu í gær. Guðmundur
segir að um alvarlegar rangfærslur
sé að ræða. í sama streng tekur Páll
Þór Jónsson, framkvæmdastjóri
Frjálsra fjarskipta. Hann segir
greinilegt að Landssíminn vilji
koma ábyrgðinni af hækkun gjalds-
ins yfir á aðra.
í frétt Morgunblaðsins á baksíðu í
gær var sagt að Samkeppnisstofnun
hafi í bréfi til Landssímans gefið til
kynna að svo kunni að fara að stofn-
unin beiti fyrirtækið sektum hækki
það ekki álag á millilandasímtöl úr
GSM-símum í tengslum við kvörtun
Frjálsra fjarskipta.
Málinu ólokið
Guðmundur segir að Samkeppn-
isstofnun hafi ekki beint neinum fyr-
irmælum eða tilmælum til Lands-
símans um að hækka GSM-álag
vegna máls Fijálsra fjarskipta,
enda sé því máli ólokið.
Hann vísar til þess að Samkeppn-
isstofnun hafi í febrúar sl. borist er-
indi frá Frjálsum fjarskiptum, þar
sem þess var krafist að GSM-deild
Landssímans verði á grundvelli
samkeppnislaga gert skylt að bjóða
þeim símnotendum sem hringja til
útlanda í gegnum útlandagátt
keppinauta Landssímans sömu kjör
og bjóðast ef hringt er til útlanda í
gegnum Landssímann. Fyrirtækið
hafi bent á að þegar hringt væri úr
GSM-síma frá Landssímanum til út-
landa gegnum Frjáls fjarskipti bæt-
ist 13-18 kr. álag á mínútu ofan á
venjulegan kostnað við símtalið.
Hins vegar bætist aðeins 7,47 kr. á
mínútu þegar hringt væri til útlanda
gegnum millilandagátt Landssím-
ans. Þetta hefðu forsvarsmenn
Frjálsra fjarskipta talið að væri
samkeppnishamlandi og grófa mis-
munun á milli útlandasímaþjónustu
Landssímans og Frjálsra fjarskipta.
„Samkeppnisstofnun barst síðan
afrit af bréfi Landssímans til
Frjálsra fjarskipta í framhaldi af
fundi fyrirtækjanna, en þar tilkynn-
ir Landssíminn um hækkun GSM-
álags úr 7,47 kr. upp í 12,50 kr. á
mínútuna. Þessa ákvörðun tók
Landssíminn án nokkurra afskipta
Barnaverndarnefnd
Staða framkvæmda-
stjóra auglýst
AUGLÝST hefur verið laust til um-
sóknar starf framkvæmdastjóra
Barnaverndamefndar Reykjavíkur
í samræmi við þá ákvörðun Reykja-
víkurborgar að stofna sérstaka
skrifstofu barnavemdarmála, sem
tekur formlega til starfa 1. sept.
nk.
Markmiðið með stofnun skrifstof-
unnar er m.a. bætt málsmeðferð og
aukin sérhæfing í vinnslu erfiðra og
flókinna bamavemdarmála.
Framkvæmdastjóra verður m.a.
ætlað að hafa yfirumsjón með
barnaverndarstarfi í Reykjavík í
samráði við Bamavemdamefnd og
sinna daglegri rekstrarstjórnun og
faglegu starfi.
Umsóknarfrestur er til 17. apríl
nk.
Samkeppnisstofnunar, enda hefur
erindi Frjálsra fjarskipta aðeins
hlotið hefðbundna stjórnsýslumeð-
ferð. Það þýðir að leitað var um-
sagnar Landssímans um málið og
honum greint frá því að brot fyrir-
tækja á samkeppnislögum eða
ákvörðunum gætu varðað viðurlög-
um, t.d. beitingu stjórnvaldssekta.“
Guðmundur segir að slík tilkynn-
ing sé í samræmi við stjórnsýslulög
um andmælarétt og sé í fullu sam-
ræmi við hefðbundin vinnubrögð
samkeppnisyfirvalda. í þessu hafi
því ekki á nokkurn hátt falist úr-
skurður um háttsemi Landssímans.
Guðmundur segir að málinu sé
ekki lokið, en ítrekar að Samkeppn-
isstofnun hafi engin afskipti haft af
hækkun Landssímans, enda liggi
ekkert fyrir um að fyrirtækið hafi
brotið gegn samkeppnislögum. Því
sé rangt hjá upplýsingafulltrúa
Landssímans að halda því fram að
Samkeppnisstofnun hafi gefið í skyn
að fyrirtækið yrði sektað ef gjald
þess hækkaði ekki frekar.
„Um er að ræða grófar og alvar-
legar rangfærslur af hálfu Lands-
símans í þessu máli sem við hljótum
að harma, ekki síst þar sem stofnun-
in átti nýlega fund með Landssím-
anum vegna málsins. Landssíman-
um er því fyllilega kunn staða
málsins og talsmaður fyrirtækisins
tjáði sig því gegn betri vitund í frétt
Morgunblaðsins," sagði Guðmund-
ur.
Undrandi á ummælum
Páll Þór Jónsson, framkvæmda-
stjóri Frjálsra fjarskipta, segir að
sig hafi undrað mjög ummæli upp-
lýsingafulltrúa Landssímans. Sjálf-
ur segist hann ekki hafa farið fram á
þessa hækkun; hún sé alfarið runnin
undan rifjum Landssímans.
„Við viljum einfaldlega fá þjón-
ustuna á sama verði og undirdeild
Landssímans," segir Páll Þór. „Það
er ekki nema eðlileg krafa og þess
vegna sendi ég Samkeppnisstofnun
erindi. Skömmu síðar fór Landssím-
inn fram á viðræður um málið. Þar
kom fram að forráðamenn fyrirtæk-
isins viðurkenndu að um óeðlilega
mismunun væri að ræða. Það næsta
sem ég vissi var að Landssíminn
hækkar gjaldið upp í 12,50 og gerir
ekkert til að jafna aðstöðuna fyrir
okkur. Þetta var í engu samræmi við
fundi fyrirtækjanna, enda var ég
ekki á höttunum eftir hækkun, ég
vildi jöfn tækifæri eins og reglur
kveða á um,“ segir hann.
Sigríður Guðmundsdóttir er stödd
í Mósambík og vinnur þar að hjálpar-
starfi á vegum Rauða krossins. Hún
segir ástandið í þeim héröðum sem
hún hefur ferðast um afar slæmt.
„Það sem mér finnst mest sláandi
er þessi algjöra eyðilegging sem blas-
ir við. Mér finnst þetta vera stærra
og meira en ég gerði mér grein fyrir
áður en ég kom. Húsin, sem byggð
eru úr leir og pínulitlu sementi, þola
ekki þessa bleytu og molna hreinlega
niður,“ segir Sigríður. Hún segir að
skólar og sjúkrahús í flestum þorpum
séu meira og minna ónýt og að vatns-
ból séu að miklu leyti menguð.
„Við sáum sjúkrahús þar sem rúm-
in voru komin út á hlað í mold og
drullu og ekki eitt einasta tæki var
heilt. Það sem er þýðingarmest núna
er að koma heilbrigðismálum og
vatnsmálum í lag. Það þarf að búa til
nýja brunna og hreinsa þá brunna
sem fyrir eru.“
Fólk styður hvert annað og ein-
beitir sér að því að byggja upp
Sigríður segir sjálfboðaliðar Rauða
krossins fari á milli þorpa og hreinsi
menguð vatnsból og grafi fyrir nýjum
brunnum. Rauði krossinn reki líka
sjúkrastöðvar þar sem lágmar-
kslæknisþjónusta sé veitt og þar sé
einnig reynt að vera með fyrirbyggj-
andi aðgerðir gegn hættulegum sjúk-
dómum.
„Það er reynt að fræða fólk um
hvemig er hægt að koma í veg fyrir
alla þessa skelfilegu sjúkdóma sem
eru að koma upp eins og til dæmis
kóleru og malaríu. Þegar allt er svona
á floti verður malarían mjög skæð.
Hún smitast með moskítóflugum og
reynt er að fyrirbyggja útbreiðslu
hennar með því að dreifa moskítónet-
um til fólks og eitra fyrir flugum.“
„Samkenndin hjá fólkinu er mikil,
aðrir þorpsbúar hjálpa þeim sem
hafa misst allt sitt. Fólk þarna býr við
svo mikil harðindi að öllu jöfnu og
samfélagið er þannig gert að fólk tek-
ur sig saman og styður hvert annað.“
Sigríður segir að vissulega hafi marg-
ir gengið í gegnum um skelfilegar
hörmungar en almennt sé hugarfar
fólks það að gráta ekki um of það sem
horfið er heldur einbeita sér að því að
byggjaupp.
Yfírlýsing frá
Skjá einum
MORGUNBLAÐINU hefur bprist
eftirfarandi yfirlýsing frá Árna
Þór Vigfússyni, sjónvarpsstjóra
Skjás eins:
Aðstandendur íslenska útvarps-
félagsins, Stöðvar 2, fara vísvit-
andi með ósannindi um forsögu og
framvinduþess máls þegar auglýs-
ingar frá Islenska sjónvarpsfélag-
inu, Skjá einum, voru að tilefnis-
lausu settar í kerfisbundna
frystingu um vikutima, þá viku er
dagbókarkönnun Gallup var í
gangi.
Forsaga þessa sérstæða máls er
sú að Skjár einn birti auglýsingar
á Stöð 2 á miðvikudegi og fimmtu-
degi (22. og 23. mars), en var síðan
tilkynnt á föstudegi (24. mars) að
frekari birtingar á Stöð 2 væru í
frystingu þar sem að íslenska
Sjónvarpsfélagið hafði „vanefnt“
greiðslu til íslenska útvarpsfé-
lagsins. Þessi tíðindi komu stjórn-
endum íslenska sjónvarpsfélagsins
í opna skjöldu þar sem ekki var
vitað til þess að umrædd greiðsla
væri annað en hefðbundinn
útistandandi reikningur.
Nokkrum mínútum eftir að Is-
lenska sjónvarpsfélaginu var til-
kynnt á föstudeginum um „van-
efnda“ greiðslu við íslenska
útvarpsfélagið þá greiddi það
skuld sína með rentu, tilkynnti það
auglýsingastjóra Stöðvar 2 og inn-
heimtudeild og bjóst við að málið
væri þar með snarlega úr sögunni,
enda augljóslega um misskilning
að ræða.
Þrátt fyrir að íslenska sjón-
varpsfélagið hafi greitt útistand-
andi reikning sinn um hæl sá Stöð
2 ekki ástæðu til að birta auglýs-
ingar Skjás eins í heila viku eftir
það, þ.e. alla könnunarvikuna.
Tekið skal fram að ítrekaðar til-
raunir voru gerðar til að fá auglýs-
ingarnar birtar.
Að ofangreindu má sjá að títt
nefnd „vanefnd" greiðslu íslenska
Sjónvarpsfélagsins, Skjás eins, við
íslenska útvarpsfélagið, Stöð 2,
getur einungis verið tylliástæða
fyrir því að birta ekki auglýsingar
Skjás eins.